Сбербанк Казахстан

КІРІСПЕ
1 БАНК ТУРАЛЫ
1.1 Сбербанк Казахстан
1.2 Сбербанк Тобы
1.3 Карьера
1.4 Әлеуметтік жауапкершілік
2 ЖЕКЕ ТҰЛҒАЛАРҒА КӨРСЕТІЛЕТІН ҚЫЗМЕТТЕР
2.1 Депозиттер
2.2 Несиелер
2.3 Төлем карталар
2.4 Активтерді басқару
2.5 Басқа қызметтер
3 ЗАҢДЫ ТҰЛҒАЛАРҒА КӨРСЕТІЛЕТІН ҚЫЗМЕТТЕР
3.1 Жергілікті және халықаралық компанияларға арналған қызметтер
3.2 Қазынашылық
3.3 Кастодиандық қызметтер
3.4 Саудалық қаржыландыру
3.5 Төлемдер және ақшаны басқару
ҚОРЫТЫНДЫ

Қазақстан егемендік алғаннан кейін нарықтық экономика жағдайында кәсіпорындардың әр түрлі меншік формаларының пайда болуымен байланысты, «Қазақстан Республикасындағы банктер және банк қызметі туралы» республика Президентінің 1995 жылғы 31 тамыздағы заң күші бар жарлығында «Қазақстанда екі деңгейлі банк жүйесі» туралы мәлімет бар.
Ұлттық банк – мемлекеттің Орталық банкі, ол банк жүйесінің бірінші деңгейіндегі банк.
Қазақстан Республикасының екінші деңгейдегі банктер – коммерциялық банктер.
Бүгінгі коммерциялық банктер өз клиенттеріне 200-ге жуық әр алуан өнімдер мен қызмет көрсетуге әзір. Мұндай кең көлемді операциялар коммерциялық банктерге өз клиенттерін сақтай отырып, қолайсыз жағдайда өзіне пайдалы жұмыс жасауға септігін тигізеді. Олар банктік ресурстарды шоғырландыра отырып, заңды және жеке тұлғалармен кең көлемде банктік операциялар мен қаржылық қызметтерді жүзеге асырады.
Еліміздің экономикасының одан әрі қарай дамуын қамтамасыз етудің маңызды жолдарының бірі – болашақ экономист мамандарды қазіргі заман талаптарына сай келетіндей етіп дайындау болып табылады. Кез-келген экономист өз кәсібінің тек теориялық негіздерін біліп қана қоймай, сонымен қатар тәжірибе жүзінде де өз білімі мен кәсіби қабілеттерін мейлінше кеңінен қолдана білу қажет. Осындай дайындықтардың маңызды бір сатысы ретінде біздер сияқты бітіруші студенттерді дипломдық практикалық тәжірибе жұмыстарынан өткізуді қарастыруға болады. Дипломдық іс-тәжірибеден өтудің басты мақсаты- кәсіби маман ретінде қалыптасу үшін қажетті тәжірибелік дағдыларды игеру және өз бетімен қызмет етуге үйрену.
Бүгінгі таңда елімізде банк ісі мамандарын дайындайтын университеттер, институттар, колледждер баршылық. Көптеген қиындықтар да кездеседі, бірақта олар уақыт өте келе біртіндеп өз шешімін табуда.