ШҚО әлеуметтік-экономикалық дамуының статистикалық көрсеткіштерін талдау

2014 жылы Статистика департаментінің басқармаларымен 921 статистикалық жұмыс орындалды.
Статистика салалары бойынша қалыптастырылған 20 тақырыптық серия бойынша 374 бюллетень әзірленді, 2013 жылмен салыстырғанда олардың саны 27,6%-ға артты, 505 жедел ақпарат шығарылды.
ШҚО Статистика департаментімен талдау жазбаларын даярлау бойынша жұмыстар да жалғасын табуда.
Жыл ішінде 21 талдау жазбасы әзірленді. Жазбалар статистиканың барлық салалары бойынша дайындалды, бұл пайдаланушылардың қанағаттанушылығын көтеруге, сондай-ақ статистикалық деректерді дұрыс, әрі уақытында пайдалануға да мүмкіндік берді.
2014 жыл ішінде департаментпен 25 статистикалық жинақ шығарылды.
Алдыңғы жылмен салыстырғанда өткен жылы ШҚО Статистика департаменті басылымдар санын 15 атауға дейін арттырды. Статистикалық ақпараттарды ақысыз негізде алатын пайдаланушылар саны 12,5%-ға артты.
Пайдаланушылар басылымдарды жазбаша түрде, сондай-ақ электронды нұсқада да алуға тапсырыс берді, соның нәтижесінде 2014 жылы 2013 жылмен салыстырғанда тапсырыс берілген электронды басылымдар көлемі барлық сұратылған даналардың 47%-ын құрап, анағұрлым өсті.
Статистикалық басылымдарға тапсырыс берушілердің негізгі бөлігі (75,3%) облыстың мемлекеттік органдары болып табылады. ҚР Үкіметі мен министрліктерден алушылар саны 16,0%-ды, мемлекеттік кітапханалар - 6,2%-ды және БАҚ – 2,5%-ды құрайды.
ШҚО-ның әлеуметтік-экономикалық дамуы туралы журнал, «Шығыс Қазақстан цифрларда» және «Шығыс Қазақстанның өңірлері» жинақтары әрі маңызды, әрі қажетті болып табылады, 2014 жылы оларды статистикалық ақпараттарға тапсырыс берушілердің тиісінше 85, 73 және 56%-ы алды.
Ағымдағы жылы Агенттіктің ұсынысына сәйкес, аталған басылымдардың мазмұны мен дизайны түбегейлі түрде өзгертілді.
2014 жылы статистикалық деректерді тарату аясында мемлекеттік органдардың, басқа да кәсіпорындар мен ұйымдардың 990 ресми сұрауы орындалды. Қосымша есептеулер мен іріктемені қажет етпеген жағдайда, жеке тапсырыстар мейілінше қысқа мерзім ішінде орындалады. Одан басқа, пайдаланушылармен жұмыс күнделікті жүргізіледі: бұл – консультациялар, электронды пошта арқылы ресми түрде жарияланған ақпаратты ұсыну, сайтқа кіргендердің сұрауларына жауап берулер.
2014 жылы 79 баспасөз хабарламасы әзірленіп, 86-сы жарияланды. Облыстық теледидар арналарында 30 шығарылым ұйымдастырылды, эфирлер ұлттық халық санағына, облыстың даму қорытындыларына және статистика органдарының қызметіне арналды. Оn-line режимінде веб-конференция өткізілді.
Департамент өткізген көпшілікке арналған іс-шаралар – баспасөз конференциялары, семинарлар, ашық есік күндері жергілікті теледидар арналарынан беріліп отырады.