Тік бұрышты параллелепипедтің және текшенің көлемі

Пән: Математика

Сынып: 4

Сабақтың тақырыбы: Тік бұрышты параллелепипедтің және текшенің көлемі. Көлемнің өлшем бірліктері.

Сабақтың мақсаты: дененің көлемі және көлемнің өлшем бірліктері туралы түсініктерін қалыптастыру; көлемнің жаңа өлшем бірліктерімен таныстыру және олардың арасындағы қатынасты қою.

Сабақтың түрі: аралас

Сабақтың әдісі: түсіндіру, сұрақ-жауап, өздік, есептеу, салыстыру.

Сабақтың көрнекілігі: қосымша тапсырмалар жазылған үлестірмелер, кестелер

Сабақтың барысы:

І. Ұйымдастыру кезеңі. Сабаққа даярлық, амандасу, түгендеу.

Сабағымыз басталды, балаларға пайдалы.

Бәрін ұғып алыңдар, санауға зер салыңдар

ІІ. Үй тапсырмасын тексеру: № 3 тексеру.

ІІІ. Өткенді пысықтау: Ауызша жұмыс. Зейінділік ойыны:

«Компьютер» дидактикалық ойыны . Мұғалім тапсырмалар тізбегін оқиды, оқушылар жауабын айтады.

7 200 : 8 + 100 - 190 : 9 ∙ 1 000 = 4 000

8 ∙ 50 + 1 000 : 2 ∙ 8 - 5 000 : 2 ∙ 7 = 2 100

Көркем жазу минуты.

57 615 санын жазыңдар. Сандардағы толық ондықтар, жүздіктер, мыңдықтар, ондық мыңдарды атаңдар.

ІҮ. Жаңа сабақ: 1. түсіндіру, еске түсіру, қайталау.

№ 1. Көлемнің өлшем бірліктерін есіңе түсір.

Кестеден геометриялық денелердің атауын оқыңдар. Артық сөзді тап. (параллелепипед, текше, шаршы. Артық сөз: шаршы. Өйткені шаршы - жазық фигура, ал қалғандары - көлемді денелер) . Қандай фигуралардың көлемін есептеуге болады.

Мұғалім артық фигураны табуды ұсынады. Тақтаға сурет ілінеді. Текшенің неге артық екенін дәлелдейді (барлық фигуралар жазық, ал текше - көлемді)

«Көлем» деген сөзді қалай түсінесіңдер? Көлемдері әр түрлі қораптарды алып, олардың көлем жағынан үлкен, кіші екендігін салыстыру.

№ 1(ә) . Салыстыр. 5 м ³ > 5 000 000см ³

10 000 см ³ > 5 дм ³

5 см ³ = 5 000 мм ³ т. с. с.

№ 2. Жұптық жұмыс. Көрсетілген өлшем бірліктеріне өрнекте.

12м ³ = 12 000 000см ³

8 000 000мм ³ = 8 000см ³

12дм ³ = 12 000см ³ т. с. с.

Ү. Жаңа сабақты пысықтау:

Есеп шығару:

№ 3. Ауызша салыстыру.