Педагогикалық ұжым тренинг

Тақырыбы: «Педагогикалық ұжым» тренинг.
Мақсаты: Ұжымдағы микроклиматты қалыптастыру.
Жүргізу жолы: Қатысушылар сол мезеттегі көңіл- күйлері неге (қай жыл
мезгіліне, ауа райына, табиғаттың құбылысына) ұқсас екенін айтып береді.
Мысалы: «Менің қазіргі көңіл- күйім көгілдір аспандағы жылы, жұмсақ күннің
көзіне ұқсайды, ал сенің ше?». Жаттығу шеңбер бойымен жалғаса береді.
Ойынның соңында жауаптар қорытындыланады, бүгінгі щеңберіміздегі
қатысушылардың көңіл- күйі қандай екен: қайғылы, көңілді, күлкілі,
ызаланған т.б. Жауаптардың қорытындысын шығарған кезде, жаман ауа райы,
суық, жаңбыр, түнерген аспан сияқты элементтер агрессивті, қобалжу
күйлердің көрсеткіштеріне назар аударыңыз.
Тақырыбы: «Орындарымен ауысу» тренингі.
Мақсаты: Қатысушылардың өзара қарым- қатынастарын, агрессияларын
қалыптастыру.
Жүргізу жолы: Қатысушылар шеңбер құрып отырады. Бір жүргізуші ортаға
шығып кімнің үйінде орындық бар, кімнің атасы бар деген кезде атаған зат,
немесе адамдары болса сол адамдары орындарымен ауысады. Орындарымен ауысқан
кезде кім орынсыз қалады сол жүргізуші болады. Ойын солай жалғаса береді.
Талдау: Не сезінесіңдер? Ойында қандай қиыншылықтар кездесті?
Тақырыбы: «Біріккен сурет» тренингі.
Мақсаты: Қатысушылардың өзара қарым- қатынастарын дамыту.
Жүргізу жолы: Қатысушылар жұптарға бөлініп парталарға отырады. Оларға екі
ақ қағаз, акварель бояу, бір қылқалам береді. Бірінші бір ақ қағазды алып
бір қатысушы қолын қылқаламның астынан, ал екіншісі қолын үстінен қойып бір
қылқаламмен әрқайссысы өзінің ойлаған суретін салуға тырысады. Салып болған
соң, екінші ақ қағазды алып қолдарын ауыстырып тағы әрқайссысы өз ойлаған
суретін салуға тырысады. Соңында әр жұп өз суреттерімен таныстырып не
салғылары келгені талқыланады.
Бұл жұмыста қандай қиыншылықтар болды? Не сезіндіңіздер?
Тақырыбы: «Джунглида жауған жаңбыр» тренингі.
Мақсаты: иық, мойын, омыртқа жотасы аймақтарындағы бұлшық еттердің
қысымын төмендету, босаңсу.
Жүргізу жолы: Барлығымыз бір- біріміздің соңынан тұрып, шеңбер құрайық.
Енді сіздер қалың орманда «жунглида» жүргеніңізді елестетіңіз. Алғашқыда
ауа- райы өте тамаша болды, күн сәулесі жерді жылытып, дала өте ыстық. Бір
уақытта самал жел соқты. (Алдыңызда тұрған адамның арқасын қолыңызбен
сипаңыз.) Жел соғуы күшейді (арқаларында қысым күшейді). Қатты дауыл соғып
тұр (күшті шеңберлі қозғалыстар). Кейін ұсақ жауын жауды (алдыңызда тұрған
адамның арқасынан жеңіл соғамыз). Енді нөсер жауын жауды (алақан және
саусақтарыменжоғарыдан төмен арқаны сипаймыз). Бұршақ жауды (бүкіл
саусақтарымен қатты соғыңдар). Қайтадан нөсер жауын жауды, жаңбыр себелеп
тұр, қатты дауыл соқты, кейін самал жел соғып, кейін ол әлсіреді, табиғатта
бәрі тынышталды. Қайтадан күн сәулесі шығып , дала жылынды. (Қимылдар
қайталанады).
Ал енді 180 градусқа бұрылып, ойын жалғастырамыз.
Талдау:
Осындай массаждан кейін не сезінесіз?
Айтылған әрекеттерді қандай көңілмен жасадыңыз?
Өздеріңнің сезімдеріңмен ой бөлісіңіздер.
Қорытындылау:
Кері байланыс. Сонымен бүгінгі тренингтерімізден қандай әсер алдыңыздар?
Не сезіндіңіздер?