Мемлекеттік мекемелердің бухгалтерлік есеп шоттарының жоспарын бекіту туралы
Мемлекеттік мекемелердің бухгалтерлік есеп шоттарының жоспарын бекіту туралы
Қазақстан Республикасы Қаржы министрінің 2010 жылғы 15 маусымдағы N 281 Бұйрығы. Қазақстан Республикасы Әділет министрлігінде 2010 жылғы 29 маусымда Нормативтік құқықтық кесімдерді мемлекеттік тіркеудің тізіліміне N 6314 болып енгізілді
Қолданушылардың назарына!
Бұйрықтың қолданысқа енгізілу тәртібін 3-тармақтан қараңыз.
Қазақстан Республикасының Бюджет кодексін іске асыру жөніндегі шаралар туралы Қазақстан Республикасы Премьер-Министрінің 2008 жылғы 29 желтоқсандағы № 292-ө Өкімімен бекітілген Қазақстан Республикасы Бюджет кодексінің 116-бабының 3-тармағын, Қазақстан Республикасы Нормативтік құқықтық акті тізбесінің 57-тармағын іске асыру мақсатында БҰЙЫРАМЫН:
1. Қоса беріліп отырған мемлекеттік мекемелердің бухгалтерлік есеп шоттарының жоспары бекітілсін.
2. Қазақстан Республикасы Қаржы министрлігінің Бухгалтерлік есеп, аудиторлық қызмет әдіснамасы департаменті (А.О. Төлеуов) Қазақстан Республикасы Әділет министрлігінде осы бұйрықтың мемлекеттік тіркелуін және заңнамада белгіленгентәртіпте ресми жариялануын қамтамасыз етсін.
3. Осы бұйрық 2013 жылғы 1 қаңтардан бастап қолданысқа енеді.
Министр Б. Жәмішев
Қазақстан Республикасы
Қаржы министрінің
2010 жылғы 15 маусымдағы
№ 281 бұйрығымен
бекітілген
Мемлекеттік мекемелердің бухгалтерлік есеп шоттарының жоспары
1. Жалпы ережелер
1. Осы мемлекеттік мекемелердің бухгалтерлік есеп шоттарының жоспары (бұдан әрі - Шоттар жоспары) Қазақстан Республикасының Бюджет кодексіне сәйкес әзірленген.
2. Шоттар жоспары
2. Шоттар жоспары қаржылық есептілік элементтерін топтауға және құндық мәнде ағымдағы көрсетуге арналған.
3. Шоттар жоспарда бухгалтерлік есептің синтетикалық шоттары осы Шоттар жоспарға 1-қосымшаға сәйкес өтімділігін азайту тәртібімен орналастырылған және нөмірлерінің төрт саны бар. Нөмірдің бірінші саны бөлімдерге тиістілігін, екіншісі - кіші бөлімдерге тиістілігін, үшіншісі - синтетикалық шоттардың топтарына тиістілігін, төртінші сан - қосалқы шоттарға тиісті.
3. Шоттар жоспарының бөлімдері
4. Шоттар жоспары мынадай бөлімдерді қамтиды:
1 бөлім - Қысқа мерзімді активтер;
2 бөлім - Ұзақ мерзімді активтер;
3 бөлім - Қысқа мерзімді міндеттемелер;
4 бөлім - Ұзақ мерзімді міндеттемелер;
5 бөлім - Таза активтеркапитал;
6 бөлім - Кірістер;
7 бөлім - Шығыстар;
8 бөлім - Өндіріске және басқа мақсаттарға арналған шығындар;
9 бөлім - Баланстан тыс шоттар.
4. 1 Қысқа мерзімді активтер бөлімінің шоттары
5. 1 Қысқа мерзімді активтер бөлімінің шоттары қысқа мерзімді ретінде жіктелетін мемлекеттік мекемелердің активтерін нақты сомасын және қозғалысын есепке алуға арналған.
6. 1 Қысқа мерзімді активтер бөлімі мынадай кіші бөлімшелерді қамтиды:
1000 Ақша қаражаты және олардың баламалары;
1100 Қысқа мерзімді қаржы инвестициялары;
1200 Қысқа мерзімді дебиторлық берешек;
1300 Қорлар;
1400 Өзге қысқа мерзімді активтер.
7. 1000 Ақша қаражаты және олардың баламалары кiшi бөлiмi - қолма-қол ақшаны бақылау шоттарында және мемлекеттік мекемелердің шоттарында ақша қаражатын және олардың баламаларын есепке алуға арналған.
Осы бөлімше мынадай шоттарды қамтиды:
1010 - Кассадағы ақша қаражаты шоты мемлекеттік мекеме кассасындағы ақша қаражатының нақты сомасын және қозғалысын есепке алуға арналған;
1020 - Мемлекеттік мекеменің ағымдағы шоты шоты мемлекеттік мекеме ағымдағы шотындағы ақша қаражатын есепке алуға арналған;
1030 - Есеп айырысу шоты Қазақстан Республикасы Сыртқы істер министрлігінен (бұдан әрі - СІМ) Қазақстан Республикасының елшіліктері және өзге шетелдік мекемелер алған ақша қаражатын есепке алуға арналған;
1040 - Түсімдер мен есеп айырысуларды есепке алу үшін ҚБШ демеушілік және қайырымдылық көмек, ақылы қызметтер, ақшаны уақытша орналастыру ақшасы бойынша мемлекеттік мекеменің, жергілікті өзін-өзі басқарудың, нысаналы қаржыландырудың ақша қаражатын есепке алуға арналған. Осы шот мынадай қосалқы шоттарды қамтиды:
1041 - Демеушілік және қайырымдылық көмек ҚБШ, мұнда Қазақстан Республикасының заңнама актілеріне сәйкес мемлекеттік мекемелерге арналған демеушілік және қайырымдылық көмек түріндегі түскен ақша қаражатын есепке алады;
1042 - Ақылы қызметтер ҚБШ, мұнда мемлекеттік мекемелер иелігінде қалған тауарларды (жұмыстарды, қызметтерді) өткізуден алған және Бюджет кодексіне сәйкес және Қазақстан Республикасы Үкіметі анықтаған тәртіпте пайдаланылатын ақша кірістері мен шығыстары есепке алынады;
1043 - Ақшасын уақытша орналастыру ҚБШ, мұнда Қазақстан Республикасының заңнама актілеріне сәйкес жеке және (немесе) заңды тұлғалардың қайтарып алу шартымен мемлекеттік мекемелерге аударылған немесе белгілі бір жағдай туғанда сәйкесінше бюджетке немесе үшінші жаққа берілген ақша қаражат қозғалысы есепке алынады;
1044 - Жергілікті өзін-өзі басқару ҚБШ, онда Қазақстан Республикасының жергілікті мемлекеттік басқару және өзін-өзі басқару заңнамасына сәйкес жергілікті өзін-өзі басқару функцияларын іске асыру үшін ақшаның түсімі мен жұмсалуы есепке алынады;
1045 - Нысаналы қаржыландыру ҚБШ, мұнда есептелген бюджет қаражаты және оларды ерекше шығыстарды жүргізуге пайдалану есепке алынады (нысаналы қаржыландыру шоты);
1050 - Шетелдік валютадағы шот мемлекеттік мекеме жүргізетін есепті кезеңнің соңғы күніне қолданылатын және Қазақстан Республикасы Қаржы министрлігі мен Қазақстан Республикасының Ұлттық Банкі бірлесіп белгілеген тәртіпте анықталатын валюта айырбастаудың нарықтық бағамы бойынша шетелдік валютаны қайта есептеу жолымен алынған Қазақстан Республикасы валютасында валюталық операцияларды есепке алуға арналған;
1060 - Арнайы шот шоты бюджеттік бағдарлама әкімшілігімен қарызға алынған қаражаттардың (сыртқы қарыздар және гранттар) кірісі мен шығысы бойынша қаржылық операцияларды есепке алуға арналған. Осы шот келесі қосалқы шоттарды қамтиды;
1061 - Гранттар бойынша бюджеттік инвестициялық жобаның арнайы шоты, мұнда грантпен байланысты қаражаттардың кірісі мен шығысы бойынша қаржылық операцияларды есепке алады;
1062 - Сыртқы қарыздар бойынша бюджеттік инвестициялық жобаның арнайы шоты, мұнда сыртқы қарыздардың (қарызға алынған қаражаттар) кірісі мен шығысы бойынша қаржылық операцияларды есепке алады;
1070 - Өзге де ақша қаражаты шоты алдыңғы қосалқы шоттарда көрсетілмеген басқа да ақша қаражаттарын есепке алуға арналған. Осы шот келесі қосалқы шоттарды қамтиды;
1071 - Аккредитивтер, мұнда мемлекеттік мекемелердің жеткізуші алдында алынған активтер үшін пайда болған төлемдерге сәйкес міндеттемелер бойынша ашылған аккредитивтер сомасы есепке алынады;
1072 - Ақша құжаттары, мұнда өзге ақша құжаттары есепке алынады;
1073 - Жолдағы ақша қаражаты мұнда шетел мекемелерінің шығындарын қаржыландыру СІМ-не аударылған, бірақ СІМ-нің шетел мекемелерінің есеп айырысу шотына түспеген ақша қаражат қозғалысын есепке алынады;
1074 - Өзге де ақша қаражаты, мұнда алдыңғы қосалқы шоттарда көрсетілмеген өзге ақша қаражаты есепке алынады;
1080 - Республикалық бюджеттен қаржыландырылатын мемлекеттік мекеменің міндеттемелері бойынша жеке қаржыландыру жоспарына сәйкес міндеттемелерін қабылдауға арналған жоспарлы тағайындаулары шоты республикалық бюджеттен қаржыландырылатын мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелер қабылдауға арналған жоспарлы тағайындаулары бойынша қаражат қозғалысын есепке алуға арналған. Осы шот келесі қосалқы шоттарды қамтиды:
1081 - Жеке қаржыландыру жоспары бойынша міндеттемелер қабылдауға арналған жоспарлы тағайындаулары, мұнда мемлекеттік мекемелердің қызметін қаржыландыру, мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелерді қаржыландыруды қабылдауға арналған жоспарлы тағайындаулар сомасы есепке алынады;
1082 - Күрделі салымдар бойынша міндеттемелер қабылдауға арналған жоспарлы тағайындаулар, мұнда күрделі салымдарды қаржыландыру бойынша міндеттемелер қабылдауға арналған жоспарлы тағайындаулар есепке алынады;
1083 - Басқа да бюджеттердің есебінен міндеттемелер қабылдауға арналған жоспарлы тағайындаулар, мұнда республикалық бюджет есебінен ұсталатын мемлекеттік мекемелерге олар жергілікті бюджет есебінен міндеттемелерді қабылдауға арналған жоспарлы тағайындаулар алу кезінде және керісінше жергілікті бюджеттердің есебінен ұсталатын мемлекеттік мекемелерге белгілі бір мақсаттарға республикалық бюджеттен міндеттемелерді қабылдауға арналған жоспарлы тағайындаулар алу кезінде мемлекеттік мекеменің міндеттемелерді қабылдауға арналған жоспарлы тағайындаулардың қозғалысы есепке алынады;
1084 - Трансферттер бойынша міндеттемелер қабылдауға арналған жоспарлы тағайындаулар, мұнда трансферттер бойынша міндеттемелерді қабылдауға арналған жоспарлы тағайындаулар есепке алынады, олар жалпы сипаттағы трансферттер, нысаналы ағымдағы трансферттер, нысаналы даму трансферттері, жеке тұлғаларға әлеуметтік төлемдерге және әлеуметтік көмекке берілетін трансферттер болып бөлінеді;
1085 - Субсидиялар бойынша міндеттемелер қабылдауға арналған жоспарлы тағайындаулар, мұнда мемлекеттік бюджет, жергілікті бюджет немесе жергілікті органдар, жеке және заңды тұлғалар арнайы қор қаражаттар есебінен ақшалай жәрдемақылар түріндегі субсидиялар бойынша міндеттемелер қабылдауға арналған жоспарлы тағайындаулар есепке алынады;
1086 - Республикалық бюджетке тауарлардың (жұмыстардың, қызметтердің) құны түрінде түсетін түсімдермен байланысты операциялар бойынша міндеттемелер қабылдауға арналған жоспарлы тағайындаулар мұнда республикалық бюджетке тауарлардың (жұмыстардың, қызметтердің) құны түрінде түсетін түсімдер есебінен мемлекеттік мекемелердің шығыстары бойынша міндеттемелер қабылдауға арналған жоспарлы тағайындаулар сомасы есепке алынады;
1087 - Сыртқы қарыздардың және байланысты гранттардың есебінен жобалар бойынша міндеттемелер қабылдауға арналған жоспарлы тағайындаулар, мұнда сыртқы қарыздардың және байланысты гранттардың есебінен жобалар бойынша міндеттемелер қабылдауға арналған жоспарлы тағайындаулар сомасы есепке алынады;
1090 - Жергілікті бюджеттен қаржыландырылатын мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелер қабылдауға арналған жоспарлы тағайындаулары шоты жергілікті бюджеттен қаржыландырылатын мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелер қабылдауға арналған жоспарлы тағайындаулар сомасының қозғалысын есепке алу үшін арналған. Бұл шот келесі қосалқы шоттарды қамтиды;
1091 - Жеке қаржыландыру жоспарына сәйкес міндеттемелер қабылдауға арналған жоспарлы тағайындаулары, мұнда мемлекеттік мекеменің қызметін ұстауға жеке қаржыландыру жоспарына сәйкес міндеттемелер қабылдауға арналған жоспарлы тағайындаулар сомалары есепке алынады;
1092 - Күрделі салымдар бойынша міндеттемелер қабылдауға арналған жоспарлы тағайындаулар, мұнда күрделі салымдарды қаржыландыру бойынша міндеттемелер қабылдауға арналған жоспарлы тағайындаулар есепке алынады;
1093 - Трансферттер бойынша міндеттемелер қабылдауға арналған жоспарлы тағайындаулар, мұнда бюджеттік бағдарламалар әкімшісінің пайдалану үшін трансферттер бойынша міндеттемелер қабылдауға арналған жоспарлы тағайындаулар есепке алынады, олар жалпы сипаттағы трансферттерге, нысаналы ағымдағы трансферттерге, нысаналы даму трансферттеріне бөлінеді;
1094 - Субсидиялар бойынша міндеттемелер қабылдауға арналған жоспарлы тағайындаулар, мұнда мемлекеттік бюджет, жергілікті бюджет немесе жергілікті органдар, жеке және заңды тұлғалар арнайы қор қаражаттар есебінен ақшалай жәрдемақылар түріндегі субсидиялар бойынша міндеттемелер қабылдауға арналған жоспарлы тағайындаулар есепке алынады;
1095 - Жергілікті бюджетке тауарлардың (жұмыстардың, қызметтердің) құны түрінде түсетін түсімдерге және олардың жұмсалуына байланысты операциялар бойынша міндеттемелер қабылдауға арналған жоспарлы тағайындаулар мұнда жергілікті бюджетке тауарлардың (жұмыстардың, қызметтердің) құны түрінде түсетін түсімдер есебінен мемлекеттік мекемелердің шығыстарына бойынша міндеттемелер қабылдауға арналған жоспарлы тағайындаулар сомасы есепке алынады.
Ескерту. 7-тармақ жаңа редакцияда - ҚР Қаржы министрінің 12.10.2013 № 482 бұйрығымен (алғашқы ресми жариялағаннан кейін күнтізбелік он күн өткен соң қолданысқа енгізіледі).
8. 1100 Қысқа мерзімді қаржы инвестициялары кіші бөлімі қысқа мерзімді қаржылық құралдарды есепке алу үшін арналған. Бұл бөлімше келесідей шоттарға бөлінеді:
1110 - Қысқа мерзімді берілген қарыздар шоты қысқа мерзімді мемлекеттік мекемелерге ұсынылған қарыздарды есепке алу үшін арналған.
1120 - Қысқа мерзімді қаржы инвестициялары шоты қысқа мерзімді қаржы инвестицияларды есепке алу үшін арналған (акциялар, мемлекеттік және жергілікті қарыздардың пайыздық облигациялары, депозиттік сертификаттар, салымдар, туынды бағалы қағаздар және басқа қаржы инвестициялары).
1130 - Қысқа мерзімді қаржы инвестицияларының құнсыздануына арналған резерв шоты қаржы инвестицияларының құнсыздануына арналған резервтерді есепке алу үшін арналған.
9. 1200 Қысқа мерзімді дебиторлық берешек бөлімшесі қысқа мерзімді дебиторлық берешектерді есепке алу үшін арналған. Бұл бөлімше келесідей шоттарға бөлінеді:
1210 - Бюджеттік төлемдер бойынша қысқа мерзімді дебиторлық берешек шоты бюджеттік төлемдер бойынша қысқа мерзімді дебиторлық берешектерді есепке алу үшін арналған. Бұл шот келесі қосалқы шоттарды қамтиды:
1211 - Жеке тұлғаларға трансферттер бойынша қысқа мерзімді дебиторлық берешек, мұнда жеке тұлғалармен жасалатын есеп айырысулар көрсетіледі:
әлеуметтiк төлемдер және әлеуметтiк көмектер бойынша,
қызметкерлер мен қызметшiлерге еңбекте алған жарақат, не болмаса заңнамаға сәйкес олардың еңбектегi мiндеттерiн орындауға байланысты өзге де денсаулығын зақымдаған залалдың орнын толтыру бойынша,
қаза болған, қайтыс болған әскери қызметшілердің ата-аналарына, асырап алушыларына, қамқоршыларына төленетін біржолғы төлемдер бойынша,
демалысқа кеткен кезінде шұғыл қызметтің әскери қызметшілеріне, әскери (арнайы) оқу орындарының курсанттарына азық-түлік үлесінің орнына ақшалай өтемақы,
жеке тұлғаларға басқа да трансферттер бойынша.
1212 - Ағымдағы нысаналы трансферттер бойынша қысқа мерзімді дебиторлық берешек бюджеттік бағдарламалардың әкімшілектері облыстық бюджеттерге, республикалық маңызы бар қаланың, астананың бюджеттеріне дамыту үшін бөлінген ағымдағы нысаналы трансферттер және нысаналы трансферттер бойынша есептемелерін есепке алу үшін арналған.
1213 - Нысаналы даму трансферттері бойынша қысқа мерзімді дебиторлық берешек дамытуға нысаналы трансферттер бойынша қысқа мерзімді дебиторлық берешекті есепке алу үшін арналған.
1214 - Жеке тұлғаларға субсидиялар бойынша қысқа мерзімді дебиторлық берешек, мұнда жеке тұлғаларға субсидиялар бойынша қысқа мерзімді дебиторлық берешек есепке алынады.
1215 - Заңды тұлғаларға субсидиялар бойынша қысқа мерзімді дебиторлық берешек, мұнда заңды тұлғаларға субсидиялар бойынша қысқа мерзімді дебиторлық берешек есепке алынады.
1216 - Зейнетақылар мен жәрдемақылар төлеуге трансферттер бойынша қысқа мерзімді дебиторлық берешек, мұнда республикалық бюджеттен халыққа төлеу үшін Қазақстан Республикасы Еңбек және халықты әлеуметтік қорғау министрлiгiнiң зейнетақыларды және жәрдемақыларды төлеу жөнiндегi мемлекеттік орталыққа (мемлекеттік әлеуметтік жәрдемақылар, арнайы мемлекеттік жәрдемақылар, жерлеу үшін жәрдемақы және басқа да әлеуметтік төлемдер) бөлінген қаражаттар қозғалысы есепке алынады.
1220 - Бюджетпен есеп айырысу бойынша қысқа мерзімді дебиторлық берешек шоты салықтар үшін бюджетпен есеп айырысу бойынша қысқа мерзімді дебиторлық берешекті (жеке табыс салығы, әлеуметтік салық, қоршаған ортаны ластағаны үшін төлемдер және өзге салықтар), және де мемлекеттік мекемемен бюджетке артығымен аударылған сомаларды есепке алу үшін арналған.
1230 - Сатып алушылар мен тапсырыс берушiлердiң қысқа мерзiмдi дебиторлық берешегi өтеу мерзiмi бiр жылға дейiнгi сатылған активтер, орындалған жұмыстар және көрсетiлген қызметтер, сондай-ақ музыка мектептерінде балалардың оқуы үшiн, мектеп-интернаттарда тәрбиеленушiлердi ұстау үшiн, мектеп жанындағы интернаттарда балалардың нысанды киім-кешегі үшін, тамақтануы үшiн есеп айырысулар есепке алынады. Бұл шот мынадай қосалқы шоттарды қамтиды:
1231 - Сатып алушылар мен тапсырыс берушiлердiң қысқа мерзiмдi дебиторлық берешегi, мұнда өтеу мерзiмi бiр жылға дейiнгi сатылған активтер, орындалған жұмыстар және көрсетiлген қызметтер үшiн сатып алушылар мен тапсырыс берушілердің дебиторлық берешегi көрсетіледі, кәсіптік техникалық білім беру мекемелерінде тапсырыс берушілермен орындалған жұмыстар немесе көрсетілген қызметтер үшін және сатылған дайын өнімдер үшін есеп айырысулар, сондай-ақ өндірістік оқыту үдерісінде оқушылар орындаған жұмыстар үшін кәсіпорындармен және мемлекеттік мекемелермен есеп айырысулар есепке алынады;
1232 - Төлемдердiң арнайы түрлерi бойынша қысқа мерзiмдi дебиторлық берешек, мұнда өтеу мерзiмi бiр жылға дейiн музыка мектептерінде балалардың оқуы үшiн, интернат мектептерде тәрбиеленушiлердi ұстау үшiн, нысанды киім-кешек үшін, мектеп интернаттардағы балалардың тамақтануы үшiн есеп айырысулар есепке алынады;
1240 - Ведомстволық есеп айырысулар бойынша қысқа мерзімді дебиторлық берешек ведомстволық есеп айырысулар бойынша мемлекеттік мекемелердің қысқа мерзімді дебиторлық берешегін есепке алуға, соның ішінде өтеу мерзімі бір жылдан кем емес ішкі кредит беруге арналған. Бұл шот келесі қосалқы шоттарды қамтиды:
1241 - Ішкі ведомстволық есеп айырысулар бойынша қысқа мерзімді дебиторлық берешек ішкі ведомстволық есеп айырысу бойынша өз жүйесінің мемлекеттік мекемелерде берешек, оның ішінде қайтару негізінде кредит сомасы (ішкі кредит беру бойынша) республикалық және жергілікті бюджет қаражатының есебінен берілген кредиттер сомалары бойынша.
1242 - Ведомствоаралық есеп айырысулар бойынша қысқа мерзімді дебиторлық берешек ведомствоаралық есеп айырысу бойынша өз жүйесінің мемлекеттік мекемелерде берешек, оның ішінде қайтару негізінде кредит сомасы (ішкі кредит беру бойынша) республикалық және жергілікті бюджет қаражатының есебінен берілген кредиттер сомалары бойынша.
1250 - Алынуға тиісті қысқа мерзімді сыйақылар шоты қарыздар, қаржы инвестициялары, жалдау және алуға басқа да сыйақылар бойынша есептелген сыйақылар бойынша дебиторлық берешекті есепке алу үшін арналған.
1260 - Қызметкерлердің қысқа мерзімді дебиторлық берешегі қызметкерлердің активтерді сатып алуға есеппен берілген ақша қаражаты, қызметтерге ақы төлеуге, қызметтік іссапарларға қызметкерлерге берілген қарыздар бойынша, сондай-ақ қызметкерлердің өзге қысқа мерзімді дебиторлық берешегін есепке алу операциялары үшін арналған. Бұл шот келесі қосалқы шоттарды қамтиды:
1261 - Есеп беретін сомалар бойынша қызметкерлердің қысқа мерзімді дебиторлық берешегі, мұнда есеп беретін тұлғалармен оларға іссапар шығыстарына аванспен, сондай-ақ қолма-қол ақшасыз жолмен жүргiзiлуi мүмкін емес шығыстарды төлеу үшін берілген есеп айырысулар есепке алынады.
1262 - Қызметкерлермен басқа есеп айырысу түрлері бойынша қысқа мерзімді дебиторлық берешек, мұнда активтердің анықталған жетіспеушіліктері мен талан-таражға түсуі бойынша, алдыңғы қосалқы шоттарда көрсетілмеген өтеу мерзімі бір жылға дейінгі басқа да есептеу түрлері бойынша адамдардың берешегі есепке алынады;
1270 - Жал бойынша қысқа мерзімді дебиторлық берешек шоты ағымдағы кезеңде операциялық және қаржылық жал бойынша есептелген жал төлемдерін есепке алу үшін арналған.
1280 - Өзге қысқа мерзімді дебиторлық берешектер шоты алдыңғы шот топтарында көрсетілмеген өтеу мерзімі бір жылға дейін өзге дебиторлық берешегі бойынша операцияларды есепке алу үшін арналған.
1290 - Күмәнді дебиторлық берешектер бойынша резерв шоты күмәнді дебиторлық берешектер бойынша резервтерді құруға және оның қозғалысына байланысты операцияларды есепке алу үшін арналған.
Ескерту. 9-тармаққа өзгерістер енгізілді - ҚР Қаржы министрінің м.а. 2012.07.11 № 338 (2013.01.01 бастап қолданысқа енгізіледі); 12.10.2013 № 482 (алғашқы ресми жариялағаннан кейін күнтізбелік он күн өткен соң қолданысқа енгізіледі) бұйрықтарымен.
10. 1300 Қорлар кіші бөлімі шоттарында мемлекеттік мекемеге жататын құрылыс материалдары, орнатуға құрал-жабдықтар, материалдар, тамақтану өнімдері, отын және жағармай, азық, жем, ыдыс, машиналар мен құрал-жабдықтарға запас бөлшектер, көмекші шаруашылық өнімдері мен бұйымдары, бордақыдағы малдар мен мал төлдері, оқыту, ғылыми және басқа да мақсаттарға материалдар, және де лабораториялық сынаулар мен ұзақ мерзім қолдану материалдары, ғылыми-зерттеу жұмыстардың шаруа келісімшарттары үшін арнай құрал-жабдықтарды есепке алу үшін арналған.
Бұл кіші бөлім келесідей шоттарды біріктіреді:
1310 - Материалдар шоты материалдар және олардың заттық сипаты бойынша есепке алу үшін арналған. Бұл шот келесі қосалқы шоттарды қамтиды:
1311 - Құрылыс материалдары, мұнда құрылыс және монтаждау жұмыстары үдерісінде пайдаланылатын құрылыс материалдары есепке алынады. Құрылыс материалдарына силикат материалдары (цемент, құм, қиыршақ, әк, тас, кiрпiш, қыш), құрылыс металы (темiр, қаңылтыр, болат, табақталған мырыш), металл бұйымдар (шегелер, гайкалар, болттар, құрсаулау бұйымдары), санитарлық-техникалық материалдар (крандар, муфталар, тройниктер), электротехникалық материалдар (кабель, шамдар, патрондар, роликтер, сымдар, сақтандырғыш тетiктер, оқшаулағыштар), химиялық-жағу (сыр, олифа, толь) және басқа осыған ұқсас материалдар жатады;
1312 - Оқу, ғылыми және басқа мақсаттарға арналған материалдар, мұнда реактивтер мен химикаттар, қара металдардың сынықтары мен қалдықтары, түсті металдардың сынықтары мен қалдықтары, арнаулы қор материалдары, әйнек және химиялық ыдыстар, металдар, электроматериалдар мен радиоматериалдар, радиошамдар, фотожарақтар, оқу бағдарламалары, оқулықтар мен ғылыми жұмыстарды шығаруға арналған қағаздар, тәжірибелік жануарлар мен оқу мақсаттарына және ғылыми-зерттеу жұмыстарына арналған материалдар, сондай-ақ тіс салуға арналған қымбат бағалы және басқа металдар, ату жарақтары, белсенді өңдеу, арнайы өңдеу және газсыздандыру материалдары, ғылыми-зерттеу жұмыстарына арналған ұзақ мерзімді қолдану материалдары, және де шаруашылық келісім ғылыми-зерттеу жұмыстарын орындау үшін алынған арнайы құралдар есепке алынады.
1313 - Дәрі-дәрмектер және байлап-таңу құралдары, мұнда шығыстардың экономикалық сыныптамасының тиісті ерекшелігі бойынша қаржыландыру жоспарында қаржы бөлу көзделген емдеу-алдын алу және емдеу-мал дәрігерлік және басқа мемлекеттік мекемелердегі дәрі-дәрмектер, құрамдық заттар, бактериялық препараттар, сарысулар, екпелер, қан, байлап-таңу құралдары, өзге дәрілік құралдар және медициналық мақсаттағы бұйымдар есепке алынады. Бұл қосалқы шотта сондай-ақ өз дәріханалары бар медициналық мекемелердегі қосымша және дәрі жасайтын материалдар есепке алынады;
1314 - Тамақ өнімдері, мұнда шығыстарын экономикалық сыныптаудың ерекшелігі бойынша қаржыландыру жоспарында қаржы бөлу көзделген, мемлекеттік мекемелердің тамақ өнімдері есепке алынады.
1315 - Отын, ЖЖМ, мұнда қоймаларда немесе қорларда (май, тасол және өзге материалдар), сондай-ақ тікелей материалды жауапты адамдарда сақталған отынның, жанар және жағар майлардың барлық түрлері (ағаш, көмір, шымтезек, бензин, керосин, қарамай, автол және басқа жанар-жағар май материалдары), оның ішінде жанар және жағар май материалдарына арналған төленген талондар есепке алынады;
1316 - Шаруашылық материалдары және кеңсе жарақтары, мұнда шаруашылық материалдары, электр желілік фильтрлер, ұзартқыштар, шыныдан немесе басқа сынатын материалдан жасалатын ыдыс, пышақтар, шанышқылар, қасықтар, гүл құмыралары, резеңке кілемшелер және кеңсе жарақтары, сондай-ақ қағаздарға арналған жайма, пластик қоржындар, органайзер есепке алынады;
1317 - Арнайы киімдер және өзге де жеке қолдану заттары, мұнда есепке алынады:
іш киім (жейделер, қысқа жеңді көйлектер, халаттар);
төсек орын жабдықтары мен жарақтары (матрацтар, жастықтар, көрпелер, ақ жаймалар, көрпе тыстар, жастық тыстар, жапқыштар, төсек-қапшықтар);
киім және нысанды киімдер, арнаулы киімдерді қоса (костюмдер, пальтолар, сулықтар, шолақ тондар, көйлектер, кофталар, юбкалар, күртелер, шалбарлар), құнына және қызмет мерзіміне қарамастан, бюджеттің есебінен ұсталатын денсаулық сақтау, оқу-ағарту, халықты әлеуметтік қорғау қызметкерлері және басқаларға арналған формалық киім және аяқ киім;
спорт киімдері және аяқ-киім (костюмдер, аяқ киімдер) және өзге де жеке қолдану заттары;
1318 - Қосалқы бөлшектер, мұнда машиналарда (медициналық, электронды есептеу және басқа бөліктерді), жабдықтарда, тракторларда, комбайндарда, көлік құралдарында (моторлар, қақпақтарды қосатын автокөліктік шиналар, камералар, жиек ленталары) тозған бөлшектерін ауыстыру және жөндеу үшін арналған қосалқы бөлшектер;
1319 - Өзге материалдар, мұнда құнына қарамастан барлық жануарлар түрлерiнiң төлдерi және бордақылаудағы малдар, құстар, көжектер, терiсi бағалы аңдар, малға және басқа жануарларға арналған шөп, пiшен, сұлы және басқа мал азығының түрлерi, егу материалдары, дақылдар, тыңайтқыштар, егер мемлекеттiк мекемелерде жұмыс аттары болса, төлi (құлындары), сондай-ақ қайтарылатын немесе ауыстырылатын ыдыс (күбiлер, бидондар, жәшiктер, шыны банкалар, шөлмектер және басқа да ыдыс), бос (босалқы), сондай-ақ және материалдық құндылықтарымен орналасқан ақпараттың техникалық тасығыштары (флеш-карталар, дискілер, дискеталар, токендер), компьютерлік тінтуірлер, спорт іс-шараларын жүргізуге арналған тауарлар (шайбалар, доптар, шахматтар, дойбылар, үстел үсті теннисіне арналған жинақтар, бадминтонға арналған жинақтар және т.б.) балалар ойыншықтары, орны толтырылатын шығындары үстеме шығыстардың құрамында құрылыс-монтаждау жұмыстарының құнына жатқызылатын уақытша (атаусыз) құрылыстар, қосалқы жайлар мен қондырғылар, тамақтануға төленген талондар, демалыс үйлеріне, санаторийлерге, туристік базаларға төленген жолдамалар, почта аударымдарына алынған хабарламалар, почталық маркалар мен мемлекеттік баж маркалары, еңбек кітапшаларының бланкілері және алдыңғы қосалқы шоттарда қамтылмаған басқа да материалдар есепке алынады;
1320 - Аяқталмаған өндiрiс аяқталмаған өндіріс қалдықтарын есепке алуға арналған;
1330 - Дайын өнім, өндiрiстiк (оқулық) шеберханаларының, көмекшi ауылшаруашылық және оқу-тәжiрибелiк шаруашылықтардың дайын бұйымдары мен өнiмдерiн, сондай-ақ дайын баспа өнiмдерiн есепке алуға арналған;
1340 - Тауарлар шоты тауарлардың қозғаласына байланысты операциялар есепке алу үшін арналған.
1350 - Жолдағы қорлар шоты өзге қалалардың берістері бойынша бюджеттік ұйымдар ақысын төлеген, бірақ айдың аяғына дейін қоймаға түспеген материалдарды, сондай-ақ бір орталықтан жабдықтау және шаруашылық қызмет көрсету қоймаларына алынған және бюджеттік ұйымдар бойынша бөлінбеген материалдарды есепке алу үшін арналған.
1360 - Қорлардың құнсыздануына резерв шоты қорлардың құнын сатудың таза құнына дейін төмендетуге арналған резервтерді құруға және қозғаласына байланысты немесе моральдық жағынан ескеруге байланысты операцияларды есепке алу үшін арналған.
Ескерту. 10-тармаққа өзгерістер енгізілді - ҚР Қаржы министрінің м.а. 2012.07.11 № 338 (2013.01.01 бастап қолданысқа енгізіледі); 12.10.2013 № 482 (алғашқы ресми жариялағаннан кейін күнтізбелік он күн өткен соң қолданысқа енгізіледі) бұйрықтарымен.
11. 1400 Өзге қысқа мерзімді активтер кіші бөлімі алдындағы бөлімшелерде көрсетілмеген басқа да қысқа мерзімді активтерді есепке алу үшін арналған. Бұл бөлімше келесідей шоттарға бөлінеді:
1410 - Берілген қысқа мерзімді аванстар шоты есеп айырысулар әр жеке мәміле (тиеу, тауарды жіберу немесе қызмет көрсету) бойынша емес, алдын-ала келісілген тараптармен қаражаттарды мерзiмiнде және толық көлемде дүркiн-дүркiн аудару жолымен жүзеге асырылған жоспарлы төлемдер тәртiбiнде жеткiзушiлермен есеп айырысуларын есепке алу үшін арналған;
1420 - Алдағы кезеңдердің шығыстары шоты есепті жылдың ішінде қазіргі кезеңде жүргізілген бірақ алдағы кезеңдерге қатысты шығыстар есепке алынады (сақтандыру ұйымдарына төленген сақтандыру аударымдары, жал төлемі және алдағы кезеңдердің басқа шығыстары);
1430 - Өзге қысқа мерзімді активтер шоты алдыңғы топтарда көрсетілмеген өзге қысқа мерзімді активтер бойынша операциялар есепке алынады.
5. 2 Ұзақ мерзімді активтер бөлімінің шоттары
12. 2 Ұзақ мерзімді активтер бөлімінің шоттары ұзақ мерзімді ретінде жіктелетін мемлекеттік мекемелердің активтерін есепке алуға арналған.
13. 2 Ұзақ мерзімді активтер бөлімі мынадай кіші бөлімшелерді қамтиды:
2100 Ұзақ мерзімді қаржы инвестициялары;
2200 Ұзақ мерзімді дебиторлық берешек;
2300 Негізгі құралдар
2400 Аяқталмаған құрылыс және күрделі салымдар
2500 Инвестициялық жылжымайтын мүлік;
2600 Биологиялық активтер;
2700 Материалдық емес активтер;
2800 Өзге қысқа мерзімді активтер.
14. 2100 - Ұзақ мерзімді қаржы инвестициялары кіші бөлімі ұзақ мерзімді қаржылық құралдарды есепке алу үшін арналған. Бұл бөлімше келесідей шоттарға бөлінеді:
2110 - Ұзақ мерзімді берілген қарыздар шоты бір жылдан аса ұзақ мерзімді ұсынылған қарыздарды есепке алу үшін арналған.
2120 - Ұзақ мерзімді қаржы инвестициялары шоты ұзақ мерзімді қаржы инвестицияларын есепке алу үшін арналған (басқа да ұйымдарда үлестік қатысы).
2130 - Ұзақ мерзімді қаржы инвестицияларының құнсыздануына арналған резерв шоты қаржы инвестицияларының құнсыздануына арналған резервті құру және қолданумен байланысты операцияларды есепке алу үшін арналған.
15. 2200 - Ұзақ мерзімді дебиторлық берешек бөлімшесі өтеу мерзімі есепті күннен бастап бір жылдан аса дебиторлық берешектерді есепке алу үшін арналған. Бұл бөлімше келесідей шоттарға бөлінеді:
2210 - Сатып алушылар мен тапсырыс берушілердің ұзақ мерзімді дебиторлық берешегі шоты өтеу мерзімі бір жылдан асатын оларға сатылған активтер мен көрсетілген қызметтер үшін сатып алушылармен және тапсырысшылармен есеп айырысу бойынша операцияларды есепке алу үшін арналған.
2220 - Жал бойынша ұзақ мерзімді дебиторлық берешек алдағы кезеңде қаржылық жалдау бойынша жалдау төлемдерін жүзеге асыру бойынша шығыстарды есепке алу үшін арналған.
2230 - Өзге ұзақ мерзімді дебиторлық берешектер шоты алдыңғы шот топтарында көрсетілмеген өтеу мерзімі бір жылдан асатын өзге дебиторлық берешектер бойынша операцияларды есепке алу үшін арналған. Бұл шот келесі қосалқы шоттарды қамтиды:
16. 2300 - Негізгі құралдар кіші бөлімі негізгі құралдарды есепке алу үшін арналған.
Осы кіші бөлім мынадай шоттарға бөлінеді:
2310 - Жер бюджеттен бөлiнетiн қаражаттың есебiнен сатып алынған жердiң кез-келген түрiн, ормандарды, iшкi сулар мен пайдалы қазбалардың кен орындарын есепке алуға арналған;
2320 - Ғимараттар шоты объектілердің функционалдық міндетіне байланысты адамдар немесе жануарлардың тұруына болатын, заттарды сақтауға болатын, ұстап тұратын және қоршап тұратын немесе біріктірілген (ұстап тұратын және қоршап тұратын) конструкциялар бойынша объекттің тұрақты негізінде салынған әрбір жеке тұрған ғимаратты есепке алу үшін арналған. Осы шот келесі қосалқы шоттарды қамтиды:
2321 - Тұрғын емес үй ғимараттары, мұнда басқару органдары, әлеуметтік-мәдени және басқа ұйымдар пайдаланатын өндірістік-шаруашылық мақсаттағы ғимараттар (оқу орындарының, ауруханалардың, емханалардың және амбулаториялардың, қариялар мен мүгедектерге арналған үйлердің, балалар мекемелерінің, кітапханалардың, клубтардың, мұражайлардың, ғылыми-зерттеу институттарының, шеберханалардың) және басқа да мемлекеттік мекемелердің ғимараттары есепке алынады;
2322 - Тұрғын үй ғимараттары, мұнда толығымен немесе көбіне тұруға болатын мақсатқа арналған ғимараттар есепке алынады: толық немесе көбіне тұрғын үйге арналған ғимараттар (барлық пайдалы тұрғын және тұрғын емес алаңдардың 50%-нен кем болмайтын тұрғын бөлмелердің жалпы пайдалы алаңы);
2330 - Құрылыстар, су айдағыштар, стадиондар, бассейндер, жолдар, көпірлер, ескерткіштер, парктердің, саябақтардың, қоғамдық бақтардың қоршаулары және басқа құрылысты есепке алуға арналған;
2340 - Беріліс құрылғылары шоты электрлік, жылу және механикалық қуаттарды тасымалдау құралдары, және де байланыс пен электр тарату (кабельді) желілері, тұтынушыларға дейін сұйық және газ тәрізді заттарды магистральдық құбырлар арқылы ауыстыруға арналған қуаттарды трансформациялау және беру үшін қажетті, барлық аралық құрылғылары бар трансмиссиялар мен құбырларды есепке алу үшін арналған;
2350 - Көлік құралдары шоты көшіруге арналған қозғалыс құралдарының барлық түрлерін есепке алу үшін арналған, олар мынадай жеке топтарға бөлінеді:
теміржол көлігінің жылжымалы құрамы (электровоздар, тепловоздар, мотодрезиндер, вагондар, платформалар, цистерналар), су және автомобиль көлігі (теплоходтар, дизель-электроходтар, сүйретпелер, баржалар мен баркалар, қайықтар мен қызметтік қосымша құтқару қайықтары мен кемелері, жүзбелі айлақтар, желкенді кемелер, жүк таситын және жеңіл автомобильдер, тіркемелер, автосамосвалдар, автоцистерналар, автобустар, мамандандырылған автомобильдер, тартқыш тракторлар және басқа су және автомобиль көлігі);
әуе көлігі (ұшақтар, тікұшақтар);
ат көлігі (арбалар, шаналар);
өндіріс көлігі (электрокарлар, мотоциклдер, мотороллерлер, велосипедтер, қоларбалар, мүгедектер арбасы және басқа өндіріс көлігі);
спорт көлігінің барлық түрлері;
2360 - Машиналар мен жабдықтар қуат машиналары мен жабдықтарды, жұмыс машиналары мен жабдықтарды, өлшеу аспаптарын, реттеу аспаптары мен қондырғыларын, зертхана жабдықтарын, компьютерлiк жабдықтарды, дәрiгерлiк жабдықтарды, кеңсе жабдықтарын, мынадай жеке топтарға бөлiнген өзге машиналар мен жабдықтарын есепке алуға арналған:
жылу және электр энергиясын өндіретін қуат машиналары мен жабдықтар, машина-генераторлар және судың, желдің энергиясын, сондай-ақ жылу және электр энергиясын қозғалыстың механикалық энергиясына айналдыратын машина-қозғағыштар;
өнім жасау және өндірістік мақсатта қызметтер көрсету процесінде және механикалық қозғағыштардың, адам және жануар күшінің көмегімен өндіріс процесінде еңбек затын ауыстыру барысында еңбек затына механикалық, жүк және жолаушы лифтiлерiн қоса алғанда термикалық және химиялық әсер етуге арналған жұмыс машиналары мен жабдықтары, машиналар, аппараттар мен жабдықтар;
өлшеу аспаптары - дозаторлар, амперметрлер, барометрлер, ваттметрлер, су өлшегіштер, вакуумметрлер, вапориметрлер, вольтметрлер, биіктік өлшегіштер, гальванометрлер, геодезиялық аспаптар, гигроскоптар, индикаторлар, компастар, манометрлер, хронометрлер, арнаулы таразылар, өлшегіштер, касса аппараттары және басқа өлшеу приборлары;
реттегіш аспаптар мен құрылғылар - оттегі-тыныс алу аспаптары, электрлі, пневматикалы және гидравликалы реттегіш қондырғылар, автоматты басқа тетіктері, орталықтандыру және топтау аппаратурасы, диспетчерлік бақылаудың желілік құрылғылары;
лаборатория жабдықтары - пирометрлер, реттегіштер, калориметрлер, ылғалдылықты анықтайтын аспаптар, айдау текшелері, газ өткізгіштікті сынайтын аспаптар, жыртылуға төзімділікті сынайтын аспап, микроскоптар, термостаттар, тұрақтандырғыштар, кергіш шкафтар және басқа лабораториялық жабдықтар;
компьютерлік жабдықтар - дербес компьютерлер, процессорлар, іркіліссіз қорек көздері, мониторлар, принтерлер, сканерлер, клавиатуралар және басқа компьютерлік жабдықтар;
медициналық жабдықтар - медициналық жабдықтар (тіс-дәрігер креслосы, операциялық столдар, арнаулы жабдығы бар төсектер), арнаулы дезинфекциялық және дезинсекциялық жабдықтар, сүтханалар мен сүт станцияларының, қан құю станцияларының жабдықтары және басқа медициналық жабдықтар;
офистік жабдықтар - көшіргіш машиналар, факс-машиналар, құжаттарды жоюға арналған машиналар және басқалар және басқа офистік жабдықтар;
өзге машиналар мен жабдықтар - жоғарыдағы топтарда аталмаған машиналар, аппараттар мен басқа да жабдықтар. Өзге машиналар мен жабдықтарға мыналар жатады: стадиондардың, спорт алаңдарының және спорт жайларының жабдықтары (оның ішінде спорт снарядтары), оқу орындарындағы кабинеттер мен зертханалардың жабдықтары, киноаппаратура, жарық беретін аппаратура, сахна жабдықтары, саз аспаптары, теледидарлар, таспалар, бейне камералар, ұялы байланыс аппараттары, пейджерлер, радиоаппаратура, ғылыми-зерттеу мемлекеттік мекемелерінің мен ғылыми жұмыспен айналысатын басқа да ұйымдардың арнайы жабдықтары, АТС жабдықтары, механикалық өрт сөндіру сатылары, кір жуатын және тігін машиналары, тоңазытқыштар, шаңсорғыштар, ауа баптағыштар, қысқа толқынды пештер және басқа машиналар мен жабдықтар;
арттехқару-жарақ (атыс қаруы пистолеттер мен револьверлер, автоматты қару, арнаулы мергендік қару-жарақ, арнаулы (ерекше) мақсаттағы полиция бөлімшесінің қару-жарағы, оқу және спорт қаруы, жарық сигналдарын беру құралдары, әскери инженерлік мүлік, әскери химиялық мүлік, оптикалық аспаптар);
қару-жарақ және әскери техника.
2370 - Аспаптар, өндірістік және шаруашылық мүкәммалы шоты аспаптар, өндірістік және шаруашылық құралдарды есепке алу үшін арналған және мынадай жеке топтарға бөлініп есептеледі:
аспаптар - механикаландырылған және механикаландырылмаған жалпы сипаттағы еңбек құралдары, сондай-ақ машиналарға бекітілген, материалдарды өңдеу үшін қолданылатын заттар. Оларға электр энергиясының, қысылған ауаның көмегімен жұмыс істейтін қолға ұстайтын механикаландырылған құралдарды (электродрелдер, бояу бүріккіштер, электр тітіркеткіштер, гайка бұрағыштар) қоса алғанда қол еңбегінің кесетін, ұратын, қысатын және тығыздайтын құралдары, сондай-ақ материалдарды өңдеуге, монтаж жұмыстарын жүргізуге арналған құралдар (қыспақтар, патрондар, бөлгіш тығындар, қозғағыштарды орнатуға және автомобильдердегі кардан біліктерін айналдыруға арналған құралдар), қысқаш, балға жатады;
өндірістік мүкәммал мен керек-жарақтар - жұмыс уақытында өндірістік операцияларды жеңілдетуге қызмет ететін өндірістік мақсаттағы заттар, жұмыс үстелдері, верстагтар, кафедралар, парталар және еңбекті қорғауға көмектесетін басқа жабдықтар, сұйық және сусымалы заттарды сақтауға арналған орынжайлар (бактар, амбарлар, сенектер, қамбалар), сауда шкафтары мен сөрелер, мүкәммал ыдыстар, жұмыс машиналарына жатқызуға болмайтын техникалық мақсаттағы заттар;
шаруашылық мүкәммал - кеңсе керек-жарақтары (қабырғалық жиһаз, гарнитуралар, құрамалы жиһаздар, тумбалар, демалыс бұрышы), жылжытпалы тосқауылдар, iлгiштер, гардеробтар, әр түрлi шкафтар, дивандар, үстелдер, орындықтар, креслолар, кiтап сөрелерi, жанбайтын шкафтар мен жәшiктер, сейфтер, жазу машиналары, гектографтар, шапирографтар мен басқа да қолға ұстайтын көбейткiш және нөмiрлегiш аппараттар, телефон аппараттары, желдеткiштер, жылжытпалы киiз үйлер, шатырлар (оттегiлерiнен басқа), кереуеттер (арнайы жабдығы бар кереуеттерден басқа), кiлемдер, портъерлер, жалюзилер, терезеге арналған торлар және басқа да шаруашылық мүкәммал, сондай-ақ өртке қарсы мақсаттағы заттар - гидропульттер, стендтер, қол сатылар;
басқа да өндiрiстiк және шаруашылық мүкәммал - рамадағы картиналар, айналар, қола мүсіндер (бюсттер), мраморлы вазалар, шамдар (люстралар, бра), мемлекеттік рәміздер, басшының үстел үсті жинағы, тифлоқұралдар мен сурдоқұралдар, көрнекiлiк насихаттау стендтері;
2380 - Өзге негiзгi құралдар өзге негiзгi құралдарды есепке алуға арналған. Осы шот мынадай қосалқы шоттарды қамтиды:
2381 - Мәдени мұра активтерi, мұнда өзiнiң мәдени, экологиялық және тарихи мәнiне байланысты мәдени мұра болатын активтер есепке алынады. Оларға тарихи ғимараттар мен монументтер, археологиялық қазба орындары, қорықтар мен табиғи қорғалатын аумақтар, өнер шығармалары, сондай-ақ құнына қарамастан мұражай құндылықтары жатқызылады;
2382 - Кітапханалық қор, мұнда жекелеген кітаптардың құнына қарамастан кітапханалық қорлар есептеледі. Кітапханалық қорларға ғылыми, көркем және оқулық әдебиет, әдебиеттің арнаулы түрлері және басқа басылымдар енгізіледі;
2383 - Өзге негізгі құралдар, мұнда жерді жақсарту бойынша күрделі шығындар есепке алынады. Жерді жақсарту жөніндегі күрделі шығындарға күрделі салымдар есебінен жүргізілетін (жер бөліктерін жобалау, алқаптарды егістік үшін отау, даланы тастар мен қой тастардан тазарту, түбірлерді кесу, жабайы өсімдіктерден арылту, көлшіктерді тазарту), ауыл шаруашылығына арналған жерді үстіртін жақсарту жөніндегі мәдени-техникалық шараларға арналған заттық сипатта емес (құрылыс салуға байланысты емес) шығындар жатады;
олардың құнына қарамастан, хайуанаттар паркіндегі және басқа сондай мекемелердегі жануарлар әлемнің экспонаттары;
сахналық қойылым құралдары (декорациялар, ағаш жиһаздары мен кәделік, бутафорлық заттар, театрлық және ұлттық костюмдер, бас киімдер, іш-киімдер, аяқ киімдер, париктер);
оқулық кинофильмдер, магниттi дискiлер мен ленталар;
көшелердегі, алаңдардағы, парктердегі, бақтардағы, саябақтардағы, ұйымдардың аумағындағы, тұрғын үй аулаларындағы көгалдандыру және көріктендіру өсімдіктері, жанды қоршаулар, қар тосқындары мен егістікті қорғайтын жалдар, құмдар мен өзен жағалауларын бекітетін өскіндер, жар-қабақ өскіндері, ботаника бақтарының және ғылыми-зерттеу ұйымдары мен оқу орындарының ғылыми мақсаттарға арнап басқа қолдан өсірілген көпжылдық өскіндер;
өзге мүкәммал, балалар ойындары, су диспенсерлері, электр шәйнектері мен су қайнатқыштар, шелектер, кастрюльдер, табалар, арнаулы шаңғылар;
жұмыс малдары - жылқылар, өгіздер, түйелер, есектер және басқа да жұмыс малдары (көліктік және спорт жылқыларын, қызметтік иттерді қосқанда);
басқа шоттардың тобына енгізілмеген өзге негізгі құралдар;
2390 - Негізгі құралдардың жинақталған амортизациясы мен құнсыздануы шоты негізгі құралдардың жинақталған амортизациясы мен құнсыздануына резерв сомасын есепке алу үшін арналған. Осы шот келесі қосалқы шоттарды қамтиды:
2391 - Негізгі құралдардың жинақталған амортизациясы, мұнда негізгі құралдардың жинақталған амортизация сомасы есепке алынады.
2392 - Негізгі құралдардың құнсыздануына резерв, мұнда негізгі құралдардың құнсыздануына резерв құру мен оның қозғалысымен байланысты операциялар есепке алынады.
Ескерту. 16-тармақ жаңа редакцияда - ҚР Қаржы министрінің 12.10.2013 № 482 бұйрығымен (алғашқы ресми жариялағаннан кейін күнтізбелік он күн өткен соң қолданысқа енгізіледі).
17. 2400 Аяқталмаған құрылыс және күрделі салымдар кіші бөлімі аяқталмаған құрылыс және күрделі салымдарды есепке алу үшін арналған. Бұл кіші бөлім келесідей шотты қамтиды:
2410 - Аяқталмаған құрылыс және күрделі салымдар күрделі салымдарды және құрылыс циклі аяқталмаған және пайдалануға тапсырылмаған объектілерді есепке алу үшін арналған. Бұл шот келесі қосалқы шоттарды қамтиды:
2411 - Аяқталмаған құрылыс, мұнда аяқталмаған және пайдалануға тапсырылмаған объектілер құрылысы бойынша шығыстар есепке алынады (ғимараттар мен құрылыстарды тұрғазу, қондырғыны монтаждау бойынша);
2412 - Материалдық емес активтерге күрделі салымдар, мұнда зерттеу сатысындағы материалдық емес активтердің құнынан капитализацияланатын күрделі салымдар есептеледі.
18. 2500 - Инвестициялық жылжымайтын мүлік бөлімшесі мемлекеттік мекемеге сыйақы түрінде пайда алып келетін жылжымайтын мүлікті есепке алу үшін арналған. Бұл бөлімше келесідей шотты қамтиды:
2510 - ... жалғасы
Сіз бұл жұмысты біздің қосымшамыз арқылы толығымен тегін көре аласыз.
Қазақстан Республикасы Қаржы министрінің 2010 жылғы 15 маусымдағы N 281 Бұйрығы. Қазақстан Республикасы Әділет министрлігінде 2010 жылғы 29 маусымда Нормативтік құқықтық кесімдерді мемлекеттік тіркеудің тізіліміне N 6314 болып енгізілді
Қолданушылардың назарына!
Бұйрықтың қолданысқа енгізілу тәртібін 3-тармақтан қараңыз.
Қазақстан Республикасының Бюджет кодексін іске асыру жөніндегі шаралар туралы Қазақстан Республикасы Премьер-Министрінің 2008 жылғы 29 желтоқсандағы № 292-ө Өкімімен бекітілген Қазақстан Республикасы Бюджет кодексінің 116-бабының 3-тармағын, Қазақстан Республикасы Нормативтік құқықтық акті тізбесінің 57-тармағын іске асыру мақсатында БҰЙЫРАМЫН:
1. Қоса беріліп отырған мемлекеттік мекемелердің бухгалтерлік есеп шоттарының жоспары бекітілсін.
2. Қазақстан Республикасы Қаржы министрлігінің Бухгалтерлік есеп, аудиторлық қызмет әдіснамасы департаменті (А.О. Төлеуов) Қазақстан Республикасы Әділет министрлігінде осы бұйрықтың мемлекеттік тіркелуін және заңнамада белгіленгентәртіпте ресми жариялануын қамтамасыз етсін.
3. Осы бұйрық 2013 жылғы 1 қаңтардан бастап қолданысқа енеді.
Министр Б. Жәмішев
Қазақстан Республикасы
Қаржы министрінің
2010 жылғы 15 маусымдағы
№ 281 бұйрығымен
бекітілген
Мемлекеттік мекемелердің бухгалтерлік есеп шоттарының жоспары
1. Жалпы ережелер
1. Осы мемлекеттік мекемелердің бухгалтерлік есеп шоттарының жоспары (бұдан әрі - Шоттар жоспары) Қазақстан Республикасының Бюджет кодексіне сәйкес әзірленген.
2. Шоттар жоспары
2. Шоттар жоспары қаржылық есептілік элементтерін топтауға және құндық мәнде ағымдағы көрсетуге арналған.
3. Шоттар жоспарда бухгалтерлік есептің синтетикалық шоттары осы Шоттар жоспарға 1-қосымшаға сәйкес өтімділігін азайту тәртібімен орналастырылған және нөмірлерінің төрт саны бар. Нөмірдің бірінші саны бөлімдерге тиістілігін, екіншісі - кіші бөлімдерге тиістілігін, үшіншісі - синтетикалық шоттардың топтарына тиістілігін, төртінші сан - қосалқы шоттарға тиісті.
3. Шоттар жоспарының бөлімдері
4. Шоттар жоспары мынадай бөлімдерді қамтиды:
1 бөлім - Қысқа мерзімді активтер;
2 бөлім - Ұзақ мерзімді активтер;
3 бөлім - Қысқа мерзімді міндеттемелер;
4 бөлім - Ұзақ мерзімді міндеттемелер;
5 бөлім - Таза активтеркапитал;
6 бөлім - Кірістер;
7 бөлім - Шығыстар;
8 бөлім - Өндіріске және басқа мақсаттарға арналған шығындар;
9 бөлім - Баланстан тыс шоттар.
4. 1 Қысқа мерзімді активтер бөлімінің шоттары
5. 1 Қысқа мерзімді активтер бөлімінің шоттары қысқа мерзімді ретінде жіктелетін мемлекеттік мекемелердің активтерін нақты сомасын және қозғалысын есепке алуға арналған.
6. 1 Қысқа мерзімді активтер бөлімі мынадай кіші бөлімшелерді қамтиды:
1000 Ақша қаражаты және олардың баламалары;
1100 Қысқа мерзімді қаржы инвестициялары;
1200 Қысқа мерзімді дебиторлық берешек;
1300 Қорлар;
1400 Өзге қысқа мерзімді активтер.
7. 1000 Ақша қаражаты және олардың баламалары кiшi бөлiмi - қолма-қол ақшаны бақылау шоттарында және мемлекеттік мекемелердің шоттарында ақша қаражатын және олардың баламаларын есепке алуға арналған.
Осы бөлімше мынадай шоттарды қамтиды:
1010 - Кассадағы ақша қаражаты шоты мемлекеттік мекеме кассасындағы ақша қаражатының нақты сомасын және қозғалысын есепке алуға арналған;
1020 - Мемлекеттік мекеменің ағымдағы шоты шоты мемлекеттік мекеме ағымдағы шотындағы ақша қаражатын есепке алуға арналған;
1030 - Есеп айырысу шоты Қазақстан Республикасы Сыртқы істер министрлігінен (бұдан әрі - СІМ) Қазақстан Республикасының елшіліктері және өзге шетелдік мекемелер алған ақша қаражатын есепке алуға арналған;
1040 - Түсімдер мен есеп айырысуларды есепке алу үшін ҚБШ демеушілік және қайырымдылық көмек, ақылы қызметтер, ақшаны уақытша орналастыру ақшасы бойынша мемлекеттік мекеменің, жергілікті өзін-өзі басқарудың, нысаналы қаржыландырудың ақша қаражатын есепке алуға арналған. Осы шот мынадай қосалқы шоттарды қамтиды:
1041 - Демеушілік және қайырымдылық көмек ҚБШ, мұнда Қазақстан Республикасының заңнама актілеріне сәйкес мемлекеттік мекемелерге арналған демеушілік және қайырымдылық көмек түріндегі түскен ақша қаражатын есепке алады;
1042 - Ақылы қызметтер ҚБШ, мұнда мемлекеттік мекемелер иелігінде қалған тауарларды (жұмыстарды, қызметтерді) өткізуден алған және Бюджет кодексіне сәйкес және Қазақстан Республикасы Үкіметі анықтаған тәртіпте пайдаланылатын ақша кірістері мен шығыстары есепке алынады;
1043 - Ақшасын уақытша орналастыру ҚБШ, мұнда Қазақстан Республикасының заңнама актілеріне сәйкес жеке және (немесе) заңды тұлғалардың қайтарып алу шартымен мемлекеттік мекемелерге аударылған немесе белгілі бір жағдай туғанда сәйкесінше бюджетке немесе үшінші жаққа берілген ақша қаражат қозғалысы есепке алынады;
1044 - Жергілікті өзін-өзі басқару ҚБШ, онда Қазақстан Республикасының жергілікті мемлекеттік басқару және өзін-өзі басқару заңнамасына сәйкес жергілікті өзін-өзі басқару функцияларын іске асыру үшін ақшаның түсімі мен жұмсалуы есепке алынады;
1045 - Нысаналы қаржыландыру ҚБШ, мұнда есептелген бюджет қаражаты және оларды ерекше шығыстарды жүргізуге пайдалану есепке алынады (нысаналы қаржыландыру шоты);
1050 - Шетелдік валютадағы шот мемлекеттік мекеме жүргізетін есепті кезеңнің соңғы күніне қолданылатын және Қазақстан Республикасы Қаржы министрлігі мен Қазақстан Республикасының Ұлттық Банкі бірлесіп белгілеген тәртіпте анықталатын валюта айырбастаудың нарықтық бағамы бойынша шетелдік валютаны қайта есептеу жолымен алынған Қазақстан Республикасы валютасында валюталық операцияларды есепке алуға арналған;
1060 - Арнайы шот шоты бюджеттік бағдарлама әкімшілігімен қарызға алынған қаражаттардың (сыртқы қарыздар және гранттар) кірісі мен шығысы бойынша қаржылық операцияларды есепке алуға арналған. Осы шот келесі қосалқы шоттарды қамтиды;
1061 - Гранттар бойынша бюджеттік инвестициялық жобаның арнайы шоты, мұнда грантпен байланысты қаражаттардың кірісі мен шығысы бойынша қаржылық операцияларды есепке алады;
1062 - Сыртқы қарыздар бойынша бюджеттік инвестициялық жобаның арнайы шоты, мұнда сыртқы қарыздардың (қарызға алынған қаражаттар) кірісі мен шығысы бойынша қаржылық операцияларды есепке алады;
1070 - Өзге де ақша қаражаты шоты алдыңғы қосалқы шоттарда көрсетілмеген басқа да ақша қаражаттарын есепке алуға арналған. Осы шот келесі қосалқы шоттарды қамтиды;
1071 - Аккредитивтер, мұнда мемлекеттік мекемелердің жеткізуші алдында алынған активтер үшін пайда болған төлемдерге сәйкес міндеттемелер бойынша ашылған аккредитивтер сомасы есепке алынады;
1072 - Ақша құжаттары, мұнда өзге ақша құжаттары есепке алынады;
1073 - Жолдағы ақша қаражаты мұнда шетел мекемелерінің шығындарын қаржыландыру СІМ-не аударылған, бірақ СІМ-нің шетел мекемелерінің есеп айырысу шотына түспеген ақша қаражат қозғалысын есепке алынады;
1074 - Өзге де ақша қаражаты, мұнда алдыңғы қосалқы шоттарда көрсетілмеген өзге ақша қаражаты есепке алынады;
1080 - Республикалық бюджеттен қаржыландырылатын мемлекеттік мекеменің міндеттемелері бойынша жеке қаржыландыру жоспарына сәйкес міндеттемелерін қабылдауға арналған жоспарлы тағайындаулары шоты республикалық бюджеттен қаржыландырылатын мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелер қабылдауға арналған жоспарлы тағайындаулары бойынша қаражат қозғалысын есепке алуға арналған. Осы шот келесі қосалқы шоттарды қамтиды:
1081 - Жеке қаржыландыру жоспары бойынша міндеттемелер қабылдауға арналған жоспарлы тағайындаулары, мұнда мемлекеттік мекемелердің қызметін қаржыландыру, мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелерді қаржыландыруды қабылдауға арналған жоспарлы тағайындаулар сомасы есепке алынады;
1082 - Күрделі салымдар бойынша міндеттемелер қабылдауға арналған жоспарлы тағайындаулар, мұнда күрделі салымдарды қаржыландыру бойынша міндеттемелер қабылдауға арналған жоспарлы тағайындаулар есепке алынады;
1083 - Басқа да бюджеттердің есебінен міндеттемелер қабылдауға арналған жоспарлы тағайындаулар, мұнда республикалық бюджет есебінен ұсталатын мемлекеттік мекемелерге олар жергілікті бюджет есебінен міндеттемелерді қабылдауға арналған жоспарлы тағайындаулар алу кезінде және керісінше жергілікті бюджеттердің есебінен ұсталатын мемлекеттік мекемелерге белгілі бір мақсаттарға республикалық бюджеттен міндеттемелерді қабылдауға арналған жоспарлы тағайындаулар алу кезінде мемлекеттік мекеменің міндеттемелерді қабылдауға арналған жоспарлы тағайындаулардың қозғалысы есепке алынады;
1084 - Трансферттер бойынша міндеттемелер қабылдауға арналған жоспарлы тағайындаулар, мұнда трансферттер бойынша міндеттемелерді қабылдауға арналған жоспарлы тағайындаулар есепке алынады, олар жалпы сипаттағы трансферттер, нысаналы ағымдағы трансферттер, нысаналы даму трансферттері, жеке тұлғаларға әлеуметтік төлемдерге және әлеуметтік көмекке берілетін трансферттер болып бөлінеді;
1085 - Субсидиялар бойынша міндеттемелер қабылдауға арналған жоспарлы тағайындаулар, мұнда мемлекеттік бюджет, жергілікті бюджет немесе жергілікті органдар, жеке және заңды тұлғалар арнайы қор қаражаттар есебінен ақшалай жәрдемақылар түріндегі субсидиялар бойынша міндеттемелер қабылдауға арналған жоспарлы тағайындаулар есепке алынады;
1086 - Республикалық бюджетке тауарлардың (жұмыстардың, қызметтердің) құны түрінде түсетін түсімдермен байланысты операциялар бойынша міндеттемелер қабылдауға арналған жоспарлы тағайындаулар мұнда республикалық бюджетке тауарлардың (жұмыстардың, қызметтердің) құны түрінде түсетін түсімдер есебінен мемлекеттік мекемелердің шығыстары бойынша міндеттемелер қабылдауға арналған жоспарлы тағайындаулар сомасы есепке алынады;
1087 - Сыртқы қарыздардың және байланысты гранттардың есебінен жобалар бойынша міндеттемелер қабылдауға арналған жоспарлы тағайындаулар, мұнда сыртқы қарыздардың және байланысты гранттардың есебінен жобалар бойынша міндеттемелер қабылдауға арналған жоспарлы тағайындаулар сомасы есепке алынады;
1090 - Жергілікті бюджеттен қаржыландырылатын мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелер қабылдауға арналған жоспарлы тағайындаулары шоты жергілікті бюджеттен қаржыландырылатын мемлекеттік мекемелердің міндеттемелері бойынша жеке қаржыландыру жоспарына сәйкес міндеттемелер қабылдауға арналған жоспарлы тағайындаулар сомасының қозғалысын есепке алу үшін арналған. Бұл шот келесі қосалқы шоттарды қамтиды;
1091 - Жеке қаржыландыру жоспарына сәйкес міндеттемелер қабылдауға арналған жоспарлы тағайындаулары, мұнда мемлекеттік мекеменің қызметін ұстауға жеке қаржыландыру жоспарына сәйкес міндеттемелер қабылдауға арналған жоспарлы тағайындаулар сомалары есепке алынады;
1092 - Күрделі салымдар бойынша міндеттемелер қабылдауға арналған жоспарлы тағайындаулар, мұнда күрделі салымдарды қаржыландыру бойынша міндеттемелер қабылдауға арналған жоспарлы тағайындаулар есепке алынады;
1093 - Трансферттер бойынша міндеттемелер қабылдауға арналған жоспарлы тағайындаулар, мұнда бюджеттік бағдарламалар әкімшісінің пайдалану үшін трансферттер бойынша міндеттемелер қабылдауға арналған жоспарлы тағайындаулар есепке алынады, олар жалпы сипаттағы трансферттерге, нысаналы ағымдағы трансферттерге, нысаналы даму трансферттеріне бөлінеді;
1094 - Субсидиялар бойынша міндеттемелер қабылдауға арналған жоспарлы тағайындаулар, мұнда мемлекеттік бюджет, жергілікті бюджет немесе жергілікті органдар, жеке және заңды тұлғалар арнайы қор қаражаттар есебінен ақшалай жәрдемақылар түріндегі субсидиялар бойынша міндеттемелер қабылдауға арналған жоспарлы тағайындаулар есепке алынады;
1095 - Жергілікті бюджетке тауарлардың (жұмыстардың, қызметтердің) құны түрінде түсетін түсімдерге және олардың жұмсалуына байланысты операциялар бойынша міндеттемелер қабылдауға арналған жоспарлы тағайындаулар мұнда жергілікті бюджетке тауарлардың (жұмыстардың, қызметтердің) құны түрінде түсетін түсімдер есебінен мемлекеттік мекемелердің шығыстарына бойынша міндеттемелер қабылдауға арналған жоспарлы тағайындаулар сомасы есепке алынады.
Ескерту. 7-тармақ жаңа редакцияда - ҚР Қаржы министрінің 12.10.2013 № 482 бұйрығымен (алғашқы ресми жариялағаннан кейін күнтізбелік он күн өткен соң қолданысқа енгізіледі).
8. 1100 Қысқа мерзімді қаржы инвестициялары кіші бөлімі қысқа мерзімді қаржылық құралдарды есепке алу үшін арналған. Бұл бөлімше келесідей шоттарға бөлінеді:
1110 - Қысқа мерзімді берілген қарыздар шоты қысқа мерзімді мемлекеттік мекемелерге ұсынылған қарыздарды есепке алу үшін арналған.
1120 - Қысқа мерзімді қаржы инвестициялары шоты қысқа мерзімді қаржы инвестицияларды есепке алу үшін арналған (акциялар, мемлекеттік және жергілікті қарыздардың пайыздық облигациялары, депозиттік сертификаттар, салымдар, туынды бағалы қағаздар және басқа қаржы инвестициялары).
1130 - Қысқа мерзімді қаржы инвестицияларының құнсыздануына арналған резерв шоты қаржы инвестицияларының құнсыздануына арналған резервтерді есепке алу үшін арналған.
9. 1200 Қысқа мерзімді дебиторлық берешек бөлімшесі қысқа мерзімді дебиторлық берешектерді есепке алу үшін арналған. Бұл бөлімше келесідей шоттарға бөлінеді:
1210 - Бюджеттік төлемдер бойынша қысқа мерзімді дебиторлық берешек шоты бюджеттік төлемдер бойынша қысқа мерзімді дебиторлық берешектерді есепке алу үшін арналған. Бұл шот келесі қосалқы шоттарды қамтиды:
1211 - Жеке тұлғаларға трансферттер бойынша қысқа мерзімді дебиторлық берешек, мұнда жеке тұлғалармен жасалатын есеп айырысулар көрсетіледі:
әлеуметтiк төлемдер және әлеуметтiк көмектер бойынша,
қызметкерлер мен қызметшiлерге еңбекте алған жарақат, не болмаса заңнамаға сәйкес олардың еңбектегi мiндеттерiн орындауға байланысты өзге де денсаулығын зақымдаған залалдың орнын толтыру бойынша,
қаза болған, қайтыс болған әскери қызметшілердің ата-аналарына, асырап алушыларына, қамқоршыларына төленетін біржолғы төлемдер бойынша,
демалысқа кеткен кезінде шұғыл қызметтің әскери қызметшілеріне, әскери (арнайы) оқу орындарының курсанттарына азық-түлік үлесінің орнына ақшалай өтемақы,
жеке тұлғаларға басқа да трансферттер бойынша.
1212 - Ағымдағы нысаналы трансферттер бойынша қысқа мерзімді дебиторлық берешек бюджеттік бағдарламалардың әкімшілектері облыстық бюджеттерге, республикалық маңызы бар қаланың, астананың бюджеттеріне дамыту үшін бөлінген ағымдағы нысаналы трансферттер және нысаналы трансферттер бойынша есептемелерін есепке алу үшін арналған.
1213 - Нысаналы даму трансферттері бойынша қысқа мерзімді дебиторлық берешек дамытуға нысаналы трансферттер бойынша қысқа мерзімді дебиторлық берешекті есепке алу үшін арналған.
1214 - Жеке тұлғаларға субсидиялар бойынша қысқа мерзімді дебиторлық берешек, мұнда жеке тұлғаларға субсидиялар бойынша қысқа мерзімді дебиторлық берешек есепке алынады.
1215 - Заңды тұлғаларға субсидиялар бойынша қысқа мерзімді дебиторлық берешек, мұнда заңды тұлғаларға субсидиялар бойынша қысқа мерзімді дебиторлық берешек есепке алынады.
1216 - Зейнетақылар мен жәрдемақылар төлеуге трансферттер бойынша қысқа мерзімді дебиторлық берешек, мұнда республикалық бюджеттен халыққа төлеу үшін Қазақстан Республикасы Еңбек және халықты әлеуметтік қорғау министрлiгiнiң зейнетақыларды және жәрдемақыларды төлеу жөнiндегi мемлекеттік орталыққа (мемлекеттік әлеуметтік жәрдемақылар, арнайы мемлекеттік жәрдемақылар, жерлеу үшін жәрдемақы және басқа да әлеуметтік төлемдер) бөлінген қаражаттар қозғалысы есепке алынады.
1220 - Бюджетпен есеп айырысу бойынша қысқа мерзімді дебиторлық берешек шоты салықтар үшін бюджетпен есеп айырысу бойынша қысқа мерзімді дебиторлық берешекті (жеке табыс салығы, әлеуметтік салық, қоршаған ортаны ластағаны үшін төлемдер және өзге салықтар), және де мемлекеттік мекемемен бюджетке артығымен аударылған сомаларды есепке алу үшін арналған.
1230 - Сатып алушылар мен тапсырыс берушiлердiң қысқа мерзiмдi дебиторлық берешегi өтеу мерзiмi бiр жылға дейiнгi сатылған активтер, орындалған жұмыстар және көрсетiлген қызметтер, сондай-ақ музыка мектептерінде балалардың оқуы үшiн, мектеп-интернаттарда тәрбиеленушiлердi ұстау үшiн, мектеп жанындағы интернаттарда балалардың нысанды киім-кешегі үшін, тамақтануы үшiн есеп айырысулар есепке алынады. Бұл шот мынадай қосалқы шоттарды қамтиды:
1231 - Сатып алушылар мен тапсырыс берушiлердiң қысқа мерзiмдi дебиторлық берешегi, мұнда өтеу мерзiмi бiр жылға дейiнгi сатылған активтер, орындалған жұмыстар және көрсетiлген қызметтер үшiн сатып алушылар мен тапсырыс берушілердің дебиторлық берешегi көрсетіледі, кәсіптік техникалық білім беру мекемелерінде тапсырыс берушілермен орындалған жұмыстар немесе көрсетілген қызметтер үшін және сатылған дайын өнімдер үшін есеп айырысулар, сондай-ақ өндірістік оқыту үдерісінде оқушылар орындаған жұмыстар үшін кәсіпорындармен және мемлекеттік мекемелермен есеп айырысулар есепке алынады;
1232 - Төлемдердiң арнайы түрлерi бойынша қысқа мерзiмдi дебиторлық берешек, мұнда өтеу мерзiмi бiр жылға дейiн музыка мектептерінде балалардың оқуы үшiн, интернат мектептерде тәрбиеленушiлердi ұстау үшiн, нысанды киім-кешек үшін, мектеп интернаттардағы балалардың тамақтануы үшiн есеп айырысулар есепке алынады;
1240 - Ведомстволық есеп айырысулар бойынша қысқа мерзімді дебиторлық берешек ведомстволық есеп айырысулар бойынша мемлекеттік мекемелердің қысқа мерзімді дебиторлық берешегін есепке алуға, соның ішінде өтеу мерзімі бір жылдан кем емес ішкі кредит беруге арналған. Бұл шот келесі қосалқы шоттарды қамтиды:
1241 - Ішкі ведомстволық есеп айырысулар бойынша қысқа мерзімді дебиторлық берешек ішкі ведомстволық есеп айырысу бойынша өз жүйесінің мемлекеттік мекемелерде берешек, оның ішінде қайтару негізінде кредит сомасы (ішкі кредит беру бойынша) республикалық және жергілікті бюджет қаражатының есебінен берілген кредиттер сомалары бойынша.
1242 - Ведомствоаралық есеп айырысулар бойынша қысқа мерзімді дебиторлық берешек ведомствоаралық есеп айырысу бойынша өз жүйесінің мемлекеттік мекемелерде берешек, оның ішінде қайтару негізінде кредит сомасы (ішкі кредит беру бойынша) республикалық және жергілікті бюджет қаражатының есебінен берілген кредиттер сомалары бойынша.
1250 - Алынуға тиісті қысқа мерзімді сыйақылар шоты қарыздар, қаржы инвестициялары, жалдау және алуға басқа да сыйақылар бойынша есептелген сыйақылар бойынша дебиторлық берешекті есепке алу үшін арналған.
1260 - Қызметкерлердің қысқа мерзімді дебиторлық берешегі қызметкерлердің активтерді сатып алуға есеппен берілген ақша қаражаты, қызметтерге ақы төлеуге, қызметтік іссапарларға қызметкерлерге берілген қарыздар бойынша, сондай-ақ қызметкерлердің өзге қысқа мерзімді дебиторлық берешегін есепке алу операциялары үшін арналған. Бұл шот келесі қосалқы шоттарды қамтиды:
1261 - Есеп беретін сомалар бойынша қызметкерлердің қысқа мерзімді дебиторлық берешегі, мұнда есеп беретін тұлғалармен оларға іссапар шығыстарына аванспен, сондай-ақ қолма-қол ақшасыз жолмен жүргiзiлуi мүмкін емес шығыстарды төлеу үшін берілген есеп айырысулар есепке алынады.
1262 - Қызметкерлермен басқа есеп айырысу түрлері бойынша қысқа мерзімді дебиторлық берешек, мұнда активтердің анықталған жетіспеушіліктері мен талан-таражға түсуі бойынша, алдыңғы қосалқы шоттарда көрсетілмеген өтеу мерзімі бір жылға дейінгі басқа да есептеу түрлері бойынша адамдардың берешегі есепке алынады;
1270 - Жал бойынша қысқа мерзімді дебиторлық берешек шоты ағымдағы кезеңде операциялық және қаржылық жал бойынша есептелген жал төлемдерін есепке алу үшін арналған.
1280 - Өзге қысқа мерзімді дебиторлық берешектер шоты алдыңғы шот топтарында көрсетілмеген өтеу мерзімі бір жылға дейін өзге дебиторлық берешегі бойынша операцияларды есепке алу үшін арналған.
1290 - Күмәнді дебиторлық берешектер бойынша резерв шоты күмәнді дебиторлық берешектер бойынша резервтерді құруға және оның қозғалысына байланысты операцияларды есепке алу үшін арналған.
Ескерту. 9-тармаққа өзгерістер енгізілді - ҚР Қаржы министрінің м.а. 2012.07.11 № 338 (2013.01.01 бастап қолданысқа енгізіледі); 12.10.2013 № 482 (алғашқы ресми жариялағаннан кейін күнтізбелік он күн өткен соң қолданысқа енгізіледі) бұйрықтарымен.
10. 1300 Қорлар кіші бөлімі шоттарында мемлекеттік мекемеге жататын құрылыс материалдары, орнатуға құрал-жабдықтар, материалдар, тамақтану өнімдері, отын және жағармай, азық, жем, ыдыс, машиналар мен құрал-жабдықтарға запас бөлшектер, көмекші шаруашылық өнімдері мен бұйымдары, бордақыдағы малдар мен мал төлдері, оқыту, ғылыми және басқа да мақсаттарға материалдар, және де лабораториялық сынаулар мен ұзақ мерзім қолдану материалдары, ғылыми-зерттеу жұмыстардың шаруа келісімшарттары үшін арнай құрал-жабдықтарды есепке алу үшін арналған.
Бұл кіші бөлім келесідей шоттарды біріктіреді:
1310 - Материалдар шоты материалдар және олардың заттық сипаты бойынша есепке алу үшін арналған. Бұл шот келесі қосалқы шоттарды қамтиды:
1311 - Құрылыс материалдары, мұнда құрылыс және монтаждау жұмыстары үдерісінде пайдаланылатын құрылыс материалдары есепке алынады. Құрылыс материалдарына силикат материалдары (цемент, құм, қиыршақ, әк, тас, кiрпiш, қыш), құрылыс металы (темiр, қаңылтыр, болат, табақталған мырыш), металл бұйымдар (шегелер, гайкалар, болттар, құрсаулау бұйымдары), санитарлық-техникалық материалдар (крандар, муфталар, тройниктер), электротехникалық материалдар (кабель, шамдар, патрондар, роликтер, сымдар, сақтандырғыш тетiктер, оқшаулағыштар), химиялық-жағу (сыр, олифа, толь) және басқа осыған ұқсас материалдар жатады;
1312 - Оқу, ғылыми және басқа мақсаттарға арналған материалдар, мұнда реактивтер мен химикаттар, қара металдардың сынықтары мен қалдықтары, түсті металдардың сынықтары мен қалдықтары, арнаулы қор материалдары, әйнек және химиялық ыдыстар, металдар, электроматериалдар мен радиоматериалдар, радиошамдар, фотожарақтар, оқу бағдарламалары, оқулықтар мен ғылыми жұмыстарды шығаруға арналған қағаздар, тәжірибелік жануарлар мен оқу мақсаттарына және ғылыми-зерттеу жұмыстарына арналған материалдар, сондай-ақ тіс салуға арналған қымбат бағалы және басқа металдар, ату жарақтары, белсенді өңдеу, арнайы өңдеу және газсыздандыру материалдары, ғылыми-зерттеу жұмыстарына арналған ұзақ мерзімді қолдану материалдары, және де шаруашылық келісім ғылыми-зерттеу жұмыстарын орындау үшін алынған арнайы құралдар есепке алынады.
1313 - Дәрі-дәрмектер және байлап-таңу құралдары, мұнда шығыстардың экономикалық сыныптамасының тиісті ерекшелігі бойынша қаржыландыру жоспарында қаржы бөлу көзделген емдеу-алдын алу және емдеу-мал дәрігерлік және басқа мемлекеттік мекемелердегі дәрі-дәрмектер, құрамдық заттар, бактериялық препараттар, сарысулар, екпелер, қан, байлап-таңу құралдары, өзге дәрілік құралдар және медициналық мақсаттағы бұйымдар есепке алынады. Бұл қосалқы шотта сондай-ақ өз дәріханалары бар медициналық мекемелердегі қосымша және дәрі жасайтын материалдар есепке алынады;
1314 - Тамақ өнімдері, мұнда шығыстарын экономикалық сыныптаудың ерекшелігі бойынша қаржыландыру жоспарында қаржы бөлу көзделген, мемлекеттік мекемелердің тамақ өнімдері есепке алынады.
1315 - Отын, ЖЖМ, мұнда қоймаларда немесе қорларда (май, тасол және өзге материалдар), сондай-ақ тікелей материалды жауапты адамдарда сақталған отынның, жанар және жағар майлардың барлық түрлері (ағаш, көмір, шымтезек, бензин, керосин, қарамай, автол және басқа жанар-жағар май материалдары), оның ішінде жанар және жағар май материалдарына арналған төленген талондар есепке алынады;
1316 - Шаруашылық материалдары және кеңсе жарақтары, мұнда шаруашылық материалдары, электр желілік фильтрлер, ұзартқыштар, шыныдан немесе басқа сынатын материалдан жасалатын ыдыс, пышақтар, шанышқылар, қасықтар, гүл құмыралары, резеңке кілемшелер және кеңсе жарақтары, сондай-ақ қағаздарға арналған жайма, пластик қоржындар, органайзер есепке алынады;
1317 - Арнайы киімдер және өзге де жеке қолдану заттары, мұнда есепке алынады:
іш киім (жейделер, қысқа жеңді көйлектер, халаттар);
төсек орын жабдықтары мен жарақтары (матрацтар, жастықтар, көрпелер, ақ жаймалар, көрпе тыстар, жастық тыстар, жапқыштар, төсек-қапшықтар);
киім және нысанды киімдер, арнаулы киімдерді қоса (костюмдер, пальтолар, сулықтар, шолақ тондар, көйлектер, кофталар, юбкалар, күртелер, шалбарлар), құнына және қызмет мерзіміне қарамастан, бюджеттің есебінен ұсталатын денсаулық сақтау, оқу-ағарту, халықты әлеуметтік қорғау қызметкерлері және басқаларға арналған формалық киім және аяқ киім;
спорт киімдері және аяқ-киім (костюмдер, аяқ киімдер) және өзге де жеке қолдану заттары;
1318 - Қосалқы бөлшектер, мұнда машиналарда (медициналық, электронды есептеу және басқа бөліктерді), жабдықтарда, тракторларда, комбайндарда, көлік құралдарында (моторлар, қақпақтарды қосатын автокөліктік шиналар, камералар, жиек ленталары) тозған бөлшектерін ауыстыру және жөндеу үшін арналған қосалқы бөлшектер;
1319 - Өзге материалдар, мұнда құнына қарамастан барлық жануарлар түрлерiнiң төлдерi және бордақылаудағы малдар, құстар, көжектер, терiсi бағалы аңдар, малға және басқа жануарларға арналған шөп, пiшен, сұлы және басқа мал азығының түрлерi, егу материалдары, дақылдар, тыңайтқыштар, егер мемлекеттiк мекемелерде жұмыс аттары болса, төлi (құлындары), сондай-ақ қайтарылатын немесе ауыстырылатын ыдыс (күбiлер, бидондар, жәшiктер, шыны банкалар, шөлмектер және басқа да ыдыс), бос (босалқы), сондай-ақ және материалдық құндылықтарымен орналасқан ақпараттың техникалық тасығыштары (флеш-карталар, дискілер, дискеталар, токендер), компьютерлік тінтуірлер, спорт іс-шараларын жүргізуге арналған тауарлар (шайбалар, доптар, шахматтар, дойбылар, үстел үсті теннисіне арналған жинақтар, бадминтонға арналған жинақтар және т.б.) балалар ойыншықтары, орны толтырылатын шығындары үстеме шығыстардың құрамында құрылыс-монтаждау жұмыстарының құнына жатқызылатын уақытша (атаусыз) құрылыстар, қосалқы жайлар мен қондырғылар, тамақтануға төленген талондар, демалыс үйлеріне, санаторийлерге, туристік базаларға төленген жолдамалар, почта аударымдарына алынған хабарламалар, почталық маркалар мен мемлекеттік баж маркалары, еңбек кітапшаларының бланкілері және алдыңғы қосалқы шоттарда қамтылмаған басқа да материалдар есепке алынады;
1320 - Аяқталмаған өндiрiс аяқталмаған өндіріс қалдықтарын есепке алуға арналған;
1330 - Дайын өнім, өндiрiстiк (оқулық) шеберханаларының, көмекшi ауылшаруашылық және оқу-тәжiрибелiк шаруашылықтардың дайын бұйымдары мен өнiмдерiн, сондай-ақ дайын баспа өнiмдерiн есепке алуға арналған;
1340 - Тауарлар шоты тауарлардың қозғаласына байланысты операциялар есепке алу үшін арналған.
1350 - Жолдағы қорлар шоты өзге қалалардың берістері бойынша бюджеттік ұйымдар ақысын төлеген, бірақ айдың аяғына дейін қоймаға түспеген материалдарды, сондай-ақ бір орталықтан жабдықтау және шаруашылық қызмет көрсету қоймаларына алынған және бюджеттік ұйымдар бойынша бөлінбеген материалдарды есепке алу үшін арналған.
1360 - Қорлардың құнсыздануына резерв шоты қорлардың құнын сатудың таза құнына дейін төмендетуге арналған резервтерді құруға және қозғаласына байланысты немесе моральдық жағынан ескеруге байланысты операцияларды есепке алу үшін арналған.
Ескерту. 10-тармаққа өзгерістер енгізілді - ҚР Қаржы министрінің м.а. 2012.07.11 № 338 (2013.01.01 бастап қолданысқа енгізіледі); 12.10.2013 № 482 (алғашқы ресми жариялағаннан кейін күнтізбелік он күн өткен соң қолданысқа енгізіледі) бұйрықтарымен.
11. 1400 Өзге қысқа мерзімді активтер кіші бөлімі алдындағы бөлімшелерде көрсетілмеген басқа да қысқа мерзімді активтерді есепке алу үшін арналған. Бұл бөлімше келесідей шоттарға бөлінеді:
1410 - Берілген қысқа мерзімді аванстар шоты есеп айырысулар әр жеке мәміле (тиеу, тауарды жіберу немесе қызмет көрсету) бойынша емес, алдын-ала келісілген тараптармен қаражаттарды мерзiмiнде және толық көлемде дүркiн-дүркiн аудару жолымен жүзеге асырылған жоспарлы төлемдер тәртiбiнде жеткiзушiлермен есеп айырысуларын есепке алу үшін арналған;
1420 - Алдағы кезеңдердің шығыстары шоты есепті жылдың ішінде қазіргі кезеңде жүргізілген бірақ алдағы кезеңдерге қатысты шығыстар есепке алынады (сақтандыру ұйымдарына төленген сақтандыру аударымдары, жал төлемі және алдағы кезеңдердің басқа шығыстары);
1430 - Өзге қысқа мерзімді активтер шоты алдыңғы топтарда көрсетілмеген өзге қысқа мерзімді активтер бойынша операциялар есепке алынады.
5. 2 Ұзақ мерзімді активтер бөлімінің шоттары
12. 2 Ұзақ мерзімді активтер бөлімінің шоттары ұзақ мерзімді ретінде жіктелетін мемлекеттік мекемелердің активтерін есепке алуға арналған.
13. 2 Ұзақ мерзімді активтер бөлімі мынадай кіші бөлімшелерді қамтиды:
2100 Ұзақ мерзімді қаржы инвестициялары;
2200 Ұзақ мерзімді дебиторлық берешек;
2300 Негізгі құралдар
2400 Аяқталмаған құрылыс және күрделі салымдар
2500 Инвестициялық жылжымайтын мүлік;
2600 Биологиялық активтер;
2700 Материалдық емес активтер;
2800 Өзге қысқа мерзімді активтер.
14. 2100 - Ұзақ мерзімді қаржы инвестициялары кіші бөлімі ұзақ мерзімді қаржылық құралдарды есепке алу үшін арналған. Бұл бөлімше келесідей шоттарға бөлінеді:
2110 - Ұзақ мерзімді берілген қарыздар шоты бір жылдан аса ұзақ мерзімді ұсынылған қарыздарды есепке алу үшін арналған.
2120 - Ұзақ мерзімді қаржы инвестициялары шоты ұзақ мерзімді қаржы инвестицияларын есепке алу үшін арналған (басқа да ұйымдарда үлестік қатысы).
2130 - Ұзақ мерзімді қаржы инвестицияларының құнсыздануына арналған резерв шоты қаржы инвестицияларының құнсыздануына арналған резервті құру және қолданумен байланысты операцияларды есепке алу үшін арналған.
15. 2200 - Ұзақ мерзімді дебиторлық берешек бөлімшесі өтеу мерзімі есепті күннен бастап бір жылдан аса дебиторлық берешектерді есепке алу үшін арналған. Бұл бөлімше келесідей шоттарға бөлінеді:
2210 - Сатып алушылар мен тапсырыс берушілердің ұзақ мерзімді дебиторлық берешегі шоты өтеу мерзімі бір жылдан асатын оларға сатылған активтер мен көрсетілген қызметтер үшін сатып алушылармен және тапсырысшылармен есеп айырысу бойынша операцияларды есепке алу үшін арналған.
2220 - Жал бойынша ұзақ мерзімді дебиторлық берешек алдағы кезеңде қаржылық жалдау бойынша жалдау төлемдерін жүзеге асыру бойынша шығыстарды есепке алу үшін арналған.
2230 - Өзге ұзақ мерзімді дебиторлық берешектер шоты алдыңғы шот топтарында көрсетілмеген өтеу мерзімі бір жылдан асатын өзге дебиторлық берешектер бойынша операцияларды есепке алу үшін арналған. Бұл шот келесі қосалқы шоттарды қамтиды:
16. 2300 - Негізгі құралдар кіші бөлімі негізгі құралдарды есепке алу үшін арналған.
Осы кіші бөлім мынадай шоттарға бөлінеді:
2310 - Жер бюджеттен бөлiнетiн қаражаттың есебiнен сатып алынған жердiң кез-келген түрiн, ормандарды, iшкi сулар мен пайдалы қазбалардың кен орындарын есепке алуға арналған;
2320 - Ғимараттар шоты объектілердің функционалдық міндетіне байланысты адамдар немесе жануарлардың тұруына болатын, заттарды сақтауға болатын, ұстап тұратын және қоршап тұратын немесе біріктірілген (ұстап тұратын және қоршап тұратын) конструкциялар бойынша объекттің тұрақты негізінде салынған әрбір жеке тұрған ғимаратты есепке алу үшін арналған. Осы шот келесі қосалқы шоттарды қамтиды:
2321 - Тұрғын емес үй ғимараттары, мұнда басқару органдары, әлеуметтік-мәдени және басқа ұйымдар пайдаланатын өндірістік-шаруашылық мақсаттағы ғимараттар (оқу орындарының, ауруханалардың, емханалардың және амбулаториялардың, қариялар мен мүгедектерге арналған үйлердің, балалар мекемелерінің, кітапханалардың, клубтардың, мұражайлардың, ғылыми-зерттеу институттарының, шеберханалардың) және басқа да мемлекеттік мекемелердің ғимараттары есепке алынады;
2322 - Тұрғын үй ғимараттары, мұнда толығымен немесе көбіне тұруға болатын мақсатқа арналған ғимараттар есепке алынады: толық немесе көбіне тұрғын үйге арналған ғимараттар (барлық пайдалы тұрғын және тұрғын емес алаңдардың 50%-нен кем болмайтын тұрғын бөлмелердің жалпы пайдалы алаңы);
2330 - Құрылыстар, су айдағыштар, стадиондар, бассейндер, жолдар, көпірлер, ескерткіштер, парктердің, саябақтардың, қоғамдық бақтардың қоршаулары және басқа құрылысты есепке алуға арналған;
2340 - Беріліс құрылғылары шоты электрлік, жылу және механикалық қуаттарды тасымалдау құралдары, және де байланыс пен электр тарату (кабельді) желілері, тұтынушыларға дейін сұйық және газ тәрізді заттарды магистральдық құбырлар арқылы ауыстыруға арналған қуаттарды трансформациялау және беру үшін қажетті, барлық аралық құрылғылары бар трансмиссиялар мен құбырларды есепке алу үшін арналған;
2350 - Көлік құралдары шоты көшіруге арналған қозғалыс құралдарының барлық түрлерін есепке алу үшін арналған, олар мынадай жеке топтарға бөлінеді:
теміржол көлігінің жылжымалы құрамы (электровоздар, тепловоздар, мотодрезиндер, вагондар, платформалар, цистерналар), су және автомобиль көлігі (теплоходтар, дизель-электроходтар, сүйретпелер, баржалар мен баркалар, қайықтар мен қызметтік қосымша құтқару қайықтары мен кемелері, жүзбелі айлақтар, желкенді кемелер, жүк таситын және жеңіл автомобильдер, тіркемелер, автосамосвалдар, автоцистерналар, автобустар, мамандандырылған автомобильдер, тартқыш тракторлар және басқа су және автомобиль көлігі);
әуе көлігі (ұшақтар, тікұшақтар);
ат көлігі (арбалар, шаналар);
өндіріс көлігі (электрокарлар, мотоциклдер, мотороллерлер, велосипедтер, қоларбалар, мүгедектер арбасы және басқа өндіріс көлігі);
спорт көлігінің барлық түрлері;
2360 - Машиналар мен жабдықтар қуат машиналары мен жабдықтарды, жұмыс машиналары мен жабдықтарды, өлшеу аспаптарын, реттеу аспаптары мен қондырғыларын, зертхана жабдықтарын, компьютерлiк жабдықтарды, дәрiгерлiк жабдықтарды, кеңсе жабдықтарын, мынадай жеке топтарға бөлiнген өзге машиналар мен жабдықтарын есепке алуға арналған:
жылу және электр энергиясын өндіретін қуат машиналары мен жабдықтар, машина-генераторлар және судың, желдің энергиясын, сондай-ақ жылу және электр энергиясын қозғалыстың механикалық энергиясына айналдыратын машина-қозғағыштар;
өнім жасау және өндірістік мақсатта қызметтер көрсету процесінде және механикалық қозғағыштардың, адам және жануар күшінің көмегімен өндіріс процесінде еңбек затын ауыстыру барысында еңбек затына механикалық, жүк және жолаушы лифтiлерiн қоса алғанда термикалық және химиялық әсер етуге арналған жұмыс машиналары мен жабдықтары, машиналар, аппараттар мен жабдықтар;
өлшеу аспаптары - дозаторлар, амперметрлер, барометрлер, ваттметрлер, су өлшегіштер, вакуумметрлер, вапориметрлер, вольтметрлер, биіктік өлшегіштер, гальванометрлер, геодезиялық аспаптар, гигроскоптар, индикаторлар, компастар, манометрлер, хронометрлер, арнаулы таразылар, өлшегіштер, касса аппараттары және басқа өлшеу приборлары;
реттегіш аспаптар мен құрылғылар - оттегі-тыныс алу аспаптары, электрлі, пневматикалы және гидравликалы реттегіш қондырғылар, автоматты басқа тетіктері, орталықтандыру және топтау аппаратурасы, диспетчерлік бақылаудың желілік құрылғылары;
лаборатория жабдықтары - пирометрлер, реттегіштер, калориметрлер, ылғалдылықты анықтайтын аспаптар, айдау текшелері, газ өткізгіштікті сынайтын аспаптар, жыртылуға төзімділікті сынайтын аспап, микроскоптар, термостаттар, тұрақтандырғыштар, кергіш шкафтар және басқа лабораториялық жабдықтар;
компьютерлік жабдықтар - дербес компьютерлер, процессорлар, іркіліссіз қорек көздері, мониторлар, принтерлер, сканерлер, клавиатуралар және басқа компьютерлік жабдықтар;
медициналық жабдықтар - медициналық жабдықтар (тіс-дәрігер креслосы, операциялық столдар, арнаулы жабдығы бар төсектер), арнаулы дезинфекциялық және дезинсекциялық жабдықтар, сүтханалар мен сүт станцияларының, қан құю станцияларының жабдықтары және басқа медициналық жабдықтар;
офистік жабдықтар - көшіргіш машиналар, факс-машиналар, құжаттарды жоюға арналған машиналар және басқалар және басқа офистік жабдықтар;
өзге машиналар мен жабдықтар - жоғарыдағы топтарда аталмаған машиналар, аппараттар мен басқа да жабдықтар. Өзге машиналар мен жабдықтарға мыналар жатады: стадиондардың, спорт алаңдарының және спорт жайларының жабдықтары (оның ішінде спорт снарядтары), оқу орындарындағы кабинеттер мен зертханалардың жабдықтары, киноаппаратура, жарық беретін аппаратура, сахна жабдықтары, саз аспаптары, теледидарлар, таспалар, бейне камералар, ұялы байланыс аппараттары, пейджерлер, радиоаппаратура, ғылыми-зерттеу мемлекеттік мекемелерінің мен ғылыми жұмыспен айналысатын басқа да ұйымдардың арнайы жабдықтары, АТС жабдықтары, механикалық өрт сөндіру сатылары, кір жуатын және тігін машиналары, тоңазытқыштар, шаңсорғыштар, ауа баптағыштар, қысқа толқынды пештер және басқа машиналар мен жабдықтар;
арттехқару-жарақ (атыс қаруы пистолеттер мен револьверлер, автоматты қару, арнаулы мергендік қару-жарақ, арнаулы (ерекше) мақсаттағы полиция бөлімшесінің қару-жарағы, оқу және спорт қаруы, жарық сигналдарын беру құралдары, әскери инженерлік мүлік, әскери химиялық мүлік, оптикалық аспаптар);
қару-жарақ және әскери техника.
2370 - Аспаптар, өндірістік және шаруашылық мүкәммалы шоты аспаптар, өндірістік және шаруашылық құралдарды есепке алу үшін арналған және мынадай жеке топтарға бөлініп есептеледі:
аспаптар - механикаландырылған және механикаландырылмаған жалпы сипаттағы еңбек құралдары, сондай-ақ машиналарға бекітілген, материалдарды өңдеу үшін қолданылатын заттар. Оларға электр энергиясының, қысылған ауаның көмегімен жұмыс істейтін қолға ұстайтын механикаландырылған құралдарды (электродрелдер, бояу бүріккіштер, электр тітіркеткіштер, гайка бұрағыштар) қоса алғанда қол еңбегінің кесетін, ұратын, қысатын және тығыздайтын құралдары, сондай-ақ материалдарды өңдеуге, монтаж жұмыстарын жүргізуге арналған құралдар (қыспақтар, патрондар, бөлгіш тығындар, қозғағыштарды орнатуға және автомобильдердегі кардан біліктерін айналдыруға арналған құралдар), қысқаш, балға жатады;
өндірістік мүкәммал мен керек-жарақтар - жұмыс уақытында өндірістік операцияларды жеңілдетуге қызмет ететін өндірістік мақсаттағы заттар, жұмыс үстелдері, верстагтар, кафедралар, парталар және еңбекті қорғауға көмектесетін басқа жабдықтар, сұйық және сусымалы заттарды сақтауға арналған орынжайлар (бактар, амбарлар, сенектер, қамбалар), сауда шкафтары мен сөрелер, мүкәммал ыдыстар, жұмыс машиналарына жатқызуға болмайтын техникалық мақсаттағы заттар;
шаруашылық мүкәммал - кеңсе керек-жарақтары (қабырғалық жиһаз, гарнитуралар, құрамалы жиһаздар, тумбалар, демалыс бұрышы), жылжытпалы тосқауылдар, iлгiштер, гардеробтар, әр түрлi шкафтар, дивандар, үстелдер, орындықтар, креслолар, кiтап сөрелерi, жанбайтын шкафтар мен жәшiктер, сейфтер, жазу машиналары, гектографтар, шапирографтар мен басқа да қолға ұстайтын көбейткiш және нөмiрлегiш аппараттар, телефон аппараттары, желдеткiштер, жылжытпалы киiз үйлер, шатырлар (оттегiлерiнен басқа), кереуеттер (арнайы жабдығы бар кереуеттерден басқа), кiлемдер, портъерлер, жалюзилер, терезеге арналған торлар және басқа да шаруашылық мүкәммал, сондай-ақ өртке қарсы мақсаттағы заттар - гидропульттер, стендтер, қол сатылар;
басқа да өндiрiстiк және шаруашылық мүкәммал - рамадағы картиналар, айналар, қола мүсіндер (бюсттер), мраморлы вазалар, шамдар (люстралар, бра), мемлекеттік рәміздер, басшының үстел үсті жинағы, тифлоқұралдар мен сурдоқұралдар, көрнекiлiк насихаттау стендтері;
2380 - Өзге негiзгi құралдар өзге негiзгi құралдарды есепке алуға арналған. Осы шот мынадай қосалқы шоттарды қамтиды:
2381 - Мәдени мұра активтерi, мұнда өзiнiң мәдени, экологиялық және тарихи мәнiне байланысты мәдени мұра болатын активтер есепке алынады. Оларға тарихи ғимараттар мен монументтер, археологиялық қазба орындары, қорықтар мен табиғи қорғалатын аумақтар, өнер шығармалары, сондай-ақ құнына қарамастан мұражай құндылықтары жатқызылады;
2382 - Кітапханалық қор, мұнда жекелеген кітаптардың құнына қарамастан кітапханалық қорлар есептеледі. Кітапханалық қорларға ғылыми, көркем және оқулық әдебиет, әдебиеттің арнаулы түрлері және басқа басылымдар енгізіледі;
2383 - Өзге негізгі құралдар, мұнда жерді жақсарту бойынша күрделі шығындар есепке алынады. Жерді жақсарту жөніндегі күрделі шығындарға күрделі салымдар есебінен жүргізілетін (жер бөліктерін жобалау, алқаптарды егістік үшін отау, даланы тастар мен қой тастардан тазарту, түбірлерді кесу, жабайы өсімдіктерден арылту, көлшіктерді тазарту), ауыл шаруашылығына арналған жерді үстіртін жақсарту жөніндегі мәдени-техникалық шараларға арналған заттық сипатта емес (құрылыс салуға байланысты емес) шығындар жатады;
олардың құнына қарамастан, хайуанаттар паркіндегі және басқа сондай мекемелердегі жануарлар әлемнің экспонаттары;
сахналық қойылым құралдары (декорациялар, ағаш жиһаздары мен кәделік, бутафорлық заттар, театрлық және ұлттық костюмдер, бас киімдер, іш-киімдер, аяқ киімдер, париктер);
оқулық кинофильмдер, магниттi дискiлер мен ленталар;
көшелердегі, алаңдардағы, парктердегі, бақтардағы, саябақтардағы, ұйымдардың аумағындағы, тұрғын үй аулаларындағы көгалдандыру және көріктендіру өсімдіктері, жанды қоршаулар, қар тосқындары мен егістікті қорғайтын жалдар, құмдар мен өзен жағалауларын бекітетін өскіндер, жар-қабақ өскіндері, ботаника бақтарының және ғылыми-зерттеу ұйымдары мен оқу орындарының ғылыми мақсаттарға арнап басқа қолдан өсірілген көпжылдық өскіндер;
өзге мүкәммал, балалар ойындары, су диспенсерлері, электр шәйнектері мен су қайнатқыштар, шелектер, кастрюльдер, табалар, арнаулы шаңғылар;
жұмыс малдары - жылқылар, өгіздер, түйелер, есектер және басқа да жұмыс малдары (көліктік және спорт жылқыларын, қызметтік иттерді қосқанда);
басқа шоттардың тобына енгізілмеген өзге негізгі құралдар;
2390 - Негізгі құралдардың жинақталған амортизациясы мен құнсыздануы шоты негізгі құралдардың жинақталған амортизациясы мен құнсыздануына резерв сомасын есепке алу үшін арналған. Осы шот келесі қосалқы шоттарды қамтиды:
2391 - Негізгі құралдардың жинақталған амортизациясы, мұнда негізгі құралдардың жинақталған амортизация сомасы есепке алынады.
2392 - Негізгі құралдардың құнсыздануына резерв, мұнда негізгі құралдардың құнсыздануына резерв құру мен оның қозғалысымен байланысты операциялар есепке алынады.
Ескерту. 16-тармақ жаңа редакцияда - ҚР Қаржы министрінің 12.10.2013 № 482 бұйрығымен (алғашқы ресми жариялағаннан кейін күнтізбелік он күн өткен соң қолданысқа енгізіледі).
17. 2400 Аяқталмаған құрылыс және күрделі салымдар кіші бөлімі аяқталмаған құрылыс және күрделі салымдарды есепке алу үшін арналған. Бұл кіші бөлім келесідей шотты қамтиды:
2410 - Аяқталмаған құрылыс және күрделі салымдар күрделі салымдарды және құрылыс циклі аяқталмаған және пайдалануға тапсырылмаған объектілерді есепке алу үшін арналған. Бұл шот келесі қосалқы шоттарды қамтиды:
2411 - Аяқталмаған құрылыс, мұнда аяқталмаған және пайдалануға тапсырылмаған объектілер құрылысы бойынша шығыстар есепке алынады (ғимараттар мен құрылыстарды тұрғазу, қондырғыны монтаждау бойынша);
2412 - Материалдық емес активтерге күрделі салымдар, мұнда зерттеу сатысындағы материалдық емес активтердің құнынан капитализацияланатын күрделі салымдар есептеледі.
18. 2500 - Инвестициялық жылжымайтын мүлік бөлімшесі мемлекеттік мекемеге сыйақы түрінде пайда алып келетін жылжымайтын мүлікті есепке алу үшін арналған. Бұл бөлімше келесідей шотты қамтиды:
2510 - ... жалғасы
Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Пәндер
- Іс жүргізу
- Автоматтандыру, Техника
- Алғашқы әскери дайындық
- Астрономия
- Ауыл шаруашылығы
- Банк ісі
- Бизнесті бағалау
- Биология
- Бухгалтерлік іс
- Валеология
- Ветеринария
- География
- Геология, Геофизика, Геодезия
- Дін
- Ет, сүт, шарап өнімдері
- Жалпы тарих
- Жер кадастрі, Жылжымайтын мүлік
- Журналистика
- Информатика
- Кеден ісі
- Маркетинг
- Математика, Геометрия
- Медицина
- Мемлекеттік басқару
- Менеджмент
- Мұнай, Газ
- Мұрағат ісі
- Мәдениеттану
- ОБЖ (Основы безопасности жизнедеятельности)
- Педагогика
- Полиграфия
- Психология
- Салық
- Саясаттану
- Сақтандыру
- Сертификаттау, стандарттау
- Социология, Демография
- Спорт
- Статистика
- Тілтану, Филология
- Тарихи тұлғалар
- Тау-кен ісі
- Транспорт
- Туризм
- Физика
- Философия
- Халықаралық қатынастар
- Химия
- Экология, Қоршаған ортаны қорғау
- Экономика
- Экономикалық география
- Электротехника
- Қазақстан тарихы
- Қаржы
- Құрылыс
- Құқық, Криминалистика
- Әдебиет
- Өнер, музыка
- Өнеркәсіп, Өндіріс
Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.
Ақпарат
Қосымша
Email: info@stud.kz