Жемқорлық іс-әрекеттердің алдын алу

Қазіргі уақытта сыбайлас-жемқорлық әлеуметтік құбылыс ретінде әлемнің барлық елдерінде, оның ішінде Қазақстанда да тамырын жайып отыр. Сыбайлас-жемқорлық әлеуметтік экономикалық даму үрдісіне, рыноктық экономиканың құрылысына, инвестицияларды тартуға залалын келтіруде. Демократиялық мемлекеттің саяси және қоғамдық институттарына да кері әсерін тигізуде, болашақтағы еліміздің дамуына үлкен қатер төндіруде. Қазақстанда, Шығыс Қазақстан облысында және Зырян ауданында сыбайлас-жемқорлыққа қарсы күрес мемлекеттік саясаттың негізгі басым бағыттарының бірі болып табылады.
Жастардың сыбайлас-жемқорлыққа қарсы көзқарасын қалыптастыру мақсатында 15 наурызда «Жастар сыбайлас-жемқорлыққа қарсы» тақырыбында республикалық кең көлемді акция жүргізіледі, акция 2010 жылғы 15 желтоқсанға дейін созылады. Акция Қазақстан Республикасының экономикалық қылмыспен күрес бойынша Агенттігінің бастамасымен өткізіледі. Зырян ауданында бұл акция қаржы полициясы және білім беру бөлімімен бірге ұйымдастырылған. Акцияда қарастырылған іс-шаралардың басты идеясы: дәрістер, семинарлар, дөңгелек үстелдер, рөлдік және интерактивті ойындар өткізу, бұл – сыбайлас-жемқорлыққа қарсы заңнаманы түсіндіру, жалпы білім беретін мектептердің жоғары сынып оқушыларына және оқушы жастарға сыбайлас-жемқорлық туралы түсінік беру, сыбайлас-жемқорлыққа қарсы әрекеттер бойынша шараларды жетілдіру, оқушылар мен студенттер арасында сыбайлас-жемқорлыққа қарсы тәртіп пен бекітілген заңды сақтауды қадағалау, жастарды сыбайлас-жемқорлыққа қарсы әрекет рухына тәрбиелеу.
Қаржы полициясының қызметкерлері негізгі ақпараттарымен баяндама жүргізді. Акцияға заңгерлермен бірге білім беру мекемелерінің сынып жетекшілері, педагогтар да қатысты. 2 сәуірден бері «Жастар сыбайлас-жемқорлыққа қарсы» кең көлемді акциясын өткізу бойынша бекітілген іс-шаралар кестесіне сәйкес мектептерде жоғары сынып оқушыларына «Сыбайлас-жемқорлық туралы түсінік, оның түрлері мен нысандары», «Сыбайлас-жемқорлыққа қарсы күрес бойынша тарихи және шет елдік тәжірибе» тақырыптары бойынша баяндамалар оқылды. Жаңа оқу жылында жоғары сынып оқушылары «ҚР ҚК және ҚР ӘҚБК бойынша сыбайлас-жемқорлық туралы түсінік және оның сипаттамасы», «Жемқордың тұлғасы» тақырыптарымен танысады. Акция, «Сыбайлас-жемқорлық қылмысы бойынша қылмыстық және әкімшілік жауапкершілік» тақырыбында интерактивті ойын өткізумен аяқталады.