Қонақтың сөзі

Тәрбие сағатының тақырыбы: Азиада – 2011 қарсаңында

Тәрбие сағатының мақсаты: Жасөспірімдер арасында «Азиада – 2011» ойындарын
насихаттай отырып, салауатты өмір салтын ұстануға, ұлтжандылыққа,
адамгершілікке, имандылыққа тәрбиелеу.

Тәрбие сағатының көрнекілігі: Интерактивті тақта, макет, «Азиада – 2011»,
«Спорт жетістіктері» стендтер.

Өтілу барысы:
І.Бастаушы: Қайырлы күн, құрметті оқушылар, ұстаздар, қадірлі қонақтар!
М.О. Әуезов атындағы №128 жалпы білім беретін мектептің 10 «А»
сыныбында «Азиада 2011 қарсаңында» тақырыбында өткізілетін ашық тәрбие
сағатына қош келдіңіздер!

ІІ. Бастаушы: Елбасымыз Н.Назарбаевтың «Қазақстан – 2030»
бағдарламасында Қазақстан азаматтарының денсаулығы, білімі мен әл-ауқатына
баса назар аударылып, ерекше аталып өтілгені біздің азаматтарымыздың ертеңі
бүгіннен басталатынын көрсетсе керек. Осыған орай, кезекті тәрбие
сағатымызды Астана және Алматы қалаларында өтетін қысқы «Азия – 2011»
ойындарына арнаймыз.

І. Бастаушы: Құрметті оқушылар, қонақтар, мектебіміздің жас
спортшыларын қарсы алайық!
Алдарыңызда мектептің футбол командасы. Топ басшысы Бекбосынов
Әлішер(музыка).

ІІ. Бастаушы: Ортаға каратэ жүлдегерлерін шақырамыз.Топ басшысы Арынов
Ерсұлтан.
(музыка)

Алдарыңызда жас теннисшілер. Топ басшысы Сағи Руслан. (музыка)

ҚР Гимні орындалады.

І. Бастаушы: Бүгінгі тәрбие сағатына қатысып отырған қонақтармен
таныстыруға рұқсат
етіңіздер:
1. Алмалы аудандық ардагерлер Кеңесінің мүшесі Бектемиров Салих
Нұрмұхамедұлы;
2. Мектеп директоры;

ІІ. Бастаушы: Ең алдымен қысқы Азия ойындарының тарихына үңілсек
(Қуандық)

1-оқушы (Қуандық):
Азиаданың тарихы
|Ойын № |Қала, өткізген ел |жыл |Қатысатын |Спорт |Спортшылар мен |
| | | |елдер саны |түрлерінің|ресми тұлғалар |
| | | | |саны |саны |
|1-інші |Саппоро, Жапония |1986 |7 |7 |425 |
|2-нші |Саппоро, Жапония |1990 |10 |6 |414 |
|3-інші |Харбин, Қытай |1996 |16 |7 |660 |
|4-інші |Кангвон, Корея |1999 |21 |7 |799 |
|5-інші |Аомори, Жапония |2003 |17 |11 |641 |
|6-ншы |Чангчун, Қытай |2007 |45 |10 |1100 |

Қысқы Азия ойындары

2-оқушы (Алмат):
Азиаданың мақсаты
2011 жылы 7-ші қысқы Азия ойындарында Қазақстан құрамасы бейресми жалпы
командалық есепте бірінші орын алуды көздеп отыр
2011 жылы Алматы мен Астана қалаларында өтетін 7-ші қысқы Азия
ойындарында Қазақстан ұлттық құрамасының алдына бейресми жалпы командалық
есепте бірінші орын алу міндеті қойылып отыр. Бұл межеден көріну үшін
біздің команда ең кемі 20 алтын медаль жеңіп алуға тиіс. Қазіргі таңда
ойындарды өткізудің мерзімі анықталды. Азия ойындарының салтанатты ашылу
рәсімі 2011 жылғы қаңтардың 30-ында, жексенбі күні Астанадағы жабық футбол
стадионында болады. Ал оның жабылу салтанаты және туды беру рәсімі 2011
жылғы ақпанның 6-ында Алматыдағы «Медеу» мұз айдынында өтеді. Аталмыш
ойындарда спорттың 11 түрінен 59 медаль жиынтығы сарапқа салынады. Оған
Азияның 30 мемлекетінен 2500-дей спортшы қатысады деп күтілуде. 160 адамнан
тұратын спорттың қысқы түрлері бойынша штаттық ұлттық команда анықталып,
бекітілді. Сондай-ақ 64 жетекші спортшымен және жатықтыушылармен
келісімшарттар жасалды. Ұлттық командалармен жұмыс жасауға Ресей, Германия,
Польша және басқа да елдерден жаттықтырушы-кеңесшілер ретінде танымал
мамандар тартылды. Бұдан бөлек Азия ойындарына төрешілік жасау үшін
халықаралық федерациялардың көмегімен төрешілер даярлау және қайта даярлау
жұмыстары жүргізілуде. 7-ші қысқы Азия ойындарының Алматыдағы
бағдарламасында коньки спорты, мәнерлеп сырғанау, шайбалы хоккей, шаңғы
жарысы, биатлон, шорт-трек, тау шаңғысы, шаңғымен тұғырдан секіру,
фристайл, допты хоккей, қысқы спорттық бағдарлау сынды спорт түрлерінен
жарыстар өткізу жоспарланып отыр. Допты хоккей және қысқы спорттық
бағдарлау сынды спорт түрлерінен жарыстар оларға қатысуға 4 елдің
командалары өтініш берген жағдайда өткізілетін болады.

3-оқушы(Арнұр):
Азиаданың жетістігі
Қысқы Азия ойындарында Қазақстан спортшылары жеңіп алған медальдар
саны
|Ойын № |Қала, өткізген ел |жылы |Алтын |Күміс |Қола |Жиыны |
|1-інші |Саппоро, Жапония |1986 |Қатысқан жоқ |
|2-нші |Саппоро, Жапония |1990 |Қатысқан жоқ |
|3-інші |Харбин, Қытай |1996 |14 |9 |8 |31 |
|4-інші |Кангвон, Корея |1999 |10 |8 |7 |25 |
|5-інші |Аомори, Жапония |2003 |7 |7 |6 |20 |
|6-ншы |Чангчун, Қытай |2007 |6 |6 |6 |18 |

4-оқушы(Абат):
Азиадаға дайындық
2011 жылы Алматы мен Астана қалаларында өтетін VII қысқы Азия ойындарын
өткізу үшін Алматыда арнайы салынып жатқан нысандар мен әр түрлі жөндеу
жұмыстары жүргізіліп жатқан ғимараттардың таныстырылымы болды, деп
хабарлайды “Қазақпарат” агенттігі.
Туризм және спорт министрлігі ұйымдастырған айтулы шара аясында
бұқаралық ақпарат құралдарының өкілдері ғимараттардың, атап айтқанда шаңғы
биатлон стадионының, шаңғымен тұғырдан секіретін халықаралық кешеннің,
заманауи озық технологияларды орнату арқылы қайтадан жөнделіп жатқан Балуан
Шолақ атындағы спорт және мәдениет сарайы мен “Медеу” мұз айдынының, сондай-
ақ заман талабына сай кеңейтілген “Шымбұлақ” таулы базасының құрылысының
қарқынын өз көздерімен көрді. Сондай-ақ таныстыру барысында нысандарды
салуға жұмсалатын қаражаттың мөлшері мен дүбірлі бәсекеге қатысатын
мемлекеттердің тізімдері де жария етілді. Азия ойындарын өткізуге
мемлекеттік қазынадан 100 миллиард теңге бөлініп отыр.
Азия ойындарын өткізу үшін анықталып отырған спорттық ғимараттардың
жалпы саны – 15 нысанды құраса, оның 10-ын жаңадан салу қажет, ал 5-еуін
қайта жаңарту жоспарланған. Алматыдағы нысандармен қатар, осы күндері
Астанадағы “Қазақстан” спорт кешені қайта жөндеуден өткізілуде. Сонымен
қатар Елордада жабық футбол стадионының, коньки жарысы өтетін стадионның
құрылысы қарқынды жүруде. Бұларды алдағы келер жылы пайдалануға беру
жоспарланып отыр.
VII қысқы Азия ойындары 2011 жылы қаңтардың 30-ы мен ақпанның 6-сы
аралығында Астана мен Алматы қалаларында өткізіледі. Оның салтанатты ашылу
рәсімі 2011-ші жылғы қаңтардың 30-ында, яғни жексенбі күні Астанадағы жабық
футбол стадионында болады. Ал оның жабылу салтанаты және Туды беру
салтанатты рәсімі 2011 жылғы ақпанның 6-сында Алматыдағы әлемге белгілі
“Медеу” мұз айдынында өтеді. Азия ойындарында спорттың 11 түрінен 59 медаль
жиынтығы сарапқа салынады. Оған Азияның 40-тан астам мемлекетінен 2500-дей
спортшы қатысады деп күтілуде.

І. Бастаушы: Спорт біздің өмірімізде үлкен орын алады. «Дені саудың
жаны сау» дейді халқымыз. Ендігі кезекті ортамызда отырған мектебіміздің
спортшыларына береміз. Сөз кезегі сіздерде, құрметті жас спортшылар.
1. Футболистер сөз алады (жетістігі)
2. Каратистер сөз алады.
3. Теннисшілер сөз алады.
ІІ. Бастаушы:

Бүгінгі сынып сағатымызға әр сыныптан келген қонақтар, «Алматы
Ақшамынан» келген журналист Жанболат Елдана да ортамызда. Ол өз достарына
әзірлеп әкелген сұрақтары арқылы сұхбаттаспақ. Олай болса, сөз Елдана,
Сізде!
Елдананың сұрақтары: 1. Қазіргіге дейінгі қандай жетістіктерімізді
білесіздер?
2. Азиада 2011 жылға қандай үміткерлер бар?
3. Спортқа байланысты сыныптарыңызда қандай жұмыс
жүргізілуде?

Сұрақтарға жауап алынады. Бектас Динара «Болашақ Алматы» атты макеті
бойынша сөз алады.
І. Бастаушы:
Келесі сөз кезегін тәрбие сағатымыздың қадірлі қонағы Салих
Нұрмұхамедұлына береміз.
Қонақтың сөзі.
ІІ. Бастаушы:

Қадірлі қонағымыздың құрметіне домбырашылар ансамблінің орындауында
«Жастар биін» қабыл алыңыздар.
І. Бастаушы:
Осымен «Азиада 2011 қарсаңында» тақырыбында өткізілген тәрбие
сағатымызды аяқтаймыз. Қорытынды сөз мектеп директорына беріледі.