_Қарым-қатынас мәдениеті. парыз туралы қасиеттерін дамыту

Мектеп:№ 61
Мерзiм:19.11.2015ж сабақ : №11
Тақырып:__Қарым-қатынас мәдениеті__
Құндылық:_Дұрыс әрекет___
Қасиеттер:_ үйлесімді қарым-қатынас, ізгілік, парыз.__
Мұғалiм:__Бухаева Д.Д.___
Сынып:_7 <<Ә>>_Оқушылар саны:_28__

Сабақ мақсаты:
Дұрыс әрекет құндылығы арқылы қарым - қатынас мәдениеті тақырыбын ашу.
Міндеттері:
Білімділік: үйлесімді қарым-қатынас мәдениетін ұғындыру.
Дамытушылық: парыз туралы қасиеттерін дамыту.
Тәрбиелік: әрқашан ізгілікті болуға тәрбиелеу.
Ресурстар:
Күнделік,
дәптер,
пенал, қалам оқулық

Сабақ барысы:
1. Ұйымдастыру кезеңi
2. Тыныштық сәтi
<<Көңіл толқыны>>
(Асылбек Енсепов)
3. Үй тапсырмасын тексеру
<<Теректің асқақтығы>>
(өсиет әңгіме)
1.Теректің айналасындағылармен қарым-қатынасы туралы не айтар едіңіздер?
2. Жағымды қарым-қатынас орнату үшін адам бойында қандай қасиеттер болуы қажет?

4. Дәйексөз
Өмір- теңіз, жүзем онда демеңіз
Ізгіліктен жасалмаса кемеңіз.

1. Өмір теңізінде неге ізгілік кемесі ғана жүзе алады?

5. Әңгiмелеу (Мұғалім сыйы)
Итаяқ
Бір жігіттің әбден қартайған қарт әкесі бар екен. Ол тамағын ішкенде қолдары дірілдеп, алдына төгіп-шашып алатын көрінеді. Қайталана беретін болған соң әлгі жігіт әкесімен ақылдасып, үлкен кісіні дастарханнан аластатып, тамақты пештің қуысына апарып беретін болған. Алдына шағын итаяқ астау қойған да тамақты соған құя салады екен. Бір күні үй иесінің 10 жасар баласы қолындағы пышақпен әлдебір ағаш жонып жатады. Жігіт таңданып: "Балам, мына істеп жатқаның не?" - деп сұрайды.
- Бұл -итаяқ! дейді бала.
- Оны не істейсің?
- Әке, сіз қартайғанда ана қуысқа апарып тығамын да, осы итаяқпен тамақ беремін, - депті баласы. Сол кезде үй иесі өз ісінен қатты ұялып, әкесін пештің қуысынан шығарып, дастархан басына қайта отырғызыпты

1. Жігіттің әкесіне жасаған іс-әрекетінен нені байқауға болады?
2. Баласының әрекетінен соң қария қандай көңіл-күйде болды деп ойлайсыздар?
3. Жігіт өз баласының әрекетінен кейін неге қатты ұялып кетті?
4. Неліктен бұрынғылар "Атаңа не істесең, алдыңа сол келеді" дейді?
5. Өз отбасыларыңыздағы отбасы мүшелерімен қарым-қатынас жасау мәдениеті қандай?
6. Ата-ана алдындағы парызын орындау үшін бойымызда қандай қасиеттер болуы керек?

1. Топтық жұмыс
(турлі түсті фигуралармен 4 топқа бөлу)
Түстер туралы сипаттама беру
Тапсырма: Қарым-қатынас кедергілері және кикілжіңнің алдын алу, жағдаяттарды топпен пікірлесу және сахналау.
(4мин тапсырмаға, 3 мин қорғауға)
1-топ:Жағдаят шешу:Ауырып келген оқушы сыныпқа келсе,оның партасына жаңадан келген оқушы отырып қойыпты. Ауырып келген оқушы қарым қатынасты бұйрық беруден бастайды:
<< Тез арада менің партамды босат!>>
Екі адамның карым- катынасы туралы топпен пікірлесу, жағдаяттан шығу жолын сахналау.

2-топ: Жағдаят шешу:
Айгүл мен Айнаш сыныптас, олардың әдебиет кітабы біреу. Оқытушы оқулықтан ертең оқып келуге тапсырма берді. Олардың арасында кім оқулықпен бірінші сабаққа дайындалуы қажет екендігі жөнінде келіспеушілік пайда болды.

3-топ:Жағдаят шешу: Сен ата- анаңның тұңғыш перзентісің. Ата- анаң саған үлкен сенім артады, мақтан етеді. Кез - келген мәселені сенімен еркін, ашық талдай алады. Қарым - қатынастарың өте жоғары деңгейде. Бірде ата - анаң саған өте жауапты іс тапсырды, бірақ белгілі бір себептерге байланысты ол істі уақытында орындай алмадың. Оны білген анаң саған реніш білдірді. Қарым - қатынасыңызда түсініспеушілік пайда болды. Енді не істейсіз?
4-топ:Жағдаят шешу: Жанар қандай да бір жарыссөзге түсер кезде оның ойында қайткенде де қарсыласын сөзден ұту мақсаты ғана тұратын. Қанша ұтымды ойлар айтқанмен, ол жеңіліске ұшырап қалатын. Себебі неде деп ойлайсындар?

2. Топпен ән айту
Ана туралы жыр
Сөзі: Ғ.Қайырбеков
Әні: Ш.Қалдаяков

Әлемнің жарығын
Сыйладың сен маған
Даланың әр гүлін
Жинадың сен маған
Сен берген құстардың
Қанатын самғаған
Балалық құштарым
Өзіңе арнаған.

Әлдилеп аялап
Өсірген жемісің
Самал жел, сая бақ
Құшағың мен үшін
Есейіп кетсем де,
Мен саған сәбимін
Көңіліңді көктемдей
Көзіңнен танимын.

Өтеуге борышын
Анашым, жан сырым
Іздедім сен үшін
Әлемнің асылын,
Әлемнің байлығын
Сыйлар ем кеш мені,
Қолыма түспеді
Сыйлар ем ай- күнін.

Ете гөр қанағат
Әзірге берерім.
Балалық махаббат
Балалық жүрегім
Бол риза, анашым
Қолдағы осы бар
Өзіңе арнаған
Әнімді қосып ал.

Өтеуге борышын
Анашым, жан сырым
Іздедім сен үшін
Әлемнің асылын

3. Үй тапсырмасы
<<Шуақты күндер>> (З.Ахметова)

4. Соңғы тыныштық сәтi:
Волшебная композиция <<Хрустальная грусть>>
В.Крайнов
Қортынды сөз
Барша адамдардың, достардың жақсылығына сеніп, адамдықты құрметтей білу сенімі-әдептіліктің, адамгершіліктің, ізгілікті
қарым-қатынас мәдениетінің белгісі екенін естен шығармайық.
Кездескенше сау саламатта болыныздар!