Білімді актуализациялау

МКҚК <<Алматы мемлекеттік политехникалық колледжі>>
(оқу орнының атауы)

Сабақ жоспары/Қысқа мерзімді жоспар (ҚМЖ)

Оффлайн оқыту сабағы, 45мин.
Пәні
Өзін-өзі тану
Дайындаған оқытушы
М.Төлеубаева
Өткізілген күні

Курсы, тобы
1 курс, П20-1А, Т20-1А, ИС20-1А, ТЗИ20-1, ИС20-1ВК, ИС20-1ГК топтары
Сабақтың тақырыбы
Ар-ұждан - адамдық белгісі
1.1 Сабақ типі
Аралас
1.2 Құндылығы
Ақиқат
2.Мақсаты, міндеттері

Мақсаты: Білім алушыларды ар - ұждан ұғымы туралы түсінік бере отырып, ақиқат құндылығының мәнін ашу. Міндеттері: Білімділік: білім алушыларды өз бойынан ақиқат іздеуге үйрету; Дамытушылық: білім алушылардағы жауапкершілік қасиеттерін дамыту; Тәрбиелік: білім алушыларды тек жақсы және қажет заттарды ғана айтуға тәрбиелеу.
2.1 Оқыту нәтижелері
- өмірлік жағдайлардан адамгершілік сабақтарын анықтайды;
- мәселелерді шешуде адамгершілік таңдау жасаудың қажеттілігін түсінеді.
2.2 Бағалау критерийлері
Барлығы: - өз қалауын міндеттері және жауапкершілігімен қалай теңестіру керектігін сипаттайды;
Басым бөлігі: - <<ар-ождан>>, <<жауапкершілік>> ұғымдарына анықтама береді;
Кейбіреуі: - тарихтан саналы өмірлік жағдаяттарды талдайды.
3.Сабақты жабдықтандыру
Аңыз-әңгіме, оқиғалар көрсетілген бейнебаян, дереккөздер: http://oilar.kz
3.1 Оқу-әдістемелік жабдықтау, анықтамалық әдебиеттер
1. Өзін-өзі тану: Жалпы білім беретін мектептің 10-сыныбына арналған оқулық /Жұбатова Л.С., Әкімбаева Ж.Ж., Нұркеева С.С. - Алматы: <<Бөбек>> ҰҒПББСО, 2019. - 98 б.
2. Өзін-өзі тану: Оқушы дәптері. Акимбаева Ж. Ж., Джубатова Л. С., Нұркеева С.С. / 10-сынып. - Алматы: <<Бөбек>> ҰҒПББСО, 2019. - 98 б.
.2 Техникалық жабдықталуы
оқулық, компьютер, үнтаспа
4.Сабақтың барысы
Онлайн сабақтың жоспары (синхронды/асинхронды оқыту)
Сабақтың кезеңі мен уақыты
Оқытушының әрекеті
Білім алушының әрекеті
Ресурстар
1 Кезең. Ұйымдастырушылық-ынталандыру: 3 мин

Сәлемдесу, түгелдеу

2 Кезең. Білімді актуализациялау. Алдыңғы білімді тексеру: 15 минут

<<Миға шабуыл>>, <<Лездеме сұрақ>> <<Постер>> т.б

Өткен тақырыпты тиянақтау

3 Кезең. Теориялық-тәжірибелік: 20 минут

Дәйексөз: ...Жайнар көңіл, қайнар өмір, Ар ілімі оқылса. Шәкәрім
Дәйексөздің мағынасын қалай түсінесіздер?

1-тапсырма. Мәтінді оқыңыздар және сұрақтарға жауап беріңіздер.
Ар, Ұят, Намыс

Бір күні Ар, Ұят, Намыс үшеуі бас қосады. Олар өткен-кеткенді әңгіме етеді. Әңгіме арасында үшеуі өздерінің өмірдегі пайдалары туралы айта бастайды.
- Мен адам бойына кішкентай бөбек күнінен әдептіліктің нәрін себемін, - дейді Ұят.
- Ал мен болсам адам баласына өзінің ғана емес, досының, туысының басқа адамдардың істеріне жауапкершілікті сезіндіремін, - дейді Ар.
Сонда Намыс тұрып:
- Мен болсам, адамға өзі, досы, туысымен қоса бүкіл отбасы, сыныбы, мектебі, ауылы, тіпті елі үшін жауапкершілікті сезіндіремін, - дейді. Осылардың айтқанын сырттарынан бақылап, тыңдап тұрған Әдеп:
- О, достарым, мен сендердің сөздеріңе толық қосыламын, үшеуіңнің де өмірдегі пайдаларың - адамды әдепті ету. Өйткені ұятты, арлы, намысшыл адам - нағыз адам. Үшеуің де адам баласына ауадай қажетсіңдер, біріңді-бірің толықтырасыңдар. Сондықтан да мәңгілікке ажырамастай туыс болыңдар, деп бата беріпті. Содан бері намыс - ағасы, ар - інісі, ұят - кіші інісі болып, бірге өмір сүреді екен. Сондықтан да <<ұяты бар бала арлы бала болып, арлы бала намысшыл бала болып өседі>> деген осыдан қалған екен.
Әңгімеде қандай қасиеттер туралы айтылады?
Олардың құндылық ретіндегі мәнін қалай түсінесіңдер?
Адамның өмірде Ар-ұжданды басшылыққа алуы қандай игіліктерге жеткізеді?
Осы қасиеттерді өмірде ұстанасыңдар ма? Қалай?

4 Кезең. Рефлексиялық-қорытындылау: 5 минут
5.Үй тапсырмасы: 2 минут
Өсиет әңгімені оқып, сұрақтарға жауап бере отырып, <<Ар-ұжданыма саяхат>> тақырыбында эссе жазыңыздар.
Ар-ұждан туралы өсиет
-Ар-ұждан дегеніміз не?-деп сұрады ұлы әкесінен.
-Ар-ұждан дегеніміз - ешбір адам оны саған бере алмайды және ешкім сенен тартып ала алмайды. <<Ар-ұждан адамның тумысынан берілген сыйы>>-деді әкесі.
-Ал Ар-ұжданның бізде бар екенін қайдан білеміз?
-Уайымдама,сен одан қашып құтыла алмайсың,саған ол тыныштық бермейді. Ол әрқашан сенің жүрегіңде болады,тек оны тыңдай біл.
-<<Ол сенің жүрегіңде болады,тек оны тыңдай біл>>- дегенді қалай түсінесіздер?
-Шынайылық болмаған жағдайда ішкі ойыңызда қандай өзгеріс болады?
-Ар-ұждан дегенді қалай түсінесіңдер?