Қойлардың он екі елі, аш және мықын ішектеріндегі лимфа ағысының гистологиялық құрылымы және ірі қара малдың тік ішек арқылы дене температурасын өлшеу әдісі

Кілегелейлі қабықтармен лимфаның түйіндерін зерттеу. Малдың дене қызуын анықтау Орындаған: Кереева Ү. ВС 315

Кіріспе

Қазіргі уақытта клиникалық лимфология, оның ішінде лимфа ағысын, лимфостимуляторлық және эндолимфалық әдістермен қатар, көптеген ауру сипатын анықтау мен емдеу кезінде қолданылатын лимфотроптық терапия өте қарқынды дамуда.

Қойларды жарып-сою кезінде алынған он екі елі ішек, ашішек және мықынішектен тұратын 7 кешенді мүшелерді Героттың көк массасының интерстициальдық инъекциясы, гематоксилин-эозинмен және Ван Гизон бойынша бояу әдісі арқылы дайындалған жаппай ағартылған препараттар мен гистологиялық кесінділерден лимфа ағысының ішкі мүшелік тізбегі анықталды. Ертеде алынған Д. А. Жданов, А. В. Борисов сияқты бірқатар авторлардың және қазіргі біздің зер- ттеу нәтижелеріміз бойынша алған ащы ішектің ішкімүшелік лимфа ағынының құрылысы туралы мәліметтерге сүйенсек: он екі елі, аш және мықын ішектерінің қабырғасындағы архитектоникасына сай, лимфа ағыны тізбегі лимфаны ішектің қабырғасының терең және беткей қабаттарынан әкететін, ішек бүрлерінің орталық лимфа тамырларынан, яғни торлана орналасқан ішектің кілегей, кілегейасты негізі, етті, сірлі қабықасты, сірлі қабаттарының лимфа капиллярларынан, сонымен қатар екі негізгі- кілегейасты және сірлі қабықасты лимфа та- мырларынан тұрады

Біз зерттеу барысында, ең алдымен, ащы ішек қабырғасының терең қабатында орналасқан лимфа капиллярларының микрото- пографиясына, олардың бездермен өзара байланысына назар аудардық. Сонымен қатар, осы орайда он екі елі ішек қабырғаларында лимфа ағынының, әсіресе, асқазаннан он екі елі ішекке өтетін тұсындағы құрылысы күрделі екенін атап кеткен жөн. Бұл бөлікте лимфа ка- пиллярларын инъекциялаған кезде қиындық тудырады, сәтті инъекцияланған препараттарда асқазаннан он екі елі ішекке өтер тұста кілегейлі және кілегейасты қабықтың лимфа капиллярлары торларының бір мүшеден екіншісіне ауысуы өте жақсы көрінеді. Он екі елі ішектің кілегей қабығындағы лимфа капиллярлары бүрлердің орталық лимфа тамырлары мен тегіс орналасқан лимфа капиллярларының торымен ажыратылады. Капиллярлардың диаметрі 25-30 мкм, ал ішек бүрлерінің орталық лимфалық тамырлары, әсіресе, тұйық тұстары сәл үлкенірек болып келеді.