Басты себеп - қоршаған орта ахуалының нашарлығы

Студенттің өзіндік жұмысы Ерлер денсаулығын сақтау. Бедеулік

Еліміздегі ер-азаматтардың денсаулығы жылдан-жылға құлдырап барады. Бізде азаматтардың орташа өмір сүру ұзақтығы 60-62 жасты құрайды. Бұл әйелдерге қарағанда 10-12 пайызға төмен. Әлгіндей айырмашылық өзге дамыған елдерде 5 пайыздан аспайтын көрінеді. Ал ерлер арасында обырға шалдығып қайтыс болу көрсеткіші әйелдерге қарағанда екі есе жоғары екен. Бұған қоса, зерттеулер ұл нәрестелердің өлім-жітімі сәби қыздардан үш есе артықтығын дәлелдеген. Соңғы бес жылда еркек жыныс безі обырынан қайтыс болушылардың саны сүт безі обырынан қайтыс болушылармен салыстырғанда екі есе артып отыр

Статистика мәліметтеріне сүйенсек, бүгінде ерлердің өмір сүру ұзақтығы әйелдерге қарағанда 10 пайызға төмендеген. 75 жасқа қарай ерлер арасында қатерлі ісікке шалдығып, қайтыс болудың көрсеткіші әйелдерге қарағанда екі есе жоғары. Туылған нәресте ұлдардың өлім-жітімі қыздарға қарағанда үш есе жоғары. 1950 жылдан 1990 жылға дейін өзін-өзіне қол салу, қастандықпен және жазатайым оқиғадан қайтыс болған өлімнің 70-80 пайызы ерлердің үлесіне тисе, жыл сайын әлем бойынша 25000-нан аса ер адам өз-өзіне қол салатын көрінеді. Ерлер әйелдерге қарағанда дәрігерлерге үш есе аз көрінетіндіктен, олардың арасында ауруды ерте кезеңінде анықтау көрсеткіші төмен болып отыр. Олар жүректің ишемиялық ауруына әйелдерге қарағанда үш есе жиі, ал қант диабетіне алты есе жиі шалдығады. Соңғы бес жылда жыныс безі обырынан қайтыс болу сүт безі обырынан қайтыс болуға қарағанда екі есе өскен

Бедеулік. Кейбір ерлер мен әйелдер бала сүю үшін қолдан келгендерінің бәрін істеп бақса да, нәтиже болмайды. Жүктілік басталмай қояды. Мұндай жағдайда не еркектің, не әйелдің бедеулік зардабына ұрынғаны анық. Көбіне мұндайда оларға ештеңе де көмектеспейтіні сөзсіз, әйтсе де кейбір себептерге байланысты жағдайдың оңғарылып кетуі де ғажап емес.

Уролог мамандар дабыл қағуда. Қазақстанда белсіздік белең алып барады.

Еліміздегі әрбір жүз отбасының 20-сы бір перзентке зар болып жүр. Басты себеп - қоршаған орта ахуалының нашарлығы.

Тағы бір себеп - дер кезінде дәрігерге көрінбейтіндер көп. "Демек, Қазақстан халқы санының соңғы он жылда көңілдегідей өспеуінің бір себебін осыдан іздеген жөн", - дейді, уролог мамандар.

Олар белсіздікке шалдығудың төрт себебі бар екендігін айтады. Бірінші суық тию, яғни простатит сынды аурулар

Бедеуліктің себептері

Ұрықсыздық. Кейбір адамның организмі өмір бойы бала жасай алмайтындай боп қалыптасады, яғни мұндай жандар тумысынан ұрықсыз болып жаралады.

Әлсіздік немесе тамақтанудың жетімсіздігі. Кейбір әйелдерде қаны аздық тамақтың аздығы немесе организмде иод қоспасының жетімсіздігі оны жүкті боп бала көтеру мүмкіндігінен айырады. Осындай себептерге байланысты әйел өзінің жүкті боп қалғанын сезініп үлгергенше, түсік тастайды. Бала көтере алмай жүрген және түсік тастауға бейім әйелдер дұрыс тамақтанып, иодталған түзды күнделікті аста көбірек пайдаланғаны жөн, ал мүлдем қан аздық жағдайында (анемия), темір қоспалы дәрілер ішу керек. Бұл оның екіқабат боп, дені сау бала көтеруіне қолайлы жағдай туғызады.

Созылмалы инфекция, бұл, әсіресе, жамбастың қабынып ісінуіне қатысты болады да, әйелдің бала көтере алмауына әкеп соқтырады. Егер ауру асқынып кете қоймаған жағдайда, оны емдеп жазуға болады. Соз бен хламидия ауруының алдын-алу және оны кешеуілдетпей емдеп, жазу әйелдің ұрықсыздығын болдырмаудың бірден-бір кепілі.

Ер адамдардың кейбірде әйелдерді ұрықтандыра алмайтын жағдайлары да кездеседі, мұның себебі олардың организмінен жасалып, жинақталып шығатын шәуһеттің (сперматозоидтың) көлемі тиісті мөлшерден аз болады. Мұндай еркектер бірқатар уақыт бойына, әйелінің етеккір цикліндегі ұрықтануға қолайлы сәті түскенше, яғни жүкті болу мүмкіндігінің алғашқы және соңғы уақыты аралығындағы мезетке шейін жыныстық қатынас жасаудан өзін тежей тұруы қажет.

қажет.

Еркек бедеулігінің себебі неде? Еркектің ұрығы клеткалардан тұрады. Олардың бір милилитрінде 60 миллиондай ұрық болуға тиіс. Егер ұрықтар саны одан кем болса, ондай ұрықтың бала жасауға шамасы келе бермейді. Жыныс клеткаларының кемдігі, яғни оның болмауы (азооспермия) кейбір ұзын бойлы, қыл мойын, жас жігіттерде жиі кездеседі. Бұл секілді жағдай олардағы уақытша құбылыстың, болмаса тұрақты бедеуліктің белгісі болуы мүмкін.

Кейбір адамдардың жыныс қатынасы мен ішімдікке құмарлығы, денедегі қоректік заттардың алмасуының бұзылуы немесе сульфамиды секілді дәрілерді дәрігердің бақылауынсыз өз бетімен ұзақ ішуі де ұрықтың сапасын кемітеді, қасиетін жояды.

Ұрықтың тіршілігін, оның санын және қабілеттілігін тек лабораториялық зерттеу арқылы ғана анықтауға болады. Айталық, микроскоппен қарағанда, жыныс клеткалары шабан қозғалып жүрсе, олардың бала болуға шамасы келмейтіндігін аңғартады.

Әйелдердегідей еркек бедеулігінің тағы бір себебі, жыныс органдарының қабынып ауруына байланысты. Әсіресе, дұрыс емделмеген және асқынған соз ауруы еркекті бедеулікке жиі ұшыратады. Кейде бала кезде болған жыныс органының жарақаттануы да тіпті ол асқынбаса да, ұрық шығаратын жыныс бездерінің қабілетін нашарлатады. Мұндай еркектің жыныс қатынасында өзгеріс болмаса да әйелінің бала көтермеуі ғажап емес. Сондықтан жастарды төбелестен және жыныс мүшесіне зиян келтіретін қимылдардан сақтай білу қажет болады.

Еркектердің бедеулігін анықтайтын ең тиімді де кең тараған тәсіл - олардың ұрығын тексеру болып табылады. Зерттеу нәтижесі мынадай төрт топқа бөлінеді: барлық көрсеткіштер жақсы, азооспермия (шәуһеттің аздығы), бір көрсеткіш қалыптағыдан тысқары кеткен, көп көрсеткіш қалыптағыдан ауытқыған жағдай болып табылады.

Егер екі рет тексерілген еркек шәуһеті қалыпты болып шықса, онда бала көтермеудің себептерін әйел денсаулығынан іздеу керек. Ал енді әйелді тексеру кезінде де ешқандай кінәрат табылмай, бірақ ол бала көтермесе, онда екі жақ ұрығының әрекеттесу қабілетін анықтау керек және мұндай жағдайда көбіне қолдан ұрықтандыру немесе ЭКО (денеден тыс ұрықтандыру) тәсілі қолданылады.

Ер азаматтың ең үлкен қасіреті. Оның басты себебі - ерлердің кездейсоқ жыныстық қатынасқа түсіп, жұқпалы аурулар жұқтыруының, темекі шегу мен арақ-шарапты шамадан тыс көп тұтынуының, артық салмағының, тағы басқа келеңсіз жәйттердің салдарынан болатын жағдай екен. Соңғы 50 жыл шамасында ерлер денсаулығының көрсеткіші төмендеп кеткен. Мамандардың деректері бойынша, еліміздегі әрбір оныншы ер адам белсіздікке ұшыраған. Жастардың өз денсаулығына немқұрайды қарауы, жаздыкүні өзенге шомылған соң да су ішкиіммен жүре беруі көп жағдайда қуық пен жыныс бездерінің суықтауына әкеледі.

Белсіздікке көбіне ерлердің куық асты безінің қабынуы себеп болып отыр. Бұл без қуық асты несеп-жыныстық көк еттің арасында болады. Созылмалы простатиттің дамуы мен асқынуына әсер ететін көптеген факторлар бар. Біріншіден, қуық асты безінің аумағындағы және жамбас қуысындағы күре тамырларда қан айналымының бұзылуы. Екіншіден, қуық асты безіндегі секреттердің іркілісі. Үшіншіден, қуық асты безінің қабынуын дер кезінде емдемеуден созылмалы простатитке ұласуы. Төртіншіден, адам ағзасының ерекшеліктеріне және адам иммунитетінің төмендеуіне байланысты іргелес органдардағы іріңді ошақтардан гематогенді жолмен микроорганизмдердің простата безіне өтуіне байланысты бездің қабынуына соқтыруы.