Электрондық кестеде диаграмма құруды үйрену

Күні:

Мұғалімнің аты-жөні: Жүсіпбекова Әйгерім Бердібекқызы

Кәсіби даму мақсаты:

Сынып: 7Ә

Сабақ тақырыбы:

Электрондық кестеде диаграмма құруды үйрену.

Барлығы: Диаграмма түрлерін біледі, қарапайым диаграммалар құрады.

Көпшілігі: Құрылған диаграммалардың параметрлерін өзгерте алады.

Кейбірі: Берілген деректер бойынша кесте жасап, өз бетінше диаграмма құрады.

• Электронды кестеде диаграмма құру жолдарын біледі
• Кестедегі мәліметтердің диаграмма түрлерін қолданып графикалық түрде ұсынады

• Диаграммаларды түрлі салаларда қолдануды жүзеге асыра алады

Тапсырмаларды жұпта(топта) орындау арқылы ынтымақтастық құндылықтарды қалыптастыру

Жаңа білім қалыптастыруда бірлесіп жұмыс жасау арқылы құрмет құндылықтарын қалыптастыру;

Жаңа білімді меңгеру арқылы өмір бойы оқу құндылығын қалыптастыру.

Үй тапсырмасын тексеру: оқушылардан «Өрмекші әдісі» арқылы сұралады. Мұғалім домалақ жіпті алып, сұрақтар қоя бастайды, жауап берген оқушының қолына бір рет орайды, осылай соғында кімнің қолын неше орам бар екенін санау арқылы кімнің жақсы меңгергенін анықтайды. Осылай үй тапсырмасы өрмекші торын тоқиды.

1. Ұяшықтарды көшіріп алу, тазалау, өшіру әрекеттері қандай команда арқылы орындалады?

2. Ұяшықтарды дұрыс пішімдеу не үшін керек?

3. Деректер типі дегеніміз не?

4. Шартты форматтау деген не?

5. Шартты форматтаудың пайдаланушыға қандай пайдасы бар?

6. Excel программасы дегеніміз не?

. . .

Әр түрлі геометриялық фигуралармен бағалау әдісін қолданамын. Жұлдызша - 5, төртбұрыш - 4, үшбұрыш - 3 деген бағаны білдіреді. Фигураларды оқушылардың қолына беремін. Оқушылар сабақ соңында көтеріп кімде қандай фигура бар екен көрсетеді. Сол арқылы бағалаймын.

Диаграмма - санды деректердің айырмашылықтары мен ерекшеліктерін визуалды қабылдауға ыңғайлы, түсінуге жеңіл етіп график түрінде ұсыну әдісі. Excel программасында көптеген диаграммалардың түрлері бар. «Диаграммалар» бөлімінде бірнеше диаграмма түрлерін пайдаланып, аралас диаграмма жасауға болады. Диаграммалар жасау үшін мәзірдегі «Кірістіру (Вставка) » бөлімін шерту арқылы «Диаграммалар» бөлімінде құралдар тақтасын ашамыз (3. 31-сурет) .

«Диаграммалар» бөлімінде Гистограмма, График, Дөңгелек (Круговая), Сызықтық (Линейная), Аймақтармен (С областями), Нүктелік (Точечная), Басқада диаграммалар (Другие диаграммы) сияқты шаблондары бар.

Диаграммамен қалай жұмыс істеу керектігін мұғалім тақтадан көрсетеді:

7, 11, 14, 20, 15, 4, 15 сандары берілген . Осы сандардың ішінде ең үлкен және ең кіші мәндерді визуалды түрде бірден ажырататындай диаграмма құраймыз.

1. Ұяшықтар қатарына сандарды жазамыз (3. 32-сурет) .

2. Осы қатарда тұрған сандарды тінтуір арқлы ерекшелейміз.

3. «Вставка-Диаграмманы» ашып, «Гистограмма» түрін таңдасақ, жұмыс алдында жаңа диаграмма пайда болады (3. 33-сурет) .

Диаграммадан көрініп тұрғандай, ең үлкен мән 4-ші бағандағы 20 саны, ең кіші мән 6-шы бағандағы 4-саны болады.

Дәптермен жұмыс

Оқушылар дәптерлеріне диаграмма түрлерін жазып шығады

Дескриптор: Білім алушы

Диаграмма анықтамасын және түрлерін анықтап жазады.

«Карточкалар» әдісі мүғалім 4 сұрақ дайындайды. Олардың жауаптарын қызыл, сары, көк, ақ түсті қағаздарға жазады. Оқушылар түстерді таңдап алып, жауаптары бірдей оқушылар бір топ болады. (Мұнда кез келген тақырыптан тыс сұрақ жазуға болады. Мыс, бүгін аптаның қай күні, бүгін нешесі т. б. ) . Топтар топ басшысын сайлайды.

Тапсырма - 1. Сәйкестендіру.

Кесте ішіндегі мәліметтерді сурет бойынша нұсқағыштармен сәйкестендіріңдер

Дескриптор: Білім алушы

1. Диаграммалардың түрлерін анықтай алады
2. Диаграммаларды салыстырады

Тапсырма - 2 . Құпия сөзді тап

Әр топқа қағазда көрсетілген әріптерді таратамыз. Ұяшықтардың ретімен қандай сөз жасырылып тұрғанын табу керек

1. A1, E3, B6, F1, F5, C4, B2, E7, A1, A7, B2.

2. A1, E3, E7, B5, F5, B2, A7, E7, A1, B6, E7, E5.

3. D1, B7, C1, C2, F3.

Дескриптор: Білім алушы

Ұяшықтарды тез табады.