Адамның сыртқы келбеті және мінезі

Сатеева Ботагөз Серікбекқызы

Е. А. Бөкетов атындағы Қарағанды мемлекеттік университетінің қазақ тілінің практикалық курсы пәні мұғалімі

Сабақтың тақырыбы: Адамның сыртқы келбеті және мінезі

Білімділік мақсаты:

1. Студенттердің пәнге деген қызығуын, ынтасын арттырып, әлеуметтік, танымдық мотивтерінің қалыптасуына жол ашады. Білімдері интерактивті технология, кешенді жаттығулар мен тапсырмалар арқылы пысықталып, студенттің алған білімін бекітеді.

Дамытушылық мақсаты: Қалыптастыру мен дамыту студент құндылығының негізі :

1. Ақпараттық: әр түрлі ақпараттық құралдармен жұмыс жасай білу; мәтіннен ең негізгі мәселені көре білу; алынған ақпаратты кесте, слайд, тезис түріне айналдыра білу.

2. Коммуникативтік: ауызша сөйлеудің негізгі тәсілдерін меңгере алу: диалог сұрақтарға қысқа жауап қайыра білу, полилог деңгейінде өз ойын сауатты, анық, дәлелді жеткізе білу; өз көзқарасын қорғай білу.

3. Оқу-зерттеушілік: жұмысты орындаудың ең тиімді жолдарын өз бетінше орындай алу; оны жүйелей білу.

4. Әлеуметтік: белсенді жеке тұлға рөлін орындау. 5. Технологиялық: тапсырмаларды орындау барысында өзіндік қолтаңбасын (элементін) қалдыру; Сабақ типі: аралас Пәнаралық байланыс: әдебиет, сурет Қызығушылық іс-әрекетін ұйымдастыру: Жалпылай Жекелей Топпен Оқыту әдістері: баяндау, иллюстрациялық түсіндіру, сипаттау, салыстыру, сұрыптау, жинақтау, талдау, интерактивті, тірек белгілері. Көрнекілік (слайдтар, суреттер) интерактивті тақта. Сабақта енгізілетін терминдер мен түсініктер: «адамның келбеті», «мінез», «портрет».

«Сүйкімді адам»

дегенді қалай түсінеміз?

Адамның сыртқы келбеті және мінезі

ТІРЕК СӨЗДЕР

қылжақбас еңбекқор

қызғаншақ әкіреңдеу

сөзшең тәкаппар

кекшіл сотқар

қарапайым тартымды

қызба мақтаншақ

талантты берекесіз

сараң беделді

білімді мылжың

әйгілі сезімтал

Тірек сөздерді жағымды, жағымсыз қасиеттерге бөліңіздер

СӨЗДЕРДІ СӘЙКЕСТІРІҢІЗДЕР

Кірпігі бұйра

Шашы кең

Мінезі орташа

Түрі әдемі

Бойы ұзын

Мандайы жұмсақ

1- тапсырма: Көрген фильмдердеріңіздегі кейіпкерлерді еске түсірейік

Киноның бас

режиссері

Кино аттары

Кейіпкер

Б. Соқпақбаев

«Менің атым Қожа»

Сұлтан

Б. Тілеуханов

“Ағайындар”

Бақыт

Б. Тілеуханов

“Жетімдер”

Аружан

Кинодан үзінді

Кімнің портреті?

. . . Ой, сауатсыз, - сүйтіп те тарта ма екен. Жап-жақсы шылымды босқа қор етуін қарашы. Ішке тарт. Міне, былай. Аузыңа түтінді толтырып ал да, жұтып кеп қал.

Сәлеметсің бе Салтанат! Қал-жағдайың қалай? Денсаулығың жақсы ма? Ата-анаңның денсаулықтары жақсы ма? Қандай жаңалықтар бар? Мен де бәрі жақсы. Әскер қызметі ойдағыдай жүріп жатыр.

Ертегідегі сияқты ақшасы бар сандық тауып алсақ немесе алтын балық ұстап алсақ онда анам мен әкемнің тірі болсыншы деп сұрар едім. Мен оларды қатты сағындым.

- Ура! Ұтылдың! Мақтаншақ Қожа. Мен енді сені бұдан былай мақтаншақ Қожа деп айтамын.

- Мені, былай . . . Сен менің мына пешкамды жедің бе? Жедің. Онан соң мен былай жеп, биге шықтым. Әй, мақтаншақ Қожа. Ұтамын деп мақтанып едің.

2-тапсырма :Үзіндіде кімнің портреті берілген?

3-тапсырма: Мәтін бойынша жұмыс

. . . Мейлі біздің сынып жетекшіміз Майқанова мені жамандай берсін, сотқар деп, ұрса берсін. Мен өзімнің көкейтесті арманымды, жанымның түпкірінде маздап жанған құпиямды Жанарға бір жөні келгенде ақтарып берсем, менің кім екенімді ол таныр еді. “Е, бәсе, Қожа осындай екен ғой. Талант деген түбінде жарып шықпай қоймайды”, - дер еді. Шіркін-ай, былай болса: адам әуелі үлкен болып жаралса. Өмірдегі өзіне тиісті қызмет мамандығын атқарып болғаннан кейін барып, балаға айналса. Сонда маған Майқанова қалай қарар еді. Үлкен кезінде ол әйгілі жазушы болған, оның есімі бүкіл дүние жүзіне мәлім. Олай болса, менің оған әкіреңдей бергенім жарамас, жазушыны сыйлау керек деп, тәубасына келер еді.

Біріқ амал қанша, өмірде бұлай болмайды, болмақ емес. Әуелі беделсіз, білімсіз бала болып жараласың. Сенің үлкейгенде қандай адам болатыныңда ешкімнің шаруасы жоқ. Екінің бірі саған ақыл айтып, үстемдік жүргізбекші болады.

(«Менің атым Қожа» Бердібек Соқпақбаев)