Отбасы мейрамдары

Менің мамандығым - менің мақтанышым!
Менің мамандығым - менің мақтанышым!
Адам баласының өмірлік серігі оның Құдай қосқан жары болса, ал еңбектегі серігі таңдаған мамандығы. Міне, тіршілікте адам баласы осы екі дүниені таңдауда қателеспеуі шарт. Мамандық - кез - келген адам үшін өмір сүру көзі болып табылатын және қандай да бір дайындықты, біліктілікті, өзіндік жауапкершілікті талап ететін еңбек қызметінің маңызды бөлігі. Біреулер үшін - мамандық ойлаған арман мен қалаудың орындалуы сондай - ақ отбасы дәстүрін жалғастыру болса, ал, келесі біреулер үшін - жаңалыққа, білім шыңындағы дербестікке талпыныс, ал енді үшінші біреулер үшін әйтеуір бір мамандық иесі атану үшін таңдалған бұрыс бағыттың нәтижесі деп білемін. Осы кезде Кубалық жазушы, публицист Хосе Хулиан Мартидің <<Мамандық таңдау - өміріңіздің кірпішін дұрыс қалау. Ең қиын мамандық - адам болып қалу>> деген сөзі есімізге түседі. Иә, мамандық өз тағдырыңды таңдаумен бірдей. Дұрыс таңдалмаған мамандық өмірде де еңбекте де өкініш тудырары сөзсіз, сондықтан адам баласы өмірде өз таңдауына өкінбейтіндей, өз қабілетіне қарай, жүрек қалауымен сүйікті мамандығын таңдаған кезде ғана үлкен белестерді бағындыра алатынына сенімдімін.

Сондай мамандық таңдаудың аса маңызды кезеңін бастан өткерген мен үшін әкемнің берген кеңесі өмірлік, еңбектік серігімді жүрек қалауымен таңдауыма үлкен бір себеп болды. Дана халқымыздың <<жеті рет өлшеп бір рет кес>> деген ұранымен бүгінгі таңда әл - Фараби атындағы Қазақ Ұлттық Университетінің, Философия және саясаттану факультеті, Әлеуметтану және әлеуметтік жұмыс кафедрасының оның ішінде Әлеуметтік жұмыс мамандығының студентімін.

Әлеуметтік жұмыс - жеке адамдардың әлеуметтік мәселелерін, ең алдымен әлеуметтік жәбір шеккен жеке тұлғалар мен коғамдық топтардың әлеуметтік мәселелерін шешуге, азаматтардың әлеуметтік кепілдігі бар құқықтары мен қажеттіліктерін қамтамасыз етуге, әлеуметтік қызметін атқару қабілетін қалпына келтіруге немесе көтеруге қолайлық туғызатын жағдайлар жасауға бағытталған кәсіптік іс - әрекеттің ерекше түрі. Әлеуметтік жұмыс - ізгілік пен қайырымдылыққа, сыйластық пен өзара сенімге негізделген кәсіп.

Кез - келген бітіруші түлектің көкейін <<Әлеуметтік қызметкер болып қандай орталықтарда қызмет атқаруға болады?!>> деген сауал мазалайтын болуы мүмкін, міне сондай түлектер үшін айтарым, бүгінгі күнде әлеуметтік қызметкерлер Халыққа Қызмет Көрсету Орталықтарында (ХҚКО); түрлі бағыттағы оңалту орталықтары мен дағдарыстық орталықтарда; Халықты жұмыспен қамту саласында; ауруханалар мен емдік - профилактикалық сауықтыру мекемелерінде; халықты зейнетақымен қамтамасыз ету орталықтарында және жастармен, егде жастағы азаматтармен, көпбалалы немесе көмекті қажет етуші отбасылармен тікелей жұмыс жасайтын, көмек беретін және т. б. мемлекеттік мекемелерде жұмыс атқаруға мүмкіншіліктері бар. ҚазҰУ - дың Әлеуметтік жұмыс мамандығының бітіруші түлектері бүгінде әлемнің әртүрлі мемлекеттерінде өз білімдерін шыңдап қана қоймай, мамандықтары бойынша жұмыс атқаруда. Әлеуметтану және әлеуметтік жұмыс кафедарасының ұжымы шығармашылық потенциалды жауапкершілікпен, өз кәсібіне және университетіне жан - тәнімен берілген.

Сабақтың тақырыбы: Күн шуағым - отбасым.
Сабақтың мақсаты: оқушылардың отбасы туралы түсініктерін кеңейту.
Міндеттері:
- отбасының адам үшін маңыздылығын жан - жақты ашу;
- отбасындағы жарастықты, сыйластықты қарым - қатынасының дамуына ықпал ету;
- отбасындағы сыйластыққа, сүйіспеншілікке тәрбиелеу.
Сабақ түрі: дәстүрлі емес сабақ
Көрнекіліктер: слайд, ағаш, күн суреттері, жүрекше.
Шаттық шеңбері. (баяу музыка ойнап тұрады)
<<Жүректі>> мұғалім оқушыларға осы сабақты бастау үшін жақсы тілектер айтып бір оқушыға береді. Оқушы келесі оқушыға өз тілегін айтып айтып жүректі ұсынады. Осылай барлығы жүректі бір-біріне ұсыну арқылы шаттық шеңберін құру.
Топқа бөлу. Оқушыларды 3 топқа бөлеміз.
1.Сүйіспеншілік
2.Мейірімділік
3.Қамқорлық
Әр топ бөлінгені бойынша түсінік беру.
Қызығушылықты ояту.
1. "Аялау", "қадірлеу", "қадірін білу"- деген сөздерді қалай түсінесің?
2. Ата - анаңа сүйіспеншілік сезімдеріңді қалай білдіресіңдер?
3. <<Ана>>, <<әке>> деген сөздер қандай сезім тудырады?
Топтық тапсырма Постермен жұмыс
І топқа: <<Бақытты жанұя. Ол қандай?>> ІІ топқа: <<Жанұядағы жанжал.Оны шешу жолдары.>> ІІІ топқа: <<Отбасы мейрамдары.Оларды өткізу жолдары.>>
Тыныштық сәті. Визуалды есте сақтау.Әр оқушы әуенді тыңдап болған соң не сезінді және алдағы армандары мен қиялдарын айтады.
<<Жалғасын тап>> ойыны: Жалпы тапсырма: 1.Бала жетіге келгенше(жерден таяқ жейді.) 2.Ұлға отыз үйден(қызға қырық үйден тыйым.) 3.Атаңның баласы болма (адамның баласы бол.) 4.Әке көрген- оқ жонар,(шеше көрген-тон пішер.) 5.Баланың ұяты әкеге,(қыздың ұяты шешеге.) 6.Балапан ұяда не көрсе (ұшқанда соны іледі.) 7.Ата-бәйтерек,(бала-жапырақ.) 8.Ана сүтін ақтамағанды(ешкім жақтамайды.) 9.Анаңды Меккеге үш рет арқалап барсаң да(қарызыңды өтей алмайсың.)
10. Әкесiн сыйламаған кiсiнi, (Баласы сыйламайды.)
11. Жалғыз баласы атқа шапса, (Анасы үйiнде тұрып тақымын қысады.)
12.Ана жақсылығын (Ауырсаң бiлерсiң.)
Отбасы деген атауда жалындаған оттың да үлкен маңызы бар екенін сеземіз. Сондықтан оттың басы ошақтың түтіні түзу болсын.
Шаңырақтың үстінде кейде бұлт төнетін сәттер болатынымен келісеміз. Оған сендердің қандай іс - әрекеттерің себеп болып тұрады деп ойлайсыңдар?
Сұрақ-жауап
Отбасы бір шаңырақ.
Шаңырағымыздың үстінде күн одан бетер жарқырай түсу үшін күн шуақтарын тағуымыз керек.
Шуақтардың артындағы сұрақтарға жауап беруіміз керек:
1. Отбасы тәрбиесіне ата - анаңның қайсысы көп көңіл бөледі?
2. Қиын жағдайда қайсысынан бірінші көмек сұрайсың?
3. Өзіңнен қателік кеткен жағдайда өзіңді қалай сезінесің?
4. Ата - анаңның қайсысына ұқсаймын деп ойлайсың?
5. Отбасында қандай аға, іні, қарындас, әпкесің?
6. Ата - анаң сені қалай және қандай сөздер арқылы еркелетеді?
7. Анаң немен айналысқанды жақсы көреді? Әкең ше?
8. Құрбыларың ата - анасын ренжітіп алды делік, сен қандай ақыл берер едің?
Видео -жағдаятты талдау. Өкінішке орай барлық бала толық қамтамасыз етілген отбасында дүниеге келе бермейді. Кейбір жағдайларға байланысты бала жетімдер үйлеріне тапсырылып, сонда өмір сүреді. Олар да ата-ананың жылуын, мейірімін аңсайтындығы белгілі. Міне осыған байланысты <<Мен анамды сағындым>> атты видеоны көрейік.
1. Бұл видео сендерде қандай сезім тудырды?
2.Жетім балалар туралы не айта аламыз?
Шығатын түйін: Адамға ең қымбат - отбасы. Отбасында сүйіспеншілік, сыйластық, татулық, бауырмалдық болғанда ғана бірлік болады. Бірлік бар жерде берік отбасы болады. Бала ата-анаға қандай ыстық болса, ата-ана да балаға сондай ыстық әрі қымбат екенін естен шығармау керек.
Қорытынды.
Мұғалім: бүгін менің көзім жетті, сендер өте тату отбасынан шыққан балалар екендеріңе. Оған сендердің бүгінгі іс - әрекеттерің куә. Бүгінгі сабақ үшін сіздерге рахмет айтамын. Сабағымызды қорытындылай келе: отбасы ол шағын мемлекет. Осы мемлекеттің өз қуанышы, өз бақыты бар.
Осы сабақты қорытындылау үшін рефлексия жасаймыз.
<<Екі жұлдыз, бір тілек.>>
Екі жұлдыз-сабақта ұнаған екі нәрселері
Бір тілек- ұстазға тілек тілеу немесе ұсыныс айту.
Бағалау. Топ басшысы бағалайды.
Үйге тапсырма . <<Менің жанұямның қызықты сәттері...>> Фота жинақтап альбом құрастыру, немесе видео.

Дені сау адам - табиғаттыӊ еӊ қымбат жемісі | Тәрбие сағаты
Тақырыбы: Дені сау адам - табиғаттың ең қымбат жемісі
Сабақтың мақсаты: Оқушыларға адам денсаулығының қымбат екендігін, өмір сүру үшін денсаулықтың маңызын, бағалы байлық екенін түсіндіру. Жасыл желектей өсіп келе жатқан жас жеткіншектеріміздің санасына ішімдік, темекі, нашаның адам баласын аздыратынын, одан аулақ болу жақтарын мысалдармен дәлелдеп түсіндіру.
Сабақтың дамытушылық мақсаты: Оқулық және қосымша материалдар деректерін тиімді пайдалануға, өз ойын еркін айтуға, өз пікірін қорғап, айқын да дәлелді тілмен сөйлеуге дағдыландыру.
Сабақтың тәрбиелік мақсаты: Адам мен табиғат арасындағы қарым - қатынас формаларын таныстыру, оқушыларды пікір айта білуге дағдыландыру.
Сабақтың көрнекілігі: слайд, суреттер.
Сабақтың түрі: Әңгімелеу, топпен жұмыс.
Сабақтың әдісі: Сұрақ - жауап, қанатты сөздер, вен диаграммасы, сахналық көрініс.
Сабақтың барысы:
Ұйымдастыру кезеңі. Оқушыларды сабақтың тақырыбы, оның мақсат - міндеттері және негізгі әдістерімен таныстыру.
І. Кіріспе: Сәлеметсіздер ме, балалар! Балалар сендердің денсаулықтарың - өмірдегі ең бірінші байлықтарың болып табылады. Егер сендердің денсаулықтарың жоқ болса, мына өмірдің мәні де, сәні де болмайды. Адамның денсаулығы - қоғам байлығы. Дені сау адамның көңіл - күйі көтеріңкі болады. Отанымыздың кешегеі сендердің қолдарыңда. Сондықтан сендердің таңдауларың - салауатты өмір салтын сақтау. Есірткі, нашақорлық - адамды жұтатын аждаһа екенін бір сәт естен шығармайық, балалар! Балалар, сендер қараңғы үйге кіріп келіп шам жақсаңдар, шам үйді жарық қылады. Көп қызыл гүлдің ішінен бір ақ гүл көрсеңіз, көзің соған түседі. Біздің де өмірімізді жарық қылатын не? Ол - денсаулық, балалар!
Әрине, денсаулық адамның бірқалыпты жұмыс істеуі. Денсаулық - бұл дұрыс тамақтану. Денсаулық таза ауада көбірек жүру. Денсаулық - тазалық сақтау. Денсаулық - тамақты шамадан тыс тойып ішпеу. Денсаулық - тамақтан соң ауызды шайып, қолды жуу. (слайд)
Ендеше, <<Дені сау адам - табиғаттың қымбат жемісі>> тәрбие сабағына қош келдіңіздер! Адам, табиғат, денсаулық, спорт, есірткі, ішімдік, наша түсініктері слайд арқылы түсіндіріледі. Тақпақ айтылады.
ІІ. Негізгі бөлім
Б. Соқпақбаевтың <<Менің атым Қожа>> деген әңгімеден сахналық көрініс көрсетіледі. Ортаға екі оқушы шығып, осы әңгіменің негізінде көрініс көрсетіледі.
Сұлтан мен Қожа келе жатты. Бір кезде Сұлтан артына бұрылып:
- Сен шылым шегесің бе? - деп сұрады.
- Жоқ деді Қожа.
Ол ерге қырындап отырған күйі аттың тізгінін тежеді де, қалтасынан бір қорап темекіні суырып алды. Аузын ашты да Қожаға ұсынды.
- Мә, үйрен.
- Өзің тарта бер, - дедім мен.
- Осы күнге дейін шылым шегулі үйренбей неғып жүрсің? - деді Сұлтан мені кінәлай сөйлеп. Мә, тарт.
Алдым темекіні. Сұлтан оттық жағып ұсынды. Тұтаттым да, бұрқылдатып тарта бастадым. Аузыма түтіннің жап - жаман иісі, ыс дәмі келді.
_ Ой, сауатсыз, - деді Сұлтан менің шылымды қалай шегіп келе жатқанымды көріп. - Сөйтіп те тарта ма екен. Жап - жақсы темекіні босқа қор етуін қарашы. Ішке тарт. Міне былай. Аузыңа түтінді толтырып ал да, жұтып кеп қал.
Бала десе, бәрімізге тиеді. Бізден өткен ақымақ жан жоқ қой. Кейде қайдағы бір залалды нәрсеге соның сол залалдығын біле тұра иттей әуес келеміз. Осы арада маған: <<Қәне, жұтсам жұтып көрейінші, деген ой келді, - не болар екен>>. Аузымды түтінге толтырып алып, жұтып кеп қалғаным сол екен, бір улы газ өңешімнен шеңгелдеп, ала кеп түі. Тынысым бітеліп, қалдым. Көзімнен жасым ыршып кетті... енді бір шақта көзім бұлдырап, жер - дүние төңкеріліп бара жатты.
- Ойбай, тоқта!
Аттан ауып түсіп, жол шетіне құладым. Жүрегім көтеріліп, құса алмай қиналып жатырмын. Менің бұл аянышты қаліме жаны ашудың орнына Сұлтан оңбаған мазақ етіп тұр:
- Қайран Қара Қожам - ай, ажалыңнан үш күн бұрын өлетін болдың - ау. Апаңа не бетімді айтамын енді. Тым құрыса жайлауға жетіп те өлмей, әуреге салатын болдың - ау уахахаха.
Міне содан бері аузыма темекі алмақ түгіл иісі мұрныма келсе, зыта жөнелемін.
ІІ көрініс.
1 оқушы ортаға шығып, ай, тісім қақсап барады. Жанымды қоярға жер жоқ. (дауыстап жылай бастайды) Оның даусын естіп, қыз бала жүгіріп келеді. Не болды, айтшы, жылама? Неліктен бас көзің ісіп кеткен.
Бала: Тісім ауырғаны қоймай тұр.
Қыз: Неге тісің ауырады?
Бала: Кәмпит жегеннен, енді кәмпит жемеймін.
Қыз: Олай болса дәрігер шақырайын.
Дәрігер: Кәмпит жесең көбірек
Тісің жүрер мазалап
Не жесең де күніне
Екі реет жүр тазалап
Жүрген жақсы қаралып
Бір жылда екі тексеріп
Тіс дәрігерге баралық
ІІІ. Қорытынды бөлім.
Бекіту. Оқушыларға адам және табиғат, денсаулық, оның болашағың үшін пайдалы тараптары жайлы сұрақтар қойылады, әңгімелесу жүргізіледі.
Мұғалім: Балалар, деніміз сау болу үшін таңертең ұйқыдан тұрып, не істеуіміз керек.
Оқушылар: Таңертеңгілік жаттығу жасап, спортпен шұғылдану керек.
Мұғалім: Адам әрқашан қимыл - қозғалыста болса, адамда қан айналысы жақсарады. Ауруларға қарсы тұра алатын боламыз. Сондай - ақ зиянды әдеттерден аулақ болуымыз керек. Адам денсаулығына жақын достар не деп ойлайсыңдар?
Оқушылар: тазалық, спорт, таза ауа, дұрыс тамақтану, уақтында демалу.
Мұғалім: Адам денсаулығына дұшпан не?
Оқушылар: темекі, арақ, наша.
Мұғалім: Дүниедегі ең басты байлық не?
Оқушылар: Денсаулық. Денсаулық - зор байлық деген осы.
Тақтаның дәл ортасына күн бейнесі ішіне <<Денсаулық>> деп жазылған. Оқушылар оның жан - жағына түрлі нұр таратады. Мысалы: ерте тұру, тазалық, таза ауа, еңбек ету, үнемі сабырлы болу, білім, темекі, арақ, наша, төбелесу, артық тамақ ішпеу, көп ұйықтамау. Осы сөздер нұр болып таралады.
Тақтаның дәл ортасына гүлдің суреті ілінеді. Гүлдің ортасына <<Денсаулық - зор байлық>> жазылған. Әртүрлі суреттері бар гүл күлтелерінің керегін гүлдің айналасына қоя бастайды. Еңбек етіп жатқан адам, спортпен шұғылданып жатқан оқушы, темекі тартқан бала, соғыс, ашаршылық, табыну, төбелес, дұрыс отырмаған бала, аулада еңбек етіп жатқан бала, тазалық сияқты суреттер. Жарамайтын суреттерді қоқыс шелегіне тастаймыз.
Ән орындалады.
Сабақтың аяқталғанын хабарлау.