М.мақатаев " мен өмірді жырлау үшін келгенмін" ашық тәрбие сағаты. 5-сынып

Ө. Жаңабаев атындағы орта мектеп

resize_mans

5 «а»сынып

/Ашық тәрбие сағаты/

Сынып жетекшісі:А. Асқарова

2012-2013оқу жылы

Тақырыбы:«Мен өмірді жырлау үшін келгенмін»

resize_mans

Мақсаты: Оқушыларға өздері оқып, танысқан Мұқағали өлеңдерімен оның шығармашылығынан жан- жақты деректер бере отырып, танымдық көзқарастарын қалыптастыру, шығармашылыққа шыңдау.

Тәрбиелігі: Оқушыларды поэзияны сүюге, Мұқағали жырларын, дастандарын, әндерін айта отырып, ақындыққа баулу, Отанын, елін, ұлтын сүюге тәрбиелеу.

1-Жүргізуші: Қош келіпсіздер, өлеңсүйер, өнерсүйер қауым! М. Мақатаев қазіргі қазақ поэзиясының классигі, ұлтымыздың ұлы ақыны.

2-Жүргізуші: Біз бүгін сонау XX ғасырдың арман - қиялы ақ қарлы Алатау жаққа шарқ ұрған асқақ мұзарт шыңдарға қарай қанаты талмастан биіктен-биікке самғаумен келген ақиық ақын М. Мақатаевты «мен өмірлі жырлау үшін келгенмін» атты тәрбие сағатын бастаймыз

1-оқушы «Арыз жазып кетейін» Жандос

1-Жүргізуші: М. Мақатаев Алматы облысы Нарынқол ауданы Қарасаз аулында дүниеге келді. Ақын өзінің шынайы таланты, сырға толы, тұнық та мөлдір жырлары арқылы халықтың жүрегіне жол тапқан. Мұқағали мұрасы бүгінде туған халқының қажетіне жарап, рухани азығына айналып отыр. Қазақ жерінің Райымбек бабамыздай киелі әулие батыр өмір сүрген таңғаларлық табиғаттың саф ауасын жұтып, өзінің өр талантымен, ұлылығымен танылған Мұқағали туған жерін тамсана жырлайды.

2-оқушы: «Қарасазым» Меруерт

2 -Жүргізуші Мұқағали еңбекке ерте араласып, ауылдық кеңестің хатшысы, қызыл отаудың меңгерушісі, комсомол комитетінің мүшесі, жеті жылдық мектептің мұғалімі болды.

3-оқушы «Мен таулықпын» Бүлдіршін

1-Жүргізуші М. Мақатаев Нарыңқол аудандық «Советтік шекара» газетіне орналасып, қаламгерлікке ден қояды. Мұнан соң «Социалистік Қазақстан» қазіргі «Егемен Қазақстанда», «Мәдениет және тұрмыс», қазіргі «Парасат», «Жұлдыз» журналдарының редакциясында, Қазақстан Жазушылар одағында қызмет атқарды.

4-оқушы «Әке» Фарида

2-Жүргізуші М. Мақатаевтың өлеңдерін сүйіп оқымайтын, тыңдамайтын адам жоқ. Ақын ағамыздың қалам тартпаған тақырыбы қалмаған. Ана мұның, әке зарын, жетім-жесір қайғысын, ердің ерлігін, пәк махаббатты, достықты жырға қосқан. Сонымен бірге, өз халқының салт-дәстүрін, әдет-ғұрпын қадірлей білген ұлтжанды ақын.

Ән «Саржайлау»

1-Жүргізуші Айналасына ақ жауындай нұрын сеуіп, тау суындай мөлдір, таза сыр ағытып, келер ұрпаққа ұлағатты еңбектерін ұсынды. «Дариға - жүрек», «Аманат», «Армысыздар достар», «Өмір - өзен», «Жылап қайттым өмірдің базарынан», «Аққудың қанатына жазылған жыр» шығармаларымен жырсүйер қауымды тамсандыра баурағаны баршамызға мәлім.

5-оқушы «Ақ кимешек көрінсе» Ернияз

2-Жүргізуші М. Мақатаев поэзиясы талай жүрекке от берген. Оның жырлары оқырманмен бірге мұнайып, бірге шаттанады. Оның әр шумақ өлеңінен шындық пен ақиқат жеңісі үшін тауға да, тасқа да жар салған ақын жүрегінің үні естіледі. Туған елдің тұңғиық намысын, шыңдықтың шыңына ту етіп, қадамын нық басып, шындықты жырлаған.

6-оқушы «Шеше сен бақыттысың» Гүлжан

1-Жүргізуші:М. Мақатаевтың сазды лирикалық өлеңдерін оқыған сазгерлер үлкен әсерде болады. Мұқағали өлеңдеріне көптеген әндер шығарылды. Бұл Мұқағали өлеңдерінің өте бір нәзіктігі. Сазгерді ән салуға жетелеп, өмірге талай тамаша ән әкелді. Мұқағалидың жырлары жастардың жүрегіне, халқының жүрегіне жарқырап жетіп, жалын құйып, өзінің жарығы мен жылуын дарытуда. Оқыған сайын жаңа сырларын, сырлы саздарын төгуде.

7- оқушы «Бесік жыры» Элмира

1-Жүргізуші:М. Мақатаевтың өлеңдері, жыр-шумақтары ғасырдан-ғасырға жалғаса береді. Мұқағали Мақатаевтың есімі жалпы қазақ баласына, жырсүйер қауымға ыстық екені сөзсіз. Ақынның өзі айтқандай, оның өлең-жырлары өлген жоқ.

8-Оқушы Лашын

2-Жүргізуші Қара саз, қара шалғын өлеңде өстім,

Жыр жазсам, оған жұртым елеңдестің.

Өлсе өлер, Мұқағали Мақатаев,

Өлтіре алмас, алайда өлеңді ешкім, -

Деп өзі айтып кеткендей, ақынның өлеңдерң еш уақытта өлмейді.

9-Оқушы «Сатқаны мен сатпаймын дінімді мен» Әсел

2-Жүргізуші Ұрпақтары Мұқағалиды ешқашан да ұмытпақ емес, ұлы ойшыл кереметтей көркем өлеңдерімен мәңгі жасай бермек.

-Оқушы Айбек 1-Жүргізуші: Мұқағали Мақатаевты ұрпақтары ешқашан ұмытқан емес. Мұқағали бір ғасырда бір келетін, қазақ поэзиясының алтын домбырасы дерліктей хас талант иесі. Иә, жақсы жырды, жақсы ақынды таңдай білсек, қорғай білсек, хақымыздың рухани өзегі, сана байлығы толыға түсері анық. Мұқағали Мақатаевтың әрбір өлеңін қымбат қазынымыздай сақтап, оқуымыз керек. Ол - біздің міндетіміз.

Ұқсас жұмыстар

Ақынның Әке аманаты өлеңі

Қазақ поэзиясының хан-тәңірі - мұқағали

Мұқағали – мәңгілік ғұмыр

Мұқағали өлеңің дүрсілі

М.мақатаевтың өмірі мен шығармашылығына арналған әдеби-сазды кештің сценарийі

Туған жылың

Аққулар ұйықтағанда Ақиық ақын Мұқағали Мақатаевқа арналған әдеби - сазды кештің сценарийі

Мұқағали мақатаев "қара өлең"

Аға тіл менен ана тіл

ҮНДЕСКЕН СЕМСЕР ЖЫРЛАР

Пәндер