Жетістікке 10 қадам

Арқалық қаласы, Қостанай облысы
Арқалық политехникалық колледжінің
тәрбиешісі Калиева Биба Калиевна
<<Жетістікке 10 қадам>>
Мақсаты:
Білімділік: оқушыларды өз бетінше іздене білуге үйрету;
Дамытушылық: ой-өрісін,қабілетін дамыту, жылдамдығын арттыру;
Тәрбиелік: ана тілін, дінін, салт-дәстүрін құрмет тұта білуге тәрбиелеу.
Кеш жарық, құрметті достар, ханымдар мен мырзалар. Бүгін біздің жатақханамызда ең ерекше күн. Қаншама қыздар арасынан суырылып шығып, жетістікке жететін қызды анықтау. Олай болса <<Жетістікке 10 қадам>> атты концерттік бағдарламамызды бастауға рұқсат етіңіздер.
Сайысымызды бастамас бұрын қатысушы қыздарымызбен танысып алғанымыз жөн болар.
1. Сұлтанова Айгүл. Оңтүстік Қазақстан облысы Шымкент қаласы Сарыағаш ауданынан. Хобби: Ән айту. Өмірлік ұстанымы: тек қана оқу.
2. Әдігам Перизат. Қостанай облысы Жангелдин ауданы Торғай селосы. Хобби: Сурет сал. Ұстанымы: тек қана биік шыңдардан көріну.
3. Нұржаубаева Ләззат. Қостанай облысы Арқалық қаласы Қарасу селосы. Хобби: би билеу. Өмірлік ұстанымы: Біле бергім келеді, біле бергім, Біле беру емес пе тілегі елдің.
4. Болат Аружан. Оңтүстік Қазақстан облысы Қызылорда қаласы. Хобби: қызықты кітап оқығанды ұнатады. Өмірлік ұстанымы: биіктерден көріну.
5. Бекмұратова Динара. Оңтүстік Қазақстан облысы Қызылорда қаласы Шиелі ауданы. Хобби: ән айту. Өмірлік ұстанымы: Алға қойған мақсатын бағындыру.
6. Ысқақова Ұлтуған. Қостанай облысы Арқалық қаласы Амангелді ауданы. Хобби: қамқорлық таныту. Өмірлік ұстанымы: оқы, оқы және оқы.
7. Терімалиева Тоғжан. Қызылорда облысы Шиелі ауданы. Хобби: мағыналы кітаптарды оқу. Өмірлік ұстанымы: Қандай сын болса да, жетістікке жету.
8. Сайлауова Айгерім. Оңтүстік Қазақстан облысы Шиелі ауданы. Хобби: сурет салу. Өмірлік ұстанымы: бүгінгі сайыстан жетістікке жету.
9. Жаманбалина Салтанат. Қостанай облысы Арқалық қаласы Амангелді ауданы Үрпек селосы. Хобби: көркемсөз оқу. Өмірлік ұстанымы: тек қана алға.
10. Сальникова Фаина. Ақмола облысы Державин ауылы. Хобби: кітап оқу және спорттық ойындар. Өмірлік ұстанымы: колледжді ойдағыдай бітіріп шығу.
Аруларымыз өз орындарына жайғасқан болса, сахна төріне бүгінгі кешіміздің басты кейіпкерлерін шақырамыз.
Сері жігіт орнына жайғасты кеп,
Әртүрлі сынақтармен ару қыздар алда күтеді.
Сайскерлер сайысқа дайын болса,
Сәттілік тілеп қатысушы аруларға бастайық кешімізді олай болса.
Құрметті көрермендер, дәл қазір бұл сайысқа қатысушы 10 қыз он түрлі сынақтан өтетін болады. Он қадамнан сүрінбей өткен аруымыз жетістікке жетіп жеңімпаз атанады. Олай болса сахна төріне біздер жеңімпаз қызды анықта үшін көмек ретінде Қойшыман Бөлтірік мырзаны ортамызға шақырамыз.
АПК басшысы Оспанов А.С. өзінің сәттілігін айтты. Соңында өз лебізін және құттықтау сөз айтылды. Махтина Н.М. муз.рук. Хамзина С.М.
1-бөлімнің шарттарымен танысатын болсақ. Дәл қазір сахна төрінде мырза жасырын тұрған еріннің фотосуреттерін қарап шығады және өзіне ұнамаған фотосуреттің иесі сайысты әрі қарай жалғастыра алмайды.
2-бөлім. Еріндердің фотосуреттерін қарап шыққан мырза 2-бөлімде қыздардың көздерінің фотосуреттерін қарап шығып, тағы да өзіне ұнамаған фотосурет иесін ойыннан босататын болады.
3-бөлім. Әне-міне дегенше 2-бөлімді де аяқтап 3-сынаққа да келіп жеттік. Бұл бөлімде жігіт қыздардың сүйікті заттарын көріп шығады. Өзіне ұнамаған заттың иесімен біз қош айтысамыз.
4-бөлім. Бұл бөлім өте қызықты болмақ, себебі сері жігі аруларымыздың сөмкесін қарап шығатын болады. Ұнамсыз заттары бар сөмке иесі сахнаны босатады.
5-бөлім. Жаңа ғана қыздардың сөмкесін қарап шыққан бұл бөлімде аруларымыздың болашағына саяхат жасамақшы. Яғни қыздардың болашаққа құрған жоспарлары мен алға қойған мақсаттарын оқып шығады және көңілге қогымсыз жазылғаны болса, онда біз амалсыздан тағы бір аруымызбен қоштасатын боламыз.
6-бөлім. Ару қыздар әртүрлі сынақтарға шыдап бақты, қалды тек арасында батылдары, жетістікке жетемін десең егер шыдай біл, ол уақыт та таяп қалды. Иа, шынымен де жетістікке таяп қалды. Әне-міне дегенше 5-бөлім де аяқталды. Олай болса, 6-бөлімді бастайық. Дәл қазір қалған 4 қыздың аяқ киімдерін көріп шығады. Бұл бөлімде де алдыңғы сынақтар секілді ұнамсыз аяқ киім иесімен қоштасамыз.
7-бөлім. Әр сынақ біткен сайын сынақтардың талаптары күшейіп келеді. Мәне тағы бір қиын да қызықты сынағымызға келіп жеттік. Бұл бөлімде қыздар байлаған галстуктерді көріп шығамыз және ұнамсыз байлаған галстук иесі сайысты әрі қарай жлғастыра алмайды.
8-бөлім. Ең қиын сынақ осы болмақшы. Қазір Бөлтірік мырзаның көзін абйлайтын боламыз және көзі байлаулы тұрған жігіттің арқасына қыздар массаж жасайтын болады. Сондай-ақ массаж жасай алмаған қыз сахнаны босатады.
9-бөлім. Әртүрлі сынға салып,сынап алдық. Батыл деген екі қызды алып қалдық. Барлық түрден сынадық, заттарын да жасаттық, мақсатын да оқыдық, массажды да жасаттық,тек қалыпты бір сынақ қорқынышты ол бірақ. Иа,қорқынышты да және ең әсерлі сынақ осы болмақшы. Дәл қазір сахна төрінде Бөлтірік мырза 2 қызбен де вальс билейтін болады және жақсы билеген қыз <<Жетістікке 10 қадам>> атты сайысымыздың жеңімпазы атанатын болады.
Бүгінгі күн сайысқа қатысушы 10қызға да, Бөлтірік мырзаға да, тіпті көрермендерге де оңай тимегені хақ. Себебі бір-бірінен асып түсетін арулардың арасынан бір ғана таңдау қиынға соғады. Дегенмен, 10 сынаққа да шыдап баққан бүгінгі <<Жетістікке 10 қадам>> атты сайысының жеңімпазы, ол - Болат Аружан - Қойшыман Бөлтірік.