Бала тәрбиесі – мәңгілік мәселе

Бала тәрбиесі - мәңгілік мәселе .

Өнегесі мол отбасы тәрбиесіне ештеңе тең келмейді

Жас ұрпақты дұрыс тәрбиелеуге адалдықпен, асқан жауаптылықпен атсалысу - ата - ана мен ұстаздардың, әсіресе, сынып жетекшісінің басты парызы .

Ұстаздардың өмірі мектептегі еңбек майданында оқушымен тығыз байланыста болады . бір сыныпта әр түрлі бала болады, яғни, әр түрлі психология . Ендеше сол оқушылармен тіл табысып, жұмыс жасай білген ұстаз - психолог. Кейде келіспеушіліктер де, қиындықтарда туындап жатады . Сол кезде ата - ананың көмегі, ықпалы көп қажет болады . Мұғалім өзіне бағынбаған баланың қылығы үшін ата - анасын шақыруға тура келеді . Сондай жағдайда кей ата - ана мектепке келуден бас тартады, ал кейбірі келіп алып, мұғалімді жазғырады .

Сүйкімді, тіл алғыш, сезімі пәк, жүрегі таза бүлдіршін - орта немесе жоғары буынға

келгенде неге өзгеріп сала береді ? Оның тәрбиесіне ұстаз ғана емес, ата - ана, жүрген ортасының қатысы бар емес пе ?

Кей ата - аналар баланы қалай тәрбиелеу керектігін, қалай жақсы көретінін білдіре алмайды . Бірі - мұғаліммен бірдей етіп киіндіріп, қалтасына ақша салып, туған күндерін тойлағандарына мәз, енді бірі - шектен тыс қаталдыққа беріліп, айтқанын орындатады . Тәрбие - баланы бетке қақпай, бетімен жіберу емес, баланы тәрбиелеу - ақылмен, әдіспен күресе білетін адам шығару .

Ата - ана мен мұғалім арасындағы бір - біріне деген сенімділік - бірінші және шешуші шарт . Арадағы қарым - қатынас ата - ананың тәрбие ісіне қызығуын оятып, табысқа ұмтылдыратындай, өз күшіне сенімділік тудыратындай болып құрылуы тиіс .

Мұғалімнің екінші бір маңызды міндеті - отбасын педагогикалық білік - дағдылармен қаруландыру, оларды теориялық және практикалық түрде меңгерту .

Дұрыс ұйымдастырылған педагогикалык қарым - қатынастың аяғы ата - аналардың өз балаларының ғана емес, жалпы сынып тәрбие жұмысына қатысуына әкеледі .

Біз оқуға жағымды қатынасты қалыптастыруда ата - ананың алатын орнының маңызы зор екенін айтуымыз керек . Ол үшін әрбір ата - ана баласының қызығушылықтарымен, икемділіктерімен таныс болуы керек . Өкінішке орай, көптеген ата - аналар баласының бос уақытында тек оқу әрекетімен шұғылдануын талап етеді Бұл баланың оқуға деген ықыласына кері әсерін тигізуі ықтимал . Сабаққа дайындық барысында ата - ананың күнделікті бала сабағына көмектесуі, қызығушылықтарын байқатып отыруы, , баланы бағындырмай, өз еркімен сабақты орындауын ұйымдастырып, қолайлы жағдай жасауы баланың оқу әрекетіне жағымды қатынасын қалыптастыруға ықпалын тигізеді .

Ата - аналарды оқу пәнінің жаңа бағдарламаларымен, оқыту әдістерімен, мұғалімнің қоятын талаптарымен таныстыру үшін - ашық сабақтар ұйымдастыру тиімді . Бұл ата - аналардың мектептегі оқыту ерекшеліктерінің егжей - тегжейін түсінбеуінен туатын көптеген даулы жағдайларды болдырмауға мүмкіндік береді .

Мектептегі сыныптан тыс тәрбие шараларына ата - аналарды тартып, қатыстырып отырған дұрыс . Отбасылық танымдық көңілді ойын - сауық, спорттық сайыс . ата - аналар арасынан әр түрлі мамандық иелерімен кездесу кештері - осының барлығы ата - аналарға өз балаларын одан әрі танып білуге, балаларының бойындағы өздеріне белгісіз қызығушылықтарын, талантын, өнерлерін анықтауға мүмкіндік туғызады .

Ата - анамен сөйлескенде мұғалім барынша сыпайылық, әдептілік танытуы тиіс .

Сыпайылық әдептілік сақтау әсіресе өз балаларының бұзақылық жасауы мүмкін екеніне сене алмайтын ата- аналар алдында өте қажет .

Ата - аналар жиналысында оқу үлгерімі жетістіктерінің ғана қорытындысы жасалып қоймай, сонымен қатар педагогиканың маңызды мәселелері қарастырылса

жемісті болмақ . Ата -аналар жиналысы нәтижесінің ең басты көрсеткіші - ата - аналардың белсене қатысуы . Ол мектепке, мұғалімге деген сыйласымдық қарым - қатынасының белгісі .

Ұқсас жұмыстар

Оқушыны жеке тұлға ретінде қалыптастыру

Ата-ана мен ұстаз, білім мекемесі арасында байланысты нығайту және ұстаз беделін арттыру

Жеткіншек өмірінде кездесетін қиындық сәттер

МҰҒАЛІМ КІРІСПЕ

М.жұмабаев педагогикасы және ұлттық тәлім-тәрбие

Ұрпақ тәрбиесінің тірегі – отбасы

Баланың атасы мен әжесінің тәрбиесінде, атасы мен әжесінің баласы болуына қалай қарайсыздар

Математика сабағында оқушылардың логикалық ойлау қабілеттерін дамыту

Әлеуметтік педагогтың отбасының тәрбиелік әлеуетін көтеру бойынша қызметі. баяндама

Ұлттық тәрбиені білім беру үрдісіне ендірудің маңыздылығы

Пәндер