Махамбет өлеңдерін талдау

1. Елім деп еңіреген қазақтың қайсар ақыны, тәуелсіздік жолындағы батыл күрескері М. Өтемісұлының өмірі мен шығармашылығынан кеңірек мәлімет бере отырып, өлеңдерінің тақырыбы мен идеясын ашу;
2. Шығармаларын тарихи құндылық ретінде қабылдауға жетелеу;

Ұйымдастыру кезеңі

1. Оқушыларды түгелдеу, жоқ оқушыларды белгілеу;

2. Үй жұмысын тест арқылы сұрау, алдыңғы тақырыпты бекіту;

3. Жаңа сабақтың тақырыбын түсіндіру

4 . Махамбет Өтемісұлы туралы бейнеролик көрсету

1-тапсырма . Жеке тапсырма.

Махамбет Өтемісұлы туралы ақпарат бере отырып, кластер түзу.

Дескриптор:

• Махамбет Өтемісұлы туралы алған ақпараттарды жинақтайды;
• Бейнематериал мен берілген ақпараттарға байланысты ой түйіндейді;
• Дәптерінежазып алған қажетті ақпараттар арқылы кластер түзеді;

Бағалау критерийі:

• Жауап толық әрі нақты - 3 балл
• Жауап көп, бірақ жинақы емес - 1 балл
• Жауап жинақы бірақ аз - 1 балл

2-тапсырма. Жеке тапсырма.

Махамбет өлеңдерін талдау.

Дескриптор:

• Берілген өлең шумағын оқып, мағынасын ашады;
• Өлеңдегі автордың ішкі жан күйін анықтайды;

Бағалау критерийі:

• Жауап толық әрі нақты - 5 балл

3- тапсырма. Жұптық тапсырма. Вен-диаграммасы арқылы

Махамбет пен Наурызбай батырды жыр шумақтары арқылы салыстыра отырып, қазіргі таңдағы батырлармен ұштастырады.

Дескриптор:

• Махамбет пен Наурызбай батырды салыстыра жазады;
• Екі шығарманы салыстыру арқылы тақырыбы мен идеясын анықтайды.
• Қазіргі таңдағы батырлар туралы өз ойын айтады, және алдыңғы салыстырумен ұштастырады.

Бағалау критерийі:

• Жауап толық әрі нақты - 5 балл

4-тапсырма. Топтық тапсырма.

І топ. «Ойланыңыз». Махамбет Өтемісұлының өмірі жайлы оқулықтағы мәтінмен таныса отырып, жоспар құрыңыз. Махамбет жырларындағы қанатты сөздерден мысал келтіріңіз.

Дескриптор:

• Махамбет Өтемісұлының өмірі жайлы жоспар құрады;
• Махамбет жырларындағы қанатты сөздерді айтады;

ІІ топ. «Зерттеңіз». Махамбет Өтемісұлының шығармаларының тақырыбы мен идеясын зерттеп, өз ойларыңызды айтыңыз. 1 шумақ өлеңін жатқа айтыңыз. Махамбет туралы жазылған әдеби шығармалар туралы ақпарат іздеу.

Дескриптор:

• Махамбет шығармаларының басты тақырыбы мен идеясын анықтайды;
• Көмекші құралдар арқылы Махамбет туралы жазылған әдеби шығармаларды авторымен сәйкестендіреді.
• 1 шумақ өлеңін жатқа айтады;

ІІІ топ. Талдаңыз. Оқулықтағы «Ереуіл атқа ер салмай. . . » өлеңіндегі ақын тілінің сөздігін құрастыру. Өлеңдегі көркемдегіш құралдарды табу.

Дескриптор:

• «Ереулі атқа ер салмай» өлеңіндегі сөздерге түсіндірме береді ;
• Өлеңдегі көркемдегіш құралдарды табады;

Бағалау критерийі:

• Жауап толық әрі нақты - 10 балл

Кері байланыс: «Өрмекші торы» әдісі арқылы

Қойылатын сұрақтар:

1 топқа « Махамбет Өтемісұлы туралы не білесің?»

2 топқа «Махамбет өлеңдерінің өміршеңдігі, құндылығы неде?

3 топқа « «Бүгінгі сабақтан сен Махамбетті қай қырынан тани алдың? Махамбет қандай ақын?»

Үй тапсырмасы: «Туады ерлер ел үшін» тақырыбында Исатай мен Махамбеттің батырлығын негізге ала отырып ой толғау жазу