Көрікті көктем аруы

Аққала орта мектебі

Сыныбы: VII

Түрі: Сайыс

Дайындаған: Жансултанова Б

2014-2015 оқу жылы
Тақырыбы: <<Көрікті көктем аруы>>.
Мақсаты: Білімділік: Қыз балалардың жан дүниесіндегі көркемдік талғамын қалыптастыру.
Дамытушылық: Балалардың танымдық және шығармашылық қабілетін, эстетикалық талғамын, шеберлігін дамыту.
Тәрбиелік: Көпшілік алдында өзін - өзі ұстай білуге, әдептілікке, мейірімділікке, сұлулыққа тәрбиелеу.
Жүргізуші: Армысыздар, құрметті көрермендер! Көктемнің алғашқы 8 - наурыз мерекесі құтты болсын!
Өмірдің иесі сен ғана ғазиз ана,
Келтірген дүниеге нелер дана.
Анасыз батыр да жоқ, ақын да жоқ,
Өмірдің алтын кілті сонда ғана.
Деп жырлағандай бүгінгі << Көрікті көктем аруы>> қыз сыны сайысына қош келдіңіздер!
Қыз сыны, қыз өнері, қыз әдебі,
Тал бойына жарасқан күлкі әлемі.
Бір көріп таң қалдырмай сахнада,
Өмірде сақталсыншы бұл әдебі - деп ару қыздарымызды ортаға қошаметпен шақырайық. Сайысымыздың шарты бойынша қыздар өз нөмірлерін алып өз өнерін көрсетеді.
Жүргізуші: Шалқытып мерекеде ән салайық,
Өнерпаз өрендерге тамсанайық
Әділдік пен шындықты арқа тұтқан
Әділқазы алқасымен танысайық.
(Әділ - қазылармен таныстыру)
1. Директордың тәрбие ісі жөніндегі орынбасары - Есқалиева Гүлнафис Маратқызы
2. Директордың оқу ісі жөніндегі орынбасары - Қомашева Жаухазын Шафхатқызы
3. Тәлімгер - Ескаирова Гульзара Есжанқызы
4. Қазақ тілі пәнінің мұғалімі - Науанова Жаңылсын Жақауқызы
Ендігі сәтте бүгінгі сайысымыздың шартарымен таныстырып өтейін. Сайыс 5 - бөлімнен тұрады. І. Таныстыру. Байқауымыздың бұл бөлімінде аруларымыз өзін - өзі таныстырады. Бұнда аруларымыздың көркемдігі және сырт сымбаты, жүріс - тұрысы сынға түседі.
II. <<Білімді мыңды жығар>> әртүрлі сұрақтар беріледі.
III. <<Өнерлі өрге жүзер>>, әр ару өз өнерлерін көрсетеді. (Барлық өнер түрлері жатады, оның ішінде ән, би, мәнерлеп оқу).
IV. <<Тіл жүйріктен де озады>> - жасырылған сөзді тауып, үш тілде айту.
V. <<Ас - адамның арқауы>>. Бұл бөлімде дайындап алып келген тағамды қалай жасағанын айтып қорғау.
Жүргізуші: Сайысымыздың алғашқы бөлімі <<Таныстыруға>> кезек берейік.
Өнер қуып арулар өтер дейміз,
Бір басына өнері жетер дейміз.
Сайысқа түскен қыздар кезектесіп,
Өздерін таныстырып өтер дейміз.
Жүргізуші: Ақылдылық қыздарға жарасады,
Көзі ашықпен бәрі де санасады
Келесі <<Білімді мыңды жығар>> сайысында
Сыналар білімі мен парасаты - дей отырып, келесі кезекте сұрақтарға жауап берейік.
1. Ананың анасы сізге кім болады? (Нағашы әже)
2. Қазақстанның Президенті кім? (Н.Назарбаев)
3. Малдың сүтінен дайындалатын ұзақ сақталатын тағам (құрт)
4.Үш арсызды ата. (ұйқы, күлкі, тамақ)
5. Қазақтың діни мейрамы ( құрбан айт, ораза айт)
6. Ұлыс күні жасалатын тағам? (Наурыз көже)
7. Сүттен жасалатын тағам? (Көже, айран, ірімшік, қаймақ, май).
8. Қазақ әйелдерінің сәндік әшекей бұйымдары? (сырға,білезік, жүзік, сақина, алқа).
9. Табиғи жүнді неден алады? (Қой, ешкі).
10. Көкөністен дайындалған салқын тағам. (Салат)
11. Киіз үй жиһазын ата (кебеже, абдыра, кереует, жастағыш, жүк аяқ, тұс киіз, кілем)
12. Абай Құнанбаевтың әжесі? (Зере).
13. Ас пісіруші маман адам? (Аспаз).
14. Киелі құс (аққу)
15. Жеті күнді ата? (Дүйсенбі, Сейсенбі, Сәрсенбі, Бейсенбі, Жұма, Сенбі, Жексенбі)
Жүргізуші: Жадырап сәуле бейне күн дидары.
Бұлбұлдай дауысыңмен ән силашы,
Күй тартып, би де биле, өлең оқы
Аруға қай өнер де жарасады, - дей келе <<Өнерлі өрге жүзер>>, сайысымыздың келесі кезегіне берсек. (Қане, қыздардың өнерін тамашалайық)
Жүргізуші: Тамызып мақал тілінің
Білімді болсаң жарарсың.
Ұшқыр ой, талап, біліммен
Әлемді жаулап аларсың, - дей келе келесі кезек <<Тіл жүйріктен де озады>> - мақалды жалғастырып үш тілде айту.
1. Отанды сүю отбасынан басталады. (Отбасы - семья - family)
2. Отансыз - адам, ормансыз - бұлбұл. (Адам - человек - man)
3. Өнер алды - қызыл тіл (тіл - язык - language)
4. Ер қанаты - ат (ат - лошадь - horse)
5. Доссыз өмір - тұзсыз ас (ас - еда - food)
6. Мектеп - кеме, білім - теңіз (теңіз - море - sea)
7. Кітап - білім бұлағы, білім - өмір шырағы. (Кітап - книга - book)
8. Әке көрген оқ жонар, шеше көрген тон пішер. (Шеше - мать - mother)
9. Дос - жылатып айтады, дұшпан күлдіріп айтады. (Дос - друг - friend)
10. Күш білімде, білім кітапта (білім - знание - knowledge).
Жүргізуші: Ата-бабамыздың ежелден келе жатқан салт - дәстүрлерінің бірі -қонақжайлылық. Қандай жағдайда да „құдайы қонақпын" деп келген адамды кеудесінен итермей, жылы шыраймен қарсы алып, қолдағы барымен дегендей, шамасы келгенше сый - құрмет көрсетіп аттандыру әркімнің парызы сияқты болатын. Ендеше, бесінші сайысымыз - <<Ас - адамның арқауы>>. Бұл бөлімде дайындап алып келген тағамды қалай жасағанын айтып қорғау.
Жүргізуші: Осымен бүгінгі сайысымыз мәресіне жетті. Енді сөзді төрешілерімізге берейік. Қорытынды. Әділқазылар сөз алып (көктем аруы, көрермендер көзайымы, мың бұралған биші, өнерлі қыз, көрікті қыз, бұлбұл дауысты қыз, әдепті қыз,
сабырлы және нәзік қыз) атты номинациялары бойынша жүлделер берілді.
Өнеріміз сайыста,
Жетелейді алысқа.
Бүгінгі күннің жеңісі,
Достық болып қалуда.
Жүргізуші: Қыздар, бүгін сендер өз білімдеріңді ортаға салып тамаша өнер көрсеттіңдер. Сайысқа қатысқан қыздарымызға және көрермендерімізге үлкен алғысымызды айтамыз. Осындай іс - шараларға белсене араласып, ат салысып қатысқандарыңызға көп - көп рахмет, келесі кездескенше ел аман, жұрт тыныш болсын!
Наурыз құтты болсын!
Ұлыс оң болсын!
Ақ мол болсын!