6 саны. 6 цифрымен таныстыру

Қазақстан Республикасының Білім және ғылым министірлігі

Шығыс Қазақстан облысы, Шемонаиха қаласы

«№5 жалпы білім беретін орта мектеп» КММ

6 саны

Тақырыбы:

0 «а»- даярлық сыныбы.

Тәрбиеші:

Нукебаева Ардак Сериковна

2016 жыл

Ұйымдастырылған оқу іс- әрекетінің тақырыбы: 6 саны.

Мақсаты:1. Білімділік: 6 санының пайда болуы, құрамы, 6 цифрымен

таныстыру.

2. Дамытушылық: Логикалық ойлау, ауызша есептеу қабілетін дамыту, пәнге деген қызығушылығын арттыру.

3. Тәрбиелік : Таза, әдемі, ұқыпты жазуға тәрбиелеу.

Оқу іс- әрекетінің әдісі: сұрақ - жауап.

Көрнекіліктері: көжектер, сәбіздер, интерактифті тақта, үлестірмелі материалдар.
Пәнаралық байланыс: айналамен таныстыру, көркем әдебиет, құрастыру.

Оқу іс- әрекетінің барысы:

І. Ұйымдастыру кезеңі.

Балалар назарын оқу іс- әрекетіне аударып, оқу құралдарын дайындату.

Психологиялық дайындық:

Қане, біздер ойлайық, Ойымызды жинайық. Қандай есеп болса да, Шешпей оны қоймайық.
ІІ. Өткен сабақты қайталау.

Өткен сабақта біз қандай санды өттік?
0 санын.
0 санына байланысты есеп шығарып көрейікші.

Сандарды тура, кері санау.

Қорыта келе сандарға байланысты кім тақпақ, санамақтар біледі?

Бірім артық екіден, Аздығыма өкінем, Кедерлі аттай тұсалып, Жүр біреулер, «үш» алып.
Жаңғалақтың, жалқаудың, Алаңғасар аңқаудың, Алатыны екілік, Басын шайқап өкініп.
Достар мені «бір», - дейді, Қарайды да бүй дейді:Мұқтажсың қол, аяққа, Ұқсап тұрсың таяққа.

ІІІ. Жаңа сабақ

Оқу іс- әрекеті қонаққа келген қонжықтың әңгімесінен басталады.

Қонжық өзінің ертегілер елінен бүгінгі оқу іс- әрекетімізге арнайы келгенін, балаларға тапсырмалар мен тәтті сыйлықтар алып келгенін айтады.

Тәрбиеші: Балалар, осы сыйлықтарды алу үшін біз қонжықтың тапсырмаларын орындап көрейік.

- Балалар, бүгін бізге ертегілер елінен қонжықпен бірге басқа да қонақтар келіп қалыпты. Олар нелер?
- Қояндар немесе көжектер
- Бізге қонаққа қанша көжектер келіпті. Санайықшы.
- 1, 2, 3, 4, 5. Барлығы 5 көжек. Оның біреуі кешігіп келді. Барлығы қанша болды? (6)

- Ал енді бізге қонаққа келген көжектер нені жақсы көреді немесе қандай көкөністі ұнатады?
- Көжектер сәбізді жақсы көреді
- Дұрыс жарайсыңдар, балалар ендеше мен кәрзеңкеден көжектерге сәбіздерді үлестірейін, ал сендер мен қойған сайын санап отырыңдар. (тәрбиеші көжектің алдындағы ыдысқа 5 сәбіз қояды. )
- Балалар, көжектерге сәбіз жетті ме, санайықшы
- 1, 2, 3, 4, 5 сәбіз. 1 көжекке сәбіз жетпей қалды
- Бізде қояндар нешеу еді?
- 6 көжек.
- Сәбіз нешеу болды?
- 5 сәбіз.
- Көжек көп пе, сәбіз көп пе? Салыстырайықшы
- Көжек көп, сәбіз аз.
- Дұрыс көжек алтау, сәбіз бесеу. Сәбіз алтау болу үшін не істеу керек?

5 + 1=6

Бес сәбізге тағы бір сәбіз қоссақ сонда алты сібіз шығады.

-Бүгін өтетін санымыз осы 6 саны.

Қонжықтың тапсырмалары:

1-тапсырма:

Дүкеннен бир сабын алдым,
Оның және қабын алдым.
Екі дептер бір қарындаш,
Тіс ысқышты тағы алдым.
Есептеші сонда бәрі
Қанша болды қолда бәрі?
(Алтау)

2-тапсырма: Дәптермен жұмыс.

6 санымен таныстыру, жазу.

Сергіту сәті: Бейне клип.

Бір саусағым тіпті де,

Ұстай алмас жіпті де.

Екі саусақ бірікті,

Ине қолға ілікті.

Үш саусағым орайды,

Жүгіртеді қаламды.

Өнерлі екен он саусақ,

Қала салсақ, жол салсақ.

3-тапсырма: Картачкамен жұмыc. 6 - ның пайда болуы мен оның алдындағы санға байланысты есеп шығару.

5+1= 3+3=

0+6= 4+2=

4-тапсырма:

Жұмбақ шешу

Аулада жүр балалар:Самат, Арнат, Сашалар, Келді және оларғаШолпан ойнауға. (4)
Үйге кірді Алдияр, Оған қоса Мадияр, Кейін келді Айдана, Қанша болды бар бала? ( 3 )
Ұлпа жүнін қыздырып, Күн шуақта бір күшік, Отыр еді маңына, Келді тағы бір күшік. Қанша күшік барлығы? ( 2 )
4-тен 3 - ті алайық, Қанша қалды санайық. Қарайық та санайық, Санайық та табайық. ( 1 )
Шығармақ боп кеше есеп, Жиналғанда 6 есек. 1-і ұйықтап отырды, Ынталысы неше есек? (5)
4 қоян мектептен келе жатыр, кенет оларға аралар шабуыл жасайды. 2 қоян қашып әрең құтылды. Қанша қоян қаша алмай қалды? ( 2 )

Дидактикалық ойын: «Дыбыс арқылы санды тап»
Мақсаты: Есту мүшелері арқылы баланың ойлау қабілетін анықтау.
Көрнекілік: Таратпа сандар.
Барысы: Тәрбиеші қарындашпен үстелді дыбыс шығатындай етіп тықылдатады. Балалар тыңдап отырып алдарындағы цифрларынан тиісті санды көрсетеді.
5-тапсырма: Санына қарай жинақта.
Көкөністерді санай отырып өзінің жәшігіне салады.

ІV. Қорытынды бөлім.

Сандардың көршілерін табу.

Тәрбиеші:

Жарайсындар, балалар! Бүгін бізге ертегілер елінен кимдер келді? Қонжықтың тапсырмаларын шеше отырып қандай санды танып, білдіңдер?т. с. с.

Қонжық:

Қандай тамаша! Балалар, мен сендерге өте ризамын! Менің барлық тапсырмаларымды орындай алдыңдар, рахмет сендерге! Енді мен ертегілер еліне оралуым керек. Сау болыңдар! (Тәтті сыйлықтарын береді. )

Нені білу керек: 6 санын танып, ажыратып, ретін анықтай білу керек.

Нені игерді: 6 санын танып, ажыратып, ретін анықтай отырып, жазылуын меңгерді.

Меңгерген дағдылары мен искерлігі: Тапсырмаларды дұрыс тиянақты орындау барысында 6 санын толық танып, ретін анықтай білді.

Ұқсас жұмыстар

Балалардың ойлау әрекетін дамытуға ықпал ету

Кейінгі тапсырмалар

Тақырып - 7 саны мен цифры

Оқушыларды түгелдеу. Оқушылардың сабаққа дайындығын тексеру

7 саны және цифры жайлы

6 саны

Бір пішін

15 саны мен цифры . мектепалды даярлық класс