Соңғы тыныштық

Өзiн-өзi тану сабағының жоспары

Мектеп: Б.Сүлейменов атындағы орта мектеп
Мерзімі:
№21-сабақ
Мұғалім: Дуйсмағанбетова К.Н.
Сынып: 2
Оқушылар саны:
Тақырыбы: Еңбек- бәрін жеңбек
Құндылық: Дұрыс іс - әрекет
Қасиеттер: сүйіспеншілік, шыдамдылық, ұқыптылық, адамгершілік, сабырлылық, табандылық т.б.
Сабақтың мақсаты: Оқушылардың <<еңбек>>, <<бақыт>>, <<қадір-қасиет>>, <<еңбек ету>> туралы түсініктерін кеңейту арқылы, дұрыс іс-әрекет құндылығының мәнін ашу;
Сабақтың міндеттері:
Білімділік: Еңбектің адам өміріндегі мәні туралы түсінік беру, құрмет, қадір-қасиет, сыйлау ұғымдарының адами қарым-қатынастағы маңыздылыгын түсіндіру;
Дамытушылық: Еңбек ету арқылы мейірімділік, адамгершілік,қамқорлық, сыйластық, қасиеттерін дамыту;
Тәрбиелік: Еңбексүйгіштікке, жауапкершілікке, мәдениеттілікке тәрбиелеу.

Сабақ барысы:
1. Ұйымдастыру кезеңі.
Ресурстар:
(құралдар, мәліметтер)

2. Тыныштық сәті
Су асты патшалығына ойша саяхат
(Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).
Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.
Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).
Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.
Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

3. Үй тапсырмасын тексеру.
Б. Әділов. Еңбексіз өмір- сүреңсіз.( Мысал-әңгіме)
-Мысал әңгімедегі Қара пышақ қандай адамға ұқсайды?
- Сары пышақтың қандай ісі сендерге ұнады?
4. Дәйексөз
Еңбек - қуаныш, жалқаулық - айырылмас азап. (Абай)
5. Сергіту сәті
<<Көңілді күн>>

6.Мұғалім сыйы
<<Құмырсқа мен инелік >> тақырыбында бейнеролик көру
* Құмырсқа әрекеті қандай?
* Инеліктің әрекеті қандай?
* Құмырсқа инелікке қандай жақсылық жасады?

7.Шығармашылық жұмыс

І тапсырма.Мақал - мәтелдің жалғасын тап.
1.Еңбек етсең ерінбей, ...
2.Еңбек түбі- ...
3.Еңбектің наны тәтті, ...
4.Ердің атын ... шығарады.
5.Еңбек бәрін ...

ІІ тапсырма.Өлең ұйқасын тап
Еңбек
Нұрхан Жанаев
Қырға шықсаң ................,
Мұның аты - Еңбек.
Кесте тіксең, ...................,
Мұның аты - Еңбек.
Сабағыңа .......................,
Әзірленсең - Еңбек.
Қиындықтың .....................,
Еңбек қана жеңбек.
(бәрін, зерлеп, жөндеп, өрлеп)
Балалар, келесі тапсырманы біз С.А.Назарабаеваның туылған күніне арнап жасаймыз. Орындаған жұмыстарыңызды балалар, почта арқылы Сара апайға жолдаймыз.
Тапсырма:
І топ.С.Алпысқызына Ашық хат жазу.
ІІ топ.Түрлі - түсті қағаздан гүл жасау.
8.Дәптермен жұмыс
Берілген суретті пайдаланып, сөйлемді оқыңдар. Суретті бояңдар

9. Топпен ән айту

Болайықшы осындай
Сөзі мен әнін жазған: А.Меңжанова
Жақсы бала еңбекшіл
Ер азамат болады.
Қиындықты жеңіп кіл,
Құшағы гүлге толады.

Қайырмасы:
Еңбекшіл осындай,
Болайықшы, досым-ай.

Таза бала мұнтаздай,
Сүйсінеді қараған,
Ұқыпты деп бұл қандай,
Жақсы көрер бар адам
10.Үйге тапсырма
<<Жақсылардың жақсысы>> аңыз-әңгімесін оқу (бет)

11. Соңғы тыныштық.
Баяу әуен қойылады. Оқушылар денесін, басын тік ұстап, көзін жұмып отырады. Мұғалім жәй дауыспен:
<<Бүгінгі сабағымызды есімізге түсірейікші. Біз кітап оқып, сабақ айтып, еңбек ету арқылы өзіміздің көңіл - күйімізді көтердік. Сабақта көрініс тапқан жақсы қасиеттер жүректерімізде сақталып, іс жүзіне асырылсын. Жақсы ой ойлайық, жақсы сөз сөйлейік, жақсы іс жасайық! Осындай тыныштықта сәл отыра тұрайық. Қандай жан тыныштығы! Енді жайлап көздеріңді ашуға болады>>