Сабақтың тақырыбы. Сабақтың ортасы

Пән: математика
Мектеп: № 11 орта мектеп
Күні: 23. 12. 2016
Мұғалімнің аты-жөні: Машанова Айнаш
Сынып: 1 Д
Қатысқандар саны: 25
Қатыспағандар саны: 0
Сабақтың тақырыбы
Шамалар. Масса
Осы сабақта қол жеткізілетін оқу мақсаттары (оқу бағдарламасына сілтеме)
1.2.3.1 Масса шамаларын ажыратады; оларды өлшеу үшін өлшемдер мен құралдарды таңдау, өлшеу.
1.2.3.3 Масса мәндерін, яғни кг, г өлшем бірліктерін салыстырады және амалдар орындайды.

Тірек сөздер
таразы.
Сабақтың мақсаттары
Барлығы: Жаңа білімді меңгереді.
Көбі: Тақырыпты түсініп, тыңдап, жетекші сұрақтар арқылы талқылайды.
Кейбірі: Анық және толық сөйлеу арқылы, мәселені түсінгенін көрсетеді, білімді өмірде қолдана алады
Жетістік критерийлері
Айтылған сөздер мен сөйлемдердің көпшілігін дұрыс қайталай алады.
Нақты сөйлеу арқылы, мәселені түсінгенін көрсете алады.
Құндылықтарды дарыту
Оқушыларды бір-біріне деген құрмет көрсетуіне тәрбиелеу.
Пәнаралық байланыс
Дүниетану, сауат ашу
АКТ қолдану дағдылары
Таныстырылым.
Тілдік құзыреттілік
Таразы, весы, weight
Сабақ барысы
Сабақтың жоспарланған кезеңдері
Сабақтағы жоспарланған іс-әрекет
Ресурстар
Сабақтың басы
Ынтымақтастық атмосферасын қалыптастыру
3 минут
Күннің көзі терезеден
Бізге, міне, қарап тұр
Сондай жақсы көңіл-күймен
Білімді ортаға саламыз,
<<Бестік>> баға аламыз.
- Балалар, бір-біріміздің қолымыздан ұстап, алақан арқылы жүректің жылуын сезініп үйренген қандай тамаша, қандай қуаныш!
Сабақ мақсаттарымен оқушыларды таныстырып өту.

Сабақтың ортасы
14 минут

Ой қозғау
- Бұл не? (Таразы.)
- Ол не үшін керек? (Массаны өлшеу үшін керек.)
Кіріспе тапсырма.
Екі қораптың көзбен массасын салыстырады, қолмен ұстау арқылы анықтайды, таразымен өлшейді.
-Көрдіңіз бе, балалар, көзбен массасы туралы айтқанымыз дұрыс болмауы мүмкін, сондықтан нақты білу үшін таразымен өлшейді.
Масса -- ол шама. Кез келген шаманы өлшеуге болады. Заттың массасын өлшеу үшін таразыны және негізгі өлшем бірлік ретінде килограмды пайдаланады. Таразы -- заттың массасын анықтайтын құрал.
-Сендер таразыны қайдан кездестірдіңдер? (Оқушы жауаптарын тыңдаңыз.)
Таразының бірнеше түрі көрсетіледі, олармен жұмыс жасау тәсілі сұралады, түсіндіріледі.
Оқулықпен жұмыс.
1. Кіртастардың массасын өсу ретімен айт.
Тақтаға сыртында массасы жазылған кіртастарының суреттері ілінеді. Оқушылар тапсырманы орындай отырып, әр кіртасындағы сан оның массасын білдіретінін түсінуі керек. Кіртастарын өсу ретімен орналастырады. Жауабы: 1 кг, 2 кг, 3 кг, 5 кг, 10 кг.
2. Бұл тапсырмада заттардың массалары килограммен берілгендіктен атаулы сандарды қосу немесе атаулы сандарды азайту қажет болады. Тапсырманы жалпы сыныппен орындатамын.
Жауабы: 2 кг; 10 кг; 3 кг; 9 кг; 3 кг; 8 кг.
3. Топтық жұмыс.
1. 1-топ: Орындап көр. Таразыдағы екі жағдайда да бір заттың өлшеніп тұрғанынa және оның массасы 3 кг-ды көрсетіп тұрғанына назар аудару. Оқушыларға өзара дәлелдерін айтқызу, талдату. Жауабы: 3 кг,
2-топқа: Шығарып көр. Тапсырмада қанша килограмм қант бар екенін сурет бойынша анықтайды, жауабын жазады. Жазған нәтижеcін соңынан қорытындылап айтады. Жауабы: 3 қорапта -- 3 кг, 5 қорапта -- 5 кг.
3-топқа: Ойлан. Олар талдай отырып, қандай кіртасын пайдаланып жануарлар массасын теңестіруге болатынын анықтайды.
Екі түрлі қорап

Таразының бірнеше түрі

Кіртастары

Таныстырылым,
оқулықпен жұмыс

А3 парағы, маркер, суреттер
Сергіту сәті
1 минут
<<Шырша жыры>> әні
Сергіту сәтіне арналған жинақ
Ортасы

Дәптермен жұмыс
12 минут

Таразыдағы жемістердің массасын салыстыр.
Алма мен алмұрттың массасы әр таразыда қандай қатынаста болатынын сурет бойынша талдау қажет. Оқушылар өз жауаптарын жұмыс дәптеріндегі бос орындарға жазады.
Жауабы: 1 алма; 1 алмұрт.
Әр қаптың массасын есепте. Оқушылар тапсырмада суреттегі таразыдағы кіртастар бойынша бір қаптың массасын дұрыс тауып, астында берілген бос орындарға жазу керек. Жауабы: а) 8 кг; ә) 9 кг.
Оқулық,
А4 парағы,

3 минут

Зерттейік. Әр топқа заттар және сол заттардың суреттері салынған қағаз беріледі. Оқушылар сол заттарды өлшеп, массаларын қағазға жазып, массаларын өзара салыстырады.
1-топ: алма, алмұрт, банан беріледі, сол заттардың массасын таразымен өлшейді, өзара салыстырады.
2-топ: блонкот, қарындаш салатын сауыт, дәптер беріледі, сол заттардың массасын таразымен өлшейді, өзара салыстырады.
3-топ: 2 ұл бала мен 1 қыз бала салмақтарын таразымен өлшейді, өзара салыстырады.
Оқушылар сабақ соңында таразының көмегімен заттың массасын өлшеп, анықтауды меңгереді.
Оқушылардың тақырыпты қаншалықты түсінгенін
білу үшін сұрақтар қойып, жауаптарын тыңдаңыз:
-- Заттың массасын анықтайтын құралды ата.
-- Кіртастарындағы сандар нені білдіреді?
-- Массаның өлшем бірлігі не?
Электронды таразылар, жемістер, блонкот, қарындаш салатын сауыт, дәптер
Рефлексия
1 минут

Кеменің суреттері
Бағалау
1 минут
Смайликтер арқылы әр оқушының сабаққа қатысуларына қарай бағалауы: <<өте жақсы орындадым>>, <<түсіндім, бірақ сұрақтарым бар>>, <<түсінбедім>>

Смайликтер