16 Желтоқсан Тәуелсіздік күні

Пән: Қазақстан тарихы
Жұмыс түрі: Материал
Тегін: Антиплагиат
Көлемі: 2 бет
Таңдаулыға:

16 Желтоқсан Тәуелсіздік күні

16 Желтоқсан ҚР Тәуелсіздік күні баршамызға құтты болсын! Елімізден, отанымыздан ұзақ жерде болсақ та, бізге маңызды болып саналатын Тәуелсіздік күні, кең байтақ даламыз ата-бабаларымыздан қалған мұра және бізден кейін келе жатқан ұрпаққа аман-есен, төрт жағы түгел болып берілетін аманат. Біз қай жерде болмасақ та елімізді, тілімізді, ділімізді, дінімізді және салт-дәстүрімізді сүйуге, құрметтеуге және ұмытпауға тырысуымыз керек. Келе жатқан жас ұрпаққа осындай тәлім-тәрбиені беру де біздің мойнымызда. Баршамызға аманшылық, елімізге тыныштық тілеймін. Ынтымақ пен татулық, бірлік пен бауырмалдық бізбен бірге болсын! 14 желтоқсанда Houston қаласында Shanyraq Kazakh Foundationның Houstonда ашылуы және Тәуелсіздік Күні мерекесі атап өтілді. Қараша айының 1-2сінде Хьюстон қаласында өткен 2-ші Түркі Халықтарының Фестивалінде Қазақстанды танытуға, қазақтың тілі мен ділін, салт-дәстүрі мен әдет-ғұрпын, мәдениеті мен өнерін бүкіл Техасқа көрсетуге ат салысқандарға алғыс сезімі білдірілді және алғыс хатпен марапатталды. Осы фестивалді көрсеткен Түркиенің ең үлкен телерадио бірлестігінің бірі ТRT-int бүкіл әлемдік қызметі торабында шығатын "Yeni Ufuklar" бағдарламасында Shanyraq Kazakh Foundationның бастауымен ұйымдастырылған қазақ ауылын да көрсетпей өте алмады. Кешкі аста бесбармақтың дәмін татып, қазақ күйін тыңдап бір-бірімен жақыннан танысқан жиналған қазақ қауымы тағы да осындай жиынды күтетінін айтты. Жылы лебіздерін білдірген қонақтарымыздың айтқандары келсін деп ризашылығымызды білдіреміз. Осындай іс-шараны ұйымдастыруға көмек көрсеткен баршаға шың көңілімізден рақыметімізді ҚАЗАҚСТАННЫҢ ТӘУЕЛСІЗДІК КҮНІ - тарихы тереңде жатқан елдің жаңа заманда өз алдына қайта егеменді ел болған күні. Тәуелсіздік күні мерекесі әр жылдың 16-желтоқсанында аталып өтеді. Бұл күн ұлттық, мемлекеттік деңгейдегі елеулі мереке болғандықтан 16-17-желтоқсан күндері күнтізбеде демалыс болып табылады. Жыл сайын республика азаматтарының арасында мәдениет қайраткерлері, әлеуметтік саладағы ерекше қызметімен көзге түскен мамандар, әскери шенділер мен офицерлер, құқық қорғау саласының қызметкерлері және ел өміріндегі белсенді өзге де сала өкілдері елеулі еңбек еткендері үшін мемлекеттік марапаттармен (наградалар) марапатталады. Тәуелсіздік күнінің құрметіне абақтыдағыларға рақымшылық жасалады 16-желтоқсан күні Қазақстанның барлық жерлерінде мерекелік мәдени ойын-сауық іс-шаралары ұйымдастырылады. Кешке қарай үлкен орталықтардың аспаны отшашумен көмкеріледі. Тәуелсіздік тек қазақстан тұрғындары үшін емес, сонымен бірге, шетелдердегі қазақ қандастарымыз үшін де маңызы зор мереке. Алыста, ата жұрттан жырақта жүрсе де Қазақстан үшін алаңдайтын, еліміздің болашағына біркісідей зор үмітпен қарайтын қандас бауырларымыз бұл күнді қалпақтарын аспанға лақтыра қуанып атап өтеді

Тәуелсіздік күнінің тарихы 1991 жылы КСРО ыдырап, Одақтың құрамындағы елдер өз алдарына жеке мемлекет болып жатты. Солардың қатарында Қазақстан да болды. 1991 жылы 16-желтоқсанда Қазақстанның Жоғарғы Кеңесі “Тәуелсіздік пен мемлекеттің егемендігі туралы” заңды қабылдады. Ескеретіні, Қазақстан КСРО құрамындағы елдердің арасында ең соңғысы болып Тәуелсіздігі туралы заңды қабылдады. Бұл заң 1990 жылы 25-қазанда қабылданған Қазақстанның Егемендігі туралы Декларациямен бірге Қазақ елінің елдігін нығайта түсті.

Қазақстанның Тәуелсіздігін ең алғаш болып қай ел мойындады? Қазақстанның Тәуелсіздігін ресми түрде ең алғаш болып мұхиттың арғы жағында жатқан Америка Құрама Штаттары мойындады, екінші болып айдаһардай айбарлы Қытай, сонан соң Ұлыбритания мойындады. Оның артынан Моңғолия, Франция, Жапония, Оңтүстік Корея және Иран Ислам мемлекеті мойындады. Иран - Қазақстанның тәуелсіздігін мойындаған алғашқы мұсылман мемлекеті. Ал “Тәуелсіздігімізді ең алғаш болып бауырлас Түркия мемлекеті мойындады” деген сөздің ақиқат еместігін білгеніміз жөн. Түркия алғаш болып Қазақстанда өз елшілін ашты, бірақ тәуелсіздігімізді мойындауда он жетінші болды. Бұл деректі еліміз Тәуелсіздік алғаннан кейін Сыртқы істер министрінің орынбасары қызметін атқарған, елдің сыртқы саясат тұжырымдамасы авторларының бірі болған Вячеслав ҒИЗЗАТОВ келтірген. ҚР Сыртқы Істер министрлігінде тіркелген дипломатиялық құжаттарда Түркияның Қазақстан тәуелсіздігін ресми түрде мойындайтын протоколға 1992 жылдың 2-наурызы күні қол қойғандығы көрсетілген. (Бұл тақырыпты толығырақ оқыңыз) Алғашықы күндері әлемнің салмақты елдері мойындап, кейіннен басқа да елдер мойындап жатты. Осылайша әлемдік саясат аренасында ҚАЗАҚСТАН деген мемлекет тәй-тәй басты. Небары бірнеше аптаның ішінде әлемнің көптеген беделді елдері Қазақ елінің тәуелсіздігін мойындап, дипломатиялық қатынастар басталды. Бір одақтың туы астында болған кеңестік елдердің арасынан алғаш болып Литва, сосын Украина, Грузия елдері Қазақстанның тәуелсіздігін мойындады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.