Оқушыларды отансүйгіштікке тәрбиелеу

Өзін-өзі тану бойынша сабақ жоспары

Бөлім:4
Әсемдік әлемінде
Педагогтің аты-жөні
Абенова Зухра Кенесовна
Күні:

Сынып: 2
Қатысушылардың саны:
Қатыспағандардың саны:
Сабақтың тақырыбы №25
Біз өсіп жатқан өлке
Оқу бағдарламасына сәйкес оқыту
мақсаттар
Өз өлкесінің мәдени құндылығы мен шабыттың қайнар көзі ретінде табиғат туралы түсініктері бар; жасыл желектерге, құстарға, жануарларға ұқыпты қарайды.

Құндылық:
Сүйіспеншілік
Қасиеттер:
Бауырмалдық, қамқорлық, отансүйгіштік
Сабақтың мақсаты
Оқушыларға еліміздің тарихына құрмет танытып, бүгінгі күніне жауапкершілікпен қарауды үйрету арқылы, сүйіспеншілік құндылығының мәнін ашу.
Сабақтың міндеттері:

-Оқушыларға <<татулық>>, <<бірлік>> ұғымдары туралы түсінік беру;
-Оқушылар бойындағы бауырмалдық, қамқорлық қасиеттерін дамыту;
-Оқушыларды отансүйгіштікке тәрбиелеу.

Сабақтың барысы:
Сабақтың кезеңі/ Уақыты
Педагогтің іс-әрекеті
Оқушының іс-әрекеті
Ресурстар

Ұйымдастыру кезеңі
(1мин)
1.Жағымды көңіл күй
(1-1,5мин)

Мұғалім оқушылардың сабаққа қатысуын тексереді.
5 <<Т>> ережесін еске түсіреді.
Шаттық шеңбері
Қазақстан - туған жер,
Сені қатты сүйемін.
Көлдер, таулар, даламды,
Отаным деп білемін!
Оқушылар сабаққа дайындығын көрсетеді.
5 <<Т>> ережесін еске түсіріп, шаттық шеңберіне тұрып, өлең жолдарын хормен қайталайды.
Оқулық, Мұғалімдерге арналған әдістемелік,
2. Алдын ала берілген үй тапсырмасын тексеру (әңгімелесу)
(3-5 мин)
Оқулық №25-сабақ 84-85 беттегі <<Қарлығаш би>> әңгімесін оқып келу.
Сұрақтар:
1.Төле бидің елінен, жерінен көшпей отыруына не себеп болды?
2. Төле би ел-жұртын жаудан қалай қорғап қалды?
3. Мәтіннен қазақ халқының бейбітшіліктің, тыныштықтың мекені болғанын көрсететін жерлерін тауып, баяндап беріңдер.
4. Жауды Төле бидің қандай қасиеті кері шегіндірді?
5. Елді, жерді қалай қорғап, көркейтуге болады деп ойлайсыңдар?
Берілген сұрақтардың көмегінен оқушылар Отанына, еліне қамқорлық жасауды үйренеді және <<татулық>>, <<бірлік>> ұғымдарының мәнін түсінеді.
Оқулық
3. Жағымды ой-пікір (дәйексөз) (әңгімелесу)
(2-3мин)
Отанды сүю отбасынан басталады.
Мақал
Сұрақтар:
1. Сендер туған жерге қандай қадір-құрмет көрсетіп жүрсіңдер?
2. Дәйексөзден қандай ой түйдіңдер?
Мұғалім оқушылармен бірге дәйексөзді оқып, бірнеше рет бірге қайталайды. Мұғалім дәйексөз бойынша сұрақтар қояды және дәптерге жазуды ұсынады.

Оқушылар мұғаліммен бірге дауыстап оқып, қайталайды. Дәйексөз бойынша сұрақтарға жауап береді, сұрақтар арқылы мағынасын талқылайды және дәптерлеріне жазады.
Дәйексөз арқылы Отанға деген сүйіспеншіліктің отбасынан бастау алатындығын түсінеді.
Презентация, слайд.
Жұмыс дәптерлері.

4. Оқиғалар айту (әңгімелесу)

Мұғалім оқушыларға сый ретінде <<Көк ту және достар>> мультфильмін көрсетеді.
Сұрақтар:
1.Қазақстан қандай ел және онда мекен ететін басқа ұлт өкілдерінің достығы туралы не айтар едіңдер?
2. Қазақстанның бақыты-оның көпұлттылығында дегенді қалай түсінесіңдер?
3.Өз елінің патриоты болу үшін адам бойында қандай қасиеттер болуы тиіс деп ойлайсыңдар?
4. Туған еліне риясыз жақсылық жасау дегенді қалай түсінесіңдер?
5. Өздерің тұратын өлкенің көркеюіне қандай үлес қосып жүрсіңдер?
Мультфильмді көргеннен кейін мұғалімнің сұрақтарына жауап бере отырып, Отанға деген сүйіспеншіліктің отбасынан бастау алатындығын түсінеді, түрлі ұлт өкілдерімен тіл табыса білуге үйренеді және бір-біріне деген қамқорлыққа, бауырмалдыққа, отансүйгіштікке үйренеді.
https://youtu.be/gd3r0yIlEdg
5.
Шығармашылық жұмыс

Мұғалім оқушыларды үш топқа бөліп, шығармашылық тапсырмаларды орындауға береді.
1-топ тапсырмасы: Сөйлемдерді жалғастырып жазыңдар.
Жер - біздің ортақ үйіміз, өйткені
Мен өз туған өлкемді сүйемін, өйткені .
Мен үшін Жер-ана ............
Табиғатпен тіл табыса білу керек, себебі ..........
Жер - ананы аялау керек, өйткені .............
2-топ тапсырмасы: <<Жер біздің ортақ үйіміз>> тақырыбына коллаж жасау.
3-топ тапсырмасы: <<Отан-отбасынан басталады>> тақырыбында эссе жазу.
Оқушылар топ бойынша өз жұмыстарын сыныпқа таныстырады. Оқушылар жұмысты орындау барысында өздері өсіп жатқан өлкесі туралы мағлұматтар жинай отырып, туған жерге деген сүйіспеншіліктерін көрсетеді және өз елінің патриоты болуға үйренеді.
Презентация,
слайд, жұмыс дәптері, баяу әуен қойылады.

6.Үй тапсырмасы
Келесі №26-сабақ 86-87 беттегі Бауыржан Момышұлының мәтінін оқып келуге беріледі.
Оқушылар үй тапсырмасын жазады.
Оқулықтың 86-87 беттері
7.Топпен ән айту

Мұғалім оқушылармен бірге Дүнгенбай Ботбаевтың әніне және Қадыр Мырза-Әлидің сөзіне жазылған <<Елімізді сүйеміз>> әнін орындайды.
Оқушылар мұғаліммен бірге ән шырқайды.
Оқулық 88-89 беттер.
Экранға өлеңнің мәтіні көрсетіледі.
8.Сабақтың қорытынды сәті

Мұғалім оқушыларға <<Тыныс алуға зейін қою>> жаттығуын жасайды.
Бүгінгі сабақтан игерген жақсы қасиеттерді есімізге түсіріп, жүрегімізге сақтайық.

Оқушылар рефлексия жасайды.
Баяу композиция қойылады