Мамандықтар әлемінде

Тәрбие сағаты
6-сынып

5-сабақ
Сабақтың тақырыбы
Мамандықтар әлемінде
Мақсаты
Оқушыларға кәсіби-шығармашылық тәрбие беру. Достыққа, серіктестікке үйрету. Мамандыққа деген адалдыққа, жауапкершілікке баулу.
Күтілетін нәтиже
Оқушылар таңдаған мамандықтары туралы өзгелермен сыр бөліседі. Мамандық туралы пікірлеседі, таңдаған мамандықтары туралы ролдік ойын көрсетеді. Шығармашылық жұмыс жасайды.
Керекті жабдықтар
әдіс-тәсілдер
Флипчарт, презентация, маркер, түсті қағаздар, А4 форматты қағаздар, жіп, дәрігер қобдишасы, ақ халат, жол инспекторының киімі, домбыра, сылдырмақ, микрофон т.б

АКТ мүмкіндігін пайдалану, диалогтық оқыту, сыни тұрғыдан оқу, топтық жұмыс
Сабақ барысы
Сабақ кезендері
Мұғалім әрекеті
Оқушы әрекеті
Кіріспе

Топқа бөлу: Оқушыларға 1 күн бұрын алынған <<Кім болам>> шығармашылық жұмысы алынады, <<Қандай маман иесі болғың келеді?>> деген сұрақ жазылған парақшалар таратылып, оқушылар мамандық түріне сай топтарға бөлінеді.

Сергіту сәті: <<Арман жібі>>
Оқушылар амандасады,шығармаларын тапсырады. Мамандақ түріне сай 6 топқа бөлінеді.
Дәрігерлер
Дизайнерлер
Заң саласы мамандары
Өнер адамдары
Полиция қызметкерлері
Мұнайшылар

Бір оқушы жіптің ұшын ұстап өзінің қандай маман иесі болғысы келетінін айтып, оның себебін түсіндіреді. Жіптің ұшын келесі оқушыға береді, солай жалғаса береді. Мысалы: Мен дәрігер болғым келеді, себебі ...
Негізгі бөлім
1.Ойтүрткі <<Бұл қандай мамандық иесі?>>
Алатаяқ ұстаған,
Жол тәртiбiн нұсқаған.
Өмiрiңдi күзеткен,
Ысқырығы күштi адам.(Полиция)

Тұлғалы кең иығы,
Мұнара оның тұрағы.
Маң далада бұйығы,
Сөнбей жанса шырағы,
Жер астының сұйығы
Фонтан болып шығады (Мұнайшы)

Адалдық ақ жол сеніммен
Алғысын көптің ала бер.
Ақжарқын адал көңілмен
Сырқаттың жайын таба бер.
Күш - қуат алып өмірден,
Қартайма, лаулап жана бер. (Дәрігер)

Адам құқы дегенде,
Жатқан емес жантайып.
Заңға ғана сүйенер,
Шындықты қорғар қасқайып
(Заң қызметкерлері)

Талғамы оның керемет,
Таңдауы да керемет,
Үйлесімді қаласаң,
Үйлестірер керемет.(Дизайнер)

Сахнада жүретін,
Ел таңдауын білетін,
Өнерлерін көрсетсе,
Елі оны сүйетін,
Танымал да болатын,
Бір топ қыздар бар мұнда
(Өнер адамдары)

2. Постермен жұмыс.

3. Рөлдік ойын

4. Дананың әліппе кілттері

Оқушылар жұмбақ шешу арқылы мамандық иелерін табады. Кімнің арманы мен сай келсе сол оқушылар бірігіп бір топқа жиналады.

Оқушылар берілген тақырыптар бойынша флипчартқа сөздер мен суреттер арқылы өз мамандықтары туралы түсінік беретін, тақырыпқа сай постер дайындайды және қорғайды.

Оқушылар мұғалім берген құралдар және суреттерді пайдаланып өз мамандықтары туралы рөлдік ойын орындайды. Өздерін маман иесі ретінде сезінеді, өз сезімдері туралы ой бөліседі

Оқушылар әліпбидеге әр әріптен басталатын мамандық атауларын тауып жазуы керек.

Қорытынды:
Мұғалім:
Әлемде 40 мыңға жуық әр түрлі мамандықтар бар. Мамандық таңдау адам өміріндегі ең маңызды шешімдердің бірі.
Мамандық таңдау - өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Таңдау жасау оңай емес. Ең бастысы - адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт. Өз ісіне сенімді, дұрыс таңдау жасаған адам ғана жетістікке жетеді.
<<Үлкен адам болу үшін ғаламда,
Үлкен арман керек екен адамға>> деп Мұхтар Шаханов жырлағандай сіздерді армандарыңыз алдамай, үлкен маман иесі болады деп сенемін.