Кітап күні

6. 1. 5. 1 тыңдалған мәтін мазмұны бойынша жалпы және нақты сұрақтарға жауап беру, мәтіндегі ақпаратты шынайы өмірмен байланыстыру;

6. 4. 4. 3. үстеудің мағыналық түрлерін ажырату, синонимдік қатарларын түрлендіріп қолдану.

Барлық оқушылар: тыңдалған мәтін мазмұны бойынша сұрақтарға жауап беру, үстеудің мағыналық түрлерін ажырату;

Көптеген оқушылар: тыңдалған мәтін мазмұны бойынша жалпы және нақты сұрақтарға жауап беру, үстеудің мағыналық түрлерін ажырату;

Кейбір оқушылар: тыңдалған мәтін мазмұны бойынша жалпы және нақты сұрақтарға жауап беру, мәтіндегі ақпаратты шынайы өмірмен байланыстыру, үстеудің мағыналық түрлерін ажырату, синонимдік қатарларын түрлендіріп қолдану.

• тыңдалған мәтін мазмұны бойынша жалпы және нақты сұрақтарға жауап береді;
• мәтіндегі ақпаратты шынайы өмірмен байланыстырады;
• үстеудің мағыналық түрлерін ажырата біледі;
• синонимдік қатарларын түрлендіріп қолданады.

Тыңдалым, айтылым мақсаты бойынша:

тыңдалған мәтін мазмұны бойынша жалпы және нақты сұрақтарға жауап береді;

мәтіндегі ақпаратты шынайы өмірмен байланыстырады;

Оқушылар:

Диалог және жазылым үшін қажетті сөз тіркестер; менің ойымша, менің көзқарасым . . .

Педагогтің әрекеті

І. Ұйымдастыру кезеңі.

Сәлемдесу, сабаққа дайындық. Жағымды психологиялық ахуал: Теңіз ортасындағы мұзға барлық бала жармасып мінеді. Бұл жерде ынтымақтастық, бірлесіп жұмыс жасауға баулу.

І. ТЫҢДАЛЫМ АЛДЫ. Қызығушылықты ояту

Өлеңмен танысып, мазмұнын ашыңыз.

• Өлең жолдары арқылы Абай ақын бізге қанда ой салады?
• Кітап оқудан қандай ой түюге болады?
• Ең соңғы оқыған кітаптарың қандай?

Сабақтың мақсаттары мен бағалау критетийлерімен танысу.

Мағынаны тану

ІІ. ТЫҢДАЛЫМ ТАПСЫРМАСЫ

1. Мәтінді мұқият тыңдап, мазмұнын жұпта талқылаңыз. ИНСЕРТ әдісі арқылы мәтінді тыңдай отырып, талдау жүргізеді.

ИНСЕРТ кестесі.

Кітап тек досың ғана емес, ұстазың . . . кеңесшің . . . ақылшың. Әлі күнде дейін сонау Гуттенберг заманынан келе жатқан жаһанның басты жаңалығы. Барлық ғылым, технология атаулының атасы. Кітапсыз өмірді елестету де мүмкін емес сынды. Әйтсе де онымен достасудан қашқақтап, әр парағын жұлып, қор қылып, шаң басқан сөрелерге тастаған жандар қаншама. Шын достықтың, ізгі ниеттің, пәк көңілдің, терең ойдың, асыл сөздің қадірін бағалай алмағанымыз ұят қой қазір.

Менің құрбым кітапты сүйіп оқиды. Оны аялай ұстап, онымен шын достасқан. Одан үйренгенін маған да үйретіп, ақыл-кеңес беруден еш аянған емес. Құрбымнан кейде кітап сұрай қалсам, өзім ұялып кетем. Жап-жаңа, сол сатып алған күйінде сақтаған кітаптарын кейде байқамай аяусыз парақтап қалатын кездерім көп болған. Сондағы құрбымның қиналғанын көрсеңіз. Өз кітабына, тек өзінің ғана емес барлық кітапқа аянышпен, жанашырлықпен, қабақ түйіп, үнсіз ғана қарап отырады. Үнсіз отырғаны - көңілімді қимағаны. Міне, сол үшін де ұялып кетем. Алғаш кітапті қалай оқуды, қалай аялап ұстай керектігін маған осы құрбым үйреткен болатын. Шіркін, барлық адам құрбым сынды оқыса ғой кітапты!

Компьютер, ұялы телефон, интернет желісі деп бүгінде «ұстазымызды» ұмытып барамыз. Том-том кітап құшақтап, кітапханаға жиі баратын адамдарды сирек кездестіреміз қазір. Бұрынғыдай үлкен мәртебемен мерекелерде бір-бірімізге кітап сыйламаймыз да. Тіпті, кітап мазмұнына мән бермей, оны сәнді безендірмей, қалай болса солай шығарып, қадірін түсіріп жатамыз. Содан оны кім оқиды? Ал әдемі безендірілген, өзіңді еліксіз қызықтыратын көркем шығарманың бағасы сәл қымбаттау болса, ақшаны сытауратып, алуға қимай кете барамыз. Өмірдің бұралаң ағысына, заманның бұрынғадан өзгеруіне байланысты ғой бәрі. Түсінемін. Не десек те, нағыз жанашырымыз, ұстазымыз, досымызды жоғалтып алмайық! Қайта оның жандануына, өз куатына еніп, тез таралуына қол ұшын беріп, онымен достасуға шақырайық! Болашақ ұрпаққа аманат етейік, достар!!!

2. Мәтін бойынша сұрақтарға жауап беріңіз.

3. Мәтінге қатысты ақпаратты қазіргі өмірмен байланыстырып, жұпта талқылаңыз

Дескриптор:

• мәтінге қатысты сұрақтарға жауап береді;
• мәтіннің негізгі ойын анықтайды;
• мәтінге қатысты ақпаратты қазіргі