ЭКОЛОГИЯЛЫҚ ЖОБА

Павлодар облысының білім беру басқармасы
Павлодар инновациялық көп профильді колледжі

ТӘРБИЕ САҒАТЫ
Тақырыбы: <<Елін сүйген Елбасы>>

Күні: 30.11.18
Сынып: 3
Орындаған: Кастретова Д.Н
Тобы: Б-42
Сынып жетекшісі: Тлеулинова Б.Т

Павлодар қаласы
2018-2019 оқу жылы
Күні: 30.11.2018
Тақырыбы: Елін сүйген Елбасы.
Мақсаты:
1.Болашақ ұрпаққа Елбасымыз Н.Ә.Назарбаев туралы мағлұмат беру
2.Елбасының өмірін, еңбек жолын үлгі-өнеге ете отырып, патриоттық сезімдерін арттыру.
3.Ел Президентін құрметтеуге, егемен елімізге қамқор болу білуге тәрбиелеу.
Көрнекіліктер: Үнтаспа, суреттер, Н.Ә.Назарбаевтың қанатты сөздері.
Әдіс-тәсілі: түсіндіру, әңгімелесу, сұрақ-жауап
Барысы:
І. Ұйымдастыру кезеңі
Алаулаған алабынан нұр тамып,
Қазақ елін бүкіл дүние жүр танып.
Көк байрағың желбірейді төріңде,
Гимнің тұр көгіңде шырқалып. (Қазақстан Республикасының Мемлекеттік Гимні орындалады)
ІІ. Негізгі бөлім
Жүргізуші: Қайырлы күн, құрметті ұстаздар, оқушылар!
Бүгінгі 1 желтоқсан Елбасымыз Нұрсұлтан Әбішұлы Назарбаевтың тұңғыш Президент болып сайланған күніне арналған <<Елін сүйген Елбасы>> атты тәрбие сағатымызды бастайық.
Мұғалім: Осы тәуелсіз еркіндікте өмір сүруге біз қалай жеттік, кімдер арқылы жеттік, иә тарих бетіне үңілсек, ол өте ұзақ жылдар бойы ата-бабамыздың қасық қаны қалғанша аянбай күресіп, елім, жерім, ұрпағым деп балаларым тыныш өмір сүрсін деп бізге тәуелсіз мемлекетті сыйлады. Осындай көпұлтты мемлекетті басқару оңай емес. Осы тәуелсіз мемлекетімізді басқару 1991 жылы 1 желтоқсанда біздің Елбасымыз Н.Ә.Назарбаевқа бұйырған екен.
-- Н.Ә.Назарбаев кім?
1-оқушы: Ол-еліміздің басшысы.
2-оқушы: Ол халқымыздың жанашыры, өте білімді, тұлға.

Жүргізуші: Н.Ә.Назарбаев 1940 жылы 6 шілдеде Алматы облысы, Қаскелең ауданы, Шамалған ауылында дүниеге келген. Атасының есімі-Назарбай, әкесінің есімі-Әбіш, Нұрсұлтан деген есімді әжесі Мырзабала беріпті.
Алланың 99 аты бар екен. Соның бірі-Нұр, тағы бірі- Сұлтан. Анасының аты-Әлжан екен. Нұрсұлтан 5 жасқа толғанда Жамбыл атаның ақ батасын алған екен. Ол Қаскелең қаласындағы Абай орта мектебін бітірген. Мектепте озат, үлгілі оқушы болыпты. Еңбек жолын Теміртау қаласында темір балқытушы болып бастаған. 1967 жылы Қарағанды металлургия комбинаты жанындағы жоғары техникалық оқу орнын, 1976 жылы партия мектебін бітірген. 1991 жылы 1 желтоқсанда біздің Отанымыздың тұңғыш Президенті болып сайланды. ҚазақстанПрезиденті Н.Ә.Назарбаев 2010 жылы 15 маусымнан бастап заңды түрде <<Елбасы>> мәртебесіне ие болды. Ол осы жетістігіне өзінің табандылығы мен еңбекқорлығының арқасында жетті.

3-оқушы: Н.Назарбаев-бәрінен бұрын өз міндетін, өз тағайындалуын терең сезінетін, үлесіне тиген міндетті жауапты әрі қажырлықпен атқаратын адам.
4-оқушы: Нұрсұлтан ата-ақ пейілді, сезімтал жан және біз үшін нағыз үлгі болар тұлға.
5-оқушы:
Нұрсұлтан ата құтты болсын мерей тойың,
Сомданып, тұлғаланып, өскен бойың.
Жер шары әлемдегі барлық елдер,
Біледі Президентіміздің ақыл-ойын.
1-оқушы:
Арманын орындадың бабалардың,
Көтердің көкшіл туын даналардың
Қазақтың асқақтатар өр рухын,
Ақтадың аппақ сүтін аналардың.
2-оқушы:
Ұл едің қатарынан артық туған,
Еңбекке жастайынан белін буған.
Танытып әрбір елге белін буған,
Жастарға жалын бердің білім қуған.
3-оқушы:
Отан деген-әр адамның жүрегі,
Оған ел де, жер де, су да кіреді.
Отанымды бар әлемге паш еткен,
Президентім-мақтанышым,тірегім.
Нұрсұлтан атамыздың сөзіне жазылған <<Үшқоңыр>> әнін тыңдайық.
Жүргізуші: Біз шын мәнінде Президент Назарбаевты біздің бәрімізге, ұлтына, сеніміне және саяси көзқарасына қарамастан қолайлы да еркін өмір сүруімізге барлық мүмкіндік жасап келе жатқаны үшін мақтан етеміз.
Н.Ә.Назарбаевтың <<Ой бөлістім халқыммен>> деген жинағынан оқушылардың жаттаған нақыл сөздері.
4-оқушы:
Отаншылдық рухы бізге ауадай қажет.
5-оқушы:
Отаны бірдің-тілегі бір, жүрегі бір.
Жүргізуші: Тәуелсіз мемлекетті Нұрсұлтандай атамыздың басқарып отырғанына біз қуаныштымыз. Қазақстанның болашағы-білімді жастармен,-дейді Елбасымыз. Сондықтан да балалар біздің алдымызда тек қана бір ғана талап, міндет ол білім алу. Білімді болсақ қана біз өз жолымыздан
Ешқашан адаспаймыз, тура жүріп, түзу өмір сүреміз деп білемін.

ІІІ. Қорытынды бөлім.
1.Қорытуға арналған сұрақтар:
2.Елбасының туған жылы?
3.Туған жері?
4.Туысқандардың есімі?
5.Еңбек жолын қай жерден бастады?
6.Алғаш рет ҚР президенті болып сайланды?

Жүргізуші:
Сіз-әке барша қазақ бәрімізге,
Жас сәби үлкен-кіші кәрімізге.
Сіз - басшы, халқың-қосшы бола бергей,
Жарасып келе жатыр әніміз де, сәніміз де,- дейкеле <<Елін сүйген Елбасы>> атты тәрбие сағатымызды аяқтаймыз.Тұңғыш Президент күні құтты болсын!

Тәрбие сағатының талдауы

Тақырыбы: Елін сүйген Елбасы!
Мақсаты: Оқушыларға Президенттің өмірбаянын түсіндіріп, Елбасы туралы баяндау және оның Қазақстан жеріне қандай ықпал тигізгенін айту. Оқушыларды білімге, еңбекке, патриоттық сезімге баулу.
Міндеттері:
1. Оқушыларды Елбасыны құрметтеу, өз мекеніне риза болу.
2. Оқушылардың <<Отаны бірдің-тілегі бір, жүрегі бір>> ұстанымымен олардың патриоттық сезімін қалыптастыру.
3. Болашақта Қазақстанның дамуына пайдасын тигізу.
Көрнекілігі: суреттер
Өткізілген орны: сыныпта
Қатысқан оқушылар саны: 5

Павлодар облысының білім беру басқармасы
Павлодар инновациялық көп профильді колледжі

ЭКОЛОГИЯЛЫҚ ЖОБА
Тақырыбы: <<Менің қамқоршы гүлім>>

Күні: 16.11.18
Сынып: 3
Орындаған: Кастретова Д.Н
Тобы: Б-42
Сынып жетекшісі: Тлеулинова Б.Т

Павлодар қаласы
2018-2019 оқу жылы
Экологиялық жоба <<Менің қамқоршы гүлім>> оқушылардың табиғатқа ұқыпты қарауы және қорғауға тәрбиелеу.
Мұғалімнің міндеті - баланың жан дүниесіне білімқұмарлықтың, талаптылықтың нәрін себу, баланың табиғатқа деген тұрақты қызығушылығын, табиғат құбылыстарын зерттей білуге ынтасын қалыптастыру болып табылады.
<<Менің қамқоршы гүлім>> жобасы бірнеше міндет атқарады:
-баланың ізденісін қабілетін қалыптастыру;
-табиғат жаратылысына жауапкершілікпен қарау;
-оқушылардың жеке басын табиғатқа деген сүйіспеншілігін және оның байлықтарын қорғау жөніндегі жауапкершілік сезімін қалыптастырып, табиғатқа деген мінез-құлық мәдениетін тәрбиелеу;
-өзіндік жұмыс істеуге дағдыландыру;
-өсімдіктерге сүйіспеншілігін арттырып, оны қызықты әңгімелер, эссе, сурет салу, өлең жазу арқылы білдіру.
Зерттеу жұмыстарын сыныптан тыс уақытта орындайды.
Зерттеу объектісі ретінде әр бала гүл таңдап алады.Гүл адам өмірінде үлкен маңызды рөл атқарады. Ол адамзатқа оттегіні береді, ауланы көгалдандырады.
Зерттеу жұмысы 3 сатыдан тұрады.
1 саты - дайындық кезеңі.
Ата-аналар жиналысында ата-аналарды осы жобаның міндеттерімен, мақсаттарымен таныстырып, әр ата-ана өз баласына қажет көмек көрсетуі сұралды. Өйткені бұл жоба отбасылық жоба болып таңылды.Ата-аналар өз балаларына гүл таңдап алуға, ол гүлдің болуы, өсу жолдары және пайдасы туралы алғашқы білімдерін кеңейтеді.
1- қадам. Әр оқушы өзіне ұнаған гүлді таңдап алды. Оның басты міндеті: гүлді бала күнде көріп жүретін, денсаулығына зиян келмейтін жерде өсіп тұруы қажет. Көп балалар үйде өсетін, кейбіреулері ата-аналарына арнап отырғызды. Зерттеу объектісіне алоэ, диффенбахия, георгина кіргізілді.
Осы қадамда қызығушылығын ояту мақсатында оқушының сыни тұрғыдан ойлау қабілеттерін ашып отыру. Оқушыларға ол гүлді неге таңдап алды соны ашық хат ретінде жазуды ұсындым. Оқушылырдың жұмыстары өте қызық болыр шықты. Мысалы: Сұлтаның әкесі ұлымен бірге өссін деп 1 тал алоэ гүлін отырғызған. Оның күту жолдарын көрсетіп, баланың қамқорлығына берген.
2 - қадам. Бұл қадамның міндеті гүлдің эмоционалдық сезім білдіру, гүлмен тіл табысу. Өйткені гүл тірі организм, гүл - жолдас, ол сенің айтқанынды орындайды, онымен сыр шертуге болады, онымен әңгімелесуге болады (әр баланың қиялына байланысты). Ең біріншіден, әр бала өзі таңдап алған гүліне есім береді.
3 - қадам. <<Менің гүлім>> атты альбом шығару. Онда оқушылар өздерінің объектілерінің суретін, өлеңмен, мақал-мәтелмен кестеге енгізіп, сызбалар жасады.