Баланың айналасындағылармен дұрыс қарым-қатынас қалыптастыруда көңіл-күй ахуалының маңызы

Ата - аналармен жұмыс.
Ибраева Ботагоз Нуртаевна
Бастауыш сынып мұғалімі.
Озерны орта мектебі.

Ата-аналар жиналысы
Тақырыбы: Баланың айналасындағылармен дұрыс қарым-қатынас қалыптастыруда көңіл-күй ахуалының маңызы.
Мақсаты:
1. Адам өміріндегі көңіл-күй ахуалыныңмәні туралы мәселені ата-аналармен талқылау.
2. Кіші жастағы оқушылардың көңіл-күй ахуалы бойынша ата-аналарға білім алуына жағдай жасау.
3. Жеке тұлғаны қалыптастыру.
Жиналыстың өтілу түрі: үйрету семинары, топпен жұмыс жасау.
Мұғалімнің кіріспе әңгімесі:
Бүгінгі ата-аналар жиналысының мәселесін талқылауға және бала тәрбиесіне назар аударғандарыңыз үшін сіздерге алдымен алғысымды айтамын. Бұл өмірдегі ең үлкен бақыт айналадағылардың сені түсіне білуінде деп ойлаймын. Үлкен бол, кіші бол адамға тамақ, ұйқы,жылу, қауіпсіздік керек. Осының бәрі бола тұра көптеген адамдар,соның ішінде балалар көп қиалады. Неге? Барлық жағдай бола тұра басқаның жағдайына қызыға қарайды.Мұның жауабы қарапайым. Адамға жай ғана қанағат аздық етеді. Кез келген басқалардың оны түсінгенін,дұрыс танығанын, оның жетістіктерін бағалауын,оның бұл өмірге қажеттілігін байқауын қалайды. Ол үшін адам өзінің мүмкіндігін жүзеге асыруы қажет және өз-өзін құрметтеуі керек. Осының бәрі ең алдымен кіші жастағыларға қажет. Әр кім өзінің жанұясынан әрқашан қолдау табуы қажет. Ал оның өсіп келе жатқан ортасы қандай? Міне бұл өте күрделі мәселе болып табылады. Бүгінгі жиналыста осы мәселені шешуде сіздердің көмектеріңіз қажет. Барлықтарыңыз өз пікірлеріңізді ортаға салуларыңызды сұраймын.
Ашық хаттағы сұрақтар:
1- топқа.
1.Жеке тұлғаны қалыптастыруда көңіл-күй ахуалының мәні.
2.Жанұядағы қарым-қатынастың бала көңіл-күйіне әсері.
2- топқа.
1. Балаңыздың жақсы көңіл-күйде болуына жағдай жасайсыз ба?
2. Балаңызда теріс көңіл-күй бола ма? Неліктен деп ойлайсыз?
Жағдаяттарды талқылау:
1.Балаңыз сабақты қанша оқыса да тағы <<2>> деген баға әкелді. Сіздің әрекетіңіз қандай?
2. Сабағыңды оқы деген сөзіңізге балаңыз назар аудармайды. Не істейсіз?

1.Балаңыздың жаман қылықтарын бөтен біреуден ғана естисіз. Сіздің әрекетіңіз қандай?
Балаңыз мектепте ұдайы төбелес құрады. Не істейсіз?
<<Менің ең бақытты күнім>> атты сыр сандықтағы балалар пікірін тыңдау.
Руслан: Маған әкем барабан әперді.
Балжан: Анам маған әдемі қуыршақ сыйлады.
Айсана: Әжем, мамам, папам мені қалаға апарып аралатып көрсетті.
Сағымгүл: Анам маған қызықты ертегілер айтып береді.
Санжар: Папам қолы босағанда менімен ойнайды.
Ата-ана күнделігіне:
*Балаға қолдау жасаңыз.
*Баланың жандүние сандығы күндіз-түні ашық. Мәселе оған айналасындағылардың нені тастай білуінде.
*Тіпті балаға қойылатын талаптың өзі мейірімге толы болу керек.
*Қуанышта да, реніште де балаңызды тыңдап онымен бөлісе біліңіз.
*Баланы жазалаған күннің өзінде онымен қарым-қатынасыңызды үзбеңіз.
*Жанұямен,айналадығылармен қарым-қатынаста балаңызға үлгі болыңыз.
* Кез келген жаста балаңызды құшақтап сүйіңіз.
*Балаңызға ешқашанда немқұрайды қарамаңыз.
*Жанұяңыздың өміріне жылылық пен қуанышқа жетелейтін рәсімдер енгізіңіз.
Балаларға ұнайтын рәсімдер.
*Мектепке кетерде балаңызға жылы сөз айтыңыз,құшақтап сүйіңіз.
*Мектептен келгенде жетістіктерімен,реніштерімен бөлісіп қолдап жүріңіз.
*Демалыста өткен аптаның маңызы туралы қорытынды жасаңыз.
*Балаға әке-шешенің қасында бірге әңгімелескен ұнайды.
*Түнде оны жауып, ертегі айтып беріңіз.
*Туған күнде тосын сый жасаңыз.
*Мерекелерге бірге дайындалыңыз.
*Ауырғанда ұнататын тағамын жасап беріңіз.
<<Менің кішкентай қуаныштарым>> балалар көрмесіне саяхат.

Есіңде сақта!
(оқушыға арналған жадынама)
1.Сабаққа кешікпе,себепсіз қалма,қашпа.
2.Өте қажетті жұмысың болғанда ғана сұран.
3.Үйге берілген тапсырманы мүлтіксіз орында.Сабаққа күнделікті дайындал.
4.Оқу құралдарыңды тыста, таза ұста,оқулыққа жазу жазба,үйге тастап кетпе.
5.Дұрыс киін, бойыңды жинақы ұста.
6.Мектепте қоғамдық жұмыстар мен сыныптан тыс жұмыстарға белсенді қатыс.
7.Көшеде жүргенде,автобусқа отырғанда жол жүру ережелерін қатаң сақта.
8.Мезгілсіз уақытта көшеде жүрме,жаман әдеттен аулақ бол.
9.Қайырымды бол,кішіге,үлкенге, кемтарларға көмектес.
10.Өрескел сөз айтпа, ерсі мінез көрсетпе,көшеде бос жүрген адамдардан өзіңді аулақ ұста.
11. Ата-анаңнан рұқсатсыз ешқайда шықпа, орынсыз ақша сұрама.
12.Ата-анаңның сенімді көмекшісі бол,бос уақытыңды тиімді пайдалан.
Әке - шешенің адамгершілік бейнесі
Ата - ананың адамгершілік бет - бейнесі бала үшін ең маңызды үлгі екенін баса айту крек. Көрнекті педегог А.С. Макаренко өте орынды айтқан <<Сіздер балаларыңызды тек олрмен сөйлескен уақытта, болмаса оларды үйреткен уақытта, болмаса оларды үйреткен ғана емес, оларға бұйырған уақытта тәрбиелейміз екен депойламаңыздар. Сіздер балаларыңызды өмірлеріңіздің әрбір кезеңінде, тіпті әуелі үйде жоқ уақыттарыңызда да тәрбиелейсіздер. Сіздердің киінулеріңіз, басқалармен сөйлесулеріңіз, сіздердің қуанғандарыңыз, достарыңыз бен немесе қастарыңызбен қатынастарыңыз, күлкілеріңіз, газет оқығаныңыз, міне, осылардың барлығы да бала үшін тәрбиелік үлкен мәні бар нәрселер.
Сондықтан ата-ана балаға барлық жағынан отбасылық ынтымақты, қарым-қатынасты да, ортақ тіл табысуға жеткізетін сөйлеу мәнерімен де, Жұмыстан кейінгі бос уақытты мәдениетті, мағыналы тынығуымен ұштастыра білуімен де үлгі-өнеге көрсетуі тиіс.Керісінше сыйластық жоқ жерде, болымсыз ұсақ-түйек нәрседен өрбіп қоя беретін ұрыс-керіс болған жерде, немесе тәртіпсіздік, маскүнемдік бой көрсетсе баланың отбасылық тәрбие туралы сөз қозғалуы да мүмкін емес.Мұндай жағдайда отбасында береке болмайды. Бала тәрбиесі де сан соқтырып,, өкінішке ұрындырып елеулі бостандықтар бел алып кетеді. >>