Алтай ақша сұрамайды

Бекітемін:
Сабақтың тақырыбы: Алтай ақша сұрамайды.

Сабақтың мақсаты: Мәтін мазмұны мен идеясын түсіндіру.

Күтілетін нәтижелер:
Пәндік нәтиже: кейіпкерлер әрекеті мен оқиғадағы және өмірдегі жағдайларды байланыстыруға мүмкіндк жасау.
Жүйелі іс-әрекет нәтижесі:оқушылардың топ болып ойлануына қолайлы орта туғызып, өзіндік бағалау сапаларының дамуына жағдай туғызу.
Тұлғалық нәтиже: оқушыларға үлкендердің ақылын тыңдай білудің өмірдегі маңыздылығын түсінуге, өз әрекеттерін бағалай алуға үйренуге көмектесу.
Сабақтың көрнекілігі: үнтаспа, маркер, тақта.
Сабақтың әдіс-тәсілдері: топтық жұмыс хат жазу, РАФТ стратегиясы.
Сабақтың барысы: Оқушылардан алдарында жатқан стикер қағаздарға бір-бірінің жақсы қасиеттерін жазып ұсыну сұралады.
І.Қызығушылықты ояту.
Талпын жақсы болуға,
Күндей сәуле шашатын.
Білім іздеп, өнер тап,
Түнді күндей ашатын
(Д:Әлімжанов)
-Өлең кім туралы?
-Жақсы баланың қасиеттері қандай? (Мұғалім тақтада жазып тұрады).
Балалар айтқан қасиеттердің атауы бойынша жаңа топтар құрады (мысалы, әдептілер, білімділер, үлкенді сыйлаушылар, ақылды тыңдаушылар, т.б.)
Әр топ өз атын қорғайды.
ІІ.Мағынаны тану. А:Асылбековтің үнтаспаға жазылған (Тыңдай білем>> өленің тыңдату.
Тыңдай білім атамды,
Тыңдай білем апамды,
Сондықтан да атамнан
Алдым алғыс батамды.
Тыңдай білем атамды,
Тыңдай білем апамды,
Сондықтан да апамның
Қолғанаты атандым.
Тыңдай білем үлкенді,
Құлақ түре білгем-ді.
Сондықтан да талай сөз
Үлкендерден үйрендім.
Үйренерім әлі көп,
Мақалдардың мәні көп.
Жақсы сөздің бәрін де
Тыңдай білу - ғанибет
Топтық жұмыс. Өлең жайында әр топ түсінгендерін айтып шығады, бірін-бірі толықтырады.Бұл кезде мұғалім жауаптардың қайталанбауына, жаңа идеялардың айтылуына басшылық жасайды.
-Біз қазір жақсы бала болу тақырыбын талқылауды әрі қарай жалғастырамыз.Ол үшін <<Алтай ақша сұрамайды>> әңгімесімен танысамыз.
Оқулықпен жұмыс.
Мұғалімнің оқуы.
Оқушылардың тізбектей оқуы.
Сөздік жұмыс:
Қоржын-қосқалаңы-сөмкесі
Танауы желбіреп- қуанып жүгіру
Абыржулы-мазасыздану
Мәтінді рөлге бөліп оқу.
Өлеңді талқылауға арналған сұрақ-тапсырмалар:
-Ақша адамдарға қалай келеді?
-Өз отбасыларыңдағы жағдайды әңгімелеп бере аласыңдар ма?
-Алтайдың ақша сұрайтын әдеті өзіңде кездесе ме?
ІІІ.Ойтолғау.
1-топ: Алтайға хат жазу.
2-топ: Әңгімедегі мен үшін пайдалы кеңес.
3-топ: <<Ақшаға айтарым>>
4-топ: РАФТ (рөл, аудитория, форма, тақырып) әдісі. <<Жоғалған заттар>>
Бүгіннен менің түйген ойым...
-Демек, әке ақылын, өсиетін мүлтіксіз орындаған бала өмірде ештеңеден қиындық көрмей, жақсы өмір сүреді.Ал оған құлақ түрмеген баланың ісі алға баспайды. Ата сөзін, әке сөзін, үлкендер сөзін, халық даналығын, өсиетін дұрыс ақылға салып тыңдай білген адамның ақылы толыса түседі, адаспайды.Ақылды тыңдайтын бала ақылды атанады. Сондықтан да халық:
<<Ата-ананың ақылы-
Сайрап жатқан жолмен тең.
Ақылдының ақылы-
Сарқылмайтын көлмен тең>> деген екен.
Бағалау: топтардың өз жұмыстарын бағалауы.
Үйге тапсырма: мәтінді оқу, әңгімелеу.