Бастауыш сынып оқушыларына арналған денсаулықты сақтау және алкоголь, темекі мен есірткіге қарсы тәрбиелік іс-шара

Бастауыш сынып мұғалімі Сундетова Айгерим Биржановна

Ш. Уәлиханов атындағы орта мектеп

(тәрбиелік шара)

Біз - болашақ үшін!

Мақсаты:

Оқушыларға жалпы денсаулық дегеніміз не? Оның адам өмірінде алатын маңызы қандай? Оны сақтау үшін не істеу керек?- деген сұрақтар турасынды түсінік беріп, білім - біліктерін қалыптастыру.

Оқушыларға қазіргі қоғамды және дүниежүзін ойландыратын проблемалар алкоголь, темекі және де нашақорлық туралы, сонымен қатар олардың әсерлерінен туындайтын аурулармен таныстыра отырып рухани ерік- күшін дамыту.

Есірткі пайдаланудың зиянды жақтарын аша отырып, одан жиренуге, айналасындағы адамдарға да ықпал етіп, денсаулығын сақтауға жауапкершілігін оята отырып тәрбиелеу.

Нұрсұлтан Әбішұлы Назарбаев «Қазақстан 2030»

«Болашағымыздың айқындылығы мен айбындылығы дені сау іскер ұрпақтардың үлесіне тиюге тиіс»

II. Мағананы тану

Грек тілінде «ұйқы» мағанасын білдіретін «narke» сөзі ағылшын тілінде «narkotic» деген сөзге айналып, ұйықтату, жансыздандыру, сезімсіздендіру деген мағананы білдіреді. Жалпы айтқанда, есірткі заттары деп жансыздандыру ерекшелігіне ие болатын заттарды айтамыз.

Есірткі қолдану әдеті адамның денсаулығына, ақыл-ой және рухани жүйесіне, қоғамға тигізетін зияны өте көп.

Есірткі

Маскүнемдік бір адамның тоқтаусыз және өз-өзіне залал келтіретіндей көп мөлшерде ішімдіктерді ішуден басталады. Ішімдік физикалық және психологиялық зияндармен қатар қоғамдық және экономикалық құлдырауға алып келеді.

Алкогольдік ішімдіктер жалпы есірткі сияқты қауіпті деп саналмайды. Кейбір елдердің әдет-ғұрпында ішімдік діни және қоғамдық іс-шаралардың маңызды бір бөлігіне айналған. Алайда, мына жағдайды есте сақтау қажет, ішімдік- қазіргі заманның маңызды проблемаларының бірі және ішімдік ішу есірткі қолдану сияқты зиянды.

Алкоголь

Темекі құрамында никотин және 4 мыңға жуық улы зат бар өсімдіктердің майдаланған, құрғатынған және қолдануға дайын күйдегі жапырағынан шылым жасалады. Темекінің елі Америка болып табылады. Темекі күнделікті арасына уақыт салып қолданады.

Темекі адам ағзасына келтіретін зиянды әсері өте көп . Адамның қатерлі ісік ауруларына және тамақтың қатерлі ісік ауруына 99 %, миға қан құйылу ауруларының 85 %, өкпенің қатерлі ісік ауруын тудыруңа 90 % себеп болады. Темекі құрамындағы зиянды улы заттар адам өмірін 15 жылға қысқартады екен.

Темекі