Қаланың әсем жерлеріне шолу

Шымкент қаласы білім басқармасы
№36 Қазыбек би атындағы жоббм

<<Ашық сабақ>>
<<Қаланың әсем жерлеріне шолу>>



Тәрбиеші: Кожабекова Г
Сынып:9 <<А>>
Іс-тәжірибе жинақтаушы: Сабитханов Ерсұлтан

Шымкент 2021ж
<<Табиғаттың сұлулығын сақтау өз қолымызда>>.
Мақсаты: Балаларға Шымкент қаласының әсем жерлерін таныстырып, солар туралы мәліметтер беріп тарихтапн сыр шерту.
Міндеттері:
- қаланың әсем жерлерін таныстырып, бізге қандай еңбекпен келгенін түсіндіру;
- қаланың әсем жерлеріне қамқор бола білуге іскерліктерін дамыту;
- бүгінгі сабақтан білген, түйгендерін басқаларға үйретіп жүруге бейімдеу;
Көрнекілігі; Слайд, нақыл сөздер,фотосуреттер
Барысы:
Шымкент қаласының көрікті жерлерімен, әсем ғимараттар мен жаңа іскерлік орталығы, саябақтармен танысып, зообағындағы жануарлар дүниесін қызықтап, осындай кереметтей қаламызды құрметтеуіміз керек.
Ең бастысы өмірлік таным көкжиектерімізді кеңейтіп, елімізге деген мақтаныш сезімдерімізді арттыруымыз керек. Жаңа көзқарас қалыптастырып, көңілдеріне қуаныш ұялап тарихи тағылымдарымызды жастар мәңгі жадында сақтап жүретін болды. Тарихи тағлымымызды көңілде қуанышпен мәңгі сақтап жүруіміз керек.
Одан кейін сыныпты топтарға бөліп қаланың түрлі әсем жерлері жайында ойларын сұрап білеміз.
Оқушылардың ойын тыңдап болғаннан соң, толықтыру үшін тағыда мәліметтер айтып өтеміз.
Шымкент - Қазақстанның көне қалаларының бірі. Тарихи деректерге сүйенер болсақ, қала б.з.д. II ғасырда салынған. Шымкент қаласы Ұлы Жібек Жолы керуен көшінің жолында орналасқан. Көптеген жылдардан бері көне қалада ғылыми зерттеу жұмыстары жүргізіліп, шетелден келетін туристердің санында шек болмайды.
Халық санының көлемі жағынан Шымкент қаласы бүкіл республика бойынша үшінші орында. Алайда, бейресми мәліметтер бойынша, Шымкент қаласында халық саны әлдеқайда көп. Себебі, қалада алыс-жақын шетелден келген, тіркеуден өтпеген мигранттар тұрады.
Шымкент қаласы - қазақ елінің сауда, мәдениет, өнеркәсіп орталықтарының бірі. Қалада қазақ, славян, өзбек, татар, неміс, еврей, корей, поляк, башқұрт, әзірбайжан т.с.с. 19 ұлттың мәдениет орталықтары жұмыс істейді.
Қаланың көрікті мекендерінің бірі - орталық саябақтар. Үш саябақ 19-ғасырда салынған. Бір саябақ Шәмші Қалдаяқов атындағы облыстық филармония аясында орналасқан. Сондай-ақ, Абай атындағы демалыс және мәдениет саябағы, <<Кең-баба>> этнография саябағы, Дендро саябақ, зообақ, ипподром, <> ойын-сауық және сауда кешені, <>, <<Бамзик>> ойын-сауық орталықтары қала тұрғындары мен қонақтарының жайлы демалысы үшін үздіксіз қызмет көрсетеді.

Қысқаша мәліметтен кейін оқушылардың ойын қозғау үшін сұрақтар қояйық.
1: Шымкент қаласының қандай көрікті жерлерін білесің?
2: Қаланың көркеюікне қандай көмек көрсетуге болады?
Топтық жұмыс:
Ары қарай оқушылыр топпен бірігіп постер қорғайды.Мысалы: Өздерінің барған жерлерін түрлі-түсті қаламдарды, маркер, пламастирлерді, әр түрлі стикерлерді пайдаланып сипаттап жазады, суретін салады, кесте түрінде де жазуға болады.Бұл жерде Оқушыларды ұйымшылдығы басты назарда болады. Әр оқушы өз пікірін жазбай, барлығы бірігіп кереметтей әдемі постер жасап, қорғап берген топ жақсы бағаланады.

Мұғалім: Аңсайтын адам басқа емес,
Шымкенттің дәмін аңсасын.
Бір жеген адам жүз келер,
Көк сарайыңның самсасын.
Осындай құтты өлкені,
Айтпаймын қалай ән қылып.
Өзіңде туған адамдар,
Өлгісі келмес мәңгілік.
Шымкентте қалың қазақ көп,
Салттары нағыз ғажап деп.
Сен үшін талай айтыстық,
Сен үшін талай тартыстық.
Оңтүстік жақта болған соң,
Дейді ғой сені жалпы ыстық.
Ауасы емес бұл жердің,
Қонақжай, дархан халқы ыстық.
Табиғаты емес бұл жердің,
Шариғат тұнған салты ыстық.

Қалай ойлайсыңдар бұл өлең жолдарында не туралы жазылған?

Бүгінгі сабтағы топтардың жұмысын оқушылар өздері бағалайды. Мысалы бір топ қалған екі топтың оқушыларына сипаттама беріп, баға қояды және қателіктерін айтып түзеуге кеңес береді.

Сабақтың соңында оқушыларға таратылған үш түрлі смайликтер арқылы оқушылардың бүгінгі сабақтағы көңіл күйлерін анықтаймыз.

Осымен <<Қаланың әсем жерлеріне шолу>> атты сынып сағатымыз аяқталды.Көріп тамашалағандарыңызға рақмет.

Хаттама
Шымкент қаласы білім басқармасы
№36 Қазыбек би атындағы жоббм.

<<Қаланың әсем жерлеріне шолу>> атты сынып сағатына арналған хаттама
Сынып: 9 <<А>>
Қатысқандар:12
Қатыспағандар:6

Шымкент қаласы жыл өткен сайын көркеюде. Сәулеті мен әлеуеті қатар дамыған көрікті де құт мекеннің аумағы үлкейіп, халық саны артты. Елордасы Астана мен әсем қала Алматыдан кейінгі <<үшінші қала>> деген мәртебеге ие болды.

Қорытынды:
Бұл әр оқушының өз елін қоршаған орта туралы түсініктерін кеңейту бағыттары қарастырылған. Танымдық, сенсорлық қабілеттерін, сөйлеу тілін дамыту,туған өлкесін сүйіп,қадір-қасиетін бағалауға үрету, туған өлке табиғатын аялап,тазалығына мән беріп,өз үлесін қосуға баулу.