Ана тілі сөзін топтастыру

Сабақтың тақырыбы: М. Әлімбаев <<Ана тілім ғажап деп айта аламын>>.
Мақсаты: 1.Балалар ақыны М.Әлімбаевтың өмірімен, шығармашылы-ғымен таныстыру;
2. Шығарманы жан-жақты талдай отырып, оқушының танымдық-
білімдік ізденіс қабілетін арттыру;
3. Ана тілін құрметтеуге тәрбиелеу.
Сабақтың түрі: жаңа сабақ.
Әдіс- тәсілдер: сұрақ- жауап, талдау, баяндау, бес жолды өлең, топтастыру, Венн диаграммасы.
Құрал- жабдықтар: плакат, маркер, стикер, слайд.
Сабақтың барысы:
І. Ұйымдастыру бөлімі (Амандасу; түгендеу; сабаққа
дайындықты тексеру).
ІІ. Шеңбер құру. <<Жүректен-жүрекке>> оқушылар жүрекшені ұсыну арқылы бір-біріне жылы лебіздерін білдіреді.
Топқа бөлу. Геометриялық фигуралар арқылы. Спикер тағайындау. Бағалау жолын түсіндіру ( смайликтер арқылы).
ІІІ. Үй тапсырмасын сұрау. Сансызбай Сарғасқаев <<Тәмпіш қара>>
<<Асық>> ойыны арқылы. Қоржыннан асық алып, сол асық номерлі кеспе қағаздағы сұраққа жауап беру.
1.С.Сарғасқаев қай жерде, қашан дүниеге келген?
2. <<Тәмпіш қара>> повесіндегі басты кейіпкерді ата, оған мінездеме бер.
3. Повестте кездесетін ойын атаулары.
4. Өзіне ұнаған бір эпизодты айтып бер.
5. Шаншатайдың бойында қандай қабілеттіліктер бар деп ойлайсындар?
6. Повесттің кейіпкерлерін ата.
7.Балалардың достасуына қандай себеп болды?
8. Повесттің қандай тәрбиелік маңызы бар деп ойлайсындар?
ІҮ. Жаңа сабақ. Сабақтың тақырыбы және мақсатымен таныстыру.
Мұғалім сөзі: <<Кітапты уақыт өткізер ермек үшін оқыма. Санатқа жеткізер еңбек үшін оқы.>> деп өнегелі сөз айтқан, қазақ балаларына арнап қысқа да нұсқа, мазмұнды, ойы құнды өлеңдер жазған Қазақстанның халық жазушысы, Мемлекеттік сыйлығының лауреаты Мұзафар Әлімбаевтың өмірімен, шығармашылығымен танысамыз.
Слайд көрсете отырып өмірбаянымен таныстыру. Bilimlаnd.kz сайтынан видео көрсету.
Мәнерлеп оқу: <<Ана тілім ғажап деп айта аламын>>. Алдымен bilimlаnd.kz сайтынан өлеңнің аудионұсқасын тыңдатамын.
(Мұғалім және оқушылар оқиды).
Өлең не жайлы? Ана тіліміз жайлы оқушылардың не білетінін сұрау.
Сұрақ- жауап: Түсініксіз сөз болды ма?
Сөздік жұмысы. Жәннат, толас. Мағынасын түсіндіру, дәптерге жазғызу.
Өлеңді құрылысына қарай талдау.
Тоз-бай-ды сы-ны ке-тіп, сұ-ры қа-шып, а
Біз ә-лі қан-ған жоқ-пыз сы-рын а-шып... а
Қа-за-ғы қа-ді-рі-не жет-кен са-йын б
Жай-най-ды, ер-тең-ге де нұ-рын ша-шып. а
11 буынды, қара өлең ұйқасына құрылған өлең.
Ізденіс-шығармашылық жұмыс:
1-топ. <<Ана тілі>> сөзін топтастыру.
2-топ. Тіл жайлы мақал-мәтелдер тауып жазу.
3-топ. <<Тіл>> сөзіне бес жолды өлең құрастыру.
Венн диаграммасы
Тілім бүгін Тілім ертең
(пікір) (ұсыныс)
Ү.Қорытынды.
Тест парақшаларын белгілеу.
Рефлексия. Ақ параққа алақандарын койып қол сұлбасын салғызу. Әр бармаққа не ұнағанын, не ұнамағанын жазғызу.
Бағалау. Смайликтерін санау, баға қою.
Үйге тапсырма: 1.Өлеңді мәнерлеп оқу, жаттау.
2. <<Ана тілім ардақты>> эссе жазу.