Табиғи материалдар

20.11.2020ж
топ:400
пән:технология оқ әдістемесі.
Сабақтың тақырыбы: Табиғи материалдардан бұйымдар жасау
Сабақтың мақсаты:
Білімділік: Табиғи материалдар туралы ұғымдарын қалыптастыру.
Дамытушылық: Оқушылардың ойлау, іскерлік, шеберлік қабілеттерін дамыту.
Тәрбиелік: Оқушыларды әсемдікті сезіне білуге тәрбиелеу. Эстетикалық талғамдарын арттыруға тәрбиелеу.
Жаңа сабақ.
Табаиғат - адам өміріндегі ең керекті қазына көзі. Адам жаратылысынан бері табиғатта кездесетін нәрселердің бәрін ағаш, тас, құм, шөптер бәрін керегіне жарата білген.
Адам өз жерінің қожасы. Сондықтан жердегі өсіп тұрған заттарды өз керегіне жарата отырып, одан әр түрлі бұйымдар жасаған. Табиғаттан керегіңді ала білу барда, оны қайтару, яғни табиғатты аялай білу, сақтай білуді ел ұмытпаған.
Табиғи материалдар:
а) Табиғаттағы жалпақ материалдар: жапырақ, гүл, ағаштың, пияздың, әр түрлі жемістердің қабықтары, сабан, ши.
ә) Көлемді табиғи материалдар: жүгерінің сабағы, емен жаңғағы, шырша бүршігі, жаңғақтың қабығы, түрлі жемістердің дәндері мен қабығы.
б) Жануартекті заттар: сүйек, тері бөлшектері, мүйіз, тұяқ, құстардың қауырсыны, жұмыртқаның қабығы, жүн.
в) Өлі табиғат материалдары: топырақ түрлері, құм, түсті, майда тастар
Бүгінгі сабақта табиғи материалдардан панно жасаймыз. Бұл бұйымға қажетті материалдармен танысайық:
Сарамандық жұмыс:
Табиғатта өсіп тұрған нәрселерді қоғамда пайдалы еңбек ретінде көрсету үшін, біз олардан әр түрлі бұйымдар, жасамалар, сыйлықтар жасауға үйренуіміз керек. Бүгінгі сабағымызда қарбыздың, қауынның, асқабақтың дәндерінен панно жасап үйренеміз. Ол үшін өзіміз білетін пенопласты аламыз, оған алдын - ала дайындаған суреттің эскизін түсереміз. Оған жапсырылатын табиғи материалымызды желіммен жапсыру әдісімен жұмысымызды орындаймыз.
Сұрақтарға жауап беру.
- Бүгінгі сабақтан қандай нәрсе үйрендіңдер?
- Табиғи материалдардың басқа материалдардан айырмашылығы неде?
- Табиғи материалдарды бір - біріне бекіту үшін не қолданамыз?
- Қандай әсер алдық?
Қортынды:
Табиғи материалдармен бұйымдар жасағанда оқушылардың эстетикалық талғамын, кеңестіктегі түрлі құбылыстарға деген көзқарастарын дамытып, табиғи материалдардың түрлі ерекшеліктерін
Білдіру көзделуі керек. Олардың үлкендігі, пішіні, түсі, қаттылығы, өңделуге болатындығы. Оқушылар осы ерекшелікті түсініп, өзі жасайтын бұйымдарына түрлі табиғи материалды тиімді қолданып үйрену қажет. Жұмыс барысында өз білімдерін кеңейтеді.

Үйге тапсырма:
1.Үйдегі қолда бардағы табиғи бұйымдардан бұйым жасау.А-4 форматқа
2.Жұмыс дәптерге конспект жазу.
3.Сұрақтарға жауап беру.