Тыныс белгісіне назар аудару

Сабақтың тақырыбы: Лепті сөйлем
Сабақтың мақсаты: Оқушыларға лепті сөйлемнің мағынасын түсіндіру, көңіл -
күйді, сезімді білдіретін сөздер туралы алғашқы түсініктерін
қалыптастыру. Лепті сөйлемді тиісті дауыс ырғағымен оқуға
жаттықтыру; лепті сөйлемнің қандай мағына білдіріп тұрғанын
анықтату.
Өз бетімен жұмыс жасай білуін және өзін бағалай білуге үйрету
байланыстырып сөйлеуін, жазба тілін дамыту. Сөздік қорларын
молайту.
Ұйымшыл болуға, әділдікке, адалдыққа тәрбиелеу.
Әдісі: Сұрақ-жауап, түсіндіру
Көрнекілігі: слайд шоу <<Астана арман қала>>
Сабақтың барысы: І. Психологиялық дайындық
Өзімізге: Сәттілік, қуаныш!
Қонақтарымызға: Жақсы көңіл - күй!
Елімізге: Ашық аспан, молшылық!
ІІ. Қызығушылықты ояту
Сыныпты 3 топқа бөлу (хабарлы, сұраулы, лепті сөйлем)
Қайырлы күн,достар!
Бүгінгі күн,міне,
Сәттілікке толсын!
Біздің алар бағамыз
Кілең бестіктер болсын!!!
1-желтоқсан Тұңғыш Президент күні екенін еске сала отырып, Елбасының халқына жолдауынан үзінді оқу. Тыныс белгісіне назар аудару.
Бүгінгі күн жадысын жазып, лепті сөйлем екенін жазу
Балалар, бүгін біз Астана қаласының көрікті жерлерін тамашалап қыдырамыз. Слайдқа назар аудару (1)
Топтарға тапсырма:
1. Сөйлем дегеніміз не? Сөйлем аяқталған ойды білдіреді
2. Сөйлем айтылу мақсатына қарай нешеге бөлінеді? Сөйлем айтылу мақсатына қарай 3 түрге бөлінеді
3. Сұраулы сөйлем дегеніміз не? Жауап алу мақсатымен айтылған сөйлемді сұраулы сөйлем дейміз
ІІІ. Мағынаны тану
Көтеріңкі көңіл күймен қарап, тыныс белгілері туралы түсінік алайық
Кітаппен жұмыс
190-жаттығу.Лепті сөйлемдерді көшіріп жазу
-Міне,жігіт!
-Көп жаса!
-Өркенің өссін, қарағым!
-Қатарыңның алды бол!
Слайдқа назар аудару (2)
191-жаттығу. Тиісті тыныс белгісін қойып, көшіріп жаз.
Мына тау қандай биік! Сен қысқы демалыста қайда барасың? Қыста коньки тебу қандай тамаша!Бөлменің ауасын тазартып отырған жөн!
Слайдқа назар аудару (3)
192-жаттығу. Сөйлемдер құра.
Оқушылар саяхатқа шықты. Сыныпта кезекші кім? Қазақстан халқы жасасын!
ІV.Сергіту сәті
Слайдқа назар аудару (4)
193-жаттығу. Әр топ тыныс белгісіне қарай сөйлемдерді көшіріп жазады.
Слайдқа назар аудару (5)
Шығармашылық тапсырма әр топқа
Мысық қалай дыбыстайды? Міне, жігіт! Қасқырдың төлі не? Мал жайылды. Жүйрік озады. Өркенің өссін, қарағым!
V.Ой толғаныс
Ойын <<Сәйкестендір>>
Өкіну --- Сүйікті менің Қазақстаным жасасын!
Армандау --- Қап, бақшаның есігін жауып қоймағаным - ай!
Бұйрық ---- Қане, күнделігіңді берші!
Ұрандату ----- Шіркін, айға самғап ұшсам ғой!
Бағалау. Тыныс белгісіне қарай бағалау
Үйге тапсырма: 194-жаттығу