Оқушылар саны

<<Науырзым аудандық білім бөлімінің
Жамбыл бастауыш мектебі>> ММ

Жүргізген: өзін-өзі тану пәнінің мұғалімі
Д.С. Өтегенова

Қараменді селосы
2015- 2016 оқу жылы
<<Өзiн-өзi тану>> сабағының жоспары

Мектеп:__Жамбыл бастауыш мектебі__ Мерзiм:__25.02.2016__№____ Мұғалiм:___Өтегенова Динара Серікқызы__________________
Сынып:__3__ Оқушылар саны:_____ Тақырып:__ Еңбектің наны тәтті __
Құндылық:___ Дұрыс әрекет ___ Қасиеттер:___ жауапкершілік қызығушылық, құштарлық, ___

Сабақ мақсаты: Оқушыларға <<еңбек>> құндылықтары туралы түсініктерін кеңейту.
Білімділік: Оқушыларға еңбектің адам өміріндегі маңыздылығын түсіндіру.
Дамытушылық: Оқушылардың бойында адамгершілік қасиеттері мен еңбекті қадірлеу, бағалау, еңбектің қуанышын сезіну іскерліктерін дамыту;
Тәрбиелік: Оқушыларды еліне, халқына абыройлы қызмет етуге тәрбиелеу.
Ресурстар:(құралдар, мәлiметтер)
Оқулық, дәптер,
әуен,слайдтар,қағаздар.
бейне үзінді.
Сабақ барысы:
1. Ұйымдастыру кезеңi.
Оқушылардың құрал-жабдықтарын түгендеу;
5 <<Т>> ұстанымын еске түсіру.
(тәртіп, талап, тыныштық, тазалық, татулық)
2.Тыныштық сәтi. Орманға саяхат
Көзімізді жұмамыз, терең демаламыз, әр демімізбен өзімізді еркін, тыныштықта сезінеміз.
Қазір біз орманға дем алуға барамыз. Елестетіңіз, сыныптан шығып, дәлізден өтіп, далаға бет алдыңыз.
Таза ауаны сеземіз, самал ескен жылы жел мен күннің нұры ақырын ғана бетімізден өбеді, шашымызды сипайды.
Біз ақырын орманға қарай бет аламыз. Абай болайық, жердегі жәндіктерді аяғымызбен басып кетпеуге тырысайық. Бір минутқа тоқтап, айналамыздағы әсемдікке көз салайық. Құлпырып өскен гүлдердің иісі мұрынды жарады, қандай керемет иіс! Айналамыздағы әрбір әсемдікті көзімізден таса қылмай, ары қарай бет аламыз.
Орманның ішіне де келдік. Құстардың әсем әуені, шөптердің сыбдыры жан дүниемізді жаулап алғандай. Айналамызда түрлі ағаштар. Сол ағаштың ішінен бір қайыңды таңдап алыңыз. Бауырында отырып, біраз тыныстап алыңыз.
Мен бақыттымын, менің жан дүнием тыныш. Табиғат қандай тамаша! Мен табиғаттың бір бөлшегімін, менің табиғатқа зияным тимеуі керек, кез- келген уақытта мен осы ағаштың түбіне келіп дем аламын.
Енді орнымыздан ақырын тұрып, айналамызға тағы көз жібереміз. Келген ізімізбен, мектепке қарай аяңдаймыз. Мектепке келіп өз орнымызға отырайық.
Тыныштық пен разылықты жүрегімізде сақтап, көзімізді ашамыз, бір-бірімізге қарап күлімсірейміз.

1. Үй тапсырмасын тексеру. <<Бақыт, байлық Ақыл>>(ертегі). Мазмұны бойынша сұрақтар:
1. Байлық деген не?
2. Байлық адамға не үшін керек?
3. Бақыт туралы не айтар едіңдер?
4. Ақыл деген не?
Ескерту:
Дәйексөз.
Халық мақалы
3.1 Бірнеше рет оқу, есте сақтау.
3.2 Дәйексөзді оқимыз, мағынасын ашып талдаймыз.
3.3 Дәптерге жазу./балалар өз ойларын айтады/

5. Оқиғаларды әңгімелеу.Мұғалім сыйлығы.
<<Әли мен Айя>> | Талқан, нан, еңбек туралы | Қазақша мультфильмдер.
Сұрақтар:
1. Мәтін кім туралы?
2. Кімнің іс-әрееті дұрыс болды?
3. Еңбек бізге не үшін қажет?

6. Шығармашылық іс - әрекет, топтық жұмыс.
(баяу музыка қосып қою)
Оқушыларды 3 топқа бөлу (түрлі-түсті дөңгелекшелер- мен бөлу, шартын түсіндіру)
1-топ: Өлең жолын толықтырыңдар (қызыл түс)
....... ....... оқимын,
....... ....... тоқимын.
....... ....... атанам,
....... бата алам.
2-топ: Мақал-мәтелді жалғастыр (көк түс)
Оқу түбі - .......
Оқу инемен құдық .......
Оқу - білім .......
Білім- өмір .......
3-топ: Жағдаят шешу (сары)
1.Әжесі мен атасы Аянға кітап сатып ал деп ақша берді.Ол ақшаға машина сатып алды.
Аянның орнында болсаңдар не істер едіңдер?Соны сахналаңдар.

7. Сәті; Топпен ән айту, Еңбекшіл осындай. Әнін орындау.
Жақсы бала еңбекшіл,
Ер азамат болады.
Қиындықты жеңіп кіл,
Құшағы гүл толады.
Еңбекшіл осындай,
Болайықшы досым-ай.
Қорытынды:
Жалқаулыққа берілмей, табандылықпен оқыған кезде білімді болатындығымызды көз жеткіздік. Алған білімді күнделікті өмірде пайдалана білу керек.Қазіргі ,яғни жас кезіңде көп оқып, оқығаныңды ойға түйе білсең көп білесің.Көп нәрсені білсең алдағы өмірің ашық болады.Білім әрқашан азаймайды,тозбайды, бүлінбейді.

7. Үй тапсырмасы: <<Еңбектің наны тәтті>> тақырыбына шығарма жазып келу.

8. Соңғы тыныштық сәтi. (Баяу музыка орындалады)
Көздеріңді жұмып, бүгінгі сабақта үйренген жақсы қасиеттерді еске түсіріп, жүрегімізге түйіп аламыз да, ойша бір-бірімізге жақсылық тілейміз.
Ал енді көздеріңді ашыңдар.Сабақ аяқталды. Сау болыңыздар!