4 саны мен цифры: құрамы және төртбұрыш пен шаршы ұғымдары

Сабақтың тақырыбы: 4 саны мен цифры. Төртбұрыш. Шаршы.

Сабақтың мақсаты:

4 санымен және 4 цифрының жазылуымен, 4 санының құрнамымен таныстыру; төртбұрыш, шаршы туралы түсініктерін қалыптастыру.
Оқушылардың ой-өрісін ойлау қабілеттерін математикалық тілін дамыту, пәнге қызығушылығын арттыру.
Оқушыларды алғырлыққа, тапқырлыққа және дұрыс есептеуге, ізденімпаздыққа тәрбиелеу.

Сабақтың түрі: жаңа білім енгізу.

Сабақтың әдісі: сұрақ-жауап, түсіндіру.

Көрнекілігі: сандар, суреттер

Сабақтың барысы:

І. Ұйымдастыру бөлімі.

Оқушылардың назарын аудару.

ІІ. Өткен тақырыпты пысықтау

-Балалар, Жан-жаққа кетті зымырап,

Мысықтан қорыққан тышқандар.

Қорапқа кірді біреуі,

Соңынан кетті екеуі.

Тығылды сонда нешеуі? (1+2=3)

Ұлпа жүнін қыздырып,

Күн шуақта бір күшік.

Отыр еді маңына

Келді тағы екі күшік

Нешеу болды сен сана?

-Балалар, өткен сабақта қандай тақырыппен таныстық?

- 3 Саны мен цифры.

ІІІ. Жаңа сабақ.

-Енді, балалар, көңілімізді тақтаға аударайық.

-Екі балапан тұр,

Екі балапан отыр.

Шатаспай тез ойлансақ,

Тура тауып атасақ,

Тұрғаны бар, отырған,

Барлығы қанша балапан?

-Дұрыс балалар, ендеше бүгінгі сабағымыздың тақырыбы 4 саны және цифры. (Мұғалім тақтаға 4 саны цифрының жазба түрін көрсетеді)

Төрт жыл мезгілі 4 санымен белгіленеді.
Үштен кейін төрт болар,

Бір жылда төрт мезгіл бар.

Қыс мезгілі -күн суық,

Ақ қар жатыр жер жауып.

Көктемде болар жер жаңа,

Егейік егін далаға.

Жазғытұрым күн ұзақ,

Аптап тұрар күн шуақ.

Алтын күз бізге берер нұр,

Жеміс-жидек пісіп тұр.

Төрт төртім бар,

Төрт тортым бар.

Төртім -маған

Тортым-саған.

ІV. Оқулықпен жұмыс

№1. Тапсырма бойынша санның сан сәулесіндегі орнын және 3-ке 1-ді немесе 2-ге 2-ні қосу жолымен 4 санын шығарып алуды түсіндіру.

-Бірінші суретте бір түспен неше торкөз боялған? Нешеуін басқа түспен бояды? Мұны қалай жазуға болады? Неше болды? Демек 4-бұл

Мысалдар төрттігін құру жолын түсіндіру. Мұндай жұмыс оларды қосу мен азайту арасындағы байланысты түсінуге әкеледі.

№2. Дәптерде оқушылардың өздері орындауға берілген. Бұл тапсырманы орындамас бұрын 4 санының құрамы қайталанады.

№3. Ауызша орындау кезінде 4-ке дейін тура және кері санауға жаттығады.

Төртбұрыштың мәнді белгілерін түсіндіру. Жинақ полотносына геометриялық фигуралардың үлгілері бекітілген. Мысалы, әртүрлі үшбұрыш және 1 төртбұрыш. Артық фигураны табыңдар. Бұл фигураны қалай атауға болады? Бұл фигура неге төртбұрыш деп аталады? Төртбұрыштың бұрыштары нешеу? Неше қабырғасы бар?

№4. Төртбұрыштың әр түрімен танысады.

№5. Бекіту жұмысы.

№6. Оқушылар берілген фигураны құрастыратын қиындыларды дайындап қоюлары керек.

V. Сергіту сәті.

Шаршасаңдар балалар,

Қолдарыңды созыңдар.

Саусақтармен ойнаңдар,

Қолдарыңды сермеңдер.

Денелерің шынықсын

Саналарың тынықсын.

VІ. Дәптермен жұмыс.

№1. Оқушылар 4 цифрын торкөзде жазу жолымен танысқаннан кейін ауада жазып шығады. 4-тің жазылу үлгісін толтырады.