Мемлекет рәміздерін құрметтеу

Гимназия сыныптары бар №20 М. Әуезов атындағы жалпы білім беру орта мектебі

Құқық пәні мұғалімі: Бекназарова Р. А.

Сабақтың тақырыбы:

«Сен еліміздің Ата Заңы - Конституция туралы білесің бе?»

Сабақтың мақсаты:

Білімділік: Еліміздің Ата заңы жөнінде түсінікті тереңдету.

2. Дамытушылық: Түрлі сұрақтар, суреттер арқылы баланы ойланта отырып, олардың ой өрісін дамытуға мүмкіндік жасау, сөйлеу мәдениетін жетілдіру. .

3. Тәрбиелік: Заңды білуге, құрметтеуге тәрбиелеу.

«Конституция» - бұл да ел рәміздерінің бірі. Сондықтан негізгі Заңды елдің Туы, Әнұраны, және Елтаңбасы секілді қадірлеу, құрметтеу-біздің парызымыз»

Н. Назарбаев

I. Сенің міндеттерің? (тренинг)

II. Санаға сапар ( мазмұны)

III. Ой қозғау (Ситуациалық сұрақтар)

IV. Cергіту сәті (ойыны)

V. Мәтіндермен жұмыс (терминдерді анықтау)

VI. Суретке қарап мақал айту(мәтел)

VII. Қорытынды

Қазақстан Республикасының азаматтарының міндеттері

Заңдарға бағыну

Басқа азаматтардың құқықтарын, бас бостандықтарын, арын құрметтеу.

Мемлекет рәміздерін құрметтеу Салықты төлеу

Тарихи және мәдени байлықтарды сақтау

Табиғатты және табиғат байлықтарын сақтау

Ата-аналардың балаларына қамқорлық ету міндеттерін орындауы

Орта мектеп білімін алу

Қазақстан Республикасын қорғау

II. . Қазақстан Республикасының Конституциясы - Қазақстанның Ата заңы.

Конституция 1995 жылы 30 тамызда

қабылданды.

30 тамыз - мемлекеттік мереке

Бұл - Конституция Қазақстанның төртінші

Ата заңы. (1937, 1978, 1993, 1995ж)

Оның құрылымы:

9 бөлімнен,

98 баптан,

көптеген тармақтар мен тармақшалардан тұрады.

Конституция дегеніміз - қоғамдық және мемлекеттік құрылыс негіздерін,

мемлекеттік органдар жүйесін,

азаматтардың құқықтары мен міндеттерін айқындайтын мемлекеттік заң.

Конституцияның бірнеше баптарымен таныстыру 1 - бап Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтырады, оның ең қымбат қазынасы - адам және адамның өмірі, құқықтары мен бостандықтары. 7 - бап Қазақстан Республикасындағы мемлекеттік тіл - қазақ тілі. 27 - бап 1. Неке мен отбасы, ана мен әке және бала мемлекеттің қорғауында болады. 2. Балаларына қамқорлық жасау және оларды тәрбиелеу - ата-ананың құқығы әрі міндеті. 3. Кәмелетке толған еңбекке қабілетті балалар жарамсыз ата-анасына қамқорлық жасауға міндетті. 30-бап 1. Азаматтардың мемлекеттік оқу орындарында тегін орта білім алуына кепілдік беріледі. Орта білім алу міндетті. 36 - бап Қазақстан Республикасын қорғау - оның әрбір азаматының қасиетті парызы және міндеті.

Қылмыскер адамның өмірі қиылатынын біле тұрып, оны өлтіру үшін атады?

Бұл қандай қылмыс?

Қастандыққа жатады ма, жазасы ауыр ма, неліктен?

III. Ой қозғау

Ә. Мас күйінде өзен жағасында демалып жатқандарға тиіседі. С. ны өзенге итеріп жібереді. Ал С. малту білмегендіктен, суға кетіп өледі.

Бұл қандай қылмысқа жатады?

Жазасы қандай?

Саяхатшы орманға серуендеп барды. Ол орманда от жақты, бірақ ол отты сөндіруді ұмытып кетті.

Бұл қандай қылмысқа жатады?

Д. бір иесі жоқ үйді біліп, сол үйге кіріп барлық затын ұрлап кетті.

Бұл қандай қылмысқа жатады?

Қылмыс дегеніміз

Заң - қылмыс деп танитын әрекет немесе әрекетсіздік.

Әрекет дегеніміз - қылмыскердің адамға немесе қоғамға қарсы жасаған зиянды қимылдардың жиынтығы.

Әрекетсіздік дегеніміз - азаматтың қылмысты дайындап немесе жасалып жатқанын біле тұра оның алдын алу бағытында әрекет жасамауы, заңда көрсетілген азаматтық міндетін орындамауы.