“PHP программалау тілінен электрондық оқулықты жасау және пайдалану әдістемесі”

Пән: Информатика, Программалау, Мәліметтер қоры
Жұмыс түрі: Дипломдық жұмыс
Тегін: Антиплагиат
Көлемі: 75 бет
Таңдаулыға:

ҚАЗАҚСТАН РЕСПУБЛИКАСЫ БIЛIМ ЖӘНЕ ҒЫЛЫМ МИНИСТРЛIГI

Қазақ мемлекеттiк қыздар педагогика институты

Физика-математика факультетi

ИНФОРМАТИКА ЖӘНЕ ҚОЛДАНБАЛЫ МАТЕМАТИКА КАФЕДРАСЫ

Дипломдық жұмыс

Тақырыбы: “PHP программалау тілінен электрондық оқулықты жасау және пайдалану әдістемесі”

Қорғауға жiберiлдi" " 2008ж.кафедра меңгерушiсiтех. ғ. к., доцентГ. И. Салғараева:

Қорғауға жiберiлдi

" " 2008ж.

кафедра меңгерушiсi

тех. ғ. к., доцент

Г. И. Салғараева

Орындаған: 050602- информатика мамандығының 4-курс студенті Шаймағанбетова ГүлназҒылыми жетекшiсі: аға оқытушыБостанов. Б. Ғ.:

Орындаған: 050602- информатика мамандығының 4-курс студенті Шаймағанбетова Гүлназ

Ғылыми жетекшiсі: аға оқытушы

Бостанов. Б. Ғ.

Алматы 2008ж.

Мазмұны

Кіріспе . . . …… 3

І тарау. Электрондық оқулықтың қажеттілігі, түрлері, жіктеу

және оларға қойылатын талаптар . . . 7

1. 1. Электронды оқулықтың қажеттілігі . . . 7

1. 2 Электрондық оқулықты жіктеу, түрлері . . . 14

1. 3 Электронды оқыту құралдарын жасау мен пайдалануға қойылатын талаптар . . . 18

ІІ тарау. Html гипермәтінді тілінің негіздері және

PHP программалау тілінен электрондық оқулықты жасау . . . 27

2. 1 Html гипермәтінді тілінің негіздері . . . 27

2. 2 РНР-прграммалау тілдің негіздері және скрипт ретінде . . . 38

2. 3 РНР-программалау тілінен электрондық оқулықты жасау . . . 62

ІІІ. Қорытынды . . . 74

ІV. Пайдалынған әдебиеттер . . . 75

Кіріспе

Қазiргi кезде ақпараттық қоғамда адамзаттың байланыс құралының өзгеше екенiн практика көрсетiп отыр. Олай болса, оқу орындарындағы Информатиканы пәнiнiң “Интернет желiсi және компьютерлiк коммуникациялар” курсын оқыту өзектi тақырыптардың бiрi болып саналады.

Интернет желiсiнiң мүмкiндiктерiне, қызметiне толығырақ тоқталар болсақ, Интернет адамға қашықтық деген ұғымды жоққа шығарып, әлемнiң кез-келген нүктесiнен жылдам хабар алуға, бейнелi түрде байланысуға, информацияның әр тiлдiң, елдiң ерекшелiгiне байланысты түсiнiктi түрде беруге, қабылдауға мүмкiндiк туғызып отыр.

Интернеттiң құрамында миллиондаған компьютерлер, компьютер терминалдары және қарапайым пайдаланушы адамдар бар. Осы пайдаланушылар бiр-бiрiмен байланысу арқылы информацияны жылдам, түсiнiктi алуға, осы арқылы өз бiлiм деңгейiн жоғарлатуға ұмтылуда. Бiлiм беру саласының күрделi мәселелерiнiң бiрi пән бойынша курстар, тақырыптар жайлы мәлiметтер тапшылығы болса, оны Интернет желiсiн пайдалану арқылы жылдам әрi тиiмдi шешуге болады. Жалпы айтқанда қазiргi кезеңде әрбiр бiлiм беру саласының қызметкерi болсын, бiлiм алушы оқушы не студент болсын Интернет желiсiнде жұмыс iстей алуы заман талабы болып отыр.

Дипломдық жұмыстың мақсаты пайдаланушыға HTML тiлiнде программалу негiздерiн оқыта отырып, Интернет-оқулық құру технологиясын жетiлдiру. Бұл қашықтан оқыту жүйесi негiзiнде оқып жатқан студенттiң “Интернет желiсi және компьютерлiк коммуникациялар” тақырыбын жеңiл әрi жылдам оқып-үйренуiне мүмкiндiк бередi.

«Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында»

Н. Ә. Назарбаев

Қазіргі кездегі шапшаң жүріп жатқан жаһандану үрдісі әлемдік бәсекелестікті күшейте түсуде. Тіпті бірқатар дамыған елдерде бұл идея ұлттық қағидаға айналған. Сондықтан халықаралық ұйымдар әлем елдерінің бәсекеге қабілеттілігінің рейтингін анықтауға кірісті. Елбасы Қазақстанның әлемдегі бәсекеге қабілетті 50 елдің қатарына кіру стратегиясы атты жолдауында «Білім беру реформасы - Қазақстанның бәсекеге нақтылы қабілеттілігін қамтамасыз етуге мүмкіндік беретін аса маңызды құралдарының бірі» деп атап көрсетті.

Қай заманда да өркениеттің дамуы интеллектуалдық шығармашылық қабілеттіліктің негізінде жасалынған, әлі де солай болып келеді. Шығармашылық адам санасының жасампаздығын және іс-әрекетінің биік белсенділігін көрсетеді. Адам қабілетінің дәрежесі, оның кәсіби іскерлік шеберлігі, бизнес пен кәсіпкерліктің нәтижелілігі, жаңалық ашуы тұлғаның шығармашылық ойлауына қатысты анықталады. Электронды оқулық педагогикада өзіне тиісті орнын алды.

Білім беру үрдісін ақпараттандыру - жаңа ақпараттық технологияларды пайдалану арқылы дамыта оқыту, дара тұлғаны бағыттап оқыту мақсаттарын жүзеге асыра отырып, оқу-тәрбие үрдісінің барлық деңгейлерінің тиімділігі мен сапасын жоғарлатуды көздейді.

Электрондық оқулықпен оқытудың негізгі мақсаты: Оқыту үрдісін үздіксіз және толық деңгейде бақылау, сонымен қатар ақпараттық ізденіс қабілетін дамыту.

Электронды оқулықтардың болашағы бар және уақыт өткен сайын заман талбына сәйкес дамып, жаңартылады деп ойлаймын.

Электронды оқу құралдарының, яғни, білім беретін электрондық басылымдардың көбею рөлінің аспектісінде дәстүрлі және жаңа информациялық технологиялардың даму тенденциясынан және қазіргі жағдайдың анализінен зерттеулердің проблемасы шығады.

Концепцияға және «КРСТ 34. 017-2005 ақпараттық технологиялар. Электрондық басылым, Электрондық оқыту басылымы». Қазақстанда осы электрондық басылымдарды пайдалану және өңдеу үрдісіне атсалысып жүрген мамандар көп. Олар Бидайбеков Е. Ы., Шарипбаев А. А., Омаров А. Н., Баймуратова Г. Г., Абдыманапов С. А., Нургужин М. Р., Байгелов К. Ж., Омарбекова А. С. және т. б.

Білім беретін электрондық басылымдардың және құралдарының ұғымы мен анықтамасы У. Л. Зайнутдинованың, О. В. Зимгенаның А. Л. Кирилловтың И. В. Роберттің және т. б. зерттеушілердің еңбегінде көрсетілген . Белгілі анықтамалардың анализі мынаны көрсетеді : көптеген жағдайда олардың авторлары анықталып жатқан объектінің (білім беретін электрондық басылымның) қасиеттерін пайдаланады. Бірақ, бұл ұғымның қасиеті жеткілікті өсіңкі, демек, алғашқы анықтамалар тез арада ескірді.

Білім беретін электрондық басылымдардың оқу курсын оқытуда орнын анықтау - маңызды мәселе болып табылады. Бұлар Е. С. Полаттың, А. Ю. Уваровтың, А. В. Хуторскийдың, И. В. Роберттің, Е. Н. Ястребцованың және т. б. еңбектерінде қарастырылған . Сондай-ақ, бұл мәселе толық зерттелген деп санауға болмайды. Тек, енді, оқытудың әдістемелік жүйесі және білім беретін электрондық басылымдар мен ресурстардың өзара әрекеттесу мәселесі әлі ашық қалуда .

Білім беретін электронды жүйелерді жіктеудің классификациясы тұралы Л. Х. Зайнутдинованың, И. В. Вострокнутовтың және т. б. авторлардың еңбектерінде ұсынылған .

Көбінесе жіктеулік (классификация) білім беретін электрондық жүйенің қасиетіне негізделген, бірақ білім беретін жүйенің мүмкіндігін толық анықтайтын оның құрылымдық ерекшіліктеріне тимейді.

Білім беретін электрондық программалық жүйелерді өңдеу технологиясы кең түрде талқыланып жатыр.

Енді, назардан тыс мына мәселелер қалды: оқытудың әдістемелік жүйеге қатысты, оқу пәндерінің мазмұнының құрылысын есептейтін білім беретін электрондық басылым және рессурстардың синтезі.

Білім беретін программалық тәсілдерді бағалауға келгенде дәстүрлі амал дайын жүйенің бағасымен байланысты. Бірақ, синтез жағдайында бағалау техналогиясын өңдеу қажеттілігі осы уақытқа дейін қарастырылмай қалды.

Ғылымның ең қалыптасқан салалардың бірі - информатика болып табылады. Информатика бойынша білім беретін электрондық басылымдарда өңдеу әрекеттері белгілі. Сонымен қоса, информатиканы оқытудың әдістемелік жүйесінің барына қарамастан, информатикадан электрондық оқу қуралын құрастыру мәселесі әлі қарастырылмады.

Сонымен, зерттеудің проблеммасы мыналардың арасындғы қайшылықтарға байланысты: негізгі ұғымдарды құруға жалпы амалдарды өңдеудегі қажеттілік және білім беретін электрондық басылымдардың анализі мен синтезінің міндеттерінің шешімінің негізінде жатқан принциптер, сондай-ақ, оқыту үрдісіндегі қолданылатын әдістемелер және осындай амалдарды іске асырудың жолдары, мәндерінің жан-жақты анализінің жоқтығы.

Зерттеудің объектісі - білім беретін электрондық басылымдарды пайдалану мен өңдеудің теориялық негізі болып табылады.

Білім беретін электрондық басылымдарды құру және пайдлану үрдісі - зерттеудің тақырыбы болды.

Зерттеудің мақсаты:

оқытудың барабар әдістемелік жүйелерін, білім беретін электрондық басылымдарды құру және қолдану үрдісінің теориялық негізін өңдеу;
электрондық оқулықтың құрылым мен мазмұның анықтау;
электрондық оқулықтың мазмұнын және құрылымын анықтауды автоматтандыру;
Зерттелген әдістер мен технологиялық негіздерін құру және электрондық оқулықты жасау.

Зерттеудін болжамы, мына жорамалдан тұрады: тәжірбиеде іске асатын электрондық оқу курсын жетілдіруге мүмкіндік беретін электрондық басылымдардың қалыптасу үрдісінің негізінде жататын сапалы көзбе-көз бағасының әдістемесін пайдалану, әртүрлі дидактикалық және технологиялық жайлардың есебінің негізінде классификацияның тұйық жүйесін құру, информациялық технологиялардың дамуын ескеретін бағаларды қалыптастыру.

Мақсат пен болжамға (гипотеза) байланысты мына зерттеудің міндеттері анықталды:

Дидактикалық және технологиялық жайлардың есебінің негізінде әр түрлі білім беретін электрондық басылымдар ұғымдарын енгізу, білім беру жүйесінде олардың орның анықтау;
Сыртқы психолого - дидактикалық белгісі сияқты классификациялық жүйелердің толықтығын қамтамассыз ететін оқу программасы тәсілінің ішкі құрылысын зерттеу негізінде құрастырылған білім беретін электрондық басылымының клссификациясында мүмкіндігінше болатын мәселелерді қарастыру.
Мектеп информатика пәнінің мемлекеттік стандартқа сай оқу бағдарламасын зерттеу.
Электрондық оқулықты жасауға қажетті программалық жабдықтардың мүмкіндіктерін зерттеу.
Берілген әдістер мен технологияның негізінде информатиканың электрондық оқу курсын жетілдіру.

Берілген проблемалар зерттеудің теоретикалық-экспериментіті сипатын анықтайды.

Зерттеу нәтижесі бойынша келесідей жаңалықтарға қол жеткізу көзделіп отыр:

PHP скриптін оқытудың әдістемесін жасау;
PHP скриптін оқытудың әдістемесіне сүйене отырып, электрондық оқулығын жасау және пайдаланушыға ұсыну;

1 тарау. Электрондық оқулықтың қажеттілігі,

түрлері, жіктеу және оларға қойылатын талаптар

Электрондық оқулықтың қажеттілігі

Негізгі ұғымдар

Электрондық басылым (ЭБ) - бұл графикалық, мәтіндік, цифрлік, тілдік, музыкалық, бейне, фото және ақпараттар, сонымен қатар қолданушының басылымдық құжаттарының жиынтығы. Электрондық басылымдар кез келген электрондық тасымалдаушыларда - магниттік (магниттік таспа, магниттік дискі, және т. б. ), оптикалық дискілерде (CD-ROM, DVD, CD-R, CD-I, CD+ және т. б. ) орындалуы және электрондық компьютерлік желілерде жариялануы мүмкін.

Оқу электрондық басылымы (ОЭБ) - білімнің сәйкес ғылыми-практикалық саласы бойынша жүйеленген материалдарды қамтуы керек және студенттер мен оқушылар осы саладағы білімдер, біліктер және дағдыларды шығармашылық және белсенді түрде меңгеруін қамтамасыз етуі керек.

Оқулық (О) - мемлекеттік стандартқа және оқу программасына сәйкес және осы басылым түрі ретінде арнайы бекітілген немесе оқу тәртібінің жүйелі мазмұнынан тұратын оқу басылымы.

Электрондық оқулық (ЭО) - өз бетімен немесе оқытушының қатысуымен оқу курсын немесе оның бір бөлімін компьютердің көмегімен меңгеруді қамтамасыз ететін программалық-әдістемелік кешенді айтады.

Оқу құралы (ОҚ) - бұл берілген басылымның түрі ретінде ресми түрде бекітілген және оқулықты толықтыратын немесе оны бөлшектеп немесе толық алмастыратын оқулық .

Электрондық оқу құралы(ЭОҚ) - оқулықты толығымен немесе жартылай ауыстыратын немесе толықтыратын және берілген түрдегі басылым ретінде бекітілген электрондық басылым.

Гипермәрін - электрондық формада ұсынылған және оның бір фрагментінен басқа фрагментіне дер кезінде өтуді қамтамасыз ететін тармақталған байланыстар жүйесімен жабдықталған мәтін.

Интеллектуалдық ядро - математикалық операцияларды сандық және символдық формада шығаратын бағдарламалардың арнайы жиынтығы .

Визуализация - суреттердің, графиктердің және анимацияның көмегімен көрнекі түрде көрсетілуі .

Электрондық оқулықтың сипаттамасы

Қашықтықтан оқыту - елдегі және шет елдегі қалың бұқара топтарына

мамандандырылған ақпараттық білім беру ортасының көмегімен қашықтықтан алмасу құралдарына (спутниктік телеарна, радио, компьютерлік байланыс және т. б. ) негізделген оқу ақпараттарын беретін білім беру қызметтерінің кешені. Қашықтықтан оқытудың ақпараттық - білім беру жүйесі пайдаланушының білім алу қажеттілігін қанағаттандыруға бағытталған ақпарат тарату құралдарының жүйелі - ұйымдасқан жиынтығын, ақпараттық қорларын, өзара әрекеттестік хаттамаларын, аппараттық - бағдарламалы және ұйымдаcқан - әдістемелік қамтамасыз етілуін береді. Қашықтықтан оқыту адамның білім және ақпарат алу құқығын жүзеге асыратын білім берудің үздіксіз түрлерінің бірі.

Яғни, қашықтықтан оқытуды оқытушы мен үйренушінің уақыт пен кеңістікте бөлектенген білім алуының кез келген түрі деп түсінеміз. Егер де осы анықтамамен келіссек, онда сырттай оқу түрі қазіргі қашықтықтан оқытудың түп бейнесі, бірақ онда жекелеу элементі жоқ. Қашықтықтан оқытуға жекелеу элементін қалай енгізуге болады?

Қазіргі компьютерлер осы уақытқа дейінгі белгілі болған ақпараттарды берудің түрлерін және бізге не маңызды болып саналатынын үлкен тиімділікпен өндіруге мүмкіндігі бар, тек олар ғана оқытуда бейімделу алгоритмін жүзеге асыра алады және оқытушыны оқу материалын меңгеру барысы жайлы дұрыс және жылдам кері байланыспен қамтамасыз етеді, онда бәрі айқын бола түседі, қашықтықтан оқытудың бүгінгі түсінігінің дәстүрлі сырттай оқытудан түбегейлі айырмашылығы «қалам мен қағаз» орнын компьютер ауыстыратынында ғана емес, сонымен қатар «көгершін почтасын» Интернет ауыстыратында. Мультимедиялық компьютер - бұл жаңа интегралданған ақпарат тасушы ғана емес, бұл - “face to face” үлгісінің ең толық және бара-бар бейнеленуі. Бұдан басқа, компьютерде ғана оқытуды жекелеудің маңыздыларының бірі болып табылатын гипермедиялық сілтемелер негізіндегі ақпараттық - анықтамалық жүйе жүзеге асады.

Мамандандырылған аудиториялардағы тәжірибе сабақтарын, оқушының өз бетімен жұмыс істеуі үшін жабдықталған оқу орындары мен жатақханалардағы компьютерлік сыныптарын, сонымен қатар үйдегі дербес компьютердің бәрін тек бір ғана компьютерлік ортамен қамтамасыз ететін компьютерлік пакеттер жасалған жағдайда ғана қазіргі білім беру ісінде реформа болуы мүмкін. Ақпараттық процестер басқа қоғамдық және өндірістік процестердің маңызды бөлшегі болып табылады. Осыған орай ақпараттық технологиялар олардың компоненттері ретінде қарастырылады. Ақпараттық оқыту құралдарын пайдалану өзін - өзі оқыту жүйесінде, сонымен қатар квалификацияны көтеру және мұғалімді қайта дайындау жүйесінде тиімді. Орта бiлiм беру жүйесiн ақпараттандырудың мемлекеттiк бағдарламасының негiзгi бағыттарының бiрi - оқыту процесiн ақпараттандыру. Аталған бағытты жүзеге асыру үшiн жаңа буын оқулықтарын электрондық вариантқа аудару қажет.

Электрондық басылымның (ЭБ), оқу электрондық басылымының (ОЭБ) және электрондық оқулықтың (ЭО) ресми анықтамаларын негізге ала отырып электрондық оқулық ұғымын кеңейту және айқындау қажет. Электрондық оқулық дегеніміз не және оның кәдімгі оқулықтан айырмашылығы неде? Әдетте, электрондық оқулық оқу тәртібінің негізгі ғылыми мазмұны бейнеленген ДЭЕМ магниттік тасымалдаушыларында (қатты немесе иілгіш дискілерде) орналасқан үйретуші, тексеруші, үлгілеуші және басқа да программалар жинағы болып табылады. Электрондық оқулықтар ара қашықтықтан оқыту формасына негiзделiп жасақталады және оны жүзеге асыру үшiн қолданылады.

Электрондық оқулық - оқу әдебиеттінің жаңа жанры болып табылады. Электрондық оқулық (тіпті ең жақсысы да) кәдімгі кітапты толық ауыстырмайды және ауыстыра алмайды. Әдеби шығарманы экранизациялау қандай да бір басқа жанрға жататындай, электрондық оқулық та оқу міндетіндегі шығарманың жаңа жанрына жатады. Фильм көру ол түсірілген кітапты оқуды ауыстыра алмайтын сияқты, электрондық оқулықтың бар болуы кәдімгі оқулықты оқуды ауыстырмауы керек, керісінше оқушылардың кітапқа деген ықыласын оятуы керек. Сол себепті электрондық оқулық құру үшін жақсы оқулықты алып, оны навигациямен (гипермәтін құру) және бай иллюстративті материалдармен (мультимедиялық құралдарды қоса) жабдықтап және оны компьютер экранында көрсету жеткіліксіз. Электрондық оқулық, оның функциясы түбегейлі басқаша болғандықтан, суреттері бар мәтінге де, анықтамалыққа да айналмауы керек.

Электрондық оқулықтардың негізі дыбыстық фрагменттерден, мультипликация және бейнефрагменттерден тұратындықтан оларды дайындау оңай болмаса да оқулықта тіл жетпейтін кезеңдер оңай түсіндіріледі. Электрондық оқулықтардың ең негізгі ерекшелігі де осында.

Электрондық оқулық біршама ұғымдарды, пайымдауларды және көптеген мысалдарды түсінуді және тез есте сақтауды максималды түрде жеңілдетуі керек. Электрондық оқулық студенттің өз бетімен жұмыс істеуіне мүмкіндік туғызады. Электрондық оқулықтың мазмұны оқушының интеллектiлiк ойлау қабiлетiн дамытуға бағытталуы қажет және оның мына қасиеттердi қанағаттандыруы жеткiлiктi: жинақтылық, жүйелiлiк, эстетикалық көркемдiлiгi, жылдамдылығы және т. б. Осы уақытқа дейiн бақылаушы, жаттықтырушы, модельдеушi, дидактикалық ойындар сияқты қолданбалы программалар қолданылып келдi. Бұл программалар оқушының өздiгiнен оқып-үйренуiне және өзiндiк жұмыс жасау қабiлетiн дамытуға мүмкiндiк бередi. Электронды оқулықты пайдалану мұғалімнің де ғылыми-әдістемелік потенциалын дамытып, оның сабақ үстіндегі еңбегін жеңілдетеді.

Электрондық оқулықты құрастырған кезде оның мәтiндiк ақпараттан гөрi графиктiк ақпарат көбiрек қамтылуы керек, себебi ол оқушының ақпаратты тез, әрi көрнекi түрде қабылдауына жағдай жасайды.

Қашықтан оқыту, мультимедия құралдарының дамуы оқушының, студенттің білім алуын, олардың белсенділігін арттырады. Студенттің сабақта көзделетін нысандары, құбылыстары туралы өз бетінше оқу-тәрбие процесінде ақпаратты жинауы, өңдеуі, оны жүзеге асыра білуі қазіргі заманғы ақпараттық технологиялардың даму өрісіне байланысты.

Ал қазіргі заманғы жаңа технологиялар электрондық оқулықты пайдалану, ақпаратпен жұмыс істей білу. Қазіргі таңда білім беру жүйесі ақпараттық технологиялар мен компьютерлік телекоммуникацияны қарқынды түрде пайдаланып келеді. Электрондық оқулықтарды соңғы кезде қолданысқа енгізілген жоғары деңгейлі компьютерлік программалармен қатар, қарапайым программалармен де құрастыруға болады.

Электронды оқулық мазмұны жағынан толық, жоғары деңгейде ақпараттанған және дарынды жазылуы қажет. Қашықтан білім алуда оқулықта барлық электронды - әдістемелік құралдары кіруі керек. Қазіргі заманғы ЭОБ оқушыға ыңғайлы индивидуалды қарқынмен теорияны оқуға, эксперименталды зерттеулер жүргізуге, практикалық дағдыларды қалыптастыруға, өзін - өзі тексеруге мүмкіндік береді.

Түрлі сабақтарда электронды оқулықпен жұмыс нәтижелерін бағалау үшін түрлі диагностикалық зерттеу жұмыстарын жүргізуге мүмкіндік бар:

Білім мониторингісі;
Сауалнамалар;
Түрліше тестілік бақылаулар;
Жеке оқушылармен әңгіме, пікір алмасу т. б.
Оқушыларды сырттай бақылау

Электрондық оқулықтарды қолдану барысында оқушылардың сабаққа деген қызығушылығы күрт артқан. Сондай-ақ мұғалімдер де өздеріне қажетті әдістемелік, дидактикалық көмекші құралдарды молынан қолдана алады.

Электрондық оқулықтың тиімділігі олардың қашықтықтан оқытудағы өз мүмкіндіктерін жетілдіріп, казіргі жағдайда барлық білім алатын үйренушілерге ұсынылуында. Дәл осындай оқулықты кез-келген оқушыға ұсынуға болады және дәл осындай оқулықты студенттердің өзін-өзі дайындауда жақсы көмек береді. Осымен қатар сынақтарға және әр пәннен өтетін емтихандарға дайындалуға көмектеседі.

Бүгінгі таңда есептеу техникасының қарыштап дамуына байланысты және оқу орындарын қаржыландырудың жетіспеушілігінен оқыту мақсатында әртүрлі программаларды жазу, пәндерді әртүрлі әдістермен оқыту негізгі мәселе болып отыр. Осындай мәселені есептеу техникаларын және әртүрлі программалау тілдерін, қолданбалы программаларды қолданып шешуге болады.

Электрондық оқулықтың кемшілігіне ақпаратты қабылдау құралы ретіндегі жақсы емес дисплейді (мәтіндік ақпаратты экраннан қабылдау кітап оқығанға қарағанда ыңғайлы және тиімдірек) және кітаппен салыстырғанда анағұрлым жоғары бағаны жатқызуға болады.

Осы уақытқа дейінгі білім беру саласында тек мұғалімнің айтқандарын немесе оқулықты пайдалану қазіргі заман талабын қанағаттандырмайды. Сондықтан қазіргі ақпараттандыру қоғамында бұл оқулықтарды пайдаланбай алға жылжу мүмкін емес.

Электронды оқыту құралдарын жасау және пайдалану екі бағыт бойынша дамиды:

Әртүрлі оқыту пәндері бойынша автоматтандырылған оқыту жүйелері құрылады. Автоматтандырылған оқыту құралдарының негізі ретінде педагог - құрушыларға өздерінің әдістемелік материалдарын мәліметтер қорына енгізіп, арнайы тіл немесе инструментальдық құралдар арқылы оларды оқытудың алгоритмін беруге болатын авторлық жүйелер жатады.
Адамзат жұмысының әртүрлі саласын ақпараттандырумен байланысты. Бұл бағытты компьютерлік оқыту программалары, программалар пакеті, көп еңбек етуді қажет ететін есептеулерді, оптимизациялауды, математикалық модельдерді жеңілдету үшін автоматтандыру жүйелерінің элементтері дамығын.

Енді электронды оқулықты пайдаланудың тиімді және тиімсіз жақтарына тоқталайық.

... жалғасы

Сіз бұл жұмысты біздің қосымшамыз арқылы толығымен тегін көре аласыз.