Бірінші аялдама

Тыңдалым : күнделікті өмірде қолданылатын таныс сөздерді қайталап, жаңа сөздермен танысу.

Жазылым : берілген сөздерге, сөйлемге қажет жалғауды, сөздерді қойып толықтырып жазу.

Оқылым: сөйлемдерді мәнерлеп оқу, мағынасын түсіну.

• Жаңа сөздерді меңгереді;
• Өтілген тақырыптар бойынша қайталап білімдерін жетілдіре түседі;

• Қанша уақыт қалды, қанша уақыт кетті айырмашылықтарын айтады;

• Уақыт аралығын түсініп, сол туралы сөз тіркестерін, сөйлем құрады

Ұйымдастыру кезеңі:

ынтымақтастық атмосферасын қалыптастыру.

• Сәлеметсіңдер ме?!
• Қалдарың қалай?
• Бүгін күннің нешесі?
• Аптаның қай күні?
• Аптаның нешінші күні?
• Бір аптада неше күн бар
• Бір жыл мезгілінде неше ай бар?
• Күз айларын атап беріңдерші.
• Далада ауа-райы қандай? Жылы ма?
• Үй жұмысына не берілді? Мемлекеттік тіл-қазақ тілі тақырыбында суреттер салуға берілген еді. Суреттерімізді жинап тапсырайық!
• Бүгінгі біздің сабағымыздың тақырыбы Ойлан, тап! деп аталады. Сабағымыз саяхат-сабақ түрінде өтетін болады. Саяхат дегеніміз не? Қалай ойлайсыңдар? Немен саяхаттауға болады? Қайда барып саяхат жасауға болады? Бүгін біз саяхат жасау арқылы белгілі бір аялдамаларға тоқтап, жаңа тақырыпты қамти отыра бұрынғы өтілген сабағымыз бойынша білімдерімізді еске түсіріп, жетілдіріп, бекіте түсейік!

Бірінші аялдама: Қане, балалар, топтасайық! Постер құрып қорғасайық! аялдамасы.

- Оқушылар, қазір біз топқа бөлініп, өз тобымыздың аттарын анықтайық! Мен сендерге үш сан берем жеті, төрт және жиырма төрт. Артында сөздер жазылған, оқимыз дауыстап, тобымыздың атауларын анықтайық!

Бірінші топ Апта тобы екен жеті санында.

Екінші топ Жыл мезгілдері тобы екен. Төрт санында-төрт жыл мезгілі бар бізде.

Үшінші топ Уақыт тобы екен.

-Енде балалар, мен сендерге постер құрып өз топтарыңды қорғау үшін мынадай көмекші құралдар, материалдар беремін (плакат, сурет, сөздер) . Сендерге он минут уақыт беремін, өз топтарыңның атауына сәйкес постер құрайық.

-Жақсы, енді постер қорғаған топтарға келесі аялдамаға жол жүру үшін бағалайтын билет берейік?!

Екінші аялдама: Кім тапқыр? аялдамасы.

Бірінші сұрақ:

Ұшақ Алматыдан Астанаға тоқсан минутта жетеді. Ал Астанадан Алматыға бір жарым сағатта жетеді. Неге?

Екінші сұрақ: бір картоп он минутта піседі. Сонда бес картоп неше минутта піседі?

Үшінші сұрақ:

Сағат бестен отыз минут кетті.

Сағат бес жарым.

Сағат алтыға отыз минут қалды.

Айырмашылығы қандай?

-Жақсы, енді Кім тапқыр аялдамасынан келесі аялдамаға жол жүру үшін бағалайтын билет берейік?!

Төртінші аялдама: Кім жылдам? аялдамасы. Сұрақ-жауап арқылы.

Күн ұзақ па? Апта ұзақ па?

Апта ұзақ па? Ай ұзақ па?

Ай ұзақ па? Жыл ұзақ па?

Бір сағат ұзақ па? Алпыс минут ұзақ па?

Бір сабақ ұзақ па? Қырық бес минут ұзақ па?

- Кім жылдам аялдамасынан келесі аялдамаға жол жүру үшін бағалайтын билет берейік?!

Бесінші аялдама: Менің жұмыс дәптерім аялдамасы.

№ бірінші жұмыс дәптерінде 26-27 беттегі 1 мен 2-нші тапсырмаларды жазбаша орындаймыз. Буын дегеніміз не? Еске түсіреміз. Сөзді қалай буынға бөлеміз?

-«Қымбат» деген сөзде неше буын бар?

-Екі буын бар.

-Қандай?

-Қым- бат.

-Бірінші буын қандай буын?

-Жуан буын.

-Екінші буын қандай буын?

-Жуан буын.

(жол билеттері арқылы оқушыларды бағалаймыз)

Келесі Үй жұмысы аялдамасы. Сандар өлеңін жаттау. (әр оқушыға әр түрлі санға байланысты өлеңдер кеспеде беріледі)

Жетістік критерийлері:

1. Оқушы сағаттың қанша болғанын ажыратып айта алады.

2. Уақыт айырмашылықтарын түсіне біледі.