РЕПО операциясы

Эргешов Д

Репо операциялары - Қазақстан қор биржасы (KASE)

РЕПО операциясы

РЕПО операциясы - бір мезгілде жасалатын екі мәміленің бірінен тұратын операция: қатысушылардың болашақ уақытта РЕПО-ны жабу кезінде алдын ала келісілген талаптармен бағалы қағаздарды кері сатып алу/сатуды жүзеге асыруға негізделген міндеттемесімен бағалы қағаздарды бастапқы сату/сатып алу болжанатын РЕПО-ны ашу

РЕПО операциясының түрлері

тікелей РЕПО операциясы - ашылуы кезінде Ұлттық Банк бағалы қағаздарды контрагентке осы немесе ауыстыруға жарамды бағалы қағаздарды кері сатып алу міндеттемесімен сатуды жүзеге асыратын РЕПО операциясы;

кері РЕПО операциясы - ашылуы кезінде Ұлттық Банк бағалы қағаздарды контрагенттен осы немесе ауыстыруға жарамды бағалы қағаздарды кері сату міндеттемесімен сатып алуды жүзеге асыратын РЕПО операциясы;

қайтарымсыз РЕПО операциясы - РЕПО жабылғанға дейін мәмілені тоқтату құқығы жоқ РЕПО операциясы;

қайтарымды РЕПО операциясы - контрагенттің РЕПО-ны жабу мерзімін азайту құқығы бар РЕПО операциясы, бірақ Ұлттық Банкпен келісім бойынша бір мезгілде сыйақы ставкасын өзгерте отырып, мәміле жасалғаннан кейін үш жұмыс күнінен ерте емес;

РЕПО ставкасы - жылдық пайызбен есептелетін, Ұлттық Банктің Директорлар кеңесі Ұлттық Банктің Ақша-кредит және валюта саясаты жөніндегі техникалық комитетінің ұсыныстарын ескере отырып белгілейтін сыйақы ставкасы;

РЕПО ИНДИКАТОРЛАРЫ

TRION Индикаторы (Tenge repo index OverNight), Биржа соларға қатысты клирингілік қызметті Орталық контрагент қызметін қолдана отырып жүзеге асыратын, МБҚ қоржынының бағалы қағаздарымен Биржаның автоматты репо секторында жасалған, мерзімі бір жұмыс күнге репо ашылу мәмілелері бойынша орташа сараланған пайыздық мөлшерлемесі болып табылады.

Өлшем бірлігі: жылдық %

Индикаторды жаңарту уақыты: нақты уақыт тәртіптемесінде

Индикатордың трендін жаңарту уақыты: алдыңғы сауда-саттық күннің мәніне қатысты нақты уақыт тәртіптемесінде есептеледі

TWINA Индикаторы (Tenge Week Index Average) МБҚ қоржынының бағалы қағаздарымен Биржаның автоматты репо секторында жасалған, мерзімі жеті жұмыс күнге репо ашылу мәмілелері бойынша орташа сараланған пайыздық мөлшерлемесі болып табылады. 01. 09. 01 бастап 31. 12. 09 дейін индикатор күніне бір рет есептеліп тұрған, 01. 01. 10 бастап әр жасалған мәміледен кейін индикатордың мәні қайта есептеледі.

Өлшем бірлігі: жылдық %

Индикаторды жаңарту уақыты: нақты уақыт тәртіптемесінде

TWINA

TONIA

TONIA Индикаторы (Tenge OverNight Index Average) - Еуропа қайта құру және даму банкі мен Қазақстан Республикасының екінші деңгейдегі банктерінің қатысуымен қаржы нарығы индикаторлары бойынша жұмыс тобы бойынша таңдалған тәуекелсіз мөлшерлемесі.

2020 жылдың 28 желтоқсанынан бастап, TONIA есептеуі әрбір жұмыс күнінің қорытындысы бойынша МБҚ бағалы қағаздар қоржынымен бір күндік репо операцияларының орташа сараланған мәні ретінде кірістілігі ең көп және ең аз кірістілігімен мәмілелердің 5% кесімделуімен есептеледі. Өлшем бірлігі: жылдық %

Индикаторды жаңарту уақыты: әр жұмыс күн сайынсауда-саттық аяқталғанна кейін 17:30-ден 20:00-ге дейін (GMT +06:00)

Индикатордың өзгеруі: алдыңғы сауда-саттық күннің мәніне қатысты индикаторды жариялаған кезде есептеледі