3-сыныпқа арналған тәрбие сағаты Ат-ер қанаты: жылқының маңызы мен ұлттық мәдениеті

Оқушыларға жылқы малы туралы түсінік беру, оның адамға пайдасы, одан алынатын өнімдер мен оның кадір - касиеті жайлы әңгімелеу.

Жылқы малының әбзелдері туралы түсіндіру.

1. Күй әуенімен оқушылар сыныпқа кіреді және аттардың суреттері салынған түстер бойынша топтарға бөлінеді.

2 . Кіріспе сөз. Елбасының сөзі. “Ұлы Дала елі” деп аталуымыз керек деп есептеймін. Кейбіреуі өздерін “аспан асты елі, ал кейбірі “Күншығыс елі” деп атайды. Біз ұлы даланың ұрпағымыз. Бұл даланы біздің ата-бабамыз бізге қалдыру үшін қанын төгіп қорғаған. “Қазақстан” деген атаумен қатар, “Ұлы Дала елі” атауы да қолданылса дұрыс болады деп ойлаймын”деп Елбасы Н. Ә. Назарбаев айтқандай барлығымыз осы «Ұлы Дала елінің» ұрпақтарымыз. Сондықтан өз елімізді қорғау, дамытуды, сақтау сендерден басталады. Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс.

Ұлы даланың жеті қыры-мақаласының бір қыры -ат баптау мәдениеті.

-Бүгінгі сабағымыз қандай қасиетті жануар туралы болады деп ойлайсыңдар?

3. Сабақ тақырыбымен таныстыру және мақсатын хабарлау.
тақырыбы : «Ат-ер қанаты». Осы мақсаттарды жүзеге асыру үшін топпен жұмыс жасаймыз. Сыныпта үш топ бар.

Топтардың аттарымен таныстыру.
Арғымақ, Тұлпар, Сәйгүлік.

4. Сиқырлы қорапшадан өздері тапсырманы таңдап алады.

Топтық тапсырмаларды түсіндіру. Уақыты 5-7 мин.

Топтық жұмыс. Тапсырмасы:

І топ: «Ат әбзелдері» Пазлдарды құрау арқылы аттың суретін құрату. Ат әбзелдерін орналастыру және не үшін қажет екені туралы айту . ( ертоқым, ауыздық, жүген, үзеңгі, таға )

ІІ топ : «Батырлардың сенімді серіктері» Бөгенбай жырынан үзінді беру арқылы атты әсірелеу. Кинометафра әдісін қолдану.

ІІІ топ : «Жылқы -жесең ет, ішсең сусын, мінсең көлік. » Жылқы малының пайдасын класстерге түсіру.

Әр топтың баяндамашылары өз жұмыстарын қорғайды.

Барлық топтың жұмысын бағалау. шапалақ арқылы.

- Қазіргі кезде аттарды қай салада көп қолданудамыз ? сұрағына оқушылардан жауап алу. Спорт . Ендеше ұлттық ойындарды қаншалықты білетіндеріңді байқау үшін, бірнеше сұрақтарға жауап бер арқылы ойнаймыз.

Ойын. Ойын шартымен таныстыру. Смартфон арқылы сұрақтарға жауап беру. Ұлттық ат ойындары туралы және оқушылар оның қай спорттық ойын екенін табу. ( Көкпар, теңге алу, бәйге, қыз қуу, аударыспақ ) Ойынның қорытындысын шығару және жариялау.

-Балалар, сендер қазақтың ұлттық ат спортына байланысты ойын түрлерін жақсы ажырата білдіңдер. Топтық жұмыс арқылы өздеріңе керекті мағлұматтарды ала білдіңдер деп ойлаймын. Ендеше сендердің бүгінгі сабақ бойынша білімдеріңді тексерейік.

Ақиқат па? әлде жалған пікір ме? деген тапсырманы орындайық. Сигналды таяқшаны көрсету арқылы жауап бересіңдер. Қызыл жағы-ақиқат пікір, жасыл жағы -жалған пікір деген мағынаны білдіреді.

* Қазақ халқында жылқы малы қасиетті-мал деп саналған.

* Жылқыда өт бар.

* Қымыз- сусын, әрі емдік қасиеті жоғары сүт.

*Мемлекеттік Рәміздердің бірі - елтаңбада пырақтың бейнесі бейнеленген.

*Жылқыға міну адам денсаулығына пайдалы емес.

* Батырлардың сенімді серігі, ер қанаты -ат болған.

Міне, балалар өз пікірлеріңді дұрыс білдіре алдыңдар. Жарайсыңдар!

Мұғалімнің қорытынды сөзі: Міне, балалар жылқы малының адам баласына тигізер пайдасы мол екенін білдіңдер. Яғни қазақ халқы бұны ертеден-ақ біле