Ақсақалдың ақ батасы. Жұп дауыстылар

Ана тілі 1 - сынып

Сабақтың тақырыбы:
Ақсақалдың ақ батасы. Жұп дауыстылар.
Сілтеме
Оқулық авторы: Ш.Әуелбаев,Ә.Наурызбаева,Р.Ізғұттынова,С.Тәжімбетова Алматы <<Атамұра>> 2012
Жалпы мақсаттар
Ақсақалдың ақ батасы өлеңін мәнерлеп оқуға үйрету. Жуан және Жіңішке айтылатын жұп дауыстылар туралы түсіндіріп, олардың өзара ұқсас дыбысталатынын салыстыра отырып, түсіндіру.
Оқыту нәтижесі
Ақсақалдың ақ батасы өлеңін мәнерлеп оқуға үйренеді. Жуан және жіңішке айтылатын жұп дауыстылар туралы біледі, олардың өзара ұқсас дыбысталатынын салыстыра отырып, түсінеді.
Қолданылған әдістер мен тәсілдер
Диалогты оқыту, сыни тұрғыдан ойлау әдістері, жас ерекшеліктеріне сай оқыту.
Сабақтың өтілетін уақыты
45минут
Ұйымдастыру кезеңі:
1. Сәлемдесу,назарларын сабаққа аудару
2.Ынтымақтастық атмосфера құру Сергіту сәті
3.Топқа суреттер арқылы бөлу

Мұғалімнің іс-әрекеті
Оқушының іс-әрекеті
Үй тапсырмасын сұрау
Өткен сабақтарды қайталау мақсатында топ мүшелері бір-біріне <<Мен саған, сен маған>> стратегиясы бойынша сұрақтар қояды.
<<Менің атам>> тақырыбына жазған әңгімені оқытып, <<Әдептілік әліппесі>> өлеңін жатқа сұрау.
Диалогтік оқыту арқылы өткен сабақтан алған білімдерін қорытындылайды, үйге берілген тапсырмаға қандай дәрежеде дайындалып келгенін көрсетеді.
Қызығушылықты ояту
Әр топқа сөздер беріледі.
1-топ:орындық
2-топ: инелік
3-топ:үстел
Берілген сөздердің жуан немесе жіңішке айтылуы неге байланысты екенін топта талдап, түсіндіреді.

Мағынаны тану
46-жаттығу. Сөздерді салыстырып оқыңдар .
сан-сән от-өт ыс-іс ұн-үн
нан-нән боз-бөз тыс-тіс тұс-түс
А-ә, о-ө, ы-і, ұ-ү - жуан және жіңішке жұп дауыстылар. Олар өзара
ұқсас дыбысталады.
47-жаттығу. Жаңылтпашты тездетіп, дұрыс оқыңдар және жатқа айтыңдар.
Дән-дәулет.
Дәулет-дән
Сән-сәулет
Сәулет-сән
Сөздерді оқытып, сөздердің жуан және жіңішке айтылуын салыстыра отырып, А-ә, о-ө, ы-і, ұ-ү - жуан және жіңішке жұп дауыстылар екенін, жұп дауыстылар ұқсас дыбысталатынын байқайды, сабақтың тақырыбын ашады,

Сөздердегі ә дыбысының жіңішке естілуін байқайды және неге жіңішке айтылып тұрғанын дәлелдейді..
Өз ойларын еркін айтуға үйренеді
Дәптермен жұмыс
48-жаттығу
1.Сөйлемдерді көшіріп жазыңдар.
Біз ауамен дем аламыз.Адамға таза ауа өте қажет.Әуе ашық, таза.
2. ауа, әуе сөздеріндегі а,ә дыбыстарын салыстырыңдар.Қайсысы жуан , қайсысы жіңішке айтылған?
Сөйлемдерді көшіріп жазады да ауа,әуе сөздеріндегі а,ә дыбыстарының қайсысы жуан, қайсысы жіңішке айтылып тұрғанын ережеге сүйеніп дәлелдейді.
Ой толғаныс
1-топ:Тыңдаймыз біз әрдайым.
2-топ: Жуан дауыстылар және жіңішке дауыстыларды жазады.
3-топ: Ұйқасын табу.
Кешірімді боламыз,
Жұлдыздай болып ... .
Кішіпейіл ...
Құстай қанат ...
1-топ:Кімді тыңдау керек екенін топтастырады.
2-топ: Жуан және жіңішке дауыстыларды жазады.
Жуан дауыстылыр:
Жіңішке дауыстылар:
3-топ: Ұйқасын тауып, өлеңді толықтырады.
Кешірімді боламыз,
Жұлдыздай болып ... .
Кішіпейіл ...
Құстай қанат ... .
Мәтінмен жұмыс

<<Әке көрген оқ жонар>> деген нақыл сөз беріліпті кім қалай түсінеді?
<<Ақсақалдың ақ батасы>>
Оқуда алғыр бол,
Ойлауға даңғыл бол.
Өмірде әділ бол,
Ашуда сабыр бол.
Ісіңде шебер бол,
Ақылға кемел бол.
Қиынға батыл бол,
Еңбекте батыр бол.
Уәдеңе берік бол,
Ауылыңа көрік бол.
Мақалдарды оқыту
1.Ата балаға сыншы
2.Ата-бәйтерек
Бала-жапырақ
3.Батаменен ер көгерер
Жаңбырменен жер көгерер
4.Атадан бала туса игі,
Ата жолын қуса игі
Топ мүшелері топтасып, нақыл сөздің мағынасын ашады.
<<Ақсақалдың ақ батасы>> өлеңін тізбектей оқиды.

Рефлексия
5минут
Смайликтер салынған суретті тақтаға іліп қояды.
Оқушылар стикерлерді өзі қалаған нұсқаға жабыстырады.

Үйге тапсырма
2минут
<<Ақсақалдың ақ батасы>> өлеңін жаттау
Мақалды дәптерлеріне көшіріп жазады.
Күнделіктеріне жазып алады.
Бағалау
Топ басшыларының бағасын ескере отырып, бағалайды

Топ басшылары топ мүшелерін өздері бағалайды.

Алматы облысы Ақсу ауданы
<<Бижарас Садырбайұлы атындағы орта мектебі, мектепке дейінгі шағын орталығымен>> коммуналдық мемлекеттік мекемесі
Бастауыш сынып мұғалімі: Жонкебаева Гульжан Темірғалиқызы