Күз еліне саяхат мерекелік шара

Ашурова Гульнур Казезовна
Бастауыш сынып мұғалімі
<<Аршаты орта мектебі>> коммуналдық мемлекеттік мекемесі
Шығыс Қазақстан облысы Катонқарағай ауданы Аршаты ауылы
Жұмыс орны телефоны: 87234228218
arschatu@ mail.ru
<<Күз еліне саяхат>> мерекелік шара.
Мақсаты: Оқушыларды алғырлыққа, еңбексүйгіштікке, табиғат
байлығын қорғауға, өз ойларын ашық айтуға, сахнада өзін
ұстауына тәрбиелеу;
Көрнекіліктері: Сахнада ханның сарайы декорациясы, түрлі- түсті жапырақтар, күз туралы нақыл сөздер, шарлар, күзгі өнімдерден салынған себеттер, муляждар, оқушылардың күздік өнімдерден жасаған көрмесі.
Шараға қатысушылар: 3 топ бастауыш сынып оқушыларынан құралған.
Жүргізушілер: 4-сынып оқушылары << Күз>> ханы, оның 3 баласы Қыркүйек, Қазан, Қараша(Қыркүйек, Қараша - қыздары ханшайым киімімен, Қазан- ұлы ханзада киімімен)
Барысы: Күз ханы :
- Қош келдіңдер, менің еліме ,балақайлар!
Бүгін менің балаларым Қыркүйек, Қазан, Қараша дүниедегі ең тапқыр, ең әдемі, ең әнші, ең биші,ең әртіс балақайларды табуға көмектеседі.
3-топтың сайысы 6 кезеңнен тұрады. Әділқазылар алқасын сайлау.
І.Таныстыру (Топтың аты, ұраны, төсбелгісі,көшбасшысымен
таныстырады )
Қыркүйек: Сыңғырлайды қоңыраулар
Қыркүйектің айында.
Жас ұландар бара жатыр,
Өнер- білім бағында.
Мен сізге мына балақайларды әкелдім.
<<Жемістер>> тобы
Қазан: Қазан айы басталды,
Құстар қайта бастады.
Туыстық адал достықпен,
Бейбіт өмір жалғасты.
Менің әкелген тобым <<Көкөністер>>
Қараша: Күздің қараша айында,
Жиын - терін бітеді,
Жапырақтар сарғайған,
Сыбдыр-сыбдыр түседі.
Ал менің тобым <<Жапырақтар>> .
ІІ. Жарнамалау.
Жемістер, көкөністер, жапырақтар туралы жарнама көрсету.
Қыркүйек: Жемісі мол теретін,
Күз дос екен бізбенен.
Қандай өзі береген,
Бәрін тауып беретін.
Музыкалық үзіліс: 4-сынып қыздарының орындауында <<Саңырауқұлақтар>> биі.
ІІІ. Қараша: Өнерлі ғой балалар,
Көңілдері пәк, жайсаң,
Өлең айтып берейік,
Алтын Күзге біз арнап.
<<Поэзия минуты>> топтар өлең оқиды.
ІV. Қараша : Ойын, күлкі, той-думан,
Әсем ән мен сәнді би.
Асығыңдар, алыңдар,
Бәрі бізден табылар!
<<Әуенді көрініс>> сайысы. Топтар әуенмен көрініс қояды.
Сергіту сәті: <<Күзгі эстафета>> ойыны. Топтар жемістерді себетке толтырады. (муляждарды пайдалануға болады)
V. Күз ханы: -Ал енді араларыңда бишілерің бар ма?
Балалар: - Бар! ( хормен)
<<Би, би, би>> топтар өз аттарына байланысты би көрсетеді.
VI. Қыркүйек: Уылжытып жемісін,
Ақтарды ғой мырза күз.
Аянбайтын ел үшін,
Өсіп келеді ұл мен қыз. -дей келе, <<Алғыр көшбасшы>> сайысын бастайық.
Қане, жұмбақ шешейік!
1. Іші толған шәрбәт,
Дәмі қандай әйбәт!
Үзесің бірдей жүзін,
Оның аты ...(жүзім)
2. Дөп-дөңгелек доптай,
Одан дәмді жоқтай,
Мезгілсіз оны жұлма,
Оның аты ...(алма)
3. Дөп-дөңгелек, сары,
Ішінде бар дәні.
Қызығасың көріп,
Оның аты ...(өрік)
4. Өсіретін бойынды,
Өсіретін ойынды.
Қоян жейтін көкөніс,
Сарғылт-қызыл ...(сәбіз)
5. Бір сабақта көп түйме,
Жей алмайсың көк күйде,
Мезгілсіз оны үзбе.
Оның аты ...(шие)
6. Жапырақты тасалап,
Өсетін жері бақша-бақ,
Күрең қызыл, шіркін-ай!
Оның аты ...(құлпынай)
7. Іші жұмсақ, сырты қатты,
Еті қызыл, сүті тәтті.
Қарнын жарып аламыз,
Дәмді сондай ...(қарбыз)
8. Бақшада өседі,көп өнімді береді (көкөніс)
Күз ханы: - Балалар, сендер сондай ақылды екенсіңдер!Тамаша!
Періштелер, сүйкімділер сендерсің,
Баршамызды бал тілімен балқытқан,
Жер бетінде сендерге кім тең келсін!
Биімен, өнерімен, ақылымен шалқытқан.
Ал , балаларым, дүниедегі ең тапқыр, ең әдемі, ең әнші, ең биші,ең әртіс балақайларды тапқандарыңа өте қуаныштымын. Өнерлерің үстем болсын! Келесі күзде тағы да өз еліме шақырамын! Кездескенше!
Марапаттау. І , ІІ , ІІІ орындар және <<Ең тапқыр ойыншы>>, << Күз бишісі>>, << Ең үздік күздік жарнама>> , <<Ең ұтымды әуенді көрініс>>,
<< Ең шапшаң ойыншы>> номинацияларымен және себет толы күзгі бақшамыздың өнімдерімен марапатталады.
Сахнада 3топтың оқушыларымен, <<Күз>> елінің патшалығында тұратындардың қатысуымен <<Алтын күз>> әні орындалады.