Сабақтың құндылығы

МКҚК <<Алматы мемлекеттік политехникалық колледжі>>
(оқу орнының атауы)

Сабақ жоспары №

Пәні
Өзін-өзі тану
Дайындаған оқытушы
М.Төлеубаева
Өткізілген күні

Курс, тобы
1 курс, П21-1А, Т21-1А, ИС21-1А, ТЗИ21-1, РЭТ21-1, С21-1, ЭВМ21-1А, ЭВМ21-1Б
1.Сабақ типі
Аралас
1.1 Сабақтың тақырыбы:
Өзіңмен үйлесімділікте
1.2 Сабақтың құндылығы
Дұрыс әрекет
2.Мақсаты, міндеттері

Мақсаты: Білім алушыларға өзімен, қоршаған ортамен үйлесімді өмір сүрудің мәнін дұрыс әрекет құндылығымен байланыстыра отырып түсіндіру. Міндеттері: - білім алушыларға адамның ойы, сөзі, ісінің жақсылыққа бағытталуының үйлесімділікте өмір сүру негізі екенін ұғындыру; - білім алушыларды өзіне және өзгелерге жақсылық жасауға баули отырып, үйлесімділікте өмір сүруге үйрету; - білім алушыларды қайырымдылыққа, ризашылыққа тәрбиелеу.
2.1 Оқыту нәтижелері
- жеке тұлғаның адамгершілік принциптерін ашады;
- адам бойындағы адамгершілік заңының маңыздылығын негіздейді;
- өмір ережесін ойдың, сөздің және істің бірлігінде тұжырымдайды.
2.2 Бағалау критерилері
Барлығы: <<Моральдық принциптер>>, <<Мораль>> ұғымдарына анықтамалар береді;
Басым бөлігі: қоғамдағы адамгершілік мәселесі әрдайым неге өзекті болып келгендігін және қазіргі кезеңде маңызды болып қала береді деген пікірге өз ойын білдіреді;
Кейбірі: Өзіңмен үйлесімділікте тақырыбына өз ойын шығармашылық жұмыс арқылы көрсетеді.
3.Сабақты жабдықтандыру
Аңыз-әңгіме, оқиғалар көрсетілген бейнебаян, дереккөздер: http://oilar.kz
3.1 Оқу-әдістемелік жабдықтау, анықтамалық әдебиеттер
1. Өзін-өзі тану: Жалпы білім беретін мектептің 10-сыныбына арналған оқулық /Жұбатова Л.С., Әкімбаева Ж.Ж., Нұркеева С.С. - Алматы: <<Бөбек>> ҰҒПББСО, 2019. - 98 б.
2. Өзін-өзі тану: Оқушы дәптері. Акимбаева Ж. Ж., Джубатова Л. С., Нұркеева С.С. / 10-сынып. - Алматы: <<Бөбек>> ҰҒПББСО, 2019. - 98 б.
0.2 Техникалық жабдықталуы
оқулық, компьютер, үнтаспа
4.Сабақтың барысы
Онлайн сабақтың жоспары (синхронды/асинхронды оқыту)
Сабақтың кезеңі мен уақыты
Оқытушының әрекеті
Білім алушының әрекеті
Ресурстар
1 Кезең. Ұйымдастырушылық-ынталандыру:

Дәйексөз: "Жүрегіңнің түбіне терең бойла" Абай.
Дәйексөздің мағынасын қалай түсінесіздер?
Білім алушылар өз ойың айтады.

Оқулық
2 Кезең. Теориялық-тәжірибелік:

1 тапсырма. Мәтінді оқып, ойды, сөзді, істі үйлесімге келтіріп, жақсылыққа бағыттаудың жолын жасап, дәптерге жазыңыздар.
Бір күні бір адам данышпанға келіп, бақытты жан болғысы келетінін және оған жету жолын іздеп жүргенін айтады.
Сонда данышпан: <<Біздің жанымыз бес арықтан су ағып құйылып жатқан бір тоғанға ұқсайды екен. Біріншісі - сенің көздерің, сондықтан көзің тек қана жақсыны көрсін. Екіншісі - сенің аузың, ол тек қана шындықты, жақсы сөзді айтсын және тек адал, таза асты қанағатпен ішіп-жесін. Үшіншісі - сенің миың, әділетсіздік пен зұлымдықтан, менмендік пен өркөкіректіктен арылсын. Төртіншісі - сенің аяқтарың. Тек жақсы жолға бассын. Бесіншісі - сенің құлағың. Өсек-аяңды, бос сөзді естімесін. Тек қана жақсыны тыңдасын. Сонда ғана сенің арықтарыңның суы тұнық болып, жаның мен жүрегің тазарады. Мен ешкімді бақытты ете алмаймын. Ол сенің өз қолыңда, өзіңді-өзі ғана бақытты етесің>>, - депті.
Білім алушылар өз ойларын дәптерге жазады.

тапсырма. <<Ісі мен сөзі үйлесімді тұлға>> немесе <<Менің үлгі тұтар тұлғам>> тақырыбында сурет салу.
Білім алушылар сурет салады.

3 Кезең. Рефлексиялық:

Тыныс алуға зейін қою.
Баяу музыка қойылады.
Оқытушы: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.
Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...
Д е м а л..... ш ы ғ а р... (жаймен 9-10 рет) немесе 1..................2 [3].
Бүгінгі сабақтан игерген жақсы қасиеттерді есімізге түсіріп, жүрегімізге сақтайық.

Үй тапсырмасы
https://youtu.be/zQqXU5AdtLg
Осы бейнебаянды көріп, жалпы не туралы айтылды, қандай ойға келдіңіздер, жаза кетіңіздер.......