Ұзын құйрық инелік, Инелікке тимелік

Куккузова Фарида Ерлановна
Райымбек ауданы Нарынқол ауылы Бердібек Соқпақбаев атындағы орта мектеп
Ана тілі 4-сынып
Тақырыбы: Үйрену. Әбдірахман Асылбеков.
Мақсаты: Оқушыны Әбдірахман Асылбековтің <<Үйрену>> атты өлеңін мәнерлеп, түсініп оқуға үйрету, өлеңнің өзекті түйінді ойын ашуға жағдай жасау, өз бетінше шығармашылықпен жұмыс істеуге баули отырып, байланыстырып сөйлеуін, шығармашылық ойлауын дамыту. Тапқырлыққа, алғырлыққа баулу
Түрі: аралас сабақ.
Әдісі: сұрақ-жауап, талдау, іздену, ойын
Көрнекілігі: суреттер, кесте.
Сабақтың барысы:
І. Ұйымдастыру кезеңі.
-Балалар, қазір бізде ана тілі сабағы. Бәріміз сабаққа керекті құрал-жабдықтарымызды алдық па? Кезекші кім? Сабақта кім жоқ?
-Сабаққа дайын болсақ сабағымызды бастайық.
ІІ. Үй тапсырмасын сұрау:
Бөлімдер бойынша әр оқушыға жеке әңгімелету
1. Сурет салу үйірмесі
2. Салауат ағайдың ана жайлы әңгімелері
3. Атақты суретшілердің ана жайындағы туындылары
4. Сурет салғысы келмеген Ержан
5. Ержанның сыныптан шығып кетіп қалуы
6. Сенің ойың? Әңгімені қалай аяқтар едің?
ІІІ. Үй тапсырмасын пысықтау:
-Балалар, үй құстарының бірі тауықты бәріміз білеміз бе? Тауық балапандарын басып шығару үшін не қажет? Олар балапандарын көбінесе жылдың қай мезгілінде басып шығарады?
- балалар, сендер білесіңдер ме, тауықтарға жақсы күтім, жылы жағдай жасаса олар қыс мезгілінде де балапан басып шығарады екен. Ендеше бүгінгі сабағымызда біз тауыққа балапандарын басып шығаруға көмек береміз, ол үшін үй тапсырмасы бойынша сұрақтарға дұрыс жауап берсеңдер әр жұмыртқадан балапан шығады
1.Ержан неге сурет салғысы келмеді?
2.Мәтіннен қандай суретшілердің атын білдің?
3.Неге Салауат ағай сасып қалды?
4. Салауат ағай ана жайында не айтты?
-жарайсыңдар, балалар, сендер білімдеріңді көрсетіп тауыққа, балапанына көп көмек бердіңдер.
ІҮ. Мақсат қою кезеңі: Балалар менің сендерге жаңа сабақты бастамай тұрып бір сұрағым бар. Сол сұрағыма жауап беріңдерші.Мектепке келгеннен кейін неге үйрендіңдер? Әңгімелеп беріңдерші. Ендеше бүгінгі сабағымызда Әбдірахман Асылбековтың <<Үйрену>> атты өлеңінен нені үйренуге болатынын білеміз
Ү. Жаңа сабақ:
1) автор жайлы түсінік беру
Өлеңді мәнерлеп, түсініп оқу. Мазмұнын ашу.
Ұзын құйрық инелік,
Инелікке тимелік
Тікұшақты жасадық,
Инеліктен үйреніп
Алғашқы тік ұшақ
Суда жүзген балықты,
Бақыладық байыпты,
Соған қарап жасадық
Біз сүңгуір қайықты
Сүңгуір қайық
Ұзын мойын сирақты
Білесіңдер жирафты
Соған қарап ағалар
Крандарды жинапты
Кран
Ақ құманның оттағы
Бүлкілдейді қақпағы
Соған қарап белгілі
Паравозды тапқаны
Паравозды ойлап тапқан
Бұлбұл үнін қаншалық
Тыңдап жүрдік тамсанып
Ақырында үйрендік
Тамылжыта ән салып
Аяз шебер суретші
Салады әсем суретті
Терезені оюлап
Өрнектеуді үйретті
Балаларға іштен, тізбектей оқыту
Адам табиғаттағы жан-жануарларға, табиғат құбылыстарына қарап, қандай өнерлер үйреніпті? (инелікке - тікұшақты, балыққа - сүңгуір қайықты, жирафқа - кранды, ақ құманның қақпағыныңбүлкілдеуі - паравоз, бұлбұлға қарап - ән салуды. Аяздың суретіне - өрнек салуды).
ҮІ.Түсінгендерін тексеру:
- өлеңді қара сөзбен әңгімелеп жеткізу\әр қатарға 2 шумақтан\
-егер адам ұшып-қонған құстарды көрмесе , ұшу жөнінде ойлар ма еді?
- адам қайықты қалай ойлап тауыпты?
-Тағы қандай заттар мен құбылыстарға қарап нелерді жасауға болады?
Дәптермен жұмыс:
Мына үлгілік сызба бойынша оны дәптеріңе толықтырып жаз.
Неге қарап нені үйренуге болады?
<<Сәйкестендір>> ойынын ойнату:
Суреттерді өлең мазмұны бойынша сәйкестендіру
инелікке - тікұшақты
балыққа - сүңгуір қайықты
жирафқа - кранды
ақ құманның қақпағыныңбүлкілдеуі - паравоз
бұлбұлға қарап - ән салуды
Аяздың суретіне - өрнек салуды
ҮІІ. Қорыту.
Осы өлеңді оқығаннан кейін сенің өзің қандай затты жасауды, үйренуді армандадың?
ҮІІІ. Үйге тапсырма: 1. түсініп оқу, сурет салу. 2. Бағалау.