Малайзия елі

1. Малайзия халқы
2. Малайзия тілі
3. Мәдениеті

Малайзия – бұл Азияның ең негізгі жүрегі болып табылады. Малайзияға келіп сіз өзіңізді үш көне мәдениеттің бір елде үйлесімді өмір сүріп жатқанын қайталанбастай сезінесіз. Яғни олар – малайлық, қытайлық және үнді мәдениттері. Осы күшті құбылыстарды жергілікті тұрғындар мақтан тұтады. Олар туристерді әрдайым жылы жүзбен, қонақ жайлықпен қарсы алады. Бұл жерге келгенде сіздер Катазан, Ибан және тағы басқа Сабаха, Сарабака тайпаларының іздерін көре аласыз. Осы жерде болған британдық, португальдық және голландықтар тайпаға өздерінің үлесін қосқан. Бұл жер сіздерге тропикалық жұмақтың есігін айқара ашатын халықаралық Куала-Лумпур аэропорты. Бұл дүниедегі қазіргі заманғы әдемі аэропорттардың бірі болып табылады. Сіз бірден осы елдің жақсы дамыған дәрежеде екендігін сезіне аласыз, себебі экономикасы және астанасы өте жоғары дәрежеде дамыған. Малайзия – Оңтүстік-Шығыс Азияда орналасқан ел. Оның аумағы 332,8 млн. шаршы шақы¬рымды құрайды. Яғни, жер көлемі жағынан біздің Қазақстаннан 8 есе кіші. Халқының саны, біздің қолымыздағы деректер бойынша, соңғы 30 жылға тарта уақыт ішінде екі жарым есе өсіп, 26 миллионнан асып жығылған. Ұлттық құрамы – әркелкі. Жартысынан астамын жергілікті малай халқы, 26 пайызын қытайлықтар, 8 пайызға жуығын үнділіктер құрайды. Негізгі тілі – малай тілі, халқының басым бөлігі – мұсылман. Қазіргі Малайзия – бұл ғасыр¬лар бойғы кедейшілік шырмауын ысырып тастап, жиырма жылдың ішінде өзінің экономикалық қуатын ондаған есе өсірген, көктіреу үйлері бар әсем қалалары көздің жауын алған, әлемдегі бәсекеге қабілетті елдердің бірі. Оның әлеуметтік-экономикалық тұрғыдан жаңғыруы тоқсаныншы жылдардың ортасында жасалған “2020 жылға дейінгі стратегиялық даму бағ¬дар¬ла¬масына” сәйкес жүргізіліп келеді. 1957 жылы Малайзия өз тәуелсіздігіне ие болады. Малайзия қазіргі күні бәсеке¬лестікке қабілеттілік жөнінен әлемдік рейтинг бойынша 24-ші орында, технологиялық индекс бойынша 25-ші орында, Үкіметтің ақпараттық-коммуникациялық технологияларды алға жылжыту рейтингі бойынша – 2-ші орында, мемлекеттік қаржыны бақылауға алуы жөнінен 2-ші орында тұр. Малайзияда әр бес жыл сайын әлеуметтік-экономикалық дамудың жоспары жасалынады. Таяудағы бес жыл ішіндегі даму мәселелері 2006-2011 жылдарға арналған – тоғызыншы малайзиялық жоспарда қарастырылған. Осы жоспар бойынша ішкі жалпы өнім көлемін әр жыл сайын 6 пайызға өсіріп отыру көзделеді. Ал мұның өзі жан басына шаққандағы табыс көлемін 2010 жылы 13,9 мың долларға жеткізуге мүмкіндік береді.

http://www.izden.kz/referattar/turizm-geografiya/187 Ғылыми жұмыстар жинағы. © izden.kz