Іріктеу турының сұрақтары

$F:\Documents and Settings\а\Рабочий стол\ЛИЧНОЕ\Фото1\Айман фото.bmp$

Жалиева Айман Алтыбаевна

Совет Одағының Батыры Мәди Бегенов атындағы жалпы білім беретін орта мектептің математика пәнінің мұғалімі

Маңғыстау облысы

Бейнеу ауданы

Ақжігіт ауылы

Математикалық турнир

Мақсаты :

-оқушылардың дүниетанымдық көзқарасын кеңейту, ой-өріс мүмкіндігін дамыту;

-математикаға қызығушылығын арттыру;

-есте сақтау, логикалық ойлау қабілетін, тапқырлығын, өз-өзіне сенімділігін арттыру.

Көрнекі құралдар : бейнепроектор, математика жайындағы қанатты сөздер:

-«Математика-ақыл-ойдың гимнастикасы»(М. В. Суворов)

-«Сан-математика ғылымының іргетасы» (О. А. Жәутіков)

-«Математика-ғылымдар патшасы» (К. Гаусс)

Ойынның ережесі:

-іріктеу турының сұрақтарына жауап берген оқушы ойыншы болады;

-Ойыншы дұрыс жауап берген әрбір сұрағына 1 жетон алады, бұрыс жауабына жетонды қайтарады;

-егер ойыншы 4 жетоннан аз жинаса, ойыннан шығады;

-ІІ турда ойыншы 5 жетоннан кем жинамауы тиіс;

-«Иә-жоқ» конкурсында 3 жетоннан кем жинамауы тиіс;

-«Аукцион» конкурсында 3 не одан да көп жетон жинауы қажет;

-ең көп жетон жинаған ойыншы жеңіске жетеді.

Ойынның жүрісі:

Мұғалім: Оқушылар, бүгін біз біреулер үшін қызықты, ал біреулер үшін қиын да, іш пыстырарлық математика ғылымы туралы білімімізді кеңейтіп, кей сәтте әзілге де жол беретін боламыз.

Сергіту сәті: «Бұл математикалық термин бе?»

Мұғалім : Егер «иә» десек қол шапалақтаймыз, «жоқ» десек үнсіз қаламыз.

Үшбұрыш, теңдеу, диаметр, холерик, биссектриса, формуляр, бұрыш, цифр, ребус, апофема, шар, кадет.

Музыка ойналады. (Сұрақ тоқтайды)

1-жүргізуші: Тыңдаңыздар, тыңдаңыздар!

2-жүргізуші: Құлақ салыңыздар, естімедік деп айтпаңыздар!

1-жүргізуші: Математика патшайымы ең талантты, ең ақылды және ұқыпты, ең тапқыр да әзілқой балаларды табуды бұйырды.

2-жүргізуші : Және математикалық турнир жариялайды.

1-жүргізуші : Жеңімпаздарды «Үздік математик» патшалық атағы күтіп тұр!

2-жүргізуші: Сонымен, іріктеу туры жарияланды! Сұрақ оқылғаннан кейін (сұрақ бейнепроектормен көрсетіліп, оқылады) сіздер қол көтересіздер. Әділ қазылар алқасы мұқият бақылайды. Кім де-кім бірінші қол көтеріп, дұрыс жауап берсе, сол жетонға ие болып, І турдың ойыншысы болады.

Іріктеу турының сұрақтары:

Кәрзеңкеде 15 қара өрік бар. Айнұр компотқа 1/3-н салды. Компотта неше қара өрік бар? (5)
5 май шам жанып тұр, екеуін өшірді. Қанша май шам қалды? (2)
Барлық цифрлардың көбейтіндісінде қанша 0 болады? (1)
7 адам бір-бірімен фотосуреттерімен алмасты, қанша сурет таратылды? (42)
Қандай жағдайда екі санның қосындысы бірінші қосылғышқа тең болады? (Егер екінші қосылғыш 0-ге тең болса)
Егер біз 2-ге қарап, 10 десек, бұл қалай болғаны? (Сағатта минуттық тілі 2-ні көрсетсе, 10 минут болады)
25 үйрек ұшып келеді. Бір үйректі атып алды, қанша үйрек қалды? (1)
1 жұмыртқа 5 минутта піседі, 5 жұмыртқа қанша минутта піседі? (5 минут)
Екі ондықты екі ондыққа көбейткенде қанша ондық болады? (40 ондық)
Жүздің жартысын жартыға бөлсе нешеден келеді? (Жауап: 100:2 =50; 50: 1/2 = 100)

Қосымша сұрақтар:

1-сынып оқушысының үйі 10 қатарда, бірақ 7 қатарға барады да, ары қарай жаяу барады. Неге? (Лифтідегі кнопкаға бойы жетпейді)
Екі әке, 2 бала 3 мандарин сатып алды. Олар әрқайыссына бүтін 1 мандариннен келетіндей етіп бөлісті. Бұл қалай? (Атасы, әкесі мен баласы)

І тур

1-жүргізуші : Іріктеу турынан өткен балалар келесі турға қатысу үшін орындарыңызға келіңіздер. Дайындалыңыздар! Қазір сіздерге ой-өріс қабілетімен қоса математикалық білім қажет болады.

А. С. Пушкиннің «Балықшы мен балық туралы ертегісінде» шал неше жыл балық аулады?

А) 30 жыл; Б) 3 жыл; В) 33 жыл 1 күн; Г) 33 жыл .

2. Ақиқаттығы дәлелденетін тұжырым қалай аталады?

А) Аксиома; Б) Көбейтінді; В) Теорема ; Г) Ұйғарым.

3. Қабырғалары тең параллелограмм бұл- . . .

А) Тіктөртбұрыш; Б) Ромб ; В) Квадрат; Г) Төртбұрыш.

4. Математикададағы «Негіздер» еңбегінің авторы?

А) Архимед; Б) Фалес; В) Евклид ; Г) Пифагор

5. Бір қабырғасы ортақ, ал қалған қабырғалары толықтауыш жарты түзулер болатын бұрыш қалай аталады?

А) Вертикаль; Б) Тік; В Сүйір) ; Г) Сыбайлас

6. Екі қабырғасы параллель, қалған екі қабырғасы параллель емес төртбұрыш . . .

А) Трапеция ; Б) Тіктөртбұрыш; В) Ромб; Г) Квадрат.

7. Диагоналдары перпендикуляр параллелограмм . . .

А) Квадрат; Б) Тіктөртбұрыш; В) Р омб ; Г) Параллелограмм.

8. Диагоналдары тең параллелограмм . . .

А) Ромб; Б) Квадрат; В) Трапеция; Г) Тіктөртбұрыш.

9. Трапецияның бүйір қабырғаларының ортасын қосатын кесінді . . .

А) Сәуле; Б) Биссектриса; В) орта сызық ; Г) Медиана

10. Амалды орындай отырып, жасырын сөзді тап.
СУ + Е - У + МАЕ - А + Й = . . . (Семей)

А) Май; Б) Семей ; В) Сұлу ай; Г) Су ми

11. Тіктөртбұрыштың өзіне тән қанша қасиеті бар?

А) 6; Б) 5; В) 5; Г) 1

12. Астанаға бара жатқан кемпір жолда 2 адамды кездестірді. Олардың қолдарында бір-бір мөшек, әр мөшекте біреуден мысық бар. Барлығы қанша жан Астанаға бара жатыр.

А) 3; Б) 4; В) 1 ; Г) 5.

13. Қай сағат тәулігіне екі рет дұрыс уақытты көрсетеді?

А) Құм сағат; Б) бұзық, жүрмейтін сағат ; В) Күн сағаты; Г) Қол сағат.

14. Жерге ең жақын күндізгі уақытта көрінетін жұлдызды атаңыз?

А) Күн ; Б) Шолпан; В) Марс; Г) Меркурий.

ІІ тур. «Тәжірибе»

Бірден жауап берсе -5 ұпай, келесі жеңілдіктер алғанда 1 ұпайдан шегеріліп отырады.

Ішінде шахматтары бар қара жәшік әкелінеді.

Жеңілдіктер:

5 ұпай . ХХ ғасыр тарихшысы Роуз бұл ойын туралы былай деген: “Бұл - жаныңды қозғайтын сөзсіз әңгіме, үміт пен өкініш, өлім мен өмір, поэзия мен ғылым, Ежелгі Шығыс пен қазіргі Европа”.

4 ұпай. Отаны-Үндістан. Жасы-15 жүзжылдық. Ежелгі аты-чатуранга. Өнертапқыштың аты белгісіз.

3 ұпай. Праганың Стейниц атты тұрғыны осы ойын арқылы өз атын шығарды.

2 ұпай. Екі король арасындағы тұрақты ұрыс.

1 ұпай. Бұл ойында аттар мен пілдер бар.

Түсініктеме: Бұл жасырылған зат - Шахмат.
Шахмат - ақылдылық пен әділдік символы. Шахмат дегеніміз өнер ме, спорт па, әлде ойын ба деген сұрақ төңірегінде қазірде де айтыс туады. Біреулер үшін - еңбек, біреулер үшін - демалыс. Бірақ бір нәрсе белгілі: шахмат ойнау үшін еркіндік, шыдамдылық, қойылған мақсатқа жетуде төзімділік, жоғары есте сақтау қабілеті, логикалық ойлау, математикалық қабілеті, талант болу керек.