Өмірін балаға арнайтын

Тақырыбы: <<Әлемнің кілті әйелде>>
Мақсаты: Оқушыларға ата - ана алдындағы парыз бен қарыздары туралы түсінік беру. Мейірімділікке, сый - құрметке тәрбиелеу, ұлтқа тән жақсы
қасиеттерді қалыптастыру.
Көрнекілік: Сынып бөлмесі мерекеге лайық безендіру
Түрі: кеш

Барысы:

Мұғалім: Саламатсыздар ма, құрметті ұстаздар, қыздар сіздерді келе жатқан 8 - наурыз халықаралық әйелдер күнімен құттықтаймын, сіздерге зор денсаулық, мол бақыт тілеймін.
Ана, Ана, Ана!... не деген мейірлі, не деген шапағатты сөз еді. Осынау үш әріптен құралған қасиетті сөздің түп төркінінде қаншама ұлы сезім жатыр десеңізші. Сезім мен қасиетті, бар махаббатпен шапағатты тудырып тұрған ұлы ана сезімін қадірлемейтін жан бар ма екен бұл өмірде? Жақсылық атаулының барлығы да ананың сүтінен таралған. Сондықтан да құрметті асыл аналар, қадірлі апайлар, қызғалдақ қыздар, бүгінгі <<Мен анама арнаймын>> атты тәрбие сағатымызды сіздердің құрметтеріңізге арнаймыз. Олай болса, бүгінгі тәрбие сағатымызды ашық деп жариялаймыз.
(мен өлең жолдарын оқимын, оқушылар аналарын орындарына апарып отырғызады)
<<Сергіту сәті>> (оқушылар ата аналарды мерекесімен құттықтап, өз тілектерін білдіреді)
Аружан: Рахмет Жанерке апаға
Үлгереді бәрін де жас ана.
Құттықтап мереке күнімен,
Тілеймін анаға шапағат.
Гүлбақыт Қ: Құттықтап мереке күнімен,
Шақырғанда мектептен қалмайтын.
Өмірін балаға арнайтын.
Шолпан апайдай ана бар ма салмақты,
Қуандық: Гүлсім апа - Қуандықтың анасы,
Қамқоршысы, ол ұлының панасы.
Рахмет айтайық апайға,
Балаға болатын жанашыр.
Айнур: Роза апа Айнурдың анасы,
Қызының қамқоры, панасы.
Анасын құрметтеп, қолдасын,
Қызыққа бөлесін баласы.
Гүлбақыт: Мерейгул апай әрі ұстаз, әрі ана,
Қамқорын төгеді балаға.
Гүлбақыт ұқсаған өзіне,
Байқаймыз құлақ сап сөзіне.
Ерсұлтан: Тоты апайдың Ерсұлтандай баласы,
Гүл сыйлар наурызда ботасы.
Ибалы, ізетті жас ана,
Мереке кешіне қош келдің.
Сәулет: Қымбаттай әженің жиені,
Сәулеттің көп екен көргені.
Ертегі тыңдапты әжеден,
Көрініп тұр екен еңбегі.
Дания: Ұлмекен апай жас ана белсенді,
Шат қылып көтерер еңсеңді.
Данияға тапсырсаң шаруаны,
Сол сәтте бітіреді білсеңіз.
Азат: Азаттың әжесі Қанымай апай,
Көреді баласын жанындай.
Азат та әжесін сыйлайды,
Жүрмеңіз оларды танымай.
Эльмира: Лаззат тәтесі ол ұстаз,
Эльмираға уақытын бөледі
Қабыл ал, ілтипат сөзімді,
Біліммен бәрін жеңеді.
Сырым: Қазина апай алтын ана жасынан,
Баласы үшін игілікті аямаған.
Сабақтан шаршап үйге келгенінде,
Бал сөзі жаным деген саялаған.

Көктем келер гүлін алып,
Жазда келер жырын алып - деп ән мәтінінде айтылатындай, нұрлы шуағы мол наурыз айы туып, ардақты аналар мен ару қыздарымыздың төл мейрамы 8 - наурыз мерекесі келіп жетті.
Сіздер ер - азаматтардың қолқанаты, тірегі мен жүрегі болып табыласыздар. Аналарымыздың, қыздарымыздың көңілдері көктемнің шуақты күніндей мейірім - шапағатқа бөлене берсін. Әлемнің жарығын сыйлаған аналардың мерекелері құтты болсын.
Ән: <<Мерекем>>
Орындайтын: Ещанова Дания, Тойбазарова Айнур
Анаға арнап ақ тілектер айтар күн,
Әкеге арнап, марапатты бастар күн.
Бүгінгі күн мәңгі есте сақтар күн.
Бүгінгі күн есінде мәңгі жастардың.
(Ерсұлтан мен Азат өлең шумақтарын оқиды).

Ана жақсылығын ауырсаң білерсің,
Қайын жақсылығын қыдырсаң білерсің деп дана халқымыз айтқандай ананың еңбегі мен ерлігін мақтаныш етіп, Ана махабатынан қанат пен күш алып, ерлікке рухтанып жүре берейік.
Көрініс: <<Ана жүрегі>>.
Азамат қуат алар ақ сүтіңнен,
Мәпелеп әлдилеген пейілі кең.
Аналық махаббатың кәусәр-бұлақ,
Сөнбейтін ақ жүрегің мәңгі шырақ.
(Уайсбай Гүлбақыт пен Орынбаева Аружан өлеңдерін оқиды)
Ана өмірдің қуанышы, тірегі
Бала - оның жұбанышы, жүрегі
Ана алдында ел жауы да бас иген
Олар дәйім тыныштықты тіледі.
Ортаға Құрманбекова Гүлбақыт пен Ещанова Данияны <<Асыл анам>> әнімен шақырамыз.
Қазірет пайғамбарға бір адам келіп:
-Мен бір зор күнә істедім. Енді мен үшін тәубе ету мүмкін бе?-деп сұрайды.
Сонда пайғамбар:
-Анаң бар ма? -деп сұрайды.
-Бар,-дейді әлгі адам.
- Онда анаңа қызмет көрсет,-деген екен пайғамбар. Олай болса барлығымыз <<Соқыр ана>> көрінісін тамашалайық.
Бәрі де, ана, бір өзіңнен басталды
Сен деп жаздым алғаш өлең-дастанды
Қуандым ба, өзің бар деп қуандым,
Жыладым ба, өзің жоқ деп жас тамды деп <<Анаға арнау>> өлеңімен ортаға Тойбазарова Айнурды шақырамыз.

Көңілің Алатаудың ақ қарындай,
Мейрімің күннің шуақ шақтарындай.
Қалайша аяулы ана тына алармын
Жыр болып сағыныштан ақтарылмай,-деп абзал аналарымыз бен қырмызы қыздарымыздың құрметіне <<Ана турала монологқа>> кезек берейік.
Оқитын: Қуанышқызы Саулет
(Құрманбекова Гүлбақыт пен Хабибуллина Эльмира өлең жолдарын оқиды)
Ана дамзат мекен еткен жер шарының әр түп жерінде, әр үйде мейрім мен мерейдің, достық пен туысқандықты туып тіккен адам. Адамзат ең алдымен ана алдында қарыздар. Алақаныңа қуырдақ қуырып берсеңде, ана борышын өтей алмайсың. Ана парызы алтынға бөлеуді, ақ орда салуды қаламайды, ана баласының ер жігіт, адам болуын қалайды. Анаға осыдан артық тарту таралғаннан артық ештеңе жоқ.
Би: <<Таңғы жаңбыр>>
(ата аналарға ситуациялық сұрақтар беріледі)
1) Сіздің балаңыз озат оқушы.Үй шаруашылығымен айналысқанды жек көреді, ештеңе істегісі келмейді.Оны қызықтыру үшін не істейсіз?
2) Қызыңыз кешкі ас дайындап, ыдыс жууы керек. Оның орнына қозғалмай теледидар көріп отыр. Қандай әрекет қолданасыз?
3) Балаңыз туған күніне достарын шақырғысы келді. Бұл жағдайды қалай шешер едіңіз?
4) Үй шаруашылығына байланысты баласын сабақтан жиі қалдыратын ата-аналар туралы пікіріңіз қандай?
5) <<Баламның қарны тоқ, көйлегі көк болса болды.Тәртібіне, оқуына қарайтын уақытым жоқ>> дейтін ата-аналарға деген көз қарасыңыз қандай?

Барша ана құтты болсын мерекеңіз,
Әрқашанда ана сізбен берекеміз.
Ақтасақ ақ сүтіңді, асыл анам,
Сонда біз кісілікке теңесеміз,- дей отырып Әбенов Ерсұлтанды <<Әке Ана>> әнімен ортаға шақырамыз.
(Ерсұлтан мен Азат өлең шумақтарын оқиды)
Анады да, мені де әлпештеген,
Қайтпас қайрат, дариядай ақыл берген.
Ниетің қабыл болсын, аналарым,
Өркендеп өсе берсін, бала-шаға, немерелер. Мерекелік кешімізді қорытындылау сөзді құрметті аналарымызға береміз және балаларыңыздың өздеріңізге дайындаған сыйлықтарын қабыл алыңыздар!
Демеңіз біз өнерді аяп қалды,
Мезгіл де біраз жерге таяп қалды.
Қош болып тұрыңыздар көріскенше
Осымен концертіміз аяқталды.