Сиқырлы кітап

«№ 7 жалпы білім беретін орта мектебі» КММ

(1 арнайы сынып)

Дефектолог мұғалімі : Адаева Ш.А.

2016-2017 оқу жылы

1.Сабақтың тақырыбы: «Не деу керек. Буын білімді тиянақтау».

2.Сабақтың мақсаты:

Білімділік: Оқушыларға өлеңді тыңдата отырып, осы өлеңдегі сауалдарға
бейнелеу арқылы жауап алу, ойларын тиянақтау, қатынас, таным, әлеуметтік
ортаға бейімдеу.

Дамытушылық: Өзіндік тәжірибеге сүйене отырып, тыңдауға, ауызша жаттауға
дағдыландыру, жаттығулар арқылы балалардың есте сақтау, көру арқылы, ойлау
қабілеттерін дамыту.

Тәрбиелік: Имандылыққа, мейірімділікке, кішіпейілділікке тәрбиелей отырып
әдептілікке баулу.

3.Әдіс – тәсілдері: Сұрақ – жауап, әңгімелеу, көрсету.

4.Түрі: Тиянақтау

5.Көрнекілігі: Сиқырлы кітап; Суреттер (ауызша жаттау); жазуға төселдіру;
Дидактикалық ойын; Сурет сериялары.

Сабақ барысы: Ұйымдастыру кезеңі. Оқушыларды түгендеу. Оқу құралдарын
дайындау.

Психологиялық сәт

Арайлап бүгін атты күн!

Қуанатын күн келді.

Күліп шықты күн бүгін

Қайырлы таң! Қайырлы күн !

Сәлеметсіздер ме, қоңақтар, мұғалімдер!

Ойын « Менімен қайтала »

Балалар түзу тұрады. Көрсеткен қимылды қайталайды.

Мұғалім: Балалар, бүгін бізде ерекше сабақ, қоңақтар келіп отыр. Бізге
«Сиқырлы кітап» әкеліпті. Оның ішінде тапсырмалар бар екен. Тапсырманы
орындасақ сиқырлы кітап құпиясы ашылады.

Сиқырлы кітап 1 бет.

Тыңда, сөйлеп үйренеміз.

- Көшеде үлкен ата құлап қалды?

- Сен не істер едің?

- Балалар сыйлық алғанда не деп барып алу керек?

- Автобуста қарт әжеге орын бересің бе?

- Досыңды реңжітіп алдың, не деу керек?

- Дастархан басында сен өзіңді қалай ұстайсын?

2 бет

Үй тапсырмасын сұрау.

Қойылым қою арқылы

Атаң сенің базардан

Алма сатып әкелді

Ең үлкенің жақсысын

Саған таңдап әперді.

Не деп барып жеу керек?

-Рахмет-

-Балалар жүр көшеде

Естіледі шу айғай

Сен де шықтың көршіңді

Қағып кеттің байқамай

Мұндайда не деу керек?

-Кешіріңіз-

- Әжең сенің түскі асқа

Қант-кәмпит салды мол

Жұрттан бұрын ыдысқа

Өз бетіңмен салдың қол

Жөн еді не айтқаның ?

-Рұқсат па? –

-Добын апар Назардың

Деді ағаң бармадың.

Тапжылмадың сазардың

Аға тілің алмадың,

Сен қай сөзді айтпадың?

-Иә, жарайды-

3 бет. Тапсырмасы

Жазуға төселдіру. (Музыка ойнап тұрады).

Әжеміз бізге шөлке,тақия, күрте, қолғап, желет тоқып жатқан, шаршады.
Кәне әжеге көмектесейік.

4 бет. Қол жаттығуы

Биік – аласа

Анда – мында

Мен – сен

Жуан – жіңішке

Алыс – жақын

Оң қолым – сол қолым

5 бет. Жазу сабағы

Суретке назар аударайық.

Мынау не? Машина- М

Қай дыбыстан басталады? Бала- Б; Қарға- Қ; Кірпі-К; Әже – Ә; Тарақ- Қ;

Осы сөздерді буынға бөлейік. Ба-ла (2); Ма-ши-на (3); Әріптерді жазу

6 бет. Эмоция жаттығуы

Шаршадым - уһ дедім,

Ренжідім - туһ дедім,

Қорықтым – Ой дедім,

Таңырқап – О дедім,

Қуанып – ха – ха дедім.

7 бет. Сурет бойынша жаттайық.

Бір шаңырақ астында

Тату – тәтті тұрамыз.

Еңбек етіп ерінбей

Әке ақылын тыңдаймыз.

Достығымыз жарасқан

Бір үйде біз тұрамыз.

8 бет. Тіл ұстарту жаттығуы.

Ян-ян-ян

Бұл қоян

Ян- ян- ян

Бұл қоян емес, шаян.

9 бет. Ойнайық, ойлайық.

-Балалар, мына бөліктерді құрастыру арқылы бейнелер шықты.

Не шықты?

Не көрдің?

Не білдің?

10 бет. Қол моторикасын нығайту жаттығулары.

-Түймені ағыт

- Жіпті шеш

Ұжыммен жұмыс. Бірлесе жұмыс жасауға бейімдеу, бір – біріне көмек беруге
дағдыландыру.

Балалар, міне “ Сиқырлы кітап ” құпиясын таптық, оның тапсырмаларын
орындауға өз үлесімізді қостық.

Тапсырмаларды орындағандарың үшін рахмет айтып, тілек жазып қойыпты,
және тосын сый жасапты.

Хатты оқу.

Тосын сыйды үлестіру.

Міне, сабағымыз аяқталды. Бәріңе “ жарайсыңдар ” демекпін.

«№ 7 жалпы білім беретін орта мектебі» КММ

(1 арнайы сынып)

Дефектолог мұғалімі : Адаева Ш.А.

2016-2017 оқу жылы