Қайталау Математика - ғылымдар патшасы

Сабақтың тақырыбы: Қайталау
Сабақ эпиграфы: <<Математика - ғылымдар патшасы>>
Сабақтың мақсаты:
1. Білімділік: Оқушылардың өткен материал бойынша алған білімдерін бақылау, мағынасы жағынан ажырата білуге үйрету.
2. Тәрбиелік: Халықтық педагогика үлгісінде тәрбиелеу, салт-дәстүрімізді құрметтеу.
3. Дамытушылық: Оқушылардың ой-өрісін, танымдық әрекетті дамыту, шығармашылыққа баулу. Еңбектенуге, еңбекті бағалауға тәрбиелеу. Экологиялық тәрбие беру. Шығармашылық қиялын, жүйелі ойлау қабілетін дамыту.

Сабақтың міндеті:
Меңгерген математикалық білімдерін нақтылы жағдайларға, практикалық есептерді шешуде қолдана білумен байланысты білік қалыптастыру.
Сабақ түрі: ойын сабақ
Сабақ көрнекілігі: тірек-сызба, интерактивті тақта, слайд, семантикалық карта, қима қағаздар, плакат, маркер, краска.
Пәнаралық байланыс: музыка, бейнелеу өнері.
Сабақ әдісі: сын тұрғысынан ойлауға дамыту, талдау, шығармашылық.
Техникалық құралдар: компьютер.

Сабақтың барысы:
I Ұйымдастыру
Сыныптағы оқушыларды таңдаған фигуралары бойынша <<Шаршы>>, <<Төртбұрыш>>, <<Үшбұрыш>> деп 3 топқа бөлу.
Топта шаттық шеңберін құру, жақсы тілек тілеу.
II Сабақтың тақырыбы мен мақсатын хабарлау.
Математиканы күнделікті өмірде дұрыс қолдана білу.
Сабақтың мақсаты мен жоспары:
1. Таныстыру
2. Мықты болсаң тауып көр.
3. Тапсырмалар тізбегі.
4. Фигуралардан үй құрастыру.
5. Мен саған, сен маған.
6. Шығармашылық тапсырма.
III Өткен материалды қайталау
Дара мультфильмін қою.
oo Балалар, бұл қай мультфильмнен үзінді?
oo Дара.
oo Иә, әрине, Дара мультфильмі. Бұл қай арнадан болады?
oo Балапан арнасынан.
oo Балалар, білесіңдер ме, бүгін Дараның туған күні екен. Ол бәрімізді туған күніне шақырды. Ендеше, бүгінгі сабағымызда бәріміз бірге Дараның туған күніне барамыз.
oo Сендерге Дараның беріп жіберген шақыру билетін табыстайын. Ол үшін мына сандардың квадратын айтуларың керек.
1. Сегіздің квадраты (64)
2. Бірдің квадраты (1)
3. Онның квадраты (100)
1-кезең. Таныстыру.
Әр топ өз фигурасын таныстырады.
Мысалы: Шаршы дегеніміз - барлық қабырғалары тең (бірдей) тіктөртбұрыш. Оның периметрін табу үшін: P=a+a+a+a немесе Р=а ˑ 4 . Осы сияқты ретпен әр топ өз фигурасы туралы айтып кетеді.
2-кезең. Мықты болсаң тауып көр!
oo Балалар, біз Дараның туған күніне қалай барамыз? Баратын мекен-жайды білеміз бе?
oo Жоқ.
oo Бұндай кезде Дараға көмекке кім келуші еді?
oo Қолдорба.
oo Біз де Дараның қолдорбасын көмекке шақырайық.
oo Қолдорба! Қолдорба!
(слайдтан қолдорба суреті шығады)
oo Баратын мекен-жайымызға қалай жетеміз?
oo КӨЛ--> ОРМАН --> ДАРАНЫҢ ҮЙІ
oo Ендеше, бірінші кедергі - көлден өтуіміз керек! Ол үшін мынадай тапсырманы топта орындауымыз керек.

1-топ:
1) Балмұздақтың 1 үлесін дайындау үшін 9 г жаңғақ жұмсалады. 54 г жаңғақ жұмсалған болса, балмұздақтың неше үлесі дайындалды?
2) Өрік қайнатпасы үшін 9 кг қант, ал құлпынай қайнатпасы үшін 12 кг қант қажет болады. Қант дорбаларының әрқайсысының салмағы 3 кг болса, барлығы неше дорба қант жұмсалады?
2-топ:
1)Шеберханада 7 бірдей диван тысын дайындау үшін 42 м² мата жұмсалды. 1 өнімге неше квадрат метр мата жұмсалады?
2) Анам 18 л бүлдірген қайнатпасын әзірледі. Ал шие қайнатпасын одан 3 есе кем дайындады. Анам барлығы неше литр қайнатпа дайындады?

3-топ:
1) 4 бірдей орамда 36 м сым бар. Осындай 9 орамда неше метр сым бар?
2) Теледидардан бір аптада 15 балалар фильмі және одан 3 есе кем мультфильмдер көрсетілді. Апта ішінде барлығы неше балалар фильмі мен мультфильмдер көрсетілді?

3-кезең. Тапсырмалар тізбегі.
oo Жақсы балалар, біз бірінші кедергіден өттік.
oo Енді неден өтуіміз керек?
oo Орманнан.
oo Ендеше орманнан өту үшін мынадай тапсырма орындаймыз.
1-топ 2-топ 3-топ
(4² + 8²) ː 10 7² + 9² + 3² 9² - 3² + 7²
(10² + 9²) + 220 1 ˑ (10² + 7²) 2² + (1000 - 9²)
6² + (8² + 136) 5² + 10² + 2 10 ˑ (3² - 1²)

Сергіту сәті

4-кезең. Фигуралардан үй құрастыру.
- Өте жақсы, балалар! Біз орманнан да өттік.
- Енді қайда барамыз?
- Дараның үйіне.
- Алдымен Дараның үйін құрастыруымыз керек.
- Мына периметрлер бойынша фигуралар жасап, құрастырасыңдар.
1-топ: а = 4дм Р = ?дм
2-топ: а = 4дм, в = 3дм, c = 3дм. Р = ?дм
3-топ: а = 2дм, в = 3дм. Р = ?дм
oo Сонымен, Дараның үйін де таптық. Жарайсыңдар, балалар!

5-кезең. Мен саған, сен маған.
- Балалар, қараңдаршы, қолымызда шақыру қағазы бар, туған күн өтетін орынның мекен-жайын білеміз, енді не жетіспейді? Туған күнге не алып барамыз?
oo Сыйлық.
oo Иа, сыйлық әрине. Сыныпқа мұқият қараңдаршы, сыйлық көріп тұрсыңдар ма? Ендеше сол сыйлықтарды сатып аламыз.
oo Өте жақсы, балалар. Біз енді Дараны құттықтауға дайынбыз.
6-кезең. Шығармашылық тапсырма.
oo Туған күнде сендердің асыға күтетін тәтті тағам, ол не?
oo Торт
oo Бәрекелді, торт әрине. Бүгінгі сабағымыз ерекшелігі сонда біз ол тортты қолмен жасаймыз. Қалай дейсіңдер ғой, мына ватман парағына сурет саламыз.
oo Бізде акварель бояуы бар, не жоқ?
oo Қылқалам.
oo Дұрыс айтасыңдар, балалар, ендеше біз бүгін тортты қолмен саламыз.
oo Әр топ мүшелері қатысуы керек. Суретті тақтаға ілу.
IV Бағалау
Өзін-өзі бағалау парағымен бағалау.
V Үйге тапсырма
№9, 132-бет.

№15 гимназия

Математика пәнінен ашық сабақ
<<Қайталау сабағы>>

Сынып жетекші: Ескермесова А. С.


Алматы, 2015 жыл